亞參雞飯 (The LOHAS康城)

Open Now

Now Closed

我因為聽朋友講, 亞參的海南雞飯好好食, 所以便去了.真的, 他們的海南雞飯好香, 好滑, 我好滿意. 我下次都想買隻雞返屋企做節, 和帶埋亞仔去食, 因為我個仔好鍾意食海南雞飯.回來後, 本來沒有打算寫食評, 但當我隨意看看在openrice的食評時, 卻發現有人覺得他們的服務態度不好.但這個我不太認同, 我覺得他們OK丫, 是踏踏實實在做野的人.尤其是高高瘦瘦短頭髮嗰個女仔, 我覺得她幾好, 好用心去聽人地的要求, 並且盡力去完成.

平日的一個星期四中午，第二次來位於將軍澳康城的亞參雞飯，為的就是再次品嘗他家的雞絲湯河。這次與家人來，所以多點了幾款菜式試試。熱辣辣的湯河送上桌面，迫不及待地就往嘴裡送，正啊！濃濃的雞湯～跟第一次一樣地讓人驚艷。爽滑的河粉伴著雞香味，不但一點都不油膩，而且鹹淡適中，雞肉嫩滑，確實是店裡必試之物👍🏻 另一款讓人印象深刻的是咖央多士，咖央的微甜與牛油的微鹹，夾在脆熱的多士中間，絕配！再看看家人點的海南雞飯，(圖中的雞油飯已吃了幾勺) 賣相相當不錯，無骨海南雞的分量一點都不吝嗇，家人邊吃邊對它的味道讚口不絕。不稍半刻，豬手就上桌了。哇，好大一盤～(吃到一半才記起拍照)，肉確實嫰，不過剛剛的河粉加雞湯已經滿足了我的大半的胃了，看來這分量，下次豬手可以點半份就夠了😂另外的幾款小食，不過不失，倒是可以說說它的環境，座位舒適，就是點了一份豬手，而且上菜快，桌子顯得有點小了。總的來說，這家亞參值得再來！

听讲康城有一間亞參雞飯，同同學一齐來試下。真係出乎意料嘅好味！雞好滑好嫩，雞味非常濃郁，又有油香！油飯好入味飯粒分明！湯絕對沒味精！依家好多出名嘅海南雞飯，除咗食到嫩滑之外，其實雞味真係食唔出，呢間餐廳做得唔錯，抵讚！仲有，啲姐姐服務都好好！雖然好多人排隊，但係佢哋都好熱情。總之呢間餐廳我啲都好鐘意！

叻沙湯底不錯,幾有新加坡食到的風味,海南雞飯無咩特登,唔算好食,重點係某個侍應阿姐服務態度很差,連基本禮貌都沒有, 黑口黑面粗聲粗氣,對話似係訓斥食客,似唔多想做咁,不知所謂,就算野食ok都無下次。完

今日經過亞參雞飯，見到佢有句口號《尋覓99分海南雞飯》，見佢講到咁巴閉，就試下先。入到去，一睇menu，成88蚊，少貴，不過都係試咗先。個餐嚟到，飲咗個湯先。幾有驚喜！除咗有啲草菇之外，個湯都好重雞味。加分！開始食飯啦，個油飯都唔錯，好夠味。海南雞都好滑，重點係雞翼都去骨，加分！ 至於海南雞嘅靈魂所在，就係果三隻醬汁到。三隻醬汁都太重味，甜嘅太甜，鹹嘅太鹹，辣嘅太辣。扣好多分！結論 :環境7/10食物6/10飽肚6/10CP值4/10完全稱唔上99分嘅海南雞飯！個湯值15蚊，個飯值50蚊左右！

第一次嚟康城食嘢就揀咗呢一間餐廳果然冇失望喎老實講餐廳唔算好坐位置有啲迫夾不過香港餐廳係咁上下佢裝修新淨望落都幾舒服我叫咗個招牌海南雞飯（$88）老實講$88都唔算平但我又覺得值得喎首先講吓佢個油飯粒粒分明好香但又唔會好油啲雞夠滑又有雞味呢樣真係好重要至於個湯雖然雞味唔濃但用嚟送飯都幾唔錯熱辣辣重點好食過K11過江龍好多好多有比較之下就覺得呢間好好食另一半嗌咗馬來咖喱雞撈麵睇個樣都知好食啦鍾意佢有秋葵夠健康不過啲雞就頗多骨而且個咖喱都真係幾辣食得辣先好嗌呀個面就好彈牙好啱做撈麵我就鍾意海南雞飯多啲嘞佢依家$38兩個小食好抵我哋嗌左烤豬肉串熱辣辣 甜甜地都算好食但就冇乜豬肉味唔算好推介馬來斑蘭咖央多士就必試啦脆卜卜中間嘅醬一啲都唔吝嗇好好味我加咗$10要個馬來咖啡已經嗌左少奶但都好鬼甜麻麻地......另一半嗌咗馬來拉茶但佢都覺得太甜整體來講環境都尚算靚，但位置比較迫服務幾好，姨姨都好有禮貌食物都幾好食架，但就唔算好平缺點飲品比較麻麻地整體來講我覺得呢間都係好食嘅餐廳將來嚟康城我都會再食㗎提提大家呢間係太興集團嘅餐廳黎～

