Applegreen - Beef & Vegetables (Closed)

過左年成個月來個大團拜一行15人有大人有小朋友~要搵個地方啱小朋友有得玩有得食真係幾難~最後搵到依間餐廳~睇人地d評語好似麻麻地多, 所以去之前都無咩期望, 唸住朋友聚下就算~點知比想像中好喎~一入去就見到條滑梯, 可以比小朋友放電~職員仲整左d好得意嘅汽球比小朋友~食物方面淨食沙律要$152/位, 以食沙律來講, 依個價錢真係唔平, 但係如果求其叫款主菜~沙律吧就可以任食我地6點就去到, 見到個沙律吧真係眼前一亮估唔到有禁多款沙律揀, 好新鮮同好多唔同嘅沙律醬汁, 仲有用有機蔬菜煲嘅雜菜湯~主菜大部份都係牛, 仲有闊條麵, 漢堡包同兒童餐揀~味道都唔錯~不過如果傾計談心就唔太適合, 因為d小朋友都幾嘈XD

大夥朋友想趁農曆年假約出嚟一聚，因為有小朋友，想搵間有kids corner之類嘅，就搵到呢間。呢度有個小滑梯俾小朋友玩，好多客人都係帶埋BB或幾歲大仔女嚟親子咁。不過食嘢嗰邊啲通道頗窄，如果啲細路走嚟走去其實唔係咁好。同埋廁所冇地方俾爸媽幫BB換片，算係配套上嘅缺失。講返嘢食，點晚餐可以去salad bar任攞沙律。Salad bar選擇不少，食材都好新鮮。主菜菜單有啲項目我就有保留了。一百幾十蚊食個白汁雞皇飯或焗豬扒飯，點都說不過去。又或者呢個牛柳紅飯，啲牛好韌又冇味，好唔掂反而二百幾蚊叫個6 oz肉眼扒，肉嘅質素就幾唔錯，仲可以配個小焗飯、意粉或松露薯條，算有驚喜總之啲嘢有好有唔好，拉勻嚟計咪一般般囉。

從前很喜歡食Apple green 嘅 pizza and salad ,所以今日想唻懷緬一下，點知原來 Apple green 已轉型，菜式同以前完全不同，而家好似食半自助餐咁，選完主菜，就可以去個自助沙律吧。自助沙律吧選擇不多，大概有8款菜及生果(生果只有菠蘿片)，2款醃肉，6款醬，少量餐包. 雖然選擇不多，但所有菜都很新鮮，而且選擇多樣化，有焗薯，嫩菠菜，連羽衣甘藍都有。其中菠蘿片係用新鮮菠蘿，但切得太薄，冇乜口感。主菜以牛肉為主打，另有魚同雞，叫了肉眼同雞漢堡包餐，份量都幾足，但個人認為味道一般。雞漢堡味道一般，值得一提係漢堡主要係雞胸位，一啲都唔肥膩，配合餐廳嘅形象，另外跟餐嘅薯條好多，但切比較幼，好易斷之餘，又冇乜口感，同 McDonald薯條差唔多，但比McDonald 賣貴咁多，真心覺得唔抵。肉眼跟餐有黑松露薯條，但只聞到黑松露香氣，食落完全冇味，唔係咪可以以商品說明條例投訴。座位很寬敞，兩個人都俾四人卡位。整體來說，食物質素可以，但以它嘅價錢，我期望更好嘅質素，可能沙律吧成本高，所以主菜質素一般。

Yes, I went there since most hotel buffets are very expensive during this season.Just expected to be noisy. But Hong Kong children are still polite and have their courtesy. So the environment is still tolerable for a one-person meal, if you wanna to share your secret with your friends then I recommend you go upstairs to R&B.Ordered the Russian stroganoff as I am a bit hunger and I missed my hometown's cooking style. The quality and size perfectly feed me up.The salad bar is fresh and has various

半年前曾經幫襯過呢間食點晚餐，環境舒適度甚高，好有悠閒西餐廳風貌，靠門的一排落地窗很有雅逸感覺，還記得當時點既係薄餅同意粉，味道係西餐水準之作，所以今次朋友生日，3個人食打算食西餐，於是就再度光臨此店。一出𨋢，呆一呆，見到餐廳對出好多細路係度玩滑梯，以為去錯左樓層，再三同侍應確，無去錯食店，望真啲，裡頭餐枱無變，係門口位置所有餐枱拆了，換成木製滑梯俾小朋友玩，環境有變才認不得。當晚為數8個小朋友玩，幾嘈下，不過既然來了，都不打算再另覓餐廳，就選了最入位置坐下。望下餐牌，原來也轉了，沒有最回味無窮既薄餅，不過餐牌上話點一個菜就可以享用salad bar，望見餐牌無啥選擇，唯有選了比較大路既漢堡包，意粉同墨西哥薯片脆脆，以免中伏。大路之選的確保本，雖無驚喜亦無中伏之感，不過不失的一般西餐菜。喜歡食沙律的人，salad bar好多選擇，大約8款選擇。整體來說，環境的確舒適，燈光柔和閒適，用餐坐得闊落。如果有小朋友的，大人要聚餐呢度會係個選擇，因為大人食野，細路可以係門口位置玩滑梯。眼見當晚有兩枱大人自己食同朋友歡聚傾計，細路就自己玩。但食物就不過不失，整體一般，不差卻不會令人回味

