阿波羅

Open Now

Now Closed

阿波羅作為童年回憶，今次經過，就去懷念下！夏天出咗季節性嘅西瓜味，咁就試吓西瓜乳酪雪糕啦！睇住佢將新鮮西瓜肉放入機，攪一攪，就形成咗西瓜乳酪雪糕啦，好神奇！員工姐姐仲超級好人，好有技術地，吱左一個6層高嘅雪糕俾我☺️ 可能呢種就係屋村店舖嘅人情味🥰 全天然嘅西瓜乳酪雪糕唔會有好多人工糖，唔會太甜，識落口感覺上都健康啲，食雪糕嘅罪惡咁都會低d🤣雖然價錢比普通雪糕較貴，但係以佢嘅味道同埋天然成份尼講，都係值得嘅！

《阿波蘿乳酪》由於我有童年遺憾症（我自創既病名，姐係童年時好多野都無試過而搞到無回憶）好可惜，所以我依家決定臨老補獲，逐一逐一試返。今次！就試左朋友話「根本無可能無食過既童年回憶————阿波羅乳酪！」😂😂救命，我今次真係第一次食😝我童年時期究竟發生咩事，失憶咁款，好多都唔記得，甚至未試過😖阿菠蘿既乳酪做法同我見其他乳酪專門店既做法係完全唔同既，係將啲雪到結晒冰既水果+乳酪放進大攪拌機度打碎後再混合，不出5秒，有得食啦😆😌我選擇左士多啤梨+藍莓味，整杯乳酪水果味濃，甜中帶酸，但又欠缺乳酪應有既乳酪味，似雜莓雪糕多啲～而且質地冰感，帶點點水果既纖維，有啲打唔夠碎都係件好事，增加口感，大大杯夠2個人share👏🏻☺️一個人獨食會咳咳or肚痛（其實係我會，玻璃喉嚨+玻璃肚），溶化速度亦合理整體而言，幾得意吖，唔錯吖，但CP值不高，略貴（哎，諗諗下又唔算貴，約$35)，味道未見驚喜，但試下都無妨既😁🎉又收集左多一樣童年回憶✌🏻️✌🏻集郵尚未成功；同志仍需努力💪🏻 ·最後，套用幾位朋友說話：「你地唔係未食過啊？妖！都無童年回憶既！😒😒」

28-4-2013(日)♬ ♪ ♩♭～ 小小的宇宙，歡欣的宇宙 。。。～♬ ♪ ♩♭你的童年回憶裡，曾經有著它嗎？♬ ♪ ♩♭～ 蹦蹦跳，哈哈笑，是我小時候！～♬ ♪ ♩♭是日宵夜，是較早前在 阿波羅 店舖買下的 Monaka 雪糕，這款雪糕是我兒時最喜歡的雪糕 。那時候只有雲呢拿味，後期再加入朱古力味、朱古力雲呢拿味、紅豆味及意大利芝士餅味等，現在市面上很像已沒有紅豆味再售賣了(還是我較少見到呢？真的不太清楚。。。)打開包裝紙， 它外型像一個夾餅似的，分成厚厚的八小格，每小格都填滿雪糕。是次我選的是朱古力味，外層一個是不脆的威化餅，反而更有嚼勁，入口頗有口感；除雪糕外，內裡還藏著粒粒的小朱古力粒，之後會慢慢嚐到奶香，奶味也頗重呢！吃完整件後， 那種冰凍的感覺，彷彿能即時凝住內心的快樂，非常舒暢！ 我還一邊在吃著，一邊在 openrice 寫下這個食評，這是多麼愉快的一夜！阿波羅，謝謝你！ ♬ ♪ ♩♭～真的我，真的你，唔係小木偶 。。。～♬ ♪ ♩♭在我心中，你永遠都是帶不走、抹不掉的美好回憶。。。