亞萊泰 (淘大商場3期) (Closed)

為了使用恆隆商場贈券，知道亞萊泰可以使用，收工後立即去試吓，點知非常失望，食物質素差同價錢不成正比，職員態度差，店內冇廁所，向職員查詢回覆是不知道那兒有廁所。食物質量及質数一般，點了一個二人套餐＄338 包括海南雞(質素一般，唔滑， 大頭蝦冬陰功 （蝦係明顯雪藏）另外拼盤數量偏小反而蒜蓉通菜係最好味。 套餐不包嘢飲如要野飲又另外加錢， 因為我使用恆隆現金券餘數138蚊諗住用信用卡畀點知話要二百蚊以上先才能使用信用卡 。

同媽咪探完婆婆後係淘大搵間餐廳食飯佢話上次食完日本菜今次要食泰國菜🇹🇭中午午餐時間竟然無咩人唔洗排隊可以直入😯♡ 泰式冬陰功海南雞湯河粉（$62）冬陰公湯底唔會好椰味但相對地較淡 海南雞份量都算多肉質唔會好柴但又講唔上嫩滑😆不過要讚下佢既河粉唔會一夾就散亦唔會煮到過淋♡ 肥牛拼扎肉湯河粉（$53）湯底應該係船面湯底因為湯底好淡口· 得咸味肥牛有3-4塊但大大塊估佢唔到幾有牛肉味札肉切得軟薄身咬落無咩口感♡ 椰汁冰（餐飲+$8）已經少甜少冰但都過甜而且椰子味🥥好淡♡ 熱奶茶（跟餐☻）中規中矩 · 茶味都算香濃☕️口感都幾濃滑

九龍灣淘大一帶大部份餐廳星期六日晚市都會排長龍，呢一間也不例外，去開附近，揀呢啲平日冇乜人嘅下午茶時間去試吓就最好。休閒去食個下午茶，尚算坐得舒服，可以同其他人隔開保持距離，但相信繁忙時間係會好迫。👶🏻📣俾返個資訊比幼兒家長，呢一間餐廳係有BB High Chair提供的。叫咗兩個下午茶餐加兩個小食(下午茶餐配即磨咖啡或茶) (凍飲加$3 特飲加$8)泰式海南雞配黃姜飯 $55海南雞睇落都幾靚仔，好有光澤，而且顏色好黃似黃油雞，食落去雞肉好嫩但冇乜雞味，但就唔多似食緊泰式海南雞，感覺好似中式白切雞，而個雞油黃姜飯，可能個飯唔夠熱，所以冇乜香味，覺得好麻麻有啲失望，三個醬汁都係冇特別唔夠嘢味，如果泰式海南雞係招牌嘅咁就真係有啲失色吉列魚柳拼薯條 $35吉列魚柳大大塊，薯條分量很大，絕對好過連鎖餐廳下午茶泰式酸辣鳳爪 $28唔知道平時散嗌份量有幾多，但係下午茶時段都有六至七舊無骨鳳爪，比我想像中份量多好多，好大陣魚露味，唔算好酸好辣，酸辣味應該要再突出一啲先好串燒沙嗲豬 (兩串）$24沙嗲汁唔辣，沙嗲香味就唔算太突出亦唔夠香，但係肉質唔鞋，味道合格總結來講：呢一間餐廳嘅食物真係同正宗泰國菜

到亞萊泰吃午餐🍽️，位於九龍灣牛頭角道77號淘大商場三期地下G266-270號舖。未入店內以為自己未食過，原來我在餐廳開業不久時來過一次了。店內環境有點逼，下午茶📌 ～ 泰式貢丸湯河$40、 火車頭雜錦湯河$52、 樽裝奶茶$10、即磨咖啡。 📌泰式貢丸湯河 ～ 貢丸有三粒， 開頭以為有六粒，原來是切開一半的🤣， 湯底有船麵的顏色，但沒有船麵湯底的味道。 📌火車頭雜錦湯河 ～ 火車頭一點都沒有震撼感， 有豆腐卜、牛肉、貢丸、扎肉和豬皮，河粉份量有點少， 男士食完都唔夠飽。 📌樽裝奶茶 ～ 味道似正宗泰式奶茶，不錯。 📌即磨咖啡 ～ 味道普通， 咖啡味道偏淡。 整體普通， 因座位比較迫，快快食完即刻走。    

