雅高·33

Open Now

Now Closed

午餐，西冷88，紅酒牛尾58。餐湯，白湯，偏甜，奶味過重。牛尾，汁濃郁，好送飯。整體不過不失。反而西冷有驚喜，異常爽口，有牛味。咖啡，普通茶記feel，可以下點功夫。

簡簡單單食個 lunch ~當然都是找一間 💛「黃店」食 lunch ~Menu ~Lunch set (餐包+餐湯+主菜+餐飲) ~什扒飯套餐廳 $78 : 食物有雞扒、豬扒、雞翼、豬肉腸、煎蛋 , 還配了一些沙律菜 , 雖然偏向港式 , 但味道和肉質都算過得去 , 個蒜蓉汁都OK的 , 雖然唔喺大餐廳級數 , 但肯定比附近一帶的茶記好 , 我覺得收貨 ~此外 , 我太座點的 "紅酒燴牛尾飯" , 就偏向似越南式的味道 , 還不錯吃的 ~凍檸檬茶 (走甜) : 味道一般般 , 同一般茶記的差不多 , 沒什麼好陳述 ~本篇完 ~

同開屋企人去荃灣辦啲事， 正值中午就順便食埋午餐。 家人點咗洋蔥汁豬扒意粉 ，我就要咗個澳洲西冷牛扒五成熟 ，順便叫多個大蝦沙律 首先嚟咗餐湯同埋牛角酥， 餐湯都夠熱幾好飲牛角酥好好味。 豬扒意粉試左好正 。但我個澳洲西冷牛扒就有啲失望， 首先塊扒雖然睇落好大塊但 至少有三分一都係肥膏 ，最嚴重係塊扒好多筋，幾乎切唔開，有好多位都食唔到，忍唔住要同店員反映😣， 佢話西冷牛扒係咁㗎啦 ！如果想冇筋呢就加錢食肉眼扒， 我真係好夠悔冇加錢轉塊靚啲扒，慶幸生熟度正常肉質都正常。 食到咁上下大蝦沙律終於到😜 話係大蝦其實只係一隻普通蝦切開一半😂 不過胡麻醬都落得夠多, 沙律都算新鮮今次第一次試整體都係不過不失，係有啲失望既，但見在係同路人都會比多次機會佢，期待下次試下加錢再食靚啲牛扒

Keep learning👶🏻🎈Artco • 33/Keep learning throughout our life. Don’t afraid to be a child./系獲得新技能後🤫就食返個下午茶先🍽卡邦尼意粉 ($43)🍝簡單嘅材料 有卡邦尼意粉嘅洋蔥蘑菇同煙肉但每條意粉都沾有濃濃既蛋黃醬汁creamy🥰公司三文治 ($43) 🥪估唔到呢度嘅公司三文治都有厚厚嘅雞扒夾係中間 一齊數下呢個公司三文治有幾多層啦 我數到有九層呀 🤗 你呢？下午茶超抵食 上面每個餐跟一杯熱飲嫁 我地叫左杯熱咖啡提提大家 呢度下午茶2pm就開始啦💛

限聚令又禁晚市堂食 , so what !? 那我們就提早在 1630 吃 dinner, 早點食 dinner, 亦有助幫助消化 , 更有助改善睡眠質素 ~我們就從 Panda Hotel 行去附近的 💛「黃店」Artco. 雅高.33 , 食件牛扒都好 ~Grilled U.S Angus CAB Rib Eye Steak 烤美國安格斯肉眼牛扒 : 賣相算是OK ,我所點的牛扒熟度是 medium rare, 如圖所見 , 廚師算是掌握得到 , 牛扒的肉質軟綿 , 肉味濃郁 , 把牛扒沾上紅酒蘑菇醬來吃 , 味道不錯的 ~本篇完 ~

同媽媽兩個人後食，搞好耐都無人落單。一開頭我地揮哂手無人理，我媽三番四次叫唔該繼續無人黎。之後有個waiter上完野食走，我地攔住佢叫佢落單，佢話等陣，然後人唔見左之後都無黎落單。我地再望黎望去，揮手又無人理，就咁過左15分鐘。我媽忍唔住好似癲婆咁大叫有無人啊有無人啊然後先有個waiter即刻過黎。即係要人做到咁樣衰先肯過黎？同埋你咁就即刻過黎都代表你地唔係忙都落單都唔得閒只係唔想落單啦。咁不如係門口寫明唔落單，坐得就自己坐啦。野食方面，每個餐跟牛角包同湯。牛角包正正常常，湯係明顯開左好多水，我叫左牛，媽媽叫bbq排骨。個牛除左靭到切都切唔開之外味道係ok，個排骨就等耐d，我食哂個餐之後先黎，如果趕時間最好唔好叫呢個排骨。媽媽覺得個排骨太硬太乾，如果唔烤咁耐可能好d兩個人食左差唔多兩百，但真係等太耐，好彩唔係番工lunch time，唔係實食唔切！

