雅高·33

Open Now

Now Closed

餐廳位置還好，都幾容易搵到可以係openrice book位既餐廳好方便雖然現時應該唔會多人出街食餐湯配包一般白湯冇咩特別68蚊什扒餐有雞翼，雞肉腸，雞蛋，雞扒，豬扒揀左薯菜，有薯條同沙律菜唔食牛人仕都唔駛突登轉份量全部都係得1件上菜時碟就大碟，份量好似唔夠咁但食哂又其實會好飽咁既價錢抵食啦葡汁焗雞飯貴過什扒10蚊，但好好食芝士味濃郁，數量都唔少汁就多左d所以焗完都仲係濕濕地係荃灣區黎講，係一間性價比唔錯的餐廳

因為夜晚係荃灣收工，所以之前係附近搵左啲餐廳俾壽星女揀，我地4個人去食，環境靜靜地傾計都唔錯，服務態度好好，好有禮貌，對我黎講呢樣好緊要本身有留意到$10生蠔，點知冇貨要到2月先有好可惜，所以我地叫左白松露忌廉意大利飯、蜜糖芥茉鹹豬手、澳洲肉眼扒、什扒餐。最出色係白松露忌廉意大利飯同埋蜜糖芥茉鹹豬手最後再叫左蛋糕，心太軟好濃朱古力味，又唔太甜總結黎講，誠意推薦呢間餐廳

以前覺得係一間荃灣尼講算ok嘅西餐廳，食過幾次，價錢有平有貴。今次係食晚餐，同老公2位唔駛等，坐位都ok嘅。叫左兩個平民晚餐, 跟餐有蒜蓉包（好迷你），咬一兩啖就食完。個餐湯已經冇得揀只有羅宋湯（份量唔係好充足）。覺得個羅宋湯好似溝好多水，味道係有，但唔夠濃郁，所以比較普通。叫左個雞扒意粉，其實個意粉質地同味道都煮得ok嘅，可惜雞扒份量比較少，切得很幼，有點似雞絲咁。另外叫左個焗豬扒飯，都係一般，豬扒份量比較少同埋很多汁在面上，有啲似白汁撈飯。感覺比以前退步，價錢亦不是相當便宜。

約了朋友在荃灣吃晚餐因為不熟荃灣所以全靠OpenRice如果說平靚正的餐廳，這間算是榜上有名於是膽粗粗book 了結果真的很不錯，是一次最不伏靠食評選擇餐廳的經驗.首先價錢真的非常便宜$68就食到一個什扒餐，包湯包飲品我自己就點了一個$118的牛脷餐，一大個碟份量十分充足，味道當然不會是五星級酒店的水平，但其實質素也很不錯而且環境及服務都不是茶餐廳的質素，有西餐廳的水平.最後加了$30多元食心太軟，抵到喊.PS. 回到家才發覺餐廳收多了錢，不過我致電跟進後，餐廳都很快及有誠意地退回金額。真心這個價錢有這樣的食物及服務質素，香港找不到第二間。

羅宋湯🥣呢到嘅羅宋湯比較稀身亦係小編暫時見過最少料嘅紅湯🍅但佢味道好濃 同平時飲開嘅唔同 酸味偏重 而且冇辣味酸maymay非常開胃😋餐包係蒜蓉包 好脆 又重牛油香 正👍🏻雅高什扒餐🥩🍳配薯菜 $68什扒餐有一隻雞翼 半塊雞扒 半塊豬扒 一堆粗薯條 一隻煎蛋 一片燒翠玉瓜同一片燒茄子😂數落幾多 但其實份量唔算多小編食曬先覺得岩岩好 大食少少都唔夠☹️燒翠玉瓜同茄子都好出色 好juicy 不過應該係等薯條炸起擺耐左 凍左啲啲薯條就熱辣辣嘅🔥肉方面就咸左啲啲 不過可接受啲肉唔會太乾 都唔會話嚡店內客人較多 店員較少 等上菜需要比啲耐心 呢個時候不妨睇睇香港人日程表或者寫張聖誕卡先💪🏻

睇人地食評講到天花龍鳳！今日生日就去試下啦。首先我係超早去，成間鋪得3台客。坐低望下menu 叫左個西冷（7成）set一份黑松露薯條 同一份豬肋條。黎左黑松露薯條⋯⋯個黑松露汁⋯好似溝左水咁！如果正常係醬應該係「傑」點落去係水汪汪 湯咁⋯⋯⋯Set 既紅湯⋯⋯唔知點解落咁多蒜 係成碗都係。反而出奇既沙律個黑醋幾好！之後個西冷⋯⋯正正常常 不過切個陣有血水同難切D冇咩牛味，黑椒汁就茶記水平⋯⋯如果西餐⋯⋯正常都跟芥末 但係冇⋯⋯反而豬肋條就正正常常 唔錯。可以一試呀！不過要提一提尼到職員😂態度係黑口黑面可能打擾佢地係到傾計⋯

