海家。酸菜魚

Open Now

Now Closed

依間川菜嘅menu寫明唔加味精佢地嘅酸菜魚食完的確冇口喝嘅感覺 有得揀辣/唔辣環境乾淨 有唔少卡位 地方都幾闊落酸菜魚湯麵 $82 🐟🍜魚片分量算多 好滑 夠厚身 唔會薄到冇魚味配菜有酸菜，芽菜，荀，蓮藕，仲有少少寬粉！麵似幼身上海麵湯底唔係重口味嘅酸湯 而係微酸清清地健康嘅感覺 一路食一路飲啲湯都唔覺油Lunch time仲包一杯飲品 有西洋菜蜜！辣到嘅方面我覺得其實算BB辣 只用面頭少少辣油同啲乾辣椒帶出辣味 推介俾唔食得太辣又想試酸菜魚嘅朋友👍🏻

基本上每兩個星期都會食一次，呢度啲酸菜魚好好食，最緊要係佢有好多唔同嘅選擇。無論係食酸辣/麻辣/胡椒豬肚/定係花膠雞，個個湯都各有特色，食極都唔厭。佢嘅米線同飯係分開上嘅，完全唔驚會浸林。

Always have lunch here with my family..We ordered Braised Fish with Pickled Vegetables served with Rice, Stir Fried Chicken Fillets with Mixed Vegetables and Stir Fried Beef with Anaheim Pepper.For the Braised Fish, the fillets were firm and boneless. The dish comprisesd of enoki mushroom, potato noodles, lotus root and baby cabbage. Soaked in the tasty soup, the ingredients became savoury as well. For the Chicken Fillets with Mixed Vegetables, they were tender and smelled aromatic. However, the

北角嘅海家出名既就係酸菜魚，今日口淡淡就過嚟食個lunch啦。午市嘅套餐都算抵食60零80零蚊就食到川菜客飯，今日就叫左個酸菜魚麵正常辣試下。酸菜魚既湯底絕對係靈魂所在，而呢個湯頭都算唔錯，但我就略嫌佢唔夠酸，而正常辣既水平亦都偏淡，如果下次再食應該要叫多酸中辣先得🤣。再講下魚片，夠滑既，而lunch來講，份量都算合理。至於配料數量都夠多，但就好似煮得唔夠淋唔夠索味。By the way, 整體都唔差，可以再嚟食嘅。

夜晚同朋友食飯，無意中發現呢間特色小店，見到招牌菜係酸菜魚，就決定入店一試😆竟然驚喜滿滿！二百幾蚊一大盆酸菜魚，配料超豐富，除咗有芽菜、薯仔、竹筍呢啲經典配菜，店家仲特別加入左薯粉同蓮藕，而魚片都好滑同無骨，同行加埋四個人，呢個分量，絕對夠食有餘😎😎😎同埋佢唔似普通嘅酸菜魚，佢比起普通酸菜魚有過之而無不及，而且辣嘅程度可以因人而異，有分微辣、小辣、大辣，加上店員服務態度好誠懇，真係好好！我返到屋企之後推薦晒比全部朋友，希望下次有機會可以再去😍

本身一心諗住食「那個」，可惜1點前去到已經太遲，條龍長到要等半小時以上。那麼唯有嘗試這間新小店。回鍋肉及酸菜魚賣相很好，回鍋肉是半肥瘦，食落幾有wok氣。酸菜魚整體唔錯 但魚片太少 印象3個人食 只食了4片左右🥹🥹。如你正好跟我一樣錯過了「那個」可以give a try，不過試一次便可以🫣🫣

又係東寶既餐廳，呢間我個人鍾意佢夠多料，魚塊大件無骨，結實又入味，湯底又取得平衡，辣度唔會過火，酸度又唔會被遮蓋。配菜有金菇，薯仔，木薯粉，蓮藕，娃娃菜，再加上白飯，大家都食剩唔少。地點:附近都多野食，又就腳，佢有瓦遮頭，等位都唔辛苦。環境:係細間會迫啲，但都同隔離保持距離，都坐得自在又舒服。價錢:$80有野飲，但質素唔差既，我個人覺得性價比幾好幾出色。服務:大家食完坐左陣都無好快趕我地走，欣賞。

酸菜魚叫左bb辣有陣辣味都夠～不過個湯底都幾酸下～魚片數量都多～入口滑溜唔錯👍特別要講係煲野都幾多料～鐘意食哂埋配料既觀眾應該都夠飽😆口水雞(半隻)雞件較細舊～味道麻香味唔錯唔錯😬唔算好辣小編接受🤓蒜泥白肉豬肉肥瘦均勻～蒜泥味香～份量同味道對比價錢真係幾抵食😍好味指數(7級最佳)▁ ▂ ▃ ▄ ▅ ▆ —————————————————☻非專業食評·純個人口味☻—————————————————📍總結:會想再返黎食個酸菜魚😍好滑溜又抵食😋其他野食亦都唔錯👍👍