👧🏻😋👅🍽✨.🐖🐮🍕🐥🧈.🐖烤西班牙黑毛豬鞍伴烤菠蘿 薯菜 $248✨豬鞍唔瘦唔乾，好juicy✨啲薯條雖然浸淋左但都好好食😂.🐮🍕至尊狂牛Pizza 12吋 $108☁️本身見佢個樣得果兩條牛都唔抱咩期望（的確係唔重牛味）✨但原來勁重芝士好香✨餅底先係100分，唔燶超脆！.🐥忌廉菠菜雞肉意粉 $78✨雞嫩✨忌廉濕度適中.🧈黑松露帶子忌廉意大利飯 $118✨飯粒偏硬身有口感但係熟透的（有啲識開爐就整間西餐廳既啲risotto可以有米骨🥱）.有慶祝生日但冇收切餅費添☺️四人人均$115👍🏻.

荃灣放工想食西餐，雖然唔近港鐵站但近公司，6點幾去唔太多人，又見平中高價都有就決定試下。嗌左一個雜扒同忌廉大蝦墨魚汁意粉，跟湯，蒜蓉包同一杯野飲，正常港式西餐啦。雜扒係無牛既，但豬，雞，腸，雞翼都有，食落feel到係即叫即做既，但少少瑕疵係雞翼愈食愈鹹，如果擺凍左就…唔敢諗了。。。不過諗唔到食乜但又乜都想食都可以叫！仲要價錢都唔貴！第一次食有忌廉汁既墨魚汁意粉，又估唔到幾夾，仲令個味light番d無咁heavy，所以都喜出望外😋值得encore

真五一黃金週 , 撐「黃店」~ 今日去 荃灣-沙咀道 的 Artco-33 食 lunch ~Menu ~Artco-33 , 主打港式風味的西餐 , lunch set 有很多選擇 ; 餐湯、餐包、主菜、餐飲 , 一般來說幾十蚊有找 .... 算係平靚正 ~見餐廳內貼有不少「文宣」, 多數職員都係本土香港人 , 絕對值得「懲罰」一下 ~餐包 (牛角酥) : 牛角酥的味道偏向似餐包 , 質地偏向軟綿 , 重牛油味 ~餐湯 (羅宋湯) : 味道就是港式西餐的那種羅宋湯 , 都有很多蔬菜 , 亦食到有牛肉粒 ~意式蕃茄芝士牛脷焗飯 : 原來是鑊仔焗飯 , 賣相靚靚 , 見到有很多芝士 , 意式蕃茄醬的味道香濃, 酸甜度很平均 , 亦食到有香草味 ; 牛脷共有四片 , 牛脷的厚度一般 , 肉質細軟 , 舌味濃郁 ; 飯是雞蛋炒飯底 ~ 餐飲 (凍檸茶) : 味道一般 , 沒什麼好陳述 ~#真五一黃金週 #五一黃金週 #黃色經濟圈 #黃店 #良心小店 本篇完 ~

荃灣搵食，夜晚食好啲就嚟到artco食！叫左一個牛扒餐同青口牛肝菌意粉🍝餐前包點係牛角包，有啲意外，因為croissant通常貴啲餐廳先有，味道不過不失！牛扒餐配薯菜，味道不錯，五成熟唔會太難咬，有肉汁，而且份量都大份，唔太肚餓可以share食青口意粉忌廉味濃郁，青口肉就細粒啲，但都ok，食完都好飽待應態度都幾好，反應快，仲要係黃店，一定要支持下，仲有手足飯券，真正有需要嘅手足可問吓職員！外賣自取仲有額外優惠同送洗手液！環境一般，港式西餐廳係咁上下，有文宣額外加10分😄大家要多多懲罰啦！

