亞萊泰 (淘大商場3期) (Closed)

午餐時間淘大花園各餐廳都人頭湧湧，排晒長龍，恰巧亞萊泰有位唔洗等，泰國菜不嬲係我最喜愛食嘅菜式之一，當然即刻入去先啦😆😆午餐餐牌菜式嘅選擇都有唔少，心大心細嘅人應該會有困難揀食邊一款好🙈🙈泰濃無骨豬手配香米飯 $55豬手去晒啲骨頭，滷水汁炆到入晒味，肉質軟腍，就算瘦肉部分都唔嚡，送飯一流；旁邊有少許醃製酸紅白蘿蔔絲，可以間中中和油膩感，口感幾清新。泰人青咖喱雞扒配香米飯🌶$52雖然佢有一個辣椒仔提示，但青咖喱食落無想像中有嘅辣味，反而有啲甜甜地嘅味道🤣🤣雞扒肉質juicy，表面果層皮煎至香脆，不過食落有少許雪藏味。凍檸水+$3椰子汁+$8