Video
Read full review
2017-10-06
13943 views
之前經過彌敦道佢門口有個架寫住＄79沙律吧，已經好想試，終於今日平日放假走去試下！估唔到平日都咁多人！位置：超方便在彌敦道，又易搵在山林道附近，由佐敦站C出口行幾分鐘就到！環境：有親子區，小朋友可以玩滑梯，見到小朋友好開心，室內區域，較應聲，流通一般，不過有卡位都OK食物：沙律吧度驚喜有些係有機的蔬菜及湯！實在太抵喇！款式都唔少，至於食午餐SET，都係百多粒，又包沙律吧，抵食！仲有佢有草飼同埋穀飼牛提供，寫得都清楚，好欣賞餐廳呢一樣野。員工：服務態度一般，午市好多人，職員唔太多夠，又做唔停手，所以有時你嘅要求要等下，笑容都麻麻。我們2個人，我選了淨吃自助沙律吧，配餐飲 ＄78, 朋友選了燒澳州草飼肉眼排6OZ, 連沙律吧及餐飲。自助沙律吧，配餐飲 ＄78： 佢沙律吧幾吸引！款式算OK！主要有幾樣－ 湯：是日為有機蔬菜湯，有蕃茄紅紅的及加了唔同什菜－ 麵包：我鍾意佢嘅包唔係白面包咁簡單，是日係Rosemary Focaccia with Sea salt，最愛rosemary獨有香味！只可惜係凍，如果有得烤熱，更美味！－ 芝士： PARMIGIANO 選擇，去食西餐芝士點少得！－ 風乾肉
位置：超方便在彌敦道，又易搵在山林道附近，由佐敦站C出口行幾分鐘就到！
環境：有親子區，小朋友可以玩滑梯，見到小朋友好開心，室內區域，較應聲，流通一般，不過有卡位都OK
食物：沙律吧度驚喜有些係有機的蔬菜及湯！實在太抵喇！款式都唔少，至於食午餐SET，都係百多粒，又包沙律吧，抵食！
仲有佢有草飼同埋穀飼牛提供，寫得都清楚，好欣賞餐廳呢一樣野。
員工：服務態度一般，午市好多人，職員唔太多夠，又做唔停手，所以有時你嘅要求要等下，笑容都麻麻。
我們2個人，我選了淨吃自助沙律吧，配餐飲 ＄78, 朋友選了燒澳州草飼肉眼排6OZ, 連沙律吧及餐飲。
自助沙律吧，配餐飲 ＄78： 佢沙律吧幾吸引！款式算OK！主要有幾樣
－ 湯：是日為有機蔬菜湯，有蕃茄紅紅的及加了唔同什菜
－ 麵包：我鍾意佢嘅包唔係白面包咁簡單，是日係Rosemary Focaccia with Sea salt，最愛rosemary獨有香味！只可惜係凍，如果有得烤熱，更美味！
－ 芝士： PARMIGIANO 選擇，去食西餐芝士點少得！
－ 風乾肉腸： Spicy Salami，充滿咸香油香，辣辣地好好味！
－ 沙律： 有5款沙律選擇，是日我鍾意佢又有煮左嘅甜辣椰花，又有唔同沙律菜，仲有大熱嘅羽衣甘藍！再配一些飽肚的如南瓜，紫薯，薯仔等，蔬菜新鮮鮮甜，已基本加入左調味，有些加了芝士，味道清新又夾味！佢有加入左少少水果，如菠蘿，番石榴，是日菠蘿唔似罐頭貨，仲要超級甜！沙律算好多選擇！
－ 水果： 有原個水果俾你拎，如香蕉，蘋果！
－ 調味沙律汁： 有好多款俾你手揀！各可挑所好！
燒澳州草飼牛肉眼排6OZ, 連沙律吧及餐飲 ＄138
朋友叫左草飼牛，全因近日都興食草飼，佢奧米加3 豐富，有優質的脂肪，又無咁肥！真係好喜出望外，不過你要預扒無平日穀飼牛咁有油花同會鞋少少，不過佢肉味都好濃，仲有薯條同吃，香香脆脆，很滿足的一餐！朋友都有食左1 ROUND 沙律！！！！
叫埋餐飲2杯咖啡，好完美的午餐，價錢又抵食，又有機又有營養，我會再黎呀！
Other Info. :
如果佢自助沙律吧，沙律醬汁有標明成份，會更好！通常食得有機同注意健康的，對成份都重視。
(The above review is the personal opinion of a user which does not represent OpenRice's point of view.)
Post