特登嚟支持黃店，不過黃店水準參差，今次係失望嘅。叫咗一個紐西蘭肉眼扒，七成熟，飲品要熱檸水。餐湯正常羅宋湯，又食評話佢材料好少，我又唔覺，正正常常。熱檸水普通。餐包係牛角包，我個人比較鍾意食牛角包，所以開心過係普通餐包，不過味道唔會話有好香牛油味或者好酥脆，普通貨色。塊扒真係七成熟，鬆肉粉唔使錢大平賣，雖然食得呢種餐廳嘅扒都預咗，但落咗鬆肉粉都仲係有渣，蒜蓉汁又冇蒜蓉味，令人失望。配菜西蘭花非常硬，草青味好重。薯條還可以，唔會好油。結論係有得揀我唔會再嚟，黃店都要有食物質素。

之前嚟過食牛扒同埋生蠔等等，印象幾好加上疫情期間都係熟食比較妥當 😄所以再嚟食我點咗澳洲肉眼扒，一貫地好 😎叫咗穩陣的7成熟，煮得剛剛好，熟得嚟唔硬朋友叫咗5成熟，都好符合（最怕有d餐廳係叫咗5成熟但都係煮7成熟 😂🙈）同埋佢果塊好大塊 😆😆 果然係貴價食物（忘記朋友果個係咩部位的牛扒，總之係獨立宣傳果一張menu上面特別貴果個🙈）平時都會留意d伴菜，最怕“乾爭爭”的沙律菜伴碟會好影響件牛扒，同埋見微知著，如果伴碟都求其，不免令人聯想到煮牛扒都會冇乜要求而呢度d伴菜就依然好fresh，唔錯唔錯 👍矮瓜同埋翠肉瓜都有稍稍燒過我有食晒d伴菜喲～😁炸魚薯條好正路，剛炸好的炸物，一般都會好食 😜意粉都好ok，每食一口意粉都剛剛好沾到creamy醬汁如果可以再多d汁就更好（純粹個人口味鍾意多d，嘻嘻）上次嚟食有食過薯蓉焗田螺，記得係都唔錯，今次都有再叫，重質不重量，好食上菜好快，所以如果叫好多嘢食，可以分兩輪落order店員好helpful，動作爽快俐落而且好貼心隔開大家做足防疫措施同埋，抬頭一看掛住的裝飾品，讚讚讚，安心食，開懷暢飲呢間餐廳d食物性價比都幾高食飽飽滿足口腹之慾埋單所係好合理加上

這天晚上，在荃灣區覓食。二人同行，來到離地鐵站有點距離的雅高33餐廳，點了雜扒餐及焗白汁芝士豬扒飯。晚餐附蒜蓉包及餐湯(紅/白)很快便上了主菜，焗白汁芝士豬扒飯，一層厚厚的芝士，可造成拉絲效果。另外，雜扒餐選乜配薯角。當中有雞扒，豬扒，雞翼，蛋和腸，十分豐富。價錢亦便宜，若Budget有限制，又想剧扒，不防一試。唯獨一點，此餐沒有牛扒，有點失望。最後，晚餐附送咖啡/茶，作結尾。重點！餐廳員工服務一流！

相約知己去荃灣食晚餐  , 網上訂座夠方便 , 本以為都唔會多食客 , 早到荃灣區就行行新開既中南文具店 , 預時間入餐廳點知都多人 , 大約坐滿3分2枱 , 我同朋友落單 , 男侍應話跟餐有羅宋湯同周打魚湯 , 我要周打魚湯 , 隔一陣男侍應問我: 小姐, 睇資料你係對蝦同蟹敏感? 因為呢轉周打魚湯有落蝦 , 要重新煲大約等9個字 , 而家有羅宋湯 , 轉唔轉飲羅宋湯 ? 我就揀羅宋湯 ,  好貼心既服務呀.....讚讚讚

今日女朋友想食肉醬意粉，咁就上網睇吓荃灣邊度有意粉好食，呢間餐廳都知道好耐，聽人講食物唔錯咁黎試吓，拋開餐廳環境同服務，只係享受食物既一餐，首先黎個肉醬意粉用個鐵pan黎載意粉，再淋上肉醬再鋪芝士，上枱時好夠熱，芝士夠溶又咬口又夠肉醬，面身岩岩好彈牙，係我好耐無食咁好食既肉醬意粉！之後黑松露醬薯條個醬太稀，不過味道還好，芝士焗田螺好食👍🏻不過t骨就爭一d，首先我話要medium黎左well done煮到d肉好硬好鞋，煮牛扒需要改善