I really want to try for a long time. finally, I come here on a weekday afternoon for the oz sirloin and salad bar. the food is exceptionally great. this is only place u can get a decent western style steak with salad bar in TST for lunch under hkd160. salad bar got soup, facaccia, and 8 types of salad and salad dressing. it also serves sliced salami han and paramgino cheese at the salad bar. Really love it. today soup is simply veggie soup. comfort food to soul.the steak serve on cast iron ski

❌環境吵到癲❌食物唔熟、苦味重❌白鴿式服務❌選擇少呢間未轉餐牌前幫襯左好多年，由大學時期食開，之前平靚正坐得又舒服，點知轉左餐牌之後……中晒伏……1/ 環境嘈到癲一入餐廳多咗個兒童遊樂區，十幾個小朋友追逐，吵到拆天，大家講野愈講愈大聲，完全傾唔到計，全晚嘅對白係："你講咩話？"……"你講多次"……"大聲啲"……"😂"2/新餐牌食物好一般墨西哥脆脆都還好，但個炭燒豬切開有血水，唔敢食、叫佢幫手叮翻熟🤢再落嚟，個豬好重苦味，好似直接親吻緊d炭💀救命……嚇到我地即刻想埋單走。d青檸、檸檬都係一早切定（或者係特登風乾？），揸唔出水😱 揸得出既少少汁，d味都好唔新鮮……好伏，真係好伏。之前食開嘅小食無曬、餐牌凈係得返主食（扒/飯/粉），主食2/3係牛，除咗牛就冇咩好食，唔再啱做聚餐落腳點。3/服務態度白鴿一個朋友遲到，未齊人諗住叫住少少嘢，邊食邊等，但無小食叫，淨系得主食😂是但叫住兩個餐先啦，服務員慌死我地叫兩個餐坐一世，不斷催我地落單："你哋叫主餐，沙律吧可以任食架，隨便食啦"……"最低消費每位$128，你地唔食，都會計多兩個沙律吧架"……係人都知，食咗沙律吧，就飽晒啦，黎食沙律吧放題咩……同

好開心呀可以係市區搵到間任食沙津吧剩係睇相已經覺得夠吸引行上去個環境已經好靚落地玻璃透光 全間店以木為主係市區搵到間咁悠閒既餐廳真係好我地兩個人叫左一個only salad bar,加一個漢堡餐其實叫餐係好抵 加左廿蚊就有成個餐！但我地想食沙津驚叫太多食唔到沙津好新鮮好多款色味道都唔錯仲有芝士，辣肉腸，蕃茄湯，意式香草包沙津醬仲有好多選擇飲品叫左杯蜂蜜綠茶唔好以為咁普通 點知好有驚喜成杯都係綠色 飲落唔似出面日本餐廳個d係真係香綠茶味英式早餐茶都係咁啦冇咩特別主菜到喇係漢堡薯條本身已經好香好脆口加埋佢d調味粉真係好好食我戎左薯條好耐都忍唔住食個牛肉漢堡好多汁好正塊芝士好香 加分加分埋單2個人唔洗200蚊有菜有肉有野飲 好抵食👍🏻見到隔離食鐵板燒牛肉 好香下次再黎試過！

肉類味道偏咸，質素中規中矩，價錢不便宜，反而沙律bar 非常驚喜，有吃菜比吃肉和飯麵更滿足的感覺。小朋友玩樂區很精彩，但太多小朋友了。感覺上以前的AppleGreen 較為好味。

有小朋友所以去試下,因為餐廳入邊有個細少的play area。我和朋友各自都有叫牛吃。自己叫左肉眼。佢鐵板上賣相都ok。 但一吃好咸, 什麼味都吃不到,只有喊味,好差,好難食。 另外叫左個焗豬排飯,一樣咁咸,難食。朋友另外叫左個意粉,佢都話好咸。我唔明點解所有野都咁咸咁難食。我自稱都比較無要求,d野食普遍都放到入口,但今次食左兩啖真係想就咁放響度唔再食。唔會再去食。btw, 個口咸到果晚係咁飲水。到第二日個口都仲好(掛)。

