東海堂 (蘇豪東)

Open Now

Now Closed

下午茶時間又到了，Ringo哥今天萬歲下午茶，同事們都說要食Cake，但我今天不太餓，吃不到Cake了...我選了雞批，買的時候雞脾是剛剛出爐，拿上手時還是熱辣辣的，拿上手已經聞到好香的檸檬草香味，除了本身的咸味外，還有檸檬草本身的清新味！咬了一口，發現雞批皮厚而脆，厚才有實在感嘛！雞批的餡料也很多，餡料除了雞肉還有白汁，幾Creamy，啲白汁好似爆出黎咁！平平地吃個下午茶，在公司多沖杯茶，也挺享受。

去朋友屋企gathering, 買左幾件蛋糕上去。不嬲都鍾意食東海堂嘅蛋糕, 多款而且味道都幾好。買左紫薯蛋糕, 綠茶蛋卷, 朱古力蛋卷同栗子蛋糕。我就揀左最鍾意嘅綠茶蛋卷。份量都大, 綠茶味蛋糕包住焙茶味忌廉, 蛋糕鬆軟, 帶綠茶味, 少少甘味, 令人食完唔會覺得太漏, 而且仲有焙茶啫喱, 可惜啫喱茶味欠奉, 只能增加口感而且。朋友話朱古力蛋卷都唔錯, 朱古力味濃郁, 唔太甜, 但食完都幾飽。

唔記得咗呢個甜品叫咩名，芒果味嘅奶凍上面有一層Jelly都係芒果味，甜甜地幾清新。仲有一啲浸過糖水嘅芒果，有少少似食緊生日蛋糕嘅糖水芒果。小小肚餓嘅時候買俾小朋友食一定好鍾意，以大人的角度來講味道較為一般，芒果味不夠濃郁。裏面尚算鬆化，份量適中。

果日咁啱去完海邊跑步，跑完慢行返去太安樓，路經鯉景灣突然有一陣陣焗野既香味，跑完步真係好肚餓，周圍望~周圍睇，原來係係間東海堂傳出黎，我記得之前行過都冇咁既味，唔理咁多入去睇下，入面d員工感覺好生手，不過態度都算唔錯會say hi，問多兩句原來係近期先有得賣既牛奶撻，唔理咁多買咗隻試下先,講真$8唔算貴。。不過佢地講用日本3.6奶整都算係咁,夠滑~值得一試！

去完樹屋玩，大家約去西灣河食晚餐，未夠鐘時帶班小朋友去附近遊樂園玩，我怕班小朋友肚餓！先行去附近買小食比佢哋！呢間行10分鐘已經係最近！地方大，裝修高級西式！先夾麵包再比錢！可以八達通比錢方便！店員將波波入晒透明膠袋！店員有笑容有禮！好爽手！黑芝麻麻糬波波球朱古力麻糬波波球芝士麻糬波波球17/5粒，買了10粒！三款麻糬波波入面煙韌，麵包焗得好香！最喜歡芝士，因為最香，朱古力最濃！芝麻比較淡失色！小朋友好鍾意，好快分晒！