亞參雞飯 (+WOO嘉湖)

Open Now

Now Closed

前二日放工番到嘉湖唔知食咩好。因之前同老婆食過幾次都幾好食。之後就走左去食亞參雞飯，佢哋個去骨海南雞飯真係好好食，今次見到有位男同事真系好好服務。想分享下。我入座到離開大嘅三十分鐘左右。佢全程笑容滿面，不時仲同啲客人傾計有講有笑。應該都係佢啲熟客。突然有一對公公婆婆黎食嘢。。婆婆唔係行得太好。之後果個男同事就叫對老人家坐係門口張大卡位。之後仲攞左二杯水俾佢哋喇。。仲幫佢哋落單，仲叫公公婆婆唔好食辣野。依家真係好少員工會甘做。。大多數都放低就走左去。。其實啲老人家跟本都唔係太識用二維碼落單。非常貼心。👍🏼不錯，不錯

今日去天水圍探朋友。經過嘉湖二期見到有間海南雞飯就入左去試下。我就叫左海南雞飯，朋友就叫左個黑椒松板肉飯，雞的份量都好夠。個湯都很正。朋友話佢個松板肉原來係豬頸肉。因為佢勁鍾意食豬頸肉。佢話好爽口。值得一試。埋單既時候，肥肥地既收銀員仲好細心問我地今餐飯既意思。我哋當好好👍🏼

今日來到位於天水圍置富嘉湖銀座商場行過見到有「亞參」，唔使等位入去食下😄餐牌上好豐富，主食同埋小食都有好多款！而且小食仲可以優惠價加配😌主食我哋揀咗滷水豬手飯，海南雞飯兩樣都唔錯，豬手飯特別出色，滷水汁好入味，味飯好易入口好開胃海南雞飯正正常常，冇太大驚喜小食方面，咖映多士好好味🤤差啲想order多一份😂😂另外蝦春卷味道都唔錯，不過略嫌個脆皮比較硬！隨餐仲可以加配特色飲品👍🏻不過服務方面有樣嘢做得冇咁好，客人未離座，已經好急住收盤十分影響客人傾偈，這一點扣少少分📍亞參天水圍置富嘉湖商場+WOO

今日無目的同家人去搵嘢食，見到依間阿參雞就入去光顧，點了扎肉雞絲河，海南雞飯，香煎蝦餅，通菜，椰青。味道很好，環境都不錯，加上D服務員好有禮貌，所以我覺得值得推介👍👍👍

尋覓99分海南雞飯賣點係全天然餌料。無生長激素注射。 選用24小時之內屠宰新鮮雞。所以呢度既海南雞的肉質的確係好滑，好嫰。 雞皮又唔肥好香。所以連雞皮都食曬。個油飯仲香。配雞一絕。三款醬料簡直係錦上添花。難怪好多枱都叫海南雞飯。最近仲有新野～～～新加坡黑胡椒炒啦啦（花蛤）花甲好新鮮雖然細隻左少少但好鮮味。個黑胡椒醬係好濃 ，充滿哂新加坡風味。好鍾意食呢度嘅斑蘭咖央多士。咖央醬配厚厚的牛油好滋味。但真係要堂食熱辣辣先好食。個多士就脆卜卜。羅漢果茶好濃濃的羅漢果味。好潤喉。而家like 社交平台仲有飲品卷送喎。正啊。呢度既飲品係掂既。

今天带朋友去天水围亚参食飯!朋友点了無骨海南鸡飯，鸡肉滑嫩好味星加坡喇沙米線，因為配料勁豐富，超鮮味嘅蝦、柔軟嘅魚片絲、索晒湯嘅豆卜、清脆嘅芽菜、入味嘅通菜、配埋濃郁嘅湯底係傳統新加坡配方，入口香濃惹味帶點辣，米線煙韌滑溜又掛湯，員工服務態度又好，充滿笑容，出餐又快

雞肉非常好吃，很鮮嫩，入口即化，凍檸茶也很正宗，服務也很好，商場環境也不錯，真的很好，一上來就很熱情打招呼，進來就qrcode下單，很方便，上菜時間也很快，不需要等很久

今天到天水圍翠湖居的朋友家， 旁邊就是天水圍公園及銀座商場，非常方便。我們在銀座商場吃下午茶，商場裝修之後很多新的食肆進駐，選擇很多。今天我們揀了阿參雞飯，它的下午茶時段在下午二時就開始，主要都是平時午餐的輕量版，下午茶只需要 40 多元而已，很抵吃！今天我們點了 “馬來咖哩豬扒撈麵” 之前吃過好幾次，豬扒爽口，撈麵惹味。另外又點了 “阿參海南雞飯”，是這裏的招牌菜，雞肉嫩滑 油飯香軟，配搭不太甜的班蘭咖啡，很醒神。

我同朋友7月16號到天水圍食海南雞飯，雞肉嫩滑，雞油飯軟糯香滑粒粒分明，柑桔特飲酸酸甜甜好解渴，上菜速度快＇員工好好笑容，服務態度又好👍🏻👍🏻下次會再黎！

💬沒想過太興集團旗下的亞參海南雞飯烹調得這麼好。並全日免收加一👏🏼👇🏼去骨海南雞飯$89，雞皮滑溜，雞肉嫩滑，最喜歡去了骨啖啖肉😘，而當中的雞胸肉質素也算👌🏼，不像坊間一些嚡到很難吃，起碼我將整碟海南雞吃掉😁👇🏼雞香飯非常好吃😋，有飯香且粒粒分明，又不油膩，一羹接一羹吃👇🏼清雞湯，意想不到的好飲😋，清香不油膩。建議趁熱飲更佳👇🏼輕盈馬來咖喱雞飯$46，香濃的咖喱汁(小辣)做得不錯，送飯一流，雞肉算嫩；唯獨兩嚿薯仔中，有一嚿是硬的，像不熟般📌總結，無論海南雞飯的主角👉🏼雞肉，夥伴👉🏼雞香飯和湯，都做得很好！馬來咖喱雞飯也不錯