3大兩小去食, 小朋友最緊要要有得玩, 呢樣絕對滿足到小朋友.但食物來説, 真係偏鹹! 唔知係呢間Applegreen 嘅特色, 定係當晩我哋點嘅食物有問題。我哋點咗牛柳(6 oz $188) 跟海鮮飯、兒童餐、三文魚闊條麵、雞王飯同雲呢嗱雪糕with brownie. 點主菜包埋自助無限次添食salad bar 佢得1款甜品, 無選擇同埋要等約15分鐘！但都好味，可以幫我哋插蠟燭無自己帶生日蛋糕, 因要收切餅費牛柳、兒童餐嘅薯條、雞王飯同三文魚闊條麵都太鹹! 除此之外, 都算好味, 尤其是份牛柳埋單約$680如果再去, 可以唔點個兒童餐, 份量會啱d. 另外, 希望食物可以無咁鹹! 小朋友只會求其食, 因為一心要去玩滑梯, 睇圖書! 要讚佢個 play area 感覺好乾淨

同女友屋企人食飯，咁因爲呢間有個類似兒童樂園的設施，咁所以先揀呢度！咁呢間野都係專食扒，咁就諗下食咩，我就要西冷、女友要三文魚pasta、家姐要肉眼、家姐男友要安格斯肉眼！好啦落單，點知冇得揀幾成熟、冇得轉碟上一定要鐵板，已經有啲覺得唔對路！跟住黎到已經切好晒，已經又再灰一灰，跟住一食落去，已經完全失望，咸得過份同埋完全冇牛味，咁即係話啲肉唔新鮮！唯一好既係佢個沙律吧，但其實全部唔合格，唔會再食！

兩個月內已經幫襯左3次menu有牛扒、豬扒、意粉、三文治等等點左呢啲食物都可以有任食免費沙律吧如果胃口比較細嘅朋友可以選擇淨食沙律吧，都係＄128加一如果三四個女仔來，可能只係叫一兩個主菜，其他人就可以叫沙律吧就夠啦因為沙律吧嘅選擇好豐富，所有蔬菜都係非常之新鮮，唔會有啲爛菜或者生銹菜兩碟沙律其實都好飽肚有羽衣金蘭、薯仔、兩種cold cut、芝士、鮮菠蘿片、baby spinach、紫薯南瓜...湯有一種、試過是蔬菜湯或者忌廉湯，唔係特別好飲主菜方面，我試過沖繩豬扒同埋西冷，都係好好食室內有一個兒童area，可以比小朋友放電

約了大小朋友聚會， 朋友建議去呢間Applegreen. 新裝修後有玩樂返設施給小朋友放電。約好時間致電餐廳訂位， 早午晚咩時間都打過，打左7次都冇人聽。既然都想試就照去啦。12點10分到，一出已經見到唔少客人，心知不妙。上前問侍應:我: 沒有訂位的，請問是否沒有位？侍應: 冇訂位嘅冇位嫁。我: 琴日一直打電話黎都冇人聽。冇位唔緊要呀，都要聽電話。唔使白黎一場。侍應: 我地有聽電話，係聽唔到你個電話ja ma。我: 我打左黎7次， 咩時段都有打都冇人聽。侍應: 就算我琴日聽到你電話，都係冇位ga la. 一星期前已經滿左。因為朋友未到，我一個人坐係waiting area whatapps 問緊轉去邊到食。同一時間，有2位大人加1位小朋友都係walk in , 但同一位侍應帶左佢地入去。我上前問那位侍應:我: 我剛才問你冇book位係咪冇位， 點解呢2位可以入？侍應: 佢地2位 ar ma, 你幾多位?我: 你都冇問過我幾多位， 就已經直接同我講冇。侍應: 咁你幾多位呀？你都係2位咪俾你入。你好生意，可以咁ge態度。我祝可以一直有咁好生意。

之前經過彌敦道佢門口有個架寫住＄79沙律吧，已經好想試，終於今日平日放假走去試下！估唔到平日都咁多人！位置：超方便在彌敦道，又易搵在山林道附近，由佐敦站C出口行幾分鐘就到！環境：有親子區，小朋友可以玩滑梯，見到小朋友好開心，室內區域，較應聲，流通一般，不過有卡位都OK食物：沙律吧度驚喜有些係有機的蔬菜及湯！實在太抵喇！款式都唔少，至於食午餐SET，都係百多粒，又包沙律吧，抵食！仲有佢有草飼同埋穀飼牛提供，寫得都清楚，好欣賞餐廳呢一樣野。員工：服務態度一般，午市好多人，職員唔太多夠，又做唔停手，所以有時你嘅要求要等下，笑容都麻麻。我們2個人，我選了淨吃自助沙律吧，配餐飲 ＄78, 朋友選了燒澳州草飼肉眼排6OZ, 連沙律吧及餐飲。自助沙律吧，配餐飲 ＄78： 佢沙律吧幾吸引！款式算OK！主要有幾樣－ 湯：是日為有機蔬菜湯，有蕃茄紅紅的及加了唔同什菜－ 麵包：我鍾意佢嘅包唔係白面包咁簡單，是日係Rosemary Focaccia with Sea salt，最愛rosemary獨有香味！只可惜係凍，如果有得烤熱，更美味！－ 芝士： PARMIGIANO 選擇，去食西餐芝士點少得！－ 風乾肉