雅高·33

Open Now

Now Closed

同姊妹食飯，叫左好多嘢白湯及蒜蓉包 跟餐送芝士煙肉焗薯皮（4件）$58香煎澳州牛肉扒、6成熟、薯菜、蒜蓉汁 $138蟹肉蟹蓋忌廉意粉 $98黑牛（朱古力雪糕+可樂）$28白雪公主（雲呢嗱雪糕+7up）$28👉🏻白湯同蒜蓉包系普遍出面跟餐二寶，味道上大致差唔多👉🏻芝士煙肉焗薯皮比較驚喜系原隻薯仔切半，焗左之後完美保留左薯香，食落去系薯蓉口感配合芝士系幾好味👉🏻香煎澳州牛肉扒講常出面唔系高檔次嘅餐廳你同佢講6成熟，一上完枱灘一灘後好快又打番9成熟，但呢到師傅火喉掌握唔錯，塊牛肉扒咁簿灘左陣之後內裡都冇熟透，呢樣讚賞👉🏻蟹肉蟹蓋忌廉意粉特別之處重點居然唔系蟹蓋，系意粉個汁除食到淡忌廉味外仲好濃嘅菠菜味，但完全冇發現有菠菜碎，味道對我黎講好食嘅，而且印象深刻👉🏻黑牛（朱古力雪糕+可樂）同白雪公主（雲呢嗱雪糕+7up)都唔系我最想飲嘅嘢😂✊🏻我會比較想（雲呢嗱雪糕+可樂），但系呢兩款飲品味道，黑牛會好飲好多☝🏻🤔純個人感覺雲呢嗱雪糕配7up陣味唔系咁match🙋🏻‍♀️俾多啲機會唔同食店，只要樂意比機會，通常進步空間可以好大，時日有加會愈做愈好，香港人太健忘急速，對一般評價或要等既食店都唔會返轉頭

荃灣向來是新界區的美食好地方，地方大，餐廳的價錢也算公道。這天剛巧和朋友到荃灣逛街，事先卻沒有訂哪間餐廳，走著走著，竟然發現有間叫「Artco • 33」的食店，先，在門口看見一些食物的價錢都算正常，於是便去試一試了。裡面的環境都算舒適，地方寬敞，空間感足夠。食物種類繁多，拍不了那麼多的餐牌照片，只拍了晚餐、小食。另外最注目的莫過於海鮮拼盤，只需要$198，就能享用波士頓龍蝦、生蠔、帶子刺身、皇冠螺、甜蝦，不過在6點後才供應。晚餐包括餐湯、蒜蓉包、主菜，飲品只包括熱飲，凍飲或特飲等則需要加錢。先來了蒜蓉包，蒜蓉包的蒜蓉雖然不多，蒜蓉卻很香，麵包脆脆的。很少西餐廳會有「黑牛」了，黑牛是港式的傳統飲品，朱古力雪糕加可樂，朱古力雪糕份量不算很多，卻不知從哪個年代開始，成為了和可樂不錯的配搭。朋友則點了杯「白雪公主」，又一港式的傳統飲品，即是雲呢拿雪糕加雪碧，雲呢拿雪糕像泡沫般在杯子上，形狀可愛。以白色為主，和以黑色為主的黑牛互相輝映。作為薯控的我，當然不忘點一份芝士煙肉焗薯皮，上面是滿滿的芝士，超正的，毫不吝嗇，然後夾在芝士中間的是大量的煙肉，很是滿足薯皮不會很乾，也不會給人太膩的感覺，弄得

今日又是跟閨蜜每月一飯聚的日子，她比較喜歡吃西餐，所以她就選了一間荃灣的西餐廳，她說是同事推介的。這裏裝修簡約，環境乾淨整齊，職員安排我們坐梳化位置，這裡坐得挺舒服的。餐牌選擇不少，有晚餐套餐，我們點了香煎澳洲牛肉眼配薯菜及海膽帶子忌廉意大利飯。另外看到餐牌上，有特價生蠔，十蚊一隻，於是我就點了兩隻嘗嘗。生蠔先來，看樣子也很新鮮。生蠔入口肥美，帶鹹鹹的海水味道，我只是加了一點點檸檬汁，但仍然可吃得出蠔的鮮味，我覺得不錯。是日餐湯有兩款，閨蜜選了羅宋湯，而我就選了忌廉蘑菇湯。閨蜜說羅宋湯是酸酸的，裏面什菜不少，不太鹹味道剛好。忌廉蘑菇湯也很好，濃結適中，鹹鹹的，幾好味。餐包是蒜蓉包，牛油味濃，入口又香又脆。主菜是香煎澳洲牛肉眼配薯菜，賣相不錯，很大塊。肉眼是我們要的五成熟，肉還是紅紅的。入口不硬，厚度剛好，有肉汁，配上旁邊的黑椒汁，就覺得更加好食。旁邊薯條熱辣辣，炸得很香很脆，好食。另一款主菜是海膽帶子忌廉意大利飯， 份量不少。 我將海膽拌勻再夾著意大利飯一起吃，裡面還有洋蔥，所以咬落爽口，還帶點淡淡忌廉及海膽的味道，雖然有忌廉但又不覺得很漏，整體覺得好吃。飲品方面，我們轉了特飲，我選了

