粵藝館 (海運大廈)

Open Now

Now Closed

這家海景粵菜餐廳提供了絕佳的用餐體驗，窗外的海景令人心曠神怡。菜品方面，招牌的清蒸海鮮鮮嫩無比，搭配香醇的蒸魚豉油，味道更上一層樓。還有精緻的點心，如蝦餃和燒賣，皮薄餡足，口感滑嫩。服務人員友善熱情，氛圍輕鬆愉悅，非常適合家庭聚餐或浪漫約會。無論是美食還是景觀，這裡都讓人流連忘返，值得一再光臨！

訂枱食下午茶，餐廳要求用膳時間為30分鐘，用膳時間要求比快餐店及茶餐廳要求更高，今天又不是滿座，除非食物是冷冰冰，但一般飲茶食點心粵菜在30分鐘內完成是高難度，自問進食比較慢，唯有取消預訂！！

點心做得比較好的均是煎炸嘢，其他選擇不多！幾個穿西裝的(假設係部長)，每人均有不同說法 (本人來了很多次，終於忍唔住要腐皮！)一個講只可經open rice 才有85折，一個話會員都有！另一個主動安排把二件點心轉為三件(因我們有三個人)，再下一次我們主動要求二件轉三件點心，點知又話唔得！一陣85折後仲可以扣coupon減$100, 有時又話唔得！亂到呢。。。一時一樣！最差嘅係回應態度，要求坐海景枱，怎知部長回應我地張張枱都睇到海景嘅喎！係真係唔明咩叫海景枱，還是敷衍或吋緊我們？總知令人很不舒服，毫不得體的回應！咁嘅價錢，大把更好選擇！！！

三人晚餐，醬茶鴨半隻，花膠枝竹浸菜，酥炸魷魚條，炒米西班牙豬叉燒包炒飯，羊肚菌紅燒豆腐。食物味道一般，收費貴而不值，埋單已經每餸85折，共$1200。最離譜是半隻醬茶份量只得例牌，即是叫經理問點解半隻鴨沒有鴨翼，鴨胸亦俾人批咗一部份。他竟然回答，他們來貨已經是這樣的😔花膠枝竹浸菜，菜單的圖片是清楚見到花膠，上枱的花膠已經是像牙籤一般幼條，完全與圖相差好遠。這間食店不值得去食。

一間比較經典的粵式點心XO醬炒腸粉，炸雲吞，避風塘蝦餃，蘿蔔糕 ，紫薯蘇，味道到好到位。大部分粵式點心都有齊。座位好寬闊，適合多人聚會飲茶。坐在窗邊位還有無敵大海景，可以看到維多利亞港。點心份量都不會太少， 兩個人點了五樣。非常飽。如果說弱點，就是炒腸粉比較油。

今次去到尖沙咀吃中菜，餐廳裝潢以紅色色調為主，環境寬敞舒適，窗邊大玻璃可眺望維港景色。粤之盛饌山葵雲南白木耳先食個冷盤開開味蕾，白木耳口感爽脆，醬汁以芝麻醬再加入山葵，好味又醒胃。鰹魚花醉鮑魚這道菜擺盤相當精緻，鮑魚入口新鮮彈牙，濃郁酒香充斥整個口腔，配上鰹魚鮮味更出眾。不時不燉湯是日燉湯是黑蒜螺頭燉雞湯，湯汁味道清甜，黑蒜養顏又補身，越飲越靚。鮑汁刺參天白菇伴菜膽刺參口感爽滑，天白菇厚肉入味，菜膽以玫瑰造型，賣相吸引，伴以鮑汁，十分美味。黑松露甜豆百合炒星斑球魚肉肥厚，入口嫩滑，甜豆爽脆清甜，再加上黑松露，味道更具層次。魚湯鮮茄浸菜苗菜苗新鮮嫩綠，配以蕃茄和魚湯，吃起來更鮮甜。菜脯叉燒炒飯飯粒炒得非常乾身，粒粒分明，香口夠鑊氣，配上叉燒粒和菜脯，口感十足。粤藝特色甜品以經典的綠豆沙作為這一餐的完結，口感綿密，甜度適中。

