Aqua Spirit (Moved) New Location

It always the place with the best harbour view in hong kong. Grabbing a drink and chit charting with your friend with a signature cocktail from aqua. The people are so friendly here as well. Will certainly visit the bar again.

之前同朋友嚟過慶祝生日有私家房一圍話無敵海景呀食嘅日本菜式都真係好正好新鮮佢係有fusion菜食嘅有意粉呀壽司咁樣同場有燒夠幾個level都喺度食嘢感覺嗰個service好好嘢食都係啲貴價路線囉人頭圍返每人過一千蚊不過間唔中有海景睇食高級餐廳都係ok嘅我都交通唔係太方便對於我呢啲冇揸車嘅人嚟講要搵都係麻煩啲嘅 如果想包房慶祝生日呀有私人空間呢度就真係一流啦

第一次寫食評，因為真係食得好唔開心好唔開心好唔開心！ 我同男朋友周年紀念，一去到原先已經book咗位，但去到又要再等位，不過唔緊要啦，都冇乜所謂！入到去想嗌一支酒先，每一個waiter都係睇你唔到,係扮睇唔到! 見你舉手，會個頭識得反方向望去另一邊，直情開口叫停佢就話你等等先，幾經辛苦叫到嘢食，食物OK啦，不過不失的！其實食一餐開心嘅飯，除咗嘢食好食之外，都希望至少係食得開心....不過絕對可以食到成肚氣！睇我哋枱有個侍應，金色短髮叫Esther, 佢係真係神級冇禮貌！係我哋未食完嘅時候，諗住再想加多一樣食物, 叫咗其中一個侍應比餐牌我哋，比餐牌嘅嗰位侍應完全冇提過Last order ! ！我諗我哋睇咗10秒都冇，呢一位Esther 9秒九衝過黎話，佢哋已經last order, 如果係叫嘅話要而家立即，即刻，決定食乜嘢！跟住我男朋友好禮貌咁同佢講: OK ,one minute 跟住佢好堅定ge回應: NOW. I said NOW! 嗰個眼神同語氣凶狠到，好似命令緊我哋咁！跟住我地都係同佢講：SORRY咁唔要啦！根本都未開始睇本餐牌，佢已經用命令式，好冇禮貌嘅語氣！其實AQUA

因為喜歡Aqua的環境同氣氛都所以都已去過多次, 今次就人小小三位坐圖枱。坐低後因為有位外籍經理認得我所以有主動過來跟我打招呼及偈了幾句, 經理態度友善全晚亦很helpful今次我們點了刺身拼盤, 日本和牛暖沙律及我最喜歡的日本和牛刺身, 油份剛好,入口綿滑, 朋友第一次食亦大讚美味另外點了水牛芝士意大利風乾火腿薄餅, 黑毛配青蘋果泥, 鱸魚配椰菜花, 海鮮海膽炒飯, 另外待應介紹了瓶清酒, 入喉十分香甜順滑大家都很喜歡, 最後每人再一杯cocktail cosmopolitan 🍹

第一次去係樓下行左一個圈先搵到入口上去大堂，之後轉升降機上30樓，去到酒吧門口介有一天好似天國的階梯要上，上到去表面睇落地方好似好大，但當望真小小就會發覺因該牆身用左玻璃令到個空間感變大左，不過上到去酒吧唔知係因為太黑無人睇到定點，無人理過我地，於是自己去搵位，坐底左5分鐘都係無人理我地，連舉手都無人理，要用枱面上個燭台先有人過來，酒水就無咩特別都係大唔野，價錢都可接受但同街鋪比當然較貴，室內環境就一般般，望出外面風景算幾好，但望維港個面就差小小，因為中間有段距離。

已去過多次的靚景餐廳，因為今次有13人晚餐所以我們訂了Private room ! 入到玻璃房見到三面無敵維港海景我們先點了各款刺身,生蠔都很新鮮,當然大家都未夠喉我們再點了多份壽司, 和牛剌身, 牛扒,  黑毛豬, 羊扒, 雪魚, 龍蝦海鮮飯, 及多款意粉, 還開了六瓶紅酒🍷享受了三個多小時的美景和優質食物的晚餐，大家都大滿足 

訂枱接電話的外籍reception語氣差又沒有禮貌食飯當日亦沒有致電我confirm booking,但食飯當晚餐廳內的服務員大部分都有禮及細心,不時留意我地有無其它需要。當晩我和朋友兩人先order了兩杯cocktail及毛豆, 生牛肉刺身, 牡丹蝦, 鯛魚sashumi同叫了一支白酒, 之後再點了龍蝦意大利飯及羊架! 晚餐後再上了上層飲了一支白酒! 滿足!!! 整體來說 餐廳食物味道不錯,只是白酒唔太夠凍! 餐廳音樂聲量亦適中有氣氛!

