東海堂 (新都會廣場)

Open Now

Now Closed

食完飯行過東海堂, 見到呢個大甜筒招牌, 超級吸睛！望去收銀處, 已經排咗一條長龍, 我二話不說, 即刻排隊！原來甜筒共有三款口味！分別係北海道牛乳/北海道牛乳+抹茶/ 純抹茶！抹茶出自宇治小山園！我揀咗抹茶味, 見到佢個waffle甜筒殼, 直覺話畀我聽應該好脆, 我口水都流哂, 綠茶味配脆甜筒, 簡直無敵！呢個甜筒收$32, 抹茶味唔算好濃, 勝在雪糕唔太甜+口感順滑+份量超足+甜筒殼超脆！結論係...呢個甜筒性價比高！!秒速就ko咗甜筒喇, 下次會試埋個北海道牛乳味！

平民的早餐，欣賞佢性價比高，全日早餐份量就好多，但今日早餐，我叫左煙肉炒蛋加多士，但我覺得有點縮水，平時都好欣賞佢的早餐，不過西餅同包都係我的至愛，希望有所改善。我好喜歡食佢的煙肉同牛油多士。呢度交通方便，MTR  對面，西餅多類選擇，特別係芝士撻，蛋撻同蛋白撻，都係我鍾意食同推薦的。仲有特式飲品，綠茶鮮奶，寒天飲品等等........間中仲有優惠，用餐之選。餐廳係自助餐具，環境衛生又乾淨，服務態度好好，又有禮貌，我好欣賞。

好味指數😋😋回頭指數 ⭐️開心指數🤗🤗約朋友響新都會廣場食晚飯，朋友話去食東海堂嘅烏冬意粉，我黑人問號咗一陣，吓！東海堂？食烏冬意粉？原來新都會呢間東海堂係一間有位坐嘅快餐店，除咗有麵包蛋糕外，仲有烏冬意粉同丼飯，要自己出去買，整好後有提示機提示出去攞。🍴日式豚軟骨稻庭烏冬配溏心蛋（$78）個樣都唔錯，雖然唔算好多豚軟骨，我都滿心期待，先飲佢個湯，首先感受到佢有幾凍，只係微暖，味道屬於正常，跟住食豚軟骨，好腍好入味，但外面係微溫入面係凍，真係呆咗，成碗嘢只係高室溫少少！另外稻庭烏冬完全冇稻庭烏冬 feel，一D 都唔煙韌，勁腍口，如果佢唔講自己係稻庭烏冬都會放過佢，但稻庭烏冬煮到咁，一下煮到過晒龍，一下佢根本唔係稻庭烏冬！🍴熱咖啡（跟餐）六隻字形容 -- 唔熱難飲咖啡。基本上完全唔掂，朋友話之前食過唔係咁，anyways 唔會再去，bye！☆My IG @tracyloveliving ☆

步入春天的溫暖·芒果是時候登場！東海堂抓緊初春· 以「芒果的心情．春天的呼喚」 為主題推出全新芒果限定甜點系列嚴選新鮮香甜芒果· 創意新穎食材配搭盡顯芒果蜜甜清香· 打造香甜精緻蛋糕系列ꕺ芒果熱情果慕斯蛋糕 ($269)充滿青春活力氣息的造型！香濃清甜的芒果幕斯· 遇上酸甜熱情果每一口都滿載清新果香夾層是芒果軟心醬· 裡裡外外都是芒果香甜細膩召喚出春日清新快感ꕺ芒果麻糬巴斯克蛋糕 ($32)小巧精細的巴斯克· 充滿濃郁芒果芳香細滑巴斯克加入軟糯芒果麻糬· 能豐富口感之餘芒果香甜亦更濃郁· 是芒果控絕對不能錯過系列

葵芳除咗有小食之外，旁邊嘅葵芳新都會廣場，除咗有街行之外仲有坐低嘅餐廳。下午茶時段我揀咗東海堂呢一間專賣麵包蛋糕嘅Pop up shop度食嘢。呢間shop同其他麵包分店有少少唔同，就係佢有咖啡提供後面有座位可以即時坐低享用。黑糖水晶咖啡黑糖味同咖啡融合得好好令到咖啡嘅香味更加出，而且咖啡係好香滑，令人一飲再飲。spy_family朱古力慕絲蛋糕 呢個蛋糕非常之濃郁，朱古力味慕絲亦做得非常之滑，非常美味。