同幾個朋友係星期日食個lunch, 搞到一肚氣！我地一行五人拎左票等枱號C008見未到，我哋係淘大行左個round返到去見到顯示屏係C008心諗時間剛剛好男經理話佢幾分鐘前已叫號所以而家無位啦，叫我地再等下我地等左一陣, 又再問吓個經理佢叫我哋入去餐廳睇吓話四人枱坐緊嘅兩位顧客如果走咗可以combine 張四人枱同隔離張吉左既二人枱俾我地然後佢粗聲粗氣咁同坐緊四人枱既嗰兩位顧客講「都唔知坐咁耐做乜！😤」(下，雖然我地係等位姐，但你咁大聲話其他客，真係好睇唔過眼）然後，佢竟然同我哋講「如果你哋係老人家咪坐低先（坐住二人枱)囉！」（我地30~40歲)未食都一肚氣呢位經理點解可以做到經理？😨😨😨😨😨請留意：呢間餐廳Open rice 啲評語好似好好但社交平台 啲comments 負評不絕

今早係九龍灣淘大花園商場亞萊泰吃早餐😊😊😊因為我11點鐘先食早餐，所以唔算多人環境冇咁逼😝😝😝我叫咗香茅雞扒🌸煎得好香，雞扒唔韌，🌸鮮奶炒滑蛋加腸仔，正常味道，🌸茄汁焗豆配厚多士，厚多士外脆內軟👍🏻熱奶茶，奶茶有驚喜喎👏🏻👏🏻👏🏻好香滑，冇苦澀味👍🏻👍🏻👍🏻整體環境舒適闊落，價錢早餐$38物超所值，最後職員態度有禮貌👉🏻唔知係咪因為我不斷影食物相呢😆😆😆

Services was great. Server was friendly and helpful. However, the food came in way too salty. I ordered a fried noodles and on the first bite I immediately cringed. I had to have my water refilled twice. Price was fair though. It was a lunch set. A drink was included. It only costed $59.

今日同同事嚟咗呢邊食lunch，揀咗呢間泰菜😚lunch嚟講我覺得佢嘅款式都算幾多，價錢亦算幾親民👍🏻睇睇吓menu，比呢個冬蔭公花膠魚片泡飯 ($62)吸引咗我，個名就已經有三種我鍾意食嘅嘢，諗都唔洗諗就叫咗佢🤣我覺得首先值得一讚嘅係佢好貼心咁將炸蒜、冬菜同香芹另上，方便未必鍾意食呢一啲配料嘅客人👍🏻咁當然我就所有配料都落哂啦🤣魚塊好滑，冇骨嘅，不過唔算太有魚鮮味，不過不失～而小花膠份量都唔少，唔係好有骨膠原嗰款，而係有少少彈牙嘅口感～冬蔭公湯偏酸，加埋嗰三種配料令味道同口感嘅層次更加豐富～如果可以辣返少少就更加合我口味😚我覺得喺淘大嚟講呢一間餐廳都算係幾好食～不過衛生方面就有進步空間，例如門口地下好跣，同埋櫈上有水，店員都可以注意多啲😁

今日去咗九龍灣度行街，行到去淘大度搵食揀咗好耐，最後決定食泰國嘢Menu上面嘅食物都唔係太貴，大概50幾蚊，仲要唔使+1，幾抵食㗎<香茅雞扒配雞翼湯河$53>香茅雞扒再加雞翼，加埋都有五六舊，全部都炸到脆卜卜，唔錯唔錯嗌咗個清湯底，飲落有少少藥膳湯味，係幾好飲嘅，不過再飲多幾啖就發現味精好重，最後成個晏晝不斷灌水<香茅豬扒配扎肉撈檬$53>香茅豬扒一樣揸得幾香脆，撈檸個汁略嫌唔係好夠酸，所以唔係好夠開胃