侍應對客人嘅禮貌連基本都冇。排咗一陣個侍應先兩手fing fing 行都唔行過嚟，塊面勁黑咁問有幾多位講完之後仲樣衰衰咁叫我哋企埋一邊🤷🏻‍♀️其實店入面本身都有空位而我哋有三個人所以係兩人限聚下要分開但係其實問下可唔可以分開都可以掛過咗一陣後面有兩個人嚟咗佢就即刻邀請同安排嗰兩個入去坐⁉️仲要無嘗試過同我哋交代...本身已經聽講啲食物唔好味，態度仲要咁差，唔會有下次！

超正！好滑嘅海南雞，真係好似餐廳嘅標語咁：99分嘅海南雞飯。喺香港，好難食到咁好味嘅海南雞飯。加一份芽菜，就同馬來西亞怡保海南雞飯好match喇。建議餐廳可以再加D菜色，畀食客多D選擇。一定會再返黎食。

今日來咗☀️日出康城呢個新開嘅商搵朋友仔🧐食 lunch，一齊去咗呢間由佢哋介紹嘅餐廳開飯🤤⋯⋯一睇個🚪門面就知佢哋係🥊主打🐓海南雞飯🍚！入邊座位🪑其實唔算好多，中午時間門口一直都有人嚟🤤排隊，佢哋冇大枱，我哋一行五人排左差唔多⏱半個鐘先有位🪑！其實係四人枱加張凳，坐落有少少🤏迫。馬拉盞🤤通菜幾新鮮翠綠，馬拉盞又夠香，算係唔錯。雞絲扎肉湯河入邊嘅🐓雞絲好嫩滑，湯🥣望落去幾清，飲落去幾濃👍，扎肉正常發揮，河粉腍滑😋。我本身好😍鍾意食喇沙，見到menu有就梗係要叫來🤤試吓啦，呢個喇沙米線🍜好足料，湯底有椰🥥香又有啲蝦🦐嘅鮮味，米線腍滑索湯🥣，最後啲湯比我飲晒😂。主角海南雞🐓終於出場🤤，朋友仔果然冇介紹錯👍呀，雞肉肥美嫩滑，雞皮爽口兼且彈牙，皮同肉中間時不時都有夾住層🥰膠原蛋白😍，好好味😋！食🐓海南雞就梗係要配返油飯🍚一齊食喇，睇碗油飯個顏色就已經感覺到好🤤足料，入口有雞味又有油香，同埋🐓海南雞一齊食，一絕👍呀！豬肉串外面烤🔥得幾香口，🐖豬肉食落去亦👌唔錯，不過就唔算太特別。同埋唔知係唔係我大食😅嘅關係，我覺得佢個份量有啲偏小🙈。朋友仔極力推介呢個班蘭咖央多士，佢🍞麵包部份外脆內軟，入面搽咗🌿

餓了10年的康城居民有口福了😆😆最近新商場多左好多餐廳👍🏻👍🏻見到呢間雞飯，成日都有人排隊，去試一試佢龍與鳳先😎海南雞飯$88海南雞飯雞嘅份量都幾多，有成十幾件！雞肉嫩滑，唔會嚡口！有海南雞獨有的咸香👏🏻油飯唔會太油膩，有少少椰汁味，整體水準對得住價錢👍🏻驚喜的係餐送嘅雞湯都幾清甜，唔錯！滷豬手飯$75豬手飯就比較普通，豬手肉瘦，肉質會嚡嚡地🙈豬皮滷得嫩，有膠質！味道還可以，豬肉都入味，有陣滷水汁的獨有藥材味道！整體合格唔算太特別🤔咖央多士$22正常水準之作👍🏻多士夠香脆，咖央醬有香濃椰汁味，係個牛油細舊左少少😆下午茶簡單食一碟都夠飽😚馬拉盞芽菜$30芽菜細細條，肥嘟嘟咁✌🏻咬落去爽口爆汁！夾埋個馬拉盞食，非常之唔錯！♥️

第一次去康城食飯，同女朋友見到排隊，就排隊入去試下。開頭落單既時候，想之後叫小食，都唔得。。。被人話落單出左票就唔加得，叫埋啦 之類。 店員服務質素真係麻麻，送餐其實唔介意冇放到面前，但唔好放角落再推過黎，d 湯倒瀉左1/3 , 但店員冇見到已經頭也不回咁走左。 至於拉茶叫左少冰少甜，唔知係冇 定叫左都仲咁甜同半杯冰。。。我叫海南雞唔連飲$88; 女朋友咖哩牛腩飯唔連飲$75.平心而論，食物質素普通正常（拉茶本人覺得麻麻，普通奶茶仲要好甜），總結：冇下次。

日出康城新開左個商場 入面都有幾多餐廳呢間最多人排隊又未喺出面食過 所以就排下不過無得拎飛 一定要企喺度排試左個海南雞飯餐 跟油飯同一碗