好難想像，響海港城食飯，中價位啲服務態度可以差成咁。入到嚟有兩張卡位係吉嘅，其他有三坐咗兩個人，帶位死都唔俾我坐，話係四至六個人坐，唔通嗰三張坐兩個人嘅卡位有啲我睇唔到嘅嘢？明明間餐廳都唔滿。但都唔緊要，你可以笑笑口同我解釋吓，點知帶位嗰個男人塊面仲黑過鑊撈，木無表情，好似我欠咗佢咁嘅樣。態度差都唔緊要，本來為咗個避風塘蝦餃去食，嘢食普通到一個點，呢個價位，我會寧願去啲普通屋村商場食都係差不多咁嘅口味，有啲仲做得好食過佢。

上星期去左海港城食飯環境華麗舒服、服務nice我哋試嗰個餐好味喎！又有乳豬、鮑魚、翅……有水準呀！一坐低就揀咗杯薏米水暖暖地、小甜味濃 唔錯呀！👍🏻.💠品味饌嚐宴💠🔸欖角雞中寶驚喜！走油過後，外層微脆、香甜、香口，肉同軟骨個比例岩岩好，好好味😋。🔸即燒無花果天下第一豬脆脆乳豬，配無花果醬，果甜味令果到更清新平衡。🔸潮式荷葉翅好大碗、料又足，滿滿翅、花膠，直頭可以用筷子夾起當麵咁食，湯又夠濃，好滿足！🔸蠔皇原隻鮑魚鵝掌伴菜膽鮑魚炆得夠透又夠淋，口感好好。鵝掌厚身軟棉，充滿膠質。🔸金榜醬大虎蝦虎蝦超鮮甜多肉！好鬼正！個醬好有椰奶香、似唔辣嘅冬陰公咁香濃、惹味、但溫和，令人回味！🩷🔸X.O.醬美國蘆筍炒北海道帶子帶子都好新鮮、爽彈，蘆筍都好爽脆鮮甜，好味。🔸蟹籽海皇炒飯用料十足，有帶子粒！炒到粒粒分明，有鑊氣。🔸粵藝特色甜品綠豆沙煲得好綿！好滑唔會卡喉嚨，少甜！哩個高質！👍🏻👍🏻.🏷️原價$998/位🏷️FOODIE 會員尊享$699/位

屋企人喜歡吃中菜☺️這次就去了尖沙咀海港城的「粵藝館」。平日晚市時段都坐滿了～很有人氣呢💗內裝以紅色為主調，有時尚感～窗邊大玻璃還可欣賞維港景色。選了八道菜「品味饌嚐宴」（$988/位；有鮑魚又有魚翅🤤正正！如果加入成為FOODIE 會員，可享$699/位喔～🟠欖角雞中寶香脆雞軟骨，超惹味！咬下去咯咯聲爽脆香口，口感一流。🟠即燒無花果天下第一豬店家招牌菜之一！果然正呀💗乳豬外皮燒得超輕脆，帶有豐富肉汁和脂香，配以秘製無花果醬，多了份甜香，味道更具層次🟠潮式荷葉翅上枱時以荷葉蓋著～服務生一打開已經看到勁足料👍🏼湯頭濃稠鮮美，魚翅一梳又一梳，質地軟腍～吃得很滿足。🟠蠔皇原隻鮑魚鵝掌伴菜膽鮑魚彈牙嫩滑啖啖蠔汁香🤤鵝掌同樣十分軟腍入味。🟠金榜醬大虎蝦大虎蝦配以金榜醬🦐入口椰汁香濃，微辣惹味，肉質爽彈，吃到舔舔脷。🟠 XO醬美國蘆筍炒北海道帶子以XO醬炒特別的鮮香惹味，帶子十分鮮香彈牙。🟠蟹籽海皇炒飯炒得粒粒分明，很香口。🟠甜品當日甜品有綠豆沙，入口綿密帶有沙沙口感，清甜不膩。

粵藝館最利害「舊菜新造」，除咗味道，視覺都得到滿足，再加埋呢度望住維港夜景，真係無得輸😆晚市套餐 $688/位欖角雞中寶 - 送酒一流即燒無花果天下第一豬 - 皮脆肉嫩潮式荷葉翅 - 滿滿既翅蠓皇原隻鮑魚鵝掌伴菜膽 - 鮑魚超大隻金榜醬大虎蝦 - 最好食 好彈牙X.O. 醬美國蘆筍炒北海道帶子 - 帶子蒸得恰到好處蟹籽海皇炒飯 - 粒粒分明炒飯蓮子紅豆沙 - 會起沙嘅紅豆沙 無一樣會令你失望，樣樣精緻😋店內環境以和式設計，燈色柔和有氣派，枱與枱之間鬆動，服務亦好好，主動又有禮貌，喺到真係可以好relax享受晚餐👍🏻