我愛吃酸菜魚 今天在北角見到這店 毫不考慮就入去 小小的一間店 座位不多 有卡位及散座 牆上有少許裝飾有多款午市套餐可供選擇 由52-78元 送飲品 可自由加配青菜我要了酸菜魚麵 酸菜魚伴飯及青椒皮蛋 大大的一碗 內裡配料很多 包括金菇 酸筍 蓮藕片 土豆萵筍片 銀芽 寬麵麵條也不錯 反而白飯較差 硬及不熱 青椒皮蛋要了小辣 好味想不到一間普通的小店 水準也ok呢

今日甘岩去到北角，一時唔知食咩好，就決定試下尼間，入到去點左口水雞，水煮牛肉同酸菜魚。首先，水煮牛肉裏有一些芽菜土豆片蓮藕片紅薯粉，牛肉片好正，而且酸菜魚叫左唔辣都好好食，裏面都係有芽菜蓮藕紅薯粉，魚片切得唔錯，酸菜魚湯送飯一流，而最開心係食到好啱我口味既口水雞，口水雞雞肉好嫩，全部餸兩個人清光曬～成餐飯都只係二百幾，價錢好接受到，環境好舒服👍🏻👍🏻👍🏻💫✨一定會再來，到時試下其他菜式😋

繼上次試左佢的酸菜魚~今次試下佢其他菜❤️❤️1.土豆紅燒肉排都算濃味，唔辣，偏鹹。肉排超多，好慷慨，比好多條，睇落都唔錯🔥2.水煮牛肉店員唔記得問我哋要幾辣，應該預設左小辣，除左唔夠辣外，都算ok~反而呢盤肉唔夠多，但都仲有好多薯粉、芽菜，金菇呢啲配菜😀跟餐包白飯同野飲，都算抵食，又大份~

成日聽人講酸菜魚好正，可惜本人唔食辣，外面真係好難搵到唔辣既酸菜魚。次次去問，都俾人嫌棄，話唔辣既酸菜魚，邊好食架😓點都要有bb辣啦，但我真係唔食得辣，無得格硬黎☹️直到知道北角有呢間酸菜魚，居然冇得揀唔辣，午市大大碗，勁足料，都係做緊$78一碗😍叫一碗已經夠我同小朋友兩份食😋主要有魚片，勁多魚片，海量咁多😂新鮮鮮甜👍🏻仲有蓮藕同薯仔，卜卜脆，好食👍🏻其他配菜有酸菜，娃娃菜，萵荀，金菇同芽菜，多到食唔晒，仲可以配飯或者麵，會再encore👍🏻

呢間酸菜魚已經encore過好多次，但重點係我不是吃魚、吃辣愛好者，究竟有乜野會令我食完再食呢？我就係鍾意佢超級多既配料，究竟點多法？數下俾大家知啦！配料有蓮藕片、薯仔片、竹筍、萵筍、金菇、芽菜、酸菜、娃娃菜、寬薯粉，仲有主角魚片，魚片超滑，連吾太好吃魚既我，都不得不讚，仲有仲有係可以簡配麵或白飯，中午時段都只係$78配埋飲品，真係超抵食！其實呢個舖位係近幾年已經轉手左好多次，我諗今次可以打破宿命喇！

更多打手也沒有用 食物質素見真張。今晚心血來潮想食酸菜菜 自己又住北角 所以揀了這間名叫海家 酸菜魚 。一入去由待應先安排坐位 我一個人叫了二人份的酸菜魚。魚湯冇香又酸 心諗中伏。其實餐應該改名叫（魚湯加辡）。又冇香又冇酸 食完又要食其他嘢。街坊一定冇下次。昆下啲老人家都ok

星期五晚上咁啱撞到朋友帶我去呢間海家。酸菜魚本身不抱太大期望😬等一坐低佢放低個一壺茶，飲一啖嘩超級有驚喜😍好似我呢世人都冇飲過茶咁，超級好味！😋茶係免費㗎😎😎😎😎😎😎原來嗰個茶叫做苦蕎茶 🍵 其所含蘆丁可軟化血管，具有降血脂、降血糖、降血壓，減肥敗毒、清理人體垃圾、激活胰島素分泌等功效。呢個茶絕對係好嘢嚟！好啦主菜上了，見到條魚好靚啲刀工非常靚👍🏻係個湯呢鹹咗少少。整體來講呢都非常之滿意㗎價錢又唔貴，淨係入嚟飲茶都抵呀😘🥰有機會一定會再嚟幫襯嘅😋