呢間酒吧令我印象好深刻，因為維港夜景實在太迷人，呢到可以邊嘆酒邊睇景！上酒吧條樓梯已經好靚～外望維港景色，真係好寫意～Cheers! 呢到既酒價錢都唔算好貴，而且可以睇到咁靚景，絕對值得！

自從有了維港laser show， 很多遊客都想看一看， 今次包括我的日本客人，哈哈😅😅😅。7點45分已來到， 可惜也沒有玻璃位， 不過唔緊要地方很大亦歡迎你行前玻璃位企著看。這個吧 的位置 貫穿南北兩面， 既可看到維港景色 亦可看不變軟質旺角朗豪坊， 全無遮隔。飲品唔算太突出都係一般cocktail， 價錢大約160蚊杯。來時枱還有上一個客的飲品水漬， 感覺有點不自在

同朋友食完飯，想搵個地方傾下計，在附近搵到呢間。一早已知道係食景的酒吧，沒想到8點30來已給有不少人。我們一人點了一杯mocktail, 朋友叫ArtHouse，另一杯忘了名字。兩杯味道都很好，ArtHouse 我個人更喜歡一點。我的那杯有薑啤，味道充滿果香，酸甜美味。酒吧附上小吃，花生香脆。我們沒有坐近海景的高枱，因為有最低消費每位300，下次可以來食飯試坐一下，影相一流。可惜成個環境人聲加強勁既音樂都比較嘈，如果真係想傾計要搵另一個地方。

Perfect venue for an evening cap, this bar has a breathtaking view of both Victoria Harbour and Kowloon on either sides! Best to visit this place at sundown to get mesmerized with Hong Kong sparkly lights. The place is conservatively lit to set the mood. They offer a wide list of wines for tipsy-fun night. Somersby apple cider is recommended for drinkers of a different kind and for those non-alcoholics, ginger beer would surely get the game going.

同班舊朋友約飲酒，貪就腳，佢哋朗廷酒店食完飯，去北京道一Aqua Spirit飲嘢，正路丫。搭𨋢上29樓，行上30樓，well，門口齋企，冇人理我哋，企咗5分鐘，自己一行五人搵位坐，「家一樣的感覺」，自己招呼自己，幾好丫。成班人咁耐冇見，梗係狂吹水，邊吹水邊叫waiter同「服務員」（普通話），用齊好雙語，一樣冇人。自問飲嘢都唔少，飲酒地方用Starbucks式招呼，真係第一次見。一行5人，嗌咗枝白酒，2000零蚊落樓，好朋友好酒好景，如果改做自助報務就仲吸引。

朋友入住北京道的朗廷酒店，於是約她去這間就在朗廷酒店對面，北京道1號的Aqua Spirit，邊看夜景、邊聚舊。沿扶手電梯上電梯層，所有的電梯最高都只能前往29樓，必須在29樓出，再行樓梯上30樓。我們兩個是晚上8點左右到，另外一個朋友過了20分鐘才到，那個西裝革履、南亞裔的經理，堅持要齊人才可以入座，沒辦法，我和友人依著吧桌等了20分鐘。這裡的飲品不過不失吧。我點了杯mojito，而朋友點了特色cocktail，其實醉翁之意不在酒，這家店最大的賣點是兩側的落地玻璃，幾乎所有座位（吧檯除外）都可以看到尖沙咀的夜景，一邊是經典的維港夜景，另一邊雖然是尖沙咀的街景，但遠眺可以看到ICC和青馬大橋，氣勢磅礴。旁邊有情侶、遊客、慶生的朋友、用餐的家庭，也有獨自在吧檯靜靜喝酒的，總之這裡適合各式各樣的客人，只不過要有等位的心理準備！

久仰「阿水」大名以久，傳說中的溝女勝地，但今晚真的太晚才上去，維港對岸有點燈飾已關上，不然更美。音樂是有點大聲，價錢也有點高，但一生點都要豪一次，四人share一支6XX的酒也不算太貴。

Weekend同朋友試試aqua個brunch set，因為上網訂咗枱，所以有個好靚嘅海景，如果夜晚上黎飲野，對住個維港夜景應該都好正！頭盤首先黎左一盤好精緻嘅壽司；然後係自選配搭benedict，我地仲加咗任飲champagne，飲得好開心！炸蝦天婦羅好脆，牛柳粒煮得好林好好食；個松露risotto掛住食唔記得影相，係好香好好食的，又唔太漏！然後重點係個main course竟然係燒肉，雖然知道係fusion菜，但真係無預計會有燒肉！個皮係脆的，都好好食！最後係個甜品set，只能說幾款都好好食，唯一美中不足係個心太軟不太軟，無流心；值得一提係杯咖啡都好好飲，對住個海景食左好滿足的一餐，下次真係要夜晚上黎飲杯野chill下！