亞參雞飯 (威靈頓街)

Open Now

Now Closed

 亞參雞飯越開越多分店，今次第一次黎食，就咁睇店名都已經知道鋪頭主打雞飯，聲稱要打造一道99分既去骨海南雞飯，所以黎到點都要叫個海南雞飯試下係咪真係咁好食🤓坊間好多地方都有得食海南雞飯，有平有貴，呢度賣到90蚊一份，究竟值唔值呢個價呢？另外呢度除左海南雞飯之外，仲有啲麵食、咖喱同炒河食。黎到食最特別既係，呢度點餐同送餐都係好自動化，用QR code落單，之後會有機器人送餐黎到你既位到😯 1️⃣亞參去骨海南雞飯（$90） 雞係用三黃雞，雞味濃而且肉質軟嫩唔鞋，搭配三種秘制醬汁，包括酸辣汁、薑蓉同埋甜䜴油，食到唔同風味。個飯都同平時食開既唔同，唔係一般油飯，而係混入斑蘭葉、香茅用雞湯煮成既，食落有雞香味🤤另外仲有冬瓜清雞湯，飲落唔係味精味，味道清清地仲有啲冬瓜粒👍  2⃣️新加坡喇沙米線（$83）湯底好濃！配料都好豐富，有魚片、蝦、雞蛋、豆卜、芽菜、通菜，米線煮得幾彈牙😋  3⃣️檳城蝦麵（$85） 蝦麵既湯底用蝦油、蝦頭、蝦殼等熬製，味道濃而鮮🦐配料一樣好多，有蝦、蛋、腩片、芽菜。呢碗麵既麵底係滲滲，即係油麵溝米粉，同蝦湯一齊食好正😌  4⃣️追加三款小食（$55） 👉斑蘭咖央多士55蚊食到三款小食都幾

👅8.5/10海南雞飯set dor🍱 海南雞滑嘟嘟😙去咗骨啖啖肉🤩但雞胸位置始終略嫌唔夠嫩黑豉油比較出色！甜鹹嘅比例平衡！其餘果兩隻醬就可以再濃味油飯好香！混合左雞油同埋香料嘅味道！如果可以更加粒粒分明就更好啦😝雞湯一d都唔hea！清得黎有雞味，仲有豐富嘅冬瓜粒&草菇✨超級驚喜既馬拉拉茶🧋香！滑! 濃！😋必試👍🏻

因為無骨關係，望落去好似好少，但食落1d都唔少，d肉都幾多下🤣仲要啖啖肉😋開心啲雞肉夠晒嫩滑，連雞胸都非常之柔嫩，雞髀更加係滑嘟嘟！食落仲好香雞味。油飯好香雞油味，即使食哂成碗都唔覺個口油笠笠。雞湯好濃郁雞味，但一d都唔濁 ，好清好味，一碗真係唔係好夠喉呢個價錢雖然有啲貴，但都算足料，整體黎講都唔錯

今日上班去左上環既亞參雞飯食佢個招牌菜 - 海南雞飯餐，包雞湯、油飯、同海南雞，九十蚊一位。1. 雞湯 9/10香滑濃郁，非常好飲，感覺到佢落好多料，但又唔會覺得好重味精，我幾鐘意！2. 油飯 9/10油飯非常香，飯既質感好好，唔會太軟唔會太硬，恰到好處，真係要挑骨頭既話就係啲飯太多油。3. 海南雞 8/10香滑，好味，配合啲醬料同埋油飯，真係絕配，但可以再滑啲，有部份雞件都係唔夠新鮮！呢間應該係平價海南雞飯入面數一數二好食，我極度推薦！

當日，我原先想幫襯位於上環皇后大道中的 <Lee Laksa> 買喇沙！可惜太多人等！所以，我即時轉軚，走到中環威靈頓街的 <亞參雞飯>！最近，才得知 <亞參雞飯> 是某飲食集團旗下餐廳，加上又可以用消費劵，實在太好嘞！相對，不及 <Lee Laksa> 出色，總比信德中心的 <土司工坊> 更好！星加坡喇沙米線 午餐 $80這價位配飲品，絕對抵食！湯底跟米線分開盛載！配料相當豐富！包括：一開二鮮味的蝦、大量柔軟的魚片絲、吸湯的豆卜、清爽的芽菜、入味的通菜、雞蛋...等，湯底以傳統新加坡配方，入口香濃惹味帶辣！米線煙韌滑溜又掛湯！香茅薄荷特飲 原價 $25入口清爽冰涼，食完濃味嘢食，最適合不過！

返工同同事嚟咗呢一間餐廳lunch初嚐海南雞，不過餐廳等位真係有少少耐，而且座位比較逼，同同事都就快迫埋一齊。不過啲雞係真係非常之嫩滑、肥美！點埋啲調味料好好食！有一碗雞湯（味道ok),同埋一碗油飯！都推薦大家試下！

當晚叫了亞參去骨海南雞半隻，半隻已好多了，味道ok，但肉質未夠滑。新加坡喇沙米線，好大碗，份量足，味道很好，湯底好香好夠味。小食拼盤有黑椒扎肉，亞參豬手同埋雞翼尖，亞參豬手好淋，好好味，黑椒扎肉都Ok， 雞翼尖就冇乜特別。每一樣餸份量都大碟，吃完很飽。但飯後稍為有點口渴，可能是味精太重。整體上，食物質素OK，只可惜樓面啲姨姨，不只一個，服務態度極差，說話又沒禮貌，而家咁多人冇工做，啲姨姨有工返都唔珍惜，唔做大把人去做。去過一次食就夠了。

