鴨仔坑士多

Open Now

Now Closed

網上介紹，三五知己就約出來，遊車河來到。過左流浮山，都開左好一段路，路邊狗仔好得意，唔怕車仲跟住車。招牌好大，都易揾到門口的花都好吸引。 可惜下雨，我地唔可以坐出面露天。 最初不比我地坐入面，話有人包左塲，但都無人。 外面有無頂棚，唔通淋住雨食 好彩有个似係老板的人，叫我地入塲內坐。 供應餐的好似小食部，收銀及點餐取餐對住外面露天，背面响室內塲，推開窗室內就可以取塲。其實都可以响室內那邊點餐，卻要我地行返出去外面點餐付錢只賣公仔面，公司三文治，小食及飲品，有點失望。 隨便點了一份公司三文治及4杯咖啡。 都等左超過10分鐘，因景觀開揚，下住雨天氣順舒，有點耐性等著。 三文治係即煮，好熱及新鮮，味道唔錯。咖啡係煮完兩杯，煮再杯。 但值得等下。這裡好似還在自己裝修及開拓環境。遲下可能會仲好點。

約了一班鐘意攝影嘅朋友，在元朗泰豐街乘33號小巴出發，約需30分鐘到達鴨仔坑。去賞日落嘅好位置之前，到附近呢間鴨仔坑士多hea一陣。這處有特色嘅用餐區，露天環境下，木枱佈置，充滿東南亞風情。距離日落還有三個小時，就決定先係呢樹hea陣。欣賞日落美景前，先到鴨仔坑士多嘆吓咖啡($25)，係大自然嘆啡，真係賞心樂事，咖啡味道都過得去。另外，望入小木屋會發現裡面放置著唔同種類嘅藝術品，遇見一位好吹得嘅當地導賞人(員)，好有時間同耐性去解說給我哋聽，等我哋對物料及歷史認識。 當日天氣超級好，日落美景就在眼前。

今次同成班同學仔同家長們去燒嘢食，人數差不多有70人，所以要book場。有人提議到下白泥「鴨仔坑士多」，開始的時候聽到個名以為是一間普通的士多再加幾個燒烤爐，而且路程遙遠，對於駕車人士會比較方便。去到目的地，環境非常優美，有蓋燒烤的位置已放好枱櫈，小朋友可以在室外的大草地玩樂。每張長枱上會有兩個燒烤爐，讓我們可以自助式燒烤。燒烤食品的種類很多，服務員玩一盤盤的端出來。最吸引的是海鮮，包括有帆立貝，大蝦，鰻魚等。其他食物種類亦非常豐富，我們差不多由頭燒到落尾，吃得飽足。🤤食完，還可以欣賞日落🌄

食物是一般士多食物，不過在那裡能嘆地道既小食同埋睇下白泥既日落，很棒。回程時因為等左兩個鐘都無車，我同男朋友開始行到水蛇春咁長，走到某個位置無啦啦殺出一隻唐狗，本黎就黎比狗咬，巧遇老闆及老闆娘在公路上比我地坐順風車帶去廈村轉乘其他交通工具出番元朗。食物好食，佢地人情味都極為濃厚。希望大家去下白泥時都可以支持呢間小店，試下佢地既公司三文治，抵食又靚景，幫助佢地早日恢復被山竹颱風吹倒既店面。多謝你們！

天不造美陰陰天，都要感恩無落雨既。跟著士多指示續步續步走向海邊視察一下，沿途州客眾多，真係無處不在！經過草原、田野、森林、水坑，走過鐵板橋到達目的地。灰灰的天，空空的海，沒什麼好看！沿途最多就係垃圾、膠樽、煙頭、零食包裝，請愛護大自然，帶走您地既垃圾！其實我係想去下白泥海邊強記或勝記士多呀，誰知賣茶果庶汁位嬸嬸點左我地轉右行到鴨仔坑海邊呢，左邊先係下白泥海邊，陰功。由屯門良景邨出發，跨越幾個山頭，花了兩個半鐘走到鴨仔坑完成旅程，係時候醫飽肚仔搭小巴返屋企喇。雖然叫做士多，但好明顯係燒烤場，眼見仲包埋木屋仔可以休息喎，還可以帶寵物進場添。環境骨子企理又乾淨，坐得舒服，不過洗手間要用街外公廁，衛生認真麻麻。食物種類不多，出前一丁、福字米粉、午餐肉、煎蛋、腸仔、燒賣、魚蛋、芝士、三文治。魚蛋，質地索索聲的假魚蛋，極度討厭。居然會係南乳味既魚蛋，從來未試過，奇怪得黎又十分有趣噃。味道 1 分，創意 1 分。腸仔太陽蛋出前一丁，無限丁麵的詛咒！行山走到老遠，最終又係出前一丁。依條腸咪係大陸太陽牌廚師腸？又硬又咸架囉。即煎太陽蛋正呀！浸到蛋黃暖暖地再入口更好食，黏黏滑滑，蛋黃甘甜無比搭上焦香蛋白，

早前睇見介紹就想去下白泥影相，兩個九龍路痴好不容易揾到搭去Van仔但是唔識落車去到總站，由入面再行返出來問過路先揾到衣間士多，衣間士多簡直係等日落前好去處，士多可以話係分兩part,一邊買嘢食一邊有草地可悠閒休息。食物方面係一般山卡拉地方必備嘅魚蛋燒賣薯片公仔麵來到衣啲地方我有公仔麵情意結，必食公仔麵😂啲食物價錢唔算貴，樽裝可樂都係8蚊下次來要食公司三文治，我見都幾多人叫同大大份，唔錯咁。食完嘢去另外一邊坐，有一排木屋影相位，木屋前面有比人休憩嘅枱椅，衣度可以比狗狗入，係同🐶交遊好去處最前兩間木屋有展覽睇，下白泥日落照片。喺間士多出去右手邊直行就係日落景點。士多係等日落好去處👍🏻