我本身好喜歡食蜜瓜，見到葵芳東海堂有日本限定蜜瓜脆撻，即刻買嚟試吓啦！蜜瓜多汁，不算太甜，切成粒粒，都算多料，撻底配埋 cream 一齊食，微脆，還可以😌最重要係價錢一啲都唔貴，$26/件我覺得係抵食嘅 👍🏻

經過葵芳新都會廣場見到東海堂Cafe做緊「花々畳」千層蛋糕系列推廣，店內設有花海佈置同靚靚打卡位，一束束乾花優雅地倒吊著，環境氛圍舒適，幸福滿溢心間，生活增添一份儀式感🌹🌹即場欣賞到造餅師以20 片法式千層皮製作，以玫瑰盛放作為設計靈感，抹上幼滑忌廉和豐富餡料，捲如花瓣般相連，彷如綻放的玫瑰，每款千層蛋糕以純手工製造，玫瑰形態，最後蛋糕繫上夢幻絢麗絲帶讓蛋糕散發出絢爛美好的幸福氣息☺️ ❣️花々畳-可可千層蛋糕，造型巳有別一般千層蛋糕，純手工製作，漸變千層餅皮搭配紅桑子果醬、可可忌廉及可可脆珠，一瓣接一瓣捲成花蕊，變成綻放的玫瑰千層蛋糕，口感細滑，內裡頭可可脆珠營造出奇妙愉快食感😋🌹花々畳有三款口味，表面都係純手工千層餅皮🥰「花々畳 - 莓」🍓夾心：草莓片、草莓忌廉😊 「花々畳 - 芒」🥭夾心：芒果片、芒果汁、青檸忌廉😊「花々畳 - 可可」🍫夾心：可可忌廉、可可脆珠、紅桑子果醬😊❣️花々畳-可可千層蛋糕 
原價：＄299/個
會員優惠價（88折）：＄263.2/個

是日去了東海堂的活動～ 因為東海堂新出了「花々畳」千層蛋糕🌹💕是以玫瑰盛放作為設計靈感，依個蛋糕捕捉左綻放中的花，令甜品更有新動感覺～⭐️我個日仲在場整左個屬於我自己嘅「花々畳」千層蛋糕添🍰由一塊塊餅皮再加上奶油，再加一點果jam~ 然後鋪上士多啤梨，然後就用心卷出花朵嘅形狀～當然也需要不少技巧的！😋之後食返自己的作品，有千層嘅感覺再加上奶油嘅襯托，中間的士多啤梨片再增加多一重口感～ 味道唔錯～@maximshongkong @aromebakery#savouringourtime #aromebakery#東海堂 #數量限定 #限定推岀 #蛋糕 #甜品 #純手工 #千層蛋糕 #花花疊 #花心思傳遞愛 #水果千層蛋糕 #新產品 #新商品 #アローム #ケーキ #デザート #花々疊 #新入荷 #新発売 #手作りクレープケーキ #感謝の瞬間 #幸せを見つけた #arome #aromebakery #floralcrepecake #kaleidofruit #crepecake #millecrepes

今日朋友生日就買咗個蛋糕俾佢食我不嬲都鍾意食東海堂嘅蛋糕貪佢個海綿蛋糕好味食落去有好濃郁嘅朱古力味😋而且係超級creamy 朱古力配上海棉蛋糕而個朱古力cream令到蛋糕口感幼滑香醇仲要係有時會識到啲脆卜卜嘅朱古力脆脆

