東海堂 (港鐵黃大仙站)

Open Now

Now Closed

最新推出「SOU·SOU 月見禮盒」，禮盒雙層設計，一共兩款口味，上層係3D兔仔流心奶黃月餅，下層係蛋黃白蓮蓉月餅，適合不同人士口味！3D兔仔流心奶黃月餅兔仔造型好可愛，選用法國牛油及淡忌廉，並採用二次烘焙技術，提升鹹蛋黃及奶黃吉士的香味，奶黃香濃，無須加熱，由心流出，香氣四溢。🥮蛋黃白蓮蓉月餅白蓮蓉月餅，配上原粒極品鹹蛋黃，不油不膩，保持經典窩心，為中秋的小團圓綻放香郁滋味。禮盒以色彩鮮明、強烈對比的紫色和大紅色為主調，雙層設計，搭配繽紛的菊花紋樣，充滿簡約和風元素，顯出摩登型格，承襲東海堂日式風格和展現京都百年美學！送禮自用兩相宜

農曆新年將至，今年東海堂聯乘SPY X FAMILY間碟家家酒及霜田有沙分別推出賀年禮盒及有沙蛋卷禮盒，於是入手為過年做準備-SPY X FAMILY間碟家家酒 ︳東海堂禮盒▶北海道3.6牛乳曲奇(10件)▶原味杏仁條(6件)禮盒以能讀懂別人心思的洛伊德．安妮亞及擁有「預知能力」的大型犬彭德為設計藍本，而「花生」和「閃電徽章」等圖案也印在盒面禮盒內有兩款烘焙小食，還能當手提行李箱，放置小物更可加購換領雙面設計的可愛環保袋，上面印上安妮亞和彭德的頭像牛乳曲奇鬆脆富牛乳香，杏仁條酥脆杏仁香突出，非常滋味-霜田有沙蛋卷禮盒▶原味蛋卷 (10條裝）與日本著名人氣插畫家霜田有沙 (Arisa Shimoda) 再度合作，超萌貓貓在桃紅色背景襯托下 ，凸顯出新年的喜慶氣氛 原味蛋卷充滿香濃牛油味同時帶著淡淡的蛋香採用五種材料製作而成，包括法國牛油，新鮮雞蛋，麵粉，砂糖及水絕不含人造牛油、防腐劑、色素及香料

朝早麵包款式都多 最重要係性價比都高🤣🤣大大個香腸麵包先12蚊個 性價比好高👍🏻👍🏻👍🏻係地鐵出口位 方便買 唔錯👍🏻間舖細細但職員好快手😂😂😂

聖誕節我買左兩個蛋糕食，第一個係「歷險薑餅人」睇樣好啱聖誕打卡，但係講到好食方面，我覺得真係一般，因為我鍾意食海綿蛋糕，但佢唔係海綿蛋糕，所以我下年都唔會買番尼一款嘅食飯蛋糕。第二個蛋糕係「日本UCC咖啡義大利芝士」，尼個反而唔錯，因為尼個蛋糕上面個層係tiramisu，cream，下面個層係芝士蛋糕，所以我幾鍾意食，好彩唔係買大size個個，因為芝士蛋糕食得多會好滯，所以我買左個細嘅同朋友分啱啱好🌸🌸🌸係價格方面，我覺得薑餅人尼個蛋糕偏貴，唔值279，如果$179我都唔會再買多次😂另外個個tiramisu個個蛋糕我記得好似係150多啲？對於一個咁細嘅蛋糕賣咁貴我都係只會試一次就算。

真係難食到要即刻寫食評話說母親節諗住買個蛋糕意思下啦咁諗住東海堂伏極有個普，點知真係伏左首先絕對唔值$259普通個啲小店蛋糕都做到依個質素，索價只需$100內，點解？就係3因為佢個蛋糕只係勁大pat肥cream加海綿蛋糕再加超甜既罐頭桃。完全難以接受係東海堂出品，非常失望再者就係佢個蛋糕cream多過海綿蛋糕，3分之二都係cream, 蛋糕得個兩塊仔，基本上就係食cream, 仲要係無味既，得個死甜，真係非常失望！第三就係啲生果不是鮮果，而係糖水罐頭水果，真心伏伏伏！甜食食左啲個兩小塊海綿蛋糕就成個掉左