聽朋友介紹亞參嘅海南雞飯，特登去上環試吓，果然無令人失望！叫咗個海南雞飯套餐，份量好大，有好多海南雞，一個女仔要食晒啲雞都有啲難度，每一嚿都無骨，食落雞肉又滑又嫩，雞皮爽口彈牙，無咩肥膏，好好食！個豉油汁夠杰夠濃，但唔係偏甜嗰種，所以如果點太多汁嘅話會太鹹，點少少就啱啱好！油飯都做得好出色，好香雞味，又唔會太濕。最驚喜係個雞湯！淨係睇個顏色都知一定係用雞熬咗好耐，超級香，啲湯好清，飲落好舒服，飲一碗真係唔夠喉XD海鮮喇沙同樣好大份，好足料！個喇沙好濃，又有好多海鮮喺入面，食完超滿足！

之前到歌賦街吃九記牛腩，路過這間店，感覺不錯！今天特別來試試！商家招牌菜：去骨海南雞飯，目測差不多每桌都點，賣相不錯！定價88元，配雞湯配油飯，在中上環性價比算很高！是日寒冷天氣警告生效！想吃辣，放棄海南雞飯(留待下次來再吃！)，點了以下的：#巴東牛肉飯，牛肉挺辣的！很對我的胃口！伴白飯吃，配點酸蘿蔔粒、魚乾，好味！#香茅薄荷特飲，香茅是我的最愛！看到必點，沒有熱的，只有冰的，可以點少冰，味道挺好的！下次來，會試試拉茶！

夜麻麻，放工剪完髮一個人四圍行，見到依間海南雞飯店，門面幾乾淨，就入去試吓佢。因為係我哋最喜愛嘅香港政府，佢最強嘅控制疫情手段，第四波疫情搞到今日係最後一日可以夜晚食飯。入到餐廳，一個人都冇，我自己一個坐一台，叫咗個海南雞飯，轉做雞髀，佢標榜自己用黃油雞，就睇吓佢係咪真係咁好味。嗌左差唔多3分鐘就已經上枱，賣相都好吸引，連埋個清雞湯，食落去先知點解佢哋可以有五間分店同埋咁多好評。雞味重，雞肉嫩滑，加自家黃薑醬，特別匹配雖然堂食得我一個人，但我見佢外賣十分多，持續出餐，依個質素， $88真係冇得輸，非常推介

八月廿八日餐廳可以開堂食至9pm,我們一家決定去到中環吃晚飯。這家位於威靈頓街的小店是街舖，門口「廚窗」掛着一隻隻海南雞，店內桌椅不多，近門口是卡位，限眾令下卡位只可坐二人，鋪內最深處有唯一一張六人枱，可有膠板在枱面隔開各坐兩人。知道這裡主打海南雞飯，我點了一客，等了5分鐘左右已上菜，份量很足夠，雞很滑很嫩，汁及飯非常好味，再看看牆上「99分海南雞飯」，實在沒有吹牛！馬來拉茶也很好喝！下次一定再來！

疫情飯 外賣自取有折扣所以今日到中環店點了外賣 新加坡喇沙米線 $80 阿參去骨海南雞飯 $88馬拉盞通菜 $30但個灼菜 （馬拉盞通菜）就份量太少 唔知係咪馬拉盞太貴 （真心唔會再order）基本上味道可以，除了米線太甜通菜太少 ...

呢間亞參海南雞飯店話要”尋覓99分海南雞飯”，海南雞用三黃雞反覆浸煮，雞味非常濃郁，肉質非常之嫩滑，而且個飯非常之有雞油香，加埋碗冬瓜雞湯，都只係賣88蚊，可以話係性價比極高！⁣Asam Chicken Rice claims that they “look for the perfect Hainanese chicken rice.” And they did it! The chicken was so tender, juicy, and flavourful. Even the rice and soup were outstanding. HKD88 was such a bargain!⁣

As a laksa fans i have tried alot of malay/singapore restaurant in HK and this is the best I had so far! 味道濃有椰香味，小小辣，又多料！啱晒唔係好食得太辣的朋友！仲有食完唔會覺得唔飽。味道跟新加坡的十分close! 埋單個陣都忍唔住同佢地講話你地的laksa好食拉茶味道都濃，唔會因為加冰而無茶味下次會試下海南雞飯！原來呢間有其他分店，下次試下其他分店是否一樣好味

曾經多次經過門口因為條龍而過門不入。終於在極度偶然又遲的機會下入到去食。因為親人有新加玻華僑所以也被感染而愛上海南雞飯。雞有很多烹調方法與食法，但覺得最好食的係兩個極端，把雞最原味表現出黎的海南雞飯同埋泰式深層炸透的炸春雞。海南雞雖話強調原味，但呢度的海南雞係講雞味釋放到極致。每一啖都浮現到農場隻雞生猛咁走黎走去嗰種活力甘甜。簡單講無冰鮮味。雞肉多過飯，一啖肉一啖飯唔駛慳。個癮黎，下個禮拜又再去排隊等下運。