🤩粵之盛饌菜單精緻，共有八道菜❤️❤️加入咗會員仲可以享有七折優惠😋😋🤩山葵雲南白木耳雲南特產的白木耳為主，搭配了山葵，口感清爽，好開胃呢😲😲🤩鰹魚花醉鮑魚撒上香脆的鰹魚片和花雕酒，👅酒味唔會太濃，鮑魚好淋，唔會太靭🥳🤩青木瓜燉豬肉湯好少飲青木瓜湯，今次第一次試，好清甜，喝起來十分滋補，每一日都有唔同嘅湯，唔知下次會係咩湯🥰🥰🤩鮑汁刺參天白菇伴菜膽鮑汁帶來豐富的鮮味，而鮑魚和刺參的質感鮮嫩多汁。天白菇和菜膽的加入增添了菜餚的層次感😗😗🤩黑松露甜豆百合炒星斑球星斑球鮮嫩細膩，黑松露的香氣與其相得益彰🥹🥹甜豆和百合的加入帶來了清甜的口感，與黑松露形成了完美的對比👨‍🍳👨‍🍳🤩魚湯鮮茄浸菜苗魚湯賦予了菜品濃郁的鮮味，清淡而爽口，是一道非常適合夏天的菜品👍👍👍🤩菜脯叉燒炒飯菜脯的鹹香味道與叉燒的鮮嫩口感🤝🤝米飯經過炒煮，吸收了菜脯和叉燒的香氣，每一口都帶來滿滿的滋味。這道炒飯的口感綿密😆😆😆🤩綠豆沙口感柔滑細膩，綠豆的香氣在口中散開。它的甜度適中，不會過於甜膩😁😁

好耐冇食粤菜，今日去咗海港城行，試吓呢間😙-🫖粤之盛饌 ($688/位, FOODIE會員 $488/位)🍲不時不燉湯是日燉湯係黑蒜螺頭燉雞湯，黑蒜味為燉湯增添特別嘅香氣，螺頭同雞肉都入晒味，湯頭順口好暖胃🥹🍄‍🟫山葵雲南白木耳山葵辣度適中，配上芝麻醬同蟹籽，感覺好清新，白木耳口感爽脆，好啱夏天食嘅一道開胃菜🥗🥃鰹魚花醉鮑魚擺盤精緻，酒味好濃，鮑魚充滿酒香，口感煙韌，不過如果唔太鍾意酒味未必好鍾意呢道菜👀🧆鮑汁刺參天白菇伴菜膽刺參好軟熟入味，天白菇吸滿湯汁，味道濃郁，菜膽係玫瑰造型，口感爽脆味道清甜，唔錯☺️🐟黑松露甜豆百合炒星斑球黑松露帶出魚肉嘅鮮味而又唔會膩，魚肉幾香口，爽脆嘅甜豆更加解膩😉🍚菜脯叉燒炒飯飯粒夠乾身，飽滿而且粒粒分明，夠鑊氣亦都好足料，啖啖都食到叉燒😚🥬魚湯鮮茄浸菜苗蕃茄味酸甜開胃，浸熟嘅菜苗好滑，不過魚味再濃啲就更加鮮甜~🍧粤藝特色甜品是日甜品係綠豆沙，甜度適中，口感豐富🥸餐廳有落地大玻璃窗，可以望到尖沙咀嘅海景，氣氛好好，另外餐飲除咗各款茶仲可以揀薏米水，服務都ok，上菜好快，幾啱一家大細嚟食👯‍♀️味道 8/10服務 8.5/10環境 9/10回頭率8/10總評