🌟叫主菜或飯麵，優惠價兩款小食$39，三款$57。明爐酸辣亞參魚配白飯，分店限定優惠$88，星期日都有👍，唔使諗即叫。兩個人，一個主菜配兩個小食剛好，食飽去打波唔會飽到頂住🤣。🍞斑蘭咖央多士嚟到梗係要叫咖央多啦，我真係好鐘意食包😌。牛油係凍嘅，咖央唔太甜，配上脆脆多士，可惜唔夠熱，呢個咁邪惡嘅組合好味丫😋。🍖香烤豬肉串手指咁上下大，肉質彈牙，烤得好香，旁邊嘅醬咸咸地，點住食好惹味。🐟明爐酸辣亞參魚配白飯 夏天又熱又濕，冇乜胃口，最啱食啲酸野。由於唔食得辣，叫左少辣。嚟到試味，酸多過辣，啱晒我😋。條倉魚都幾大，兩個人都夠食，肉質唔鞋。配菜有好多蕃茄，白茄子，洋蔥。湯汁好開胃，魚肉沾滿湯汁食好味丫，平時唔好飯嘅我，撈湯都食左半碗飯🤣。食辣點少得凍飲😁，呢杯柑橘特飲唔係好酸，甜甜地，幾清爽。

天水圍是美食沙漠，今日試吓這－家連鎖雞飯店。餐廳的裝修－如其他分店的明亮，帶－點茶餐室的格局，主要以四人卡位為主。海南雞飯$89這海南雞飯擺盤精緻，海南雞嘅份量十足，雞件去骨，雞皮香滑而皮下沒太多脂肪，雞脾肉非常嫩滑可口，即使是雞胸也沒有好柴，口感軟滑，加上黑醬油、辣醬、薑茸，各有風味。油飯相當入味，口感軟滑，味道鮮美。雞湯也不錯，沒有太油膩，滿滿雞味。南洋咖啡+10這南洋咖啡點了少甜也比較甜，但咖啡味道濃香，口感香滑甜美，是幾ok.

今日去左銀座睇戲經過一間新開無耐既馬來西亞餐廳心思思就入去食首先環境都闊落唔洗搭枱食物方面因為週年慶無骨海南雞做特價所以就叫左無骨海南雞另外+$10叫左馬來拉茶同埋斑蘭咖央拉茶有點甜咖央幾特別斑蘭醬中間夾住個牛油諗起都fatfat

🥢巴東牛肉飯🐄賣相似💩💩，但入口有驚喜😳，牛肉有點似五香肉丁的口感，但更香、更濃、更惹味，帶少少辣，撈飯好正😋😋 不過醬多過肉。🥢亞參豬手飯🐖豬手入口超淋，但又帶點焦香的煙韌口感，最重要既係滷水汁炆到好口味，食落一樣係好開胃，雖然賣相麻麻🤣🥢馬拉盞通菜🥬通菜冇乜鹽味，甜甜地，炒得有點硬，但旁邊的醬好正！有蝦米🦐，似係沙茶醬溝蝦醬的味道😋甜甜辣辣好開胃，如果炒埋一齊會更好！🍹柑桔特飲（套餐+$10）夠大杯，都好重柑桔味👍整體而言，都算滿意，但菜單選擇如果有多點選擇會更好！📍 亞參雞飯 (天水圍)天水圍天恩路12-18號+WOO嘉湖二期地下G01A&G01B號舖

初一拜年，家人年老，廢事煮飯，於是我到呢度叫外賣。由急切嘅環境下，拎外賣個時，我發現比漏咗個珈央多士。隨後叫職員幫手睇睇，後來個位女同事黑口黑面咁應我，之後喺廚房拎個珈央多士比我，之後我就返屋企。返到屋企，我家人同我講話點解無飯，只有餸。於是我家人話唔好煩，自己喺屋企整麵食。我話我個飯係另外加錢所以就打去同餐廳講申請退款。（餐廳電話openrice仍未有）。收銀話退款只限即日，第二日係拎唔到，因為佢哋係即日埋數。即日埋數我明，但過咗第二日唔退款我呆咗 我話初一全家人開緊餐，同埋我唔係住喺銀座附近，搭車都需時。然後收銀話「咁你諗你。」於是我問佢可以點做，退款又退唔到，係咪會安排有人會送番個飯比我哋？收銀話「無人手，唔送。」咁我又問佢「咁即係點？我白白俾$14嗎？」收銀話「吓，咁你咪依家嚟拎番啲錢囉！」我聽完真係………無言。完全俾唔到實際解決方案我。最後佢直接將電話交俾經理處理。不得不說，經理無論對話過程中，態度都幾好，應變能力比起收銀同事嘅好。更明白收銀同事態度有問題而不斷講唔好意思。隨後同朋友分享初一晚餐發生嘅事，都有人話呢間餐廳都試過漏單，但幸好佢行得唔遠，可以返去追番。我希望餐廳或