海家小品

Open Now

Now Closed

上星期三和太太到新光睇大戲，到這家小店叫左個下午茶，照燒雞扒飯和焗豬扒飯非常滿足及好味，因雞扒原件上非常大件又厚肉，焗豬扒飯，豬扒又大又多汁正。今日星期三又去睇大戲諗住食反照燒雞扒飯和焗豬扒飯，等了一陣，一睇個个飯，今次真係毫無誠意，重以為去錯地方，個雞扒同豬扒離哂普，件雞扒得上次三分一件细係一點，另一點火到黎係件雞扒和豬扒又乾又黑，俾狗都唔食，真係想問個厨師乜野叫雞扒和豬扒，同知吾知乜野叫雞肉乾和豬肉乾，總结餐牌幾正都無用，水準遠離應有水平，無下次

早幾日，正想行去红磡餐廳食個T，經過海家小品，原來下午茶轉了餐牌，好多款式及飽肚茶餐，但我只想蛇下，所以叫左我至愛吉烈魚柳(可以伴沙律或薯條)我緊係要粗薯條，等了约6分鍾餐到，俾以前快左，見到件魚俾佢嚇親咁大件，原來此餐加大左份量俾多左件魚非要常超值，但個沙律醬完全唔得非常普通，若跟他他醬就verygood總结大件夾抵

因為住得近，返工又係呢頭，所以前後都同屋企人食咗至少10餐以上，差唔多成個menu早 中 下午茶 晚都有嘗試過。首先係早餐，試過BCEFGH。B餐好味，牛肉質素感覺上比新x記好，而且價錢一開始27蚊都算平，不過近排好似加咗價，連同外賣加2蚊要3字，就無再幫襯過。C餐比少過一次豬扒，候補的豬扒好柴好乾，所以之後無再叫過。E餐係為咗試佢個忌廉炒蛋，味道算ok，但可能因為外賣所以蛋好老，而且底部有焦黃色，明顯火候過咗小小。F餐食過雞扒，第一次好驚艷，因為雞扒又嫩又滑又大塊，好juicy，點知今朝食第二次似係返炸過，又油又柴，非常失望。G餐非常中意，意粉唔會過淋，個湯都好濃郁，係分量少咗d，仍然推介。H餐我都中意，個肉燥味道非常啱我口味，湯底都清。下午茶都試過好多款，唔一一講了，重點講幾個。西多士非常推介，好味兼唔太油。G餐個白咖哩湯麵就真心雷，首先個麵係普通公仔麵，再黎個湯底我完全唔識欣賞，似係馬來西亞的沙嗲mix大陸康師傅公仔麵個湯包，總之我好唔中意。K餐個分量真心太少，同早餐的米粉一樣，加多4塊無味的茄子，覺得唔值個價錢，可能我外賣佢個盒default係咁大掛，同大家樂早餐加個米粉個分量

這晚第一次光顧，七點鐘，地鐵口對面，但一個人也沒有，有點不想進去。但爸爸堅持要試，就入去了，和爸爸兩人點了兩個set，不是難吃，但也沒有驚喜，高檔餐廳餐牌，但是茶餐廳貨色，只能說，以它的標價，可以更好。西冷7成熟可以，但肉質鞋，筋好勒，多渣。龍脷肉灰色的，不新鮮。奶茶澀，綠茶牛奶苦...可取的是夠靜，服務態度也很好。但應該不會再來。

附近餐廳午餐時候full晒，唯有試下呢間新開嘅餐廳，叫咗三個午餐，一食就知點解佢有位。意粉質地正常，不過個汁同食材明顯罐頭質素。焗豬扒飯先經典，豬扒肯定係bbq嘅豬扒，d飯先厲害，200%肯定係西施飯煲拔出嚟再放落焗爐焗一陣就算，但係最後都係濕嘅，大家樂/大快活/美心一定好過佢。 最後，勸喻大家唔好晒錢。

本身唔係想食呢間, 不過原本想試個間又無開, 惟有就去呢間啦叫左個早餐要腸仔, 炒蛋,方包, 台式肉燥米, 熱咖啡腸仔, 炒蛋,方包: 嘩!一見到就即刻倒胃口! 塊方包薄如紙, 扁哂! 好似已經係去到成條包既尾尾位咁....炒蛋夕有好多油浸住係底, 仲要係啡啡地色, 又有黑色一點點係D蛋上面.....真係成碟野睇到都唔想食平時我都唔會叫人換過碟架, 但我真係頂唔順, 叫左個姐姐黎幫我換左佢~結果姐姐拎番入去只係幫我換左塊包就算~唔緊要, 無下次!!!炒蛋完全係無蛋味既, 只係食到好油好油...台式肉燥米好普通, 而米粉都只係平時茶仔既米粉而唔係新竹米粉.....唯一可以既就只有杯咖啡好失望既早餐, 話哂美好既一天由早餐開始架嗎...就咁比佢破壞左!!!

第一次黎呢間店食 望落幾好咁 點知得個樣我地叫左三樣野 1.馬來咖喱魚柳飯 2.乾茄野菌天使面 3.蟹肉煙肉南瓜汁忌廉意大利粉咖喱飯咖喱汁極小（要多小小汁要加$5！）天使面果個一d味都冇唔知點煮既蟹肉叫好小小 但味道真係好一般我地仲叫左杯熱綠茶牛奶（唔熱既！）唔會再黎食！！

整體味道很不錯，特別點讚餐湯（羅宋湯）和面條類。羅宋湯的味道很濃郩，而且飲完感覺很開胃，面條類的口感很好，很Q的感覺，不會半生不熟，也不會太冧，軟硬剛好。而醬汁-黑椒汁味道也不錯，很濃，也有少許辣。不過，牛扒有些韌，而且鞋口。另外，薯蓉田螺偏鹹。

偏稀身的忌廉白汁與天使麵混合，天使麵十分幼滑，軟硬度剛好。什菌的份量都不少，只是煙三文魚太咸。另外點了凍意大利朱古力 (+$8)，味道似美祿。不知是下雨還是新店的關係，餐廳客人坐得滿滿。