被門口特價生蠔的banner吸引，決定入去一試除了最平$10一隻生蠔，其實仲有豪華D的選擇，豐儉由人。晚餐選擇也不少～講左生蠔先，比我想像中大隻，而且海水味濃，開蠔都開得乾淨，值得一試～田園沙律伴黑醋，幾醒胃架～是日餐湯及蒜蓉包熊本霜降牛西冷$198西餐不吃牛扒有點說不過去西冷肉質不錯，五成熟剛剛好，而且仲配薯菜，夠哂飽肚！海膽帶子忌廉意大利飯$118海膽份量不少，又冇腥味，忌廉汁配飯好CREAMY，最正係個帶子－－好嫩滑又鮮甜，性價比高～

呢間位於荃灣嘅西餐廳🍴 要咗份肉眼 三成熟 都整得唔錯唔會好韌-另外要左一個薯蓉焗田螺 呢個個人覺得幾好食 薯蓉冇乜落調味但配埋田螺嘅配搭 淡味得黎又唔會難食👍🏻 焗蠔就普普通通啦！冇乜特別-之後到甜品啦！叫咗一個Tiramisu蛋糕同埋一個心太軟 但Tiramisu就太甜同埋味道就麻麻哋🤯🤯🤯反而心太軟幾好食！即叫即整 上到枱嗰陣熱辣辣🔥同埋外面好脆入面就流心🤤點埋雲呢拿雪糕就真係好好食 呢個係甜品🍮item裡面要嗌🤣🤣🤣🤣-

荃灣沙咀道係香港嘅一條飲食街，點解咁講？除左有出名多火鍋放題嘅大鴻輝中心之外，沙咀道亦都有唔少茶餐廳、西餐館、麵店等，而今晚就去左果邊嘅雅高·33食晚飯香煎澳洲牛肉眼 牛肉眼扒色澤均勻，7成熟嘅肉眼扒呈鮮牛肉色中亦隱約見到微紅泛光，非常吸引，約1cm嘅厚度，無論係切落去定咬落口都係好腍，肉質鮮美，7成熟岩岩好有肉汁又唔多血水，而且脂肪唔多，岩哂鍾意食肉但係又怕肥嘅我海膽帶子忌廉意大利飯海膽同帶子好新鮮，海膽顏色橘橙鮮明，入口即溶，唔會有腥臭味，帶子煎香後外層少脆，肉質彈牙爽口，帶子味亦好強烈，忌廉飯睇落好濕，但食落口又唔會有好濕重嘅感覺，忌廉味香濃唔滯，仲有唔少磨菇添飲品方面就叫左黑牛同日本紅豆雪糕冰，人氣特飲跟餐價只需加$16就有，大大杯，仲有雪糕食，甜品就叫左個心太軟伴雪糕，朱古力濃郁亦都係流心嘅，為成餐飯劃上一個甜蜜嘅句號

餐廳：雅高·33 (荃灣)地址：荃灣沙咀道328號寶石大廈地下21號舖係荃灣雅高·33餐廳門口見到特價生蠔$10/隻，作為一個鍾意食蠔嘅人，我係唔會放過呢個機會去試下呢到嘅蠔，所以就因為呢個緣故而入左去食飯德國鹹豬手配蜜糖芥末汁 $208係好！大！份！嘅豬手，一上枱嘅時候我同屋企人都比佢嘅份量嚇親，呢個size嘅豬手係正常德國餐廳食我諗都要三四百蚊起，豬手非常香，啖啖肉又唔會過鹹，皮同肉嘅比例大概係1:2，無論係鍾意食皮定食肉都可以滿足得到，豬手皮有好豐富嘅膠質，彈牙又唔會好膠好痴口，亦都唔難咬開，呢個價錢呢個質素絕對係超值，大讚日式照燒雞肉野菜薄餅 $9812吋嘅薄餅有成個籃球嘅直徑咁大，一家人食就岩岩好，薄餅香脆微焦，加上照燒雞肉、芝士、青椒、紅椒、洋蔥等夠哂香口，芝士份量唔會太濃厚蓋過雞肉同其他菜料嘅香，下次一於試下芝士薄餅藍青口海鮮焗飯 $68海鮮焗飯以藍青口、蜆肉同八瓜魚仔做主角，焗飯用雞蛋炒香過，加上濃濃芝士覆蓋係飯上面，撈勻後每一啖都有芝味海鮮香，$68黎講都算抵食特價生蠔 $10/隻呢到嘅生蠔有成6款比你揀，價錢分別係$38，$28同特價$10，識食緊係食最抵嘅特價蠔啦