綿密紅豆帶送上甜蜜滋味~🥣選用日本北海道十勝紅豆製作，簡單同樣有心思💕三重奏月餅禮盒禮盒，一共有3款唔同口味😋🥚十勝紅豆蛋黃月餅經典搭配，軟綿紅豆加入鹹蛋黃，鹹甜交織，完美融和。今年亦推出咗兩款新口味❣️🌰十勝紅豆栗子月餅陣陣栗子甘香，配搭清甜紅豆，令人難以抗拒。🥠十勝紅豆雜果仁月餅口感豐富，綿滑紅豆蓉加入美國核桃仁 、夏威夷果仁、南瓜籽，令人一試難忘。唔同風格，帶嚟三重甜蜜滋味享受😙

東海堂最近都出咗新產品焦糖燉蛋見佢價錢都唔算好貴就試吓啦但發覺佢質感比較偏液體做唔到燉蛋嗰種實實地嘅感覺面頭嘅焦糖都好食嘅不過始終都做唔到平時食開嗰隻名牌燉蛋咁好食我不太推薦

早前中秋節買了兩盒月餅🥮東海堂中秋節新出咗2款新月餅: ⭐ 流心抹茶紅豆月餅一打開已經聞到抹茶🍵味外皮係京都宇治抹茶，內餡係濃郁紅豆內餡，入口香甜，抹茶流心效果好明顯⭐ 「多啦A夢」月餅除左月餅仲送左一個好厚實既環保袋😍好靚一共有兩款月餅，分別係奶黃月餅與十勝紅豆粒月餅多啦A夢鈴鐺造型放係再隨意門形狀的月餅禮盒中，我覺得呢個設計好有創意haha真係大人細佬都鍾意😍我比較喜歡多啦A夢的月餅因為包裝最好看

每次經開葵芳新都會商場，都會去東海堂餐廳食午餐或者晚餐，我通常都係叫蒲燒鰻魚北海道3.6牛乳炒蛋飯❤️❤️❤️熱鮮奶咖啡，熱鮮奶咖啡都係用北海道3.6牛乳鮮奶😍😍😍我嘅至愛❤️❤️❤️同埋南瓜沙律，朋友叫了鮮蝦芒果牛角包三文治❤️❤️❤️每次去都冇失望，鰻魚好大嚿，這個價錢質素已經好好👍🏻👍🏻👍🏻沙律真係好啱我口味，最好味南瓜沙律，每次食都係keep住水準，職員值得讚👍🏻👍🏻👍🏻我每次去態度都好好，可能我經常去認得我掛😬😬😬因為我每次去都必定問職員，南瓜沙律賣晒未😆😆😆

去葵芳行街，葵芳廣場實在太多人，所以鍾意去隔離個商場搵食，最鍾意就係食東海堂❤️次次都係叫daily set $50Daily set 有一碗叉燒意粉 (豬骨湯）+ 北海道牛乳3.6 炒滑蛋、火腿、三文治🥪配一杯熱飲品⭐️叉燒意粉個叉燒好厚，又淋，一d都唔乾瘦，有少少肥啱啱好👍🏻👍🏻，意粉一般，無咩特別。⭐️北海道牛乳3.6 炒滑蛋、火腿、三文治🥪炒滑蛋好香😋😋，嫌唔夠喉火腿一般反而個包好軟熟，唔硬，好食！👍🏻👍🏻

同女友黎行街，黎到葵芳就先去食個tea咁見到呢間有tea set, tea set又有牛角包食。就試下叫左個牛角包香腸熱狗，同埋日式义燒湯意粉加滑蛋連方包先講服務，全自助，自己去排隊點餐比錢拎餐，食完自己放去回收枱，所以唔評服務食品方面，牛角包熱狗唔錯，不過牛角包唔夠脆，似放左好耐咁，香腸幾大條，味道ok湯意味道唔掂，食落冇味，意粉唔淋唔彈。义燒好厚而夠淋，但係應該切做2塊會好啲，一塊太厚唔係咁好食。蛋炒得ok ，上面再搽蛋汁，另外2塊方包熱既，又軟，加埋牛油（要問佢地拎）唔錯。叫左2杯咖啡，咖啡味幾濃，可以一飲。不過如果再叫我黎食，我就唔會啦，環境食品其實都唔多合格（除左牛角熱狗嗰條腸，同埋牛油方包）呢頭有好多更好食既食店，可以去選擇其他