平時食晚餐最中意去海港城嘅餐廳🍴因為一路食飯一路望住維港景色實在太正啦🌃今次去咗呢間主打高級食材入饌嘅餐館絕對適合同屋企人、生意伙伴gathering🥰品味饌嚐宴(兩位起)$998/位/—即燒無花果天下第一豬—食乳豬大部分人(包括我)都最中意食個豬皮豬皮超！級！脆！😍肥瘦均勻，一啖食晒多層口感食落有微微果香，飲汁喺口腔爆發💦—潮式荷葉翅—上枱時店員先會拎走蓋喺翅上嘅荷葉將荷葉香氣留守到最後一秒🥰湯底煲得夠晒火喉超濃郁配合魚翅同花膠，飲得出啖啖足料成碗滿滿骨膠原，絕對係女性摯愛💕—欖角雞中翼—外層炸到脆卜卜，再淋上蜜糖食落鹹鹹甜甜好開胃雞中翼去晒骨但keep住軟骨位置食落好似雞軟骨嘅口感😋—蠔皇原隻鮑魚鵝掌伴菜膽—鮑魚又厚肉又大隻！輕易切開，肉質軟腍👍🏻鵝掌炆到入味，輕輕一咬已脫骨—XO醬美國蘆筍炒北海道帶子—充滿鑊氣嘅小炒帶子煎至兩面甘香，肉質爽口彈牙加入XO醬，蘆筍同菇更顯惹味😋—金榜醬大虎蝦—金榜醬係類似喇沙醬，充滿東南亞風味啖啖椰奶、香料嘅味道配合肉質爽口彈牙嘅大虎蝦🦐伴隨吐司，沾滿醬汁好惹味👍🏻—蟹籽海皇炒飯—炒飯夠鑊氣炒至乾身，粒粒分明配合蟹籽、蝦肉、蔥花等配料豐富口感😍—粵

屋企人最鍾意食中菜 所以今次帶咗佢嚟海港城呢間海景中菜廳🥰 環境服務都非常好 坐得好舒服😌粵之盛饌($688/ p.p)鰹魚花醉鮑魚鮑魚非常精緻 浸住烈酒令到味道更加濃烈😚 口感非常好 做前菜好適合👍🏼山葵雲南白木耳白木耳比較少見 用麻醬撈嘅食法好開胃😚 口感非常爽口 感覺非常清新健康😋不時不燉湯呢個湯真係非常足料 有花膠 螺肉 無花果等等🤩 味道估唔到非常香甜 好滋潤嘅感覺 有驚喜😍鮑汁刺參天白菇伴菜膽原條海參非常彈牙 幾有口感🤤冬菇亦都大大粒 亦都煮得好腍 配搭鮑汁好夾呀😋黑松露甜豆百合炒星斑球班球份量都唔少㗎 最緊要係冇骨🤭 肉質軟硬度適中 配左黑松露炒得好香🤤魚湯鮮茄浸菜苗魚湯完全冇腥嘅味道 飲落非常舒服😌 配搭埋菜心 清清淡淡非常解膩👍🏼菜脯叉燒炒飯叉燒炒飯好足料 飯粒粒分明🤩 味道適中唔會太鹹😋 加咗菜脯口感仲更加豐富😍粵藝特色甜品綠豆沙非常足料 食到好多綠豆蓉 感覺好下火😙做結尾啱晒呀😚

欣賞住維港海景品嚐出色粵菜，絕對係一件賞心樂事。今日選擇《粵之盛饌》。✨山葵雲南白木耳白木耳非常爽脆，配合淡淡山葵味，好新穎嘅配搭。✨鰹魚花醉鮑魚彈牙一口鮑魚配合濃郁酒香，面頭再加上鰹魚碎，不平凡嘅前菜。✨黑蒜螺頭燉花膠非常足料火候十足，味道清而不膩。花膠養顏、黑蒜抗衰老增強抵抗力，非常健康。✨鮑汁刺參天白菇伴菜膽海參爽滑，花菇炆得好腍好入味。菜膽形狀係一朵花，盡顯師傅工架。✨黑松露甜豆百合炒星斑球黑松露配上斑球，幾新穎。互不相搶，仍然品嚐到黑松露嘅香同斑球嘅鮮味。✨魚湯鮮茄浸菜苗✨菜脯叉燒炒飯呢個炒飯最有驚喜。望上去有點平凡，但原來當中用上脆米，每口都帶有香脆焦香，忍唔住食完一啖又一啖。最後來一碗陳皮綠豆沙作結。