淘大有幾間越泰菜，7點幾收工見唔使排隊，就入嚟試試。環境幾闊落，唔會坐到好迫。最好食就係咖喱蟹肉配蒜蓉包，佢隻咖喱超好食😋，但係蒜蓉包有啲偏鹹。(咖喱食唔晒，打包第二日繼續配多士食)。值得一提係，佢每樣菜式上枱都係熱辣辣，一試就知係啱啱出爐😆唔係嗰啲一早整好擺喺度等上枱。我哋本身散叫，想轉set dinner, 最尾又散叫番😂(三心兩意對唔住)，侍應姐姐都冇黑面，只係笑笑口話好彩冇抌張紙。服務OK啊，重點係唔收+1👍買單送咗三張$50 coupon，食完八點幾，出面已經要排隊，好彩嚟得早

中午放飯, 今次去了淘大搵食, 第一時間出去搵位, 但都等了成10分鐘...., 因得一小時, 故很趕急.第一時間order 了金邊粉, 是我跟同事的至愛,  炒得非常之有鑊氣~ 味道酸酸甜甜好開胃,  而且金邊粉質地好煙韌,  配料好足料好豐富, 大量蝦仁,  食得出新鮮而且好彈牙,  不過豆干稍為硬了點. 整體上都算滿意,  我跟同事到這間一定叫的~!

之前光遍過這店早餐，午餐及下午茶食過好ok主要食下粉為主，算不過不失今晚第一次試下真功夫食個二人餐-芥蘭勁咸，咸，咸-冬陰公只有酸及勁咸，咸，咸，完全不覺辣（已經叫加大辣）回家飲左3杯水🙃-海南雞無味，不夠滑-拼盆的蝦餅及魚餅最ok，春卷炸到乾水-甜品不過不失兩個字:差，咸可能6p早到，得三枱客人，店員間說話聲大過客人聲，真是出不了大場面😑失禮哂間店，嘈過快餐店。客人食飯都是想聊天靜下，店員聊到似已經關店了。客人外出晚餐也想享受下舒服寧靜，不是想聽人聊天。🙃還有一個女店員中途又除下口罩，在我用餐中已見她手不時接觸口罩外面起碼8次以上😢，防疫意識低。還有店員說到今晚外賣做左幾千元，其實你店做幾錢生意，我又不想知囉😑。

平時好少嚟九龍灣今日就同左女朋友嚟九龍灣喇喺德福行左陣覺得德福冇乜嘢食所以我哋最後過咗去淘大嗰邊搵嘢食淘大行行吓見到都有幾間都啱心水嘅但最後係揀咗佢而家呢一間食依家你叫亞泰萊係食泰國嘢嘅燒雞沙律配黃薑飯$65燒雞食落都唔錯甜甜地嘅聽完就有返少少沙律可以開下胃個黃薑飯味道都幾惹味同埋佢好大碗下囉睇到睇圖佢有幾大碗咖喱豬扒飯 $56我咖喱係有啲椰香味豬扒就OK嘅都食下都Juice嘅雖然睇圖好似比較乾整體來講我晚餐我覺係咁不過不失

其實呢間嘢啲嘢係幾好食 但係真係非常污糟同朋友發現佢生菜包嘅生菜竟然有隻蟲嚇到我地即刻叫個店員幫我地cancel咗佢諗住食埋嗱嗱聲走點知連我杯凍檸水都有隻蟻😑再叫店員過黎嘅時候佢就好唔耐煩咁講咗句: 「又點呀？」嬲到傻咗😡😡

午餐時間淘大花園各餐廳都人頭湧湧，排晒長龍，恰巧亞萊泰有位唔洗等，泰國菜不嬲係我最喜愛食嘅菜式之一，當然即刻入去先啦😆😆午餐餐牌菜式嘅選擇都有唔少，心大心細嘅人應該會有困難揀食邊一款好🙈🙈泰濃無骨豬手配香米飯 $55豬手去晒啲骨頭，滷水汁炆到入晒味，肉質軟腍，就算瘦肉部分都唔嚡，送飯一流；旁邊有少許醃製酸紅白蘿蔔絲，可以間中中和油膩感，口感幾清新。泰人青咖喱雞扒配香米飯🌶$52雖然佢有一個辣椒仔提示，但青咖喱食落無想像中有嘅辣味，反而有啲甜甜地嘅味道🤣🤣雞扒肉質juicy，表面果層皮煎至香脆，不過食落有少許雪藏味。凍檸水+$3椰子汁+$8