吃貨又出動，今次都係荃灣區，因為荃灣實在太多餐廳選擇，重要係又唔算貴。今日一於食西餐，同媽咪撐下枱腳先。Artco.33 都係第一次食，就咁睇門面，以為好細間，點知入到去原來都幾寬躺。（比想像中好得多） 話明西餐點少得牛扒呢？ 即刻點咗一個美國安格斯CAB 級牛肉眼扒套餐$248 （+10%）同德國咸豬手配蜜糖芥茉醬套餐$208 （+10%) 。套餐除咗主菜，包括有沙律，蒜蓉包，餐湯（忌廉/羅宋）同餐飲一杯。先講牛扒🐮： 份量大，肉質嫩，夠入味。而咸豬手🐷：望到已經流曬口水，外皮香脆可口，內裏滋味無窮配埋個醬，一流👍🏻

朋友突然想食西餐，荃灣有好多選擇，我上次有食過呢間餐廳，覺得好好食，所以今次都帶左佢黎，第二次黎食水準依然😍😍香煎澳洲牛肉眼配薯菜 (五成熟) $138之前有食過其他店既肉眼扒五成熟，發現都係好難咬得開，唔係間間都煎得好好😪不過上OpenRice話呢間既扒做得好好，咁我都試下啦，果然好有驚喜！好滿足💯！首先塊扒係厚身🥩既，呢個誠意十足😋，要加分，而且煎得好靚好有層次，一切開已經好juice，色水好靚，食上口啖啖肉汁，唔會食到肉渣，好淋好好食！👍🏻👍🏻呢個價錢係包埋餐包，湯，以及咖啡或茶，真心好抵，性價比極高！而且薯條隔耐左都唔會淋左，仲係好脆口，真係好推介黎呢道食返個晚市套餐！😍😍精選特價生蠔 $10/ 1隻凡叫晚市套餐都可以追10蚊特價生蠔😍😍我同朋友一齊叫左半打，每人3隻都已經好滿足！😋唔好以為10蚊一隻就質素麻麻🙈，隻隻都好鮮甜架！唔會有臭海水或者死咸水味，加檸檬汁完全迫到生蠔既鮮甜味🤩，而且有幾隻都特別肥美🥰，分分鐘好過自助餐既質素！鍾意食生蠔既朋友一定要過黎試下啊😛德國咸豬手配蜜糖芥末汁（2隻）（$218）另外散叫左個德國咸豬手，原來散叫都可以選擇配飯/意粉/薯菜，咁我就揀左

呢間位於荃灣嘅一間平價西餐，做緊$10生蠔😆質素唔差嫁。想平平哋食返個西餐都係一個唔錯嘅選擇嘅.🍴特價生蠔$10生蠔肉雖然唔會叫好肥美但係$10隻係餐廳度食。呢個價錢真係算唔錯啦👍🏼唔會冇肉食又冇腥臭嘅味道嫁.🍴烤西班牙黑毛豬鞍伴燒菠蘿 $248兩大個燒好嘅菠蘿起塊豬上面，塊豬質素可以。唔會話係好乾嗰啲，不錯👍🏼.🍴意式車厘茄醬焗豬扒飯 $78其實我好鍾意食豬扒飯😂。因為真係好鍾意食蕃茄。估唔到佢個豬扒飯都幾好。蕃茄味濃而且佢上面嘅芝士係可以拉絲嫁🤣。焗豬最緊要熱第一啖食落去就係辣口。食咗一陣個飯都仲係暖嫁正🤣

咁岩係荃灣經過，見到雅高33，有雜扒食仲有手工啤飲。熱愛雜扒同手工啤的我，於是就即刻入去食。一入到去當然就叫一個雜扒先，再叫一個12吋薄餅。仲有餐湯同蒜蓉飽添。話不多說，看相最清楚。最後仲叫左一個紐約芝士蛋糕完美作結。

已經係第二次黎呢間餐廳，今次我就叫左個牛脷伴燕麥紫薯球，男朋友記得我上次都有食個紫薯球，但我真係完全冇印象🤣諗住燕麥好似幾健康，而我係專業紫薯控，印以就試下啦👧🏻果然佢冇令我失望，個燕麥增加左一層香脆嘅口感，入邊好似有啲麻糬，好chewy😋😋C7. 烤厚切美國牛脷伴燕麥紫薯球而男朋友就叫左個肉眼扒飯，見到件扒大件到呢😮😮😮，我偷食左一啖，味道normal ，唔係話特別好食但又唔係難食個種囉C8. 香煎澳洲牛肉眼飯另外我地叫左4隻生蠔，價錢就真係好抵啦，不過我兩食都食到好多粗鹽味😐😐