今日星期日阿仔要吃焗蠔，又嚟了荃灣呢間雅高33意大利餐廳，其實呢間餐廳返工lunch食咗好多次，好少假期來吃，今次2個人吃，就叫咗一個雞扒跟配薯菜，同一個紅酒燴牛尾跟飯， 比起之前食啲份量少咗但係價錢又貴咗， 而且雞扒又有雪味退步咗好多，唯一跟餐嗰個牛角包依然咁香同個忌廉湯係正常冇乜變卦一樣，仲有跟餐加錢配嘅芝士焗蠔，同芝士焗嗰個大冬菇，味道ok，但係size明顯比之前細咗，總括嚟講餐廳食物質素退步價錢上升

去荃灣行街經過呢間西餐廳，食物質素同性價比都好高！🤩🤩牛排燒得好香，肉質好靚，勁勁勁大塊！🤤 sides都好好味，薯菜同茄子grill 得好好咁大塊靚牛先$298 👍🏻👍🏻焗田螺🤤又係好正，芝士好香濃，勁多田螺，份量好慷慨三文魚菠菜risotto 🤤又香又滑，個汁好好味燒春雞🐓 d肉質一咬落就知係好野，有驚喜最後黎個檸樂，gur哂！！埋單一人都係二百零，食得勁滿足！！推薦呢間荃灣🍖房！！

最近同朋友喺荃灣試咗一間性價比好高嘅西餐廳🍽，食品味道唔錯之外，份量仲要係giant size！😮 我哋2個人叫咗2個set dinner share一齊食，兩個餐都食唔晒，可想而知係幾咁足料！😱·套餐選擇都算幾多📋，而且好豐富，包咗沙律、餐湯配蒜蓉包、主菜、餐飲。·落完order之後，職員好快💨就送上沙律、餐湯、餐包同餐飲。·🔸 頭盤沙律🥗雖然我一向唔特別喜歡食雜菜沙律，不過加咗麻醬嘅沙律係另計！☺️·🔸 餐湯及蒜蓉包餐湯🥣有忌廉湯同雜菜湯揀，我哋想試哂兩個口味，所以揀咗唔同款，兩款都幾好飲，忌廉湯夠creamy、雜菜湯夠香濃。而蒜蓉包🍞就好香脆，好正！👍🏻·🔸 餐飲（套餐包括）熱檸茶、熱檸水🍋🥤·🔸 德國咸豬手配蜜糖芥茉醬（$208）如果menu上有德國咸豬手的話，我多數都會order，今次都唔例外。咸豬手可以配薯菜、飯或意粉，我揀咗薯菜。🍟 由於豬手係即叫即整，所以要耐心等待一下。上枱嘅時候「嘩」咗一聲，豬手好！大！隻！有2大舊，皮脆肉嫩，好正！🤩 ·🔸 美國T骨牛扒（$238）朋友就叫咗牛扒🥩，7成熟，配薯菜、黑椒汁，塊扒好大塊，差不多佔咗半隻碟，好多肉汁，好味！😋·餐廳算坐得幾

今日過左荃灣約左舊同事食飯，呢間餐廳係我第二次來食，之前食過佢既68蚊一份什扒餐同10蚊蠔，超抵⋯平民之選第一次來都幾難找，寶石大廈地下21號舖，轉左成棟大廈先搵到，今次識啦7點來到唔算多人，晏d開始多人我地叫左兩個sets 加 海鮮併盤餐湯有白湯同紅湯+蒜蓉包，好香好脆既蒜蓉包藍青口海鮮焗飯$68，好抵食，加上我喜歡食有汁既飯香煎澳洲牛肉眼配薯菜$138，扒餐都係百鬆蚊，窮人恩物5成熟海鮮併盤$198，十分經濟，有龍蝦，蝦，帶子，海螺，生蠔⋯餐飲熱朱古力，凍奶茶

琴日同朋友係荃灣搵食由千色店開始行 行左10分鐘倒就見到呢間西餐見佢價錢都合理就入左去環境算唔錯 椅桌都係木製 都幾有風格.我地叫左香煎澳洲牛肉眼同三文魚扒全部都配左頭盤沙律 餐湯同蒜蓉包另外我地加錢配特飲 雪糕紅豆冰同雜果賓治牛扒點左7成熟 配有薯菜 點黑椒汁更顯美味扒都算大塊 男士食都會飽因為朋友中意熟啲所以叫左7成熟 會有少韌如果接受到5成會更佳.三文魚扒同樣配左薯菜超香 點佢跟埋既沙律醬食就得了 唔會太乾身好有魚香味最中意佢有沙律菜跟埋 食得健康啲！.特飲都幾大杯 但唔會死甜 配扒就岩曬