今朝未夠8:00已經收到 #腦細指示，忙完一輪，終於可以坐抵食啲嘢... 一陣繼續努力。#WFH 唔係大家想像得咁輕鬆，為咗唔好俾人一個偷懶嘅感覺，每日都要比平時更加早開電腦😅 無限嘅ad-hoc arrangement，仲要周不時收到啲 #搭錯線 公司電話😪 究竟幾時可以回復我正常嘅人生呀？👉🏻👈🏻講返我個 #早餐，係琴日收工我喺 #東海堂 @aromebakery 買嘅 $12套餐 - #小丸子 #豆沙包 + #維他奶。個 #豆沙包 係甜咗啲，不過啲 #豆沙 又幾香、個 #麵包🥯 嘅 #口感 都幾豐富😉 個餐咁鬼平本來就唔應該有咩期望，可以填飽 #小秘書 個肚已經夠哂滿足... 一向唔係咁腌尖嘅我🤣 會定呢個餐為 #勝價比高 系列🤩

東海堂出左 $100 六件甜品組合，入邊有幾個都好伏好似拎晒d唔好賣的蛋糕出後大放放咁焦糖朱古力蛋糕和榛子千層酥都ok 好食草莓白豆蓉忌廉蛋糕麻麻，個忌廉唔香又少薰衣草伯爵茶最難食，忌廉有陣奇怪的味，伯爵茶味好淡，呢個真心食唔落赤莓撻和牛乳芒果卷d生果唔甜，有d酸，個莓撻都圖片只供參考，d莓細到以前都買過白桃蛋糕和芒果流心蛋糕，都係得個樣靚，d生果唔香又唔甜，凱施個芒果蛋糕好食好多東海堂真係得個北海道芝士蛋糕同個朱古力蛋糕食得過

抺茶若竹布丁🍵🍮質地硬實、口感creamy，似慕絲多過布丁。奶味較重🥛抺茶味薄弱，更別說是抺茶控心中期待既回甘了～宇治抺茶黑糖竹炭蛋糕🍰蛋糕體偏乾，不過同慕絲一齊食就解決左乾既問題。抺茶🍵慕絲質感幼滑、帶少少回甘（要細心品嚐）如果所有layer夾埋就會黎食就會蓋過抺茶味🙊寒天粒增加口感層次。朱古力脆脆餅底係唔脆既，但朱古力味幾出🍫黑糖、竹炭我就食唔出啦🙈整體而言，味道不過不失，唔會過甜。抺茶味冇想像中濃郁，少失望😞抺茶控表示試一次就夠了～

今日幫囡囡訂個生日蛋糕，用餅卡仲剩$20，索性買件甜品食下，揀左傳統口味的芒果口味。表面上的芒果夠鮮甜，中間mousse 包住海棉蛋糕，吾會太甜，吾錯。但$20來說有點貴，建議買新口味比較化算。

今日係媽媽生日，成日食黎食去都係壽桃型的蛋糕好悶，食飯前去東海堂行左一轉，見到一個叫「白桃・花見」的蛋糕，眼都發哂光，因為好似好少見有用白桃做的蛋糕~食完飯拎個蛋糕出黎果陣，媽媽見到好好似好開心，因為蛋糕的表面鋪滿左好多豐碩圓潤白桃同粉嫩的桃味果凍，仲有一條薰衣草做點綴。白桃色澤非常粉嫩，一咬，好清甜又多汁，好好食。而涼涼的果凍都係白桃口味的，好夠味，切開蛋糕的中間，係鬆軟嘅海綿蛋糕夾住白桃慕絲同一粒粒嘅果凍啫喱，非常有層次同有口感，蛋糕唔太甜，又重白桃果香，大家都好鍾意。