我哋叫咗一個熊本霜降牛西冷 一個烤厚切美國牛脷伴燕麥紫薯球 最後貪心再嗌多一個特式焗蠔叫晚餐set既話會包一杯餐茶、一個餐湯同蒜蓉包餐湯我地各嗌咗一個 我比較鐘意飲個紅湯 因為紅湯比較濃郁😉今日既白湯係忌廉粟米火腿湯 ，而紅湯就係意大利雜菜湯黑醋田園沙律—是跟霜降牛西冷既餐送的霜降牛西冷好稔 五成熟嫩滑 焗蠔芝士配香草醬係蠔上面 仲有啲海水味 個醬汁無得輸牛脷配燕麥紫薯波燕麥燕薯波好好食呀、好驚喜 佢既調味好香 入面有啲好綿滑既紫薯泥 下次單叫都會叫一個嚟食而牛脷真係好厚一塊 搭燒汁幾好食

今日要去荃灣攞野俾個客，所以順便係度食埋晚飯先走。係荃灣寶石大厦附近睇下有咩岩食，點知俾我見到呢個牌我即刻雙眼發光😍😍😍😍因為呢個價錢黎講係餐廳食真係唔算貴😜平時去蠔吧食蠔都要四十幾蚊起跳，呢度十蚊起跳，真心抵食嘅。❤️跟住個身體就不由自主咁走左入去🙈今日個客幫我買左好多野😆，所以我决定今日食好啲獎勵下自己。餐廳晚市套餐有兩張。一張係主打平民啲嘅，價錢由68蚊起包湯包餐包仲有野飲跟。另一張一樣跟多個沙律，而個主食食材亦會高級啲，價錢由178起。我覺得佢迎合到大眾嘅需求，岩晒一大班朋友，有啲想慳錢食平啲，有啲唔介意錢想食好啲，唔會因爲食物上嘅追求唔同而煩惱。❤️而我發覺佢晚餐本身已經包好多野所以我打消左叫生蠔嘅念頭🙈，因為我都驚自己食唔晒。最後我揀左B餐 熊本霜降牛西冷餐湯可以揀白湯或者紅湯，我揀左紅湯。羅宋湯入面有好多蔬菜，而味道酸酸甜甜岩岩好。蒜蓉包焗到啲邊脆卜卜但中間係軟熟嘅，而且蒜蓉味好夠。👍🏻沙律份量唔算好多，食落新鮮、爽脆，配黑醋汁。熊本霜降牛西冷 $198可以選擇跟白飯/意粉或者薯菜。我揀左跟薯菜。薯條係粗薯條，炸到脆卜卜❤️配菜沙律就跟芝麻醬。哈哈，試左兩隻唔同味道嘅沙律。

今日黎到荃灣呢間感覺平民小小既西餐廳呢度冇華麗既裝修 走簡單撲素既風格所以套餐 食物有著平民既價錢好多一家大細都book位黎食飯晚餐有兩款套餐一款貴d 食靚排類一款平d 食意粉意大利飯我地試左貴價小小既排類餐湯係mushroom soup 有一粒粒既mushroom粒食到有口感 足料 點個garlic bread 食 好香脆叫左個香煎三文魚排 配意粉$178三文魚排煎得幾好食 肉唔會一吉就散煎得幾有油香 意粉好有驚喜 夠濕既番茄意粉意粉份量好夠呀 多到我女人仔都食唔哂～沙律🥗有麻醬 好開胃食完個主菜都勁飽包野飲 好抵其實叫意粉果d $100令蚊都落到樓！試左男友叫既熊本霜降牛排$198 7成熟呢款牛賣點係油脂勁重 好易咬 入口即溶 冇咩筋 但對比起黎牛味比起美國澳洲應該冇咁重～ 中意油脂重既朋友仔可以試一試另外叫左$10生蠔4隻有小小海水味 勁Creamy ！好抵食一人食2隻

今日想食西餐同朋友行過就入咗去呢間西餐啦。竟然有意外驚喜。 見到西餐係主打食生蠔而價錢都好抵食又有唔同嘅選擇。可惜朋友唔食生蠔，所以就冇叫到啦。 雖然朋友唔食生蠔但係我哋都叫咗一個特色焗蠔。佢嘅做法好特別，面頭嘅芝士啱啱好熟溶溶地熱辣辣而內面就keep到生蠔嘅鮮味好新鮮。如果下次自己黎就一定試吓佢哋生蠔。而佢哋第二個主打就係牛扒，所以我哋就叫左澳洲肉眼扒。價錢相當抵食。牛扒套餐可以揀薯菜或意粉而汁醬方面亦都有唔同撰擇。份量好名同多肉汁。最後我地叫左個佢哋餐廳嘅拼盤。通常出面拼盤都係一啲小食拼盤但佢哋嘅雅高拼盤就有燒排骨食 ，而價錢都唔貴而我最欣賞係佢啲懷舊飲品。而我地都叫左個雪糕紅豆冰。總結而間餐廳性價比都好高。