同朋友慶祝既生日飯真係可以全年無休🤣朋友話成日經過呢間西餐廳門口，見到$10一隻蠔，就話想試下，今次機會嚟喇！雖然話想食蠔啫，但係主食梗係唔少得啦😆👇🏻👇🏻煙三文魚菠菜意大利飯🍚（ $118 ）呢個飯嘅汁好creamy好香好多菠菜絲。巴馬火腿薄餅🍕🍕（ $108 ）跟餐有埋湯🍵同餐飲🍹$10一隻嘅生蠔只可以跟餐叫呢個係薄身嘅薄餅🍕🍕，好脆，食落會「卡」「卡」聲🤗跟住就叫埋$10一隻生蠔啦（$10 ×3 ）（細隻啲）跟住又心思思叫咗三隻美國🇺🇸「水中花」（$28 ×3 ）(大隻啲）食落都幾新鮮同鮮甜😊😋美式BBQ醬烤排骨2件 （ $148 ）鋪滿晒啲醬汁嘅肉係我至愛，仲要配埋熱辣辣同外脆內軟嘅薯條🍟😋烤蒜茸香草春雞🐥🐤（半隻) （ $68 ）完整半隻咁上枱，香草🌿味幾突出。香煎美國🇺🇸西冷 🐂🥩（ $138 ）叫咗七成熟，岩岩好。仲可以跟配意粉🍝、飯🍚或者薯菜🍟🥗塊扒幾大，而且肉質🥩鬆軟為左食蠔而黎，最後反而試左好多其他食物，呢度食物份量唔少，食到飽飽先每人二百幾蚊，幾抵食👍🏻😋

最近要黎荃灣做野, 順便係呢區搵下好野食同事介紹左呢間西餐廳, 話呢道既扒好抵食又好味咁喎, 咁一於要試下喇~真係好多扒既選擇!!亦有set選, 粉麵飯咩都有, 而且價錢經濟實惠仲有特價生蠔添~~ 我地叫左個2日餐~先黎餐湯, 一紅一白我比較鍾意呢道既紅湯, 材料足, 味道濃, 仲唔辣添蒜蓉包熱辣辣卜卜脆~美國頂級連骨肉眼斧頭扒 16安士16安士好足夠2人份量! 超大份~配左意粉, 另有蔬菜伴碟~斧頭扒份量十足~肉質鮮嫩又juicy, 牛味濃~非常甘香, D筋都好淋, 唔會話咬唔到叫左5成熟, 剛剛好~夠軟腍食完豐富既扒再食埋甜品就超滿足喇!忍唔住叫左個心太軟伴雪糕呢一切開朱古力蛋糕, 流心朱古力好澎湃咁湧出黎~好邪惡喔~~但好正!! 哈哈~配埋雪糕食冇咁膩呢SET奉上2杯飲品~凍朱古力熱甘橘檸檬

今日去完荃灣配con, 唔想歸家煮飯，行經見到呢間平民西餐廳，所以就入左去醫肚😜本身以為呢間餐廳普普通通，但原來性價比超高，質素唔錯，又抵食！我地叫左三樣野食，海鮮拼盤、黑松露薯條，大蝦墨汁意粉，加一杯黑牛🤤🤤首先，最最最值得推介既係海鮮拼盤，有兩蝦拆左殼既龍蝦🦞鮮甜到不得了！之前仲擔心咁平，應該係平價野，點解一d都唔將貨就價，蝦肉大大淡，仲保留左蝦既鮮甜，而且好易拆，超好食！😍😍跟住兩隻生蠔，諗住會有腥味，因為真係好抵，$10隻！但原因好新鮮，完全食唔到腥味，真係可以比得上$68隻既法國🇫🇷生蠔🤩仲有兩粒大大隻凡立貝！由於無哂螺，餐廳就轉左上十隻蝦，都好滿足，無諗過二百有找既海鮮餐有咁既質素。另外，大蝦墨汁意粉都好creamy, 本身以為佢係食到成口墨汁個隻，點知唔係，係意粉係墨汁做，而唔係個醬！加埋大蝦同忌廉煮，真係好食，好creamy👍🏻而個黑松露薯條🍟唔係一條條幼身，而無厚切脆炸，加埋好香既黑松露，真係西餐必點既餐前小食❤️❤️最後，飲埋杯黑牛就好滿足！依家好少西餐廳有黑牛（可樂加雪糕🍦），所以呢款飲品令人懷念之餘，仲可以係食完一餐咁豐富既晚餐後爽返下😜