朋友生日，行過東海堂見到一個好靚好可愛的蛋糕，叫「幸運貓咪」，外表好似招財貓，諗起朋友係一個任勞任怨的貓奴，所以就訂左依個蛋糕~果然，食完食朋友見到依個蛋糕好開心，仲唔忍心切開佢添，好好笑~但始終都係要食的。依個蛋糕的表層係忌廉加椰絲，椰絲係完美覆蓋左D忌廉的膩，加上蛋糕內是傳統的海綿蛋糕，好軟，但又唔會淨係得空氣。而餡料係豐富的雜果夾心，好清新清甜。東海堂的蛋糕一向質素都唔錯，唔會好甜。再加上依個咁可愛的造型，朋友表示好開心。

一直都好鍾意東海堂，因為覺得佢嘅產品質素好高同埋會維持好高嘅水平。平時又會有啲新款都係好高質素好令人期待，有一定質素保證亦都唔會令人失望。前日見到佢做緊＄20 1件蛋糕特價，好多款同埋都好吸引，所以一定要買來試吓啦總共買咗五件，分別係芒果吉士撻，佢入邊好香吉士鮮味，平時可能會太膩，但係加埋酸酸甜甜嘅芒果好配合好好食，大小剛好。之後就係蜜瓜卷，顏色好吸引，而且都係充滿蜜瓜嘅新鮮同忌廉，好豐富。之後就係榛子朱古力蛋糕，我見佢長長哋細細地幾吸引，一啖一口，大小剛好。榛子朱古力醬好香，食得出好香嘅榛子味，兩者配合得好好，唔會係太甜唔錯。之後就係木糠芝士蛋糕，好重手好大件，一睇就知無慳料。好耐之前食過一次，今次食仲好似有特別驚喜，佢個木糠有種好香嘅味道，好特別唔知點樣形容，類似好似係一種類荔枝嘅香味（雖然實質唔係），但總之本人就幾鍾意嗰種味道，芝士濃香度啱啱好，好軟滑，整體質素都唔錯，食落去好舒服，但係真係會好飽食之前都冇預計到會咁飽，所以真係好抵食，我食完之後飽咗好耐。　最後係好新鮮嘅蜜瓜撻，佢上面佈滿晒全部都係新鮮嘅蜜瓜，啱晒鍾意食生果嘅人，絕對冇色素因為好多蛋糕嘅生果其實都係用色素整成，呢

這間位於黃大仙地鐵站的東海堂，地理位置十分方便！而裝修亦不錯，麵包蛋糕都出貨很快。前者款式不算多，價錢比附近連鎖店都還要貴，後者存貨仍然不足夠，有待改善。不過總括而然，仍是上班族買早餐的好地方！

東海堂芝麻銅鑼燒 $9.5又係芝麻控出動既時候啦😈其實本身自己好少食銅鑼燒，但係今次比我見倒有芝麻味，就梗係要試下啦😍哈哈我覺得幾好食喎～班戟皮厚身得黎又鬆軟，唔會好dry!!!💦重點既係芝麻紅豆蓉，芝麻味都幾rich , 中和左紅豆既甜膩感，做下午茶或者宵夜就岩岩好啦😆❤️😄💕#reneesnacks💕 評分：😈😈😈😈#tasteoflondoninhk #tophkrestaurants #lunch #hkfoodie #hk #hkig #hkfood #weekend #alphaconcepts#love #food #foodie #hkfood #hkfoodie #eat #around #the #world#is#my #ultimate #goal #gain #weight#ufoodhk#hkblogger#support#girly#aromebakery#sesame#sweet

朋友開生日party買左蛋糕之餘，都買左西餅，今次買左東海堂蛋糕，貪她款式多，而且味道吾錯，我覺得比其他間都冇咁甜。選了水味撻，水果新鮮，都好鮮甜，好多種水果。包括有士多啤梨，芒果，藍莓，雜果等，都好好味。另外仲有蛋卷類嘅，自己就冇點食，朋友就士多啤梨就一般，但抹茶都好好食，吾錯，整體都幾好，價錢都合理，難怪咁多人都認同係咁多西餅店最好嘅一間。