雅景餐廳小廚

Open Now

Now Closed

大閘蟹季節來臨，但今年冇乜地方可以食到，無意間發現到呢間餐廳有得食，咁就試一試佢啦!!😍😍可以俾你揀坐室外或者室內，我哋見天氣涼兩地就決定坐室外😏但間中會有人食煙😖如果你哋介意就建議坐返入邊會比較好😝同朋友一齊食叫咗兩隻乸一隻公😋😋仲嗌左兩個小菜分別係椒鹽雞軟骨🐥同埋沙嗲金菇肥牛煲🐮大閘蟹乸超多膏，好香好味😋大閘蟹公都ok，但乸好味啲🤪椒鹽雞軟骨好大碟！炸得好鬆脆！味道都好好！🤩金菇肥牛煲差少少啦😖啲肥牛有啲韌，味道一般。。。整體來講都OK大閘蟹有驚喜🤩🤩

雅景早餐，比起啲連鎖店係好豐富先講塊扒好大，一蛋一腸已夠另外佢仲要加一舊哈蜜瓜其實都幾貼心因為佢扒大又有腸，食肉食到好膩，然後食件生果fresh下之後個多士仲要厚，仲要搽滿牛油好滿意既早餐

雅景在祥華村做食肆都已經做了一段唔短既日子，由粉嶺中心果間已經幫襯。佢既早餐同午餐，味道一般啦，正正常常啦，收你$3x -$4x 一個餐，就比返$3x-$4x 既貨仔你，大家都明白做生意，一分錢一分貨㗎啦，茶餐廳既價錢，就比返茶餐廳既味道你，呢個我接受。但今晚試完佢既晚餐，真係好嬲，我外賣左一個涼瓜排骨，一個枝竹火腩小菜，收我$14x ,真係唔駛錢我以後都唔會再幫襯。我係半碗飯都食唔落，完全係垃圾，排骨又乾又柴皮，好似食緊化石咁，火腩比埋頭頭尾尾，之後打個咸到苦既獻汁，伴飯食都覺得咸。口感同食隔夜餸完全冇分別。真係唔明白點解仲可以賣比人食。做飲食做到咁，真係祝你生意興隆。

呢到下午茶選擇都算多，我揀左比較經典既吉列豬排配薯條，加杯凍奶茶。吉列豬扒都幾大塊，但炸得比較耐，所以有點太硬。佢地個碟又唔平衡，比較難切豬排。薯條夠熱夠粗，反而相當唔錯。奶茶就有點過甜，如果要叫，我建議少甜，比較健康。服務員都好熱情，一入去就問我食咩，幾有禮貌。環境就比較逼，但有電視睇，都唔錯！價錢正正常常，三十幾蚊包埋野飲，都算okay~ 衛生就一般，d刀叉好似洗得唔係好乾淨，不過一般既茶餐廳都係咁，所以都無抱好大期望。

Haha...好耐冇食🦑,好有營養.,仲有腰果炒雞丁.魷魚的營養價值很高.魷魚的脂肪里含有大量的高度不飽和脂肪酸如EPA、DHA，加上肉中所含的高量牛磺酸，都可有效減少血管壁內所累積的膽固醇，對於預防血管硬化、膽結石的形成都頗具效力。同時能補充腦力、預防老年痴呆症等。因此對容易罹患心血管方面疾病的中、老年人來說，魷魚更是有益健康的食物。

好耐未試過咁早食早餐可以嚟吓雅景餐廳小廚佢位置於 祥華邨 停車場平台由火車站行過嚟 五分鐘都唔使佢哋最好食嘅係 太陽蛋方包早餐太陽蛋好新鮮 蛋白超白滑嘟嘟 話咁快 就吞咗落去再加埋個沙爹牛肉麵並熱好立克這個假日開始得十分璀璨

放假唔想周圍去就喺屋企附近搵嘢食。 平時經過呢間吖景餐廳小廚，見到好多人食但係都未有機會試~今次兩個人叫咗兩碟小菜， 乾蔥豆豉雞煲銅茄子炆肉鬆。 附送例湯。估唔到小菜都幾大碟， 上台嗰陣好夠鑊氣好香， 呢啲就係小菜應有嘅鑊氣! 雞煲分量我覺得好多， 好香豆豉味呀，啲雞件唔會太鹹，肉質算滑~ 另一道小菜嘅茄子炸得好好，夠晒淋~ 色澤好靚，亦唔會成碟都喺油咁。2個人食2個小菜都食唔晒，建議可以3人叫2個，或者4人叫3個小菜~

環境差、衛生差、 態度零分 。幫襯 攞苦嚟辛。一個人做咗成日嘢只係想安安落落食餐飯， 食物質素差過一般，我情願去食大字或美字快餐。 下次請我都唔嚟， 我情願去食麥當勞 最低限度每人畀面色我睇

今日屋企全家走晒去主題樂園，原本諗住走個陣去食放題，但因為細妹唔舒服所以改咗返粉嶺搵食。不嬲粉嶺區可以食消夜嘅地方唔多，返到嚟都已經10點，心諗咁夜又咁多人可以食咩呢。行行吓見到呢間餐廳仲有好多人坐係入面，所以就去博一博。點之原來間野開到12架。嘩......正吖6條友唔太肚餓...所以叫咗4個小菜就算，但估唔到佢個價錢包埋飯同野飲。

開OT之後，大家到公司附近嘅屋邨食晚餐，呢間新開，翻新東菇亭！好光鮮，唔使等位！比咗中央圓枱！茶餐廳格局，座位都幾迫！晚餐有客飯，我哋叫5個分享！食物好快到！蒸水蛋（$60）好好好滑，好似啫喱，加上甜豉油，正！滑雞煲（$65）雞肉唔夠大，肉質幾滑，食咗件豬潤，沙沙的！甘香唔腥入味！煎蓮藕餅（$78）一團豬肉加蓮藕碎撈起再炸，外層脆，入面惹味！肉質唔嚡！好味！蜜椒牛柳（$75）汁醬甜甜酸酸！蔬菜爽口，牛柳即係牛扒，太大件，而且較韌！一般金銀蛋莧菜（$65）莧菜較老！鹹蛋鹹香，皮蛋唔多！皮蛋黃唔壓！一般！白飯：脹卜卜但太乾！凍檸茶（少甜少冰）好大杯，味道清爽好味！食物一般，店員爽手，有推薦菜式！小菜夠鑊氣但味道一般！