Video
Read full review
2017-02-28
334 views
因為住得近，返工又係呢頭，所以前後都同屋企人食咗至少10餐以上，差唔多成個menu早 中 下午茶 晚都有嘗試過。首先係早餐，試過BCEFGH。B餐好味，牛肉質素感覺上比新x記好，而且價錢一開始27蚊都算平，不過近排好似加咗價，連同外賣加2蚊要3字，就無再幫襯過。C餐比少過一次豬扒，候補的豬扒好柴好乾，所以之後無再叫過。E餐係為咗試佢個忌廉炒蛋，味道算ok，但可能因為外賣所以蛋好老，而且底部有焦黃色，明顯火候過咗小小。F餐食過雞扒，第一次好驚艷，因為雞扒又嫩又滑又大塊，好juicy，點知今朝食第二次似係返炸過，又油又柴，非常失望。G餐非常中意，意粉唔會過淋，個湯都好濃郁，係分量少咗d，仍然推介。H餐我都中意，個肉燥味道非常啱我口味，湯底都清。下午茶都試過好多款，唔一一講了，重點講幾個。西多士非常推介，好味兼唔太油。G餐個白咖哩湯麵就真心雷，首先個麵係普通公仔麵，再黎個湯底我完全唔識欣賞，似係馬來西亞的沙嗲mix大陸康師傅公仔麵個湯包，總之我好唔中意。K餐個分量真心太少，同早餐的米粉一樣，加多4塊無味的茄子，覺得唔值個價錢，可能我外賣佢個盒default係咁大掛，同大家樂早餐加個米粉個分量
首先係早餐，試過BCEFGH。B餐好味，牛肉質素感覺上比新x記好，而且價錢一開始27蚊都算平，不過近排好似加咗價，連同外賣加2蚊要3字，就無再幫襯過。C餐比少過一次豬扒，候補的豬扒好柴好乾，所以之後無再叫過。E餐係為咗試佢個忌廉炒蛋，味道算ok，但可能因為外賣所以蛋好老，而且底部有焦黃色，明顯火候過咗小小。F餐食過雞扒，第一次好驚艷，因為雞扒又嫩又滑又大塊，好juicy，點知今朝食第二次似係返炸過，又油又柴，非常失望。G餐非常中意，意粉唔會過淋，個湯都好濃郁，係分量少咗d，仍然推介。H餐我都中意，個肉燥味道非常啱我口味，湯底都清。
下午茶都試過好多款，唔一一講了，重點講幾個。西多士非常推介，好味兼唔太油。G餐個白咖哩湯麵就真心雷，首先個麵係普通公仔麵，再黎個湯底我完全唔識欣賞，似係馬來西亞的沙嗲mix大陸康師傅公仔麵個湯包，總之我好唔中意。K餐個分量真心太少，同早餐的米粉一樣，加多4塊無味的茄子，覺得唔值個價錢，可能我外賣佢個盒default係咁大掛，同大家樂早餐加個米粉個分量差唔多。反而佢個班尼迪蛋餐我好中意，個醬係即整，要等15分鐘左右，蛋係溏心蛋，塊包似麥記豬柳蛋堡塊麵包，但更加鬆軟d。
其他d主餐都唔特別一一講了，大部分都不過不失，但琴日食個龍俐柳飯唔掂，魚肉勁咸，好懷疑係魚唔新鮮要用好多鹽去醃。有個蟹肉意粉我自己都麻麻，蒜味好濃，我自己唔中意太重蒜味，如果中意的朋友應該試呢個。同埋要極力推介佢地個蜆肉黑椒意粉，我覺得超好味。
總結一下，由於住得近，去食的機會都好多，有時一日三餐都會係佢度食。質素真心一般，好既時候非常好（蜆肉黑椒意粉未曾中過伏，次次都高水準），差起上黎真係成塊魚咸死你，所以平均都係一般，睇你彩數。價錢以佢個位置黎講算係接受到，早餐人均30，lunch人均60，下午茶如果要食飽人均都要50，晚餐預70-80。呢個價錢如果撞正質素高的時候，係廉價版意大利餐廳，好抵食。但如果唔好彩就真係會偏貴。同埋每個餐外賣都要加兩蚊我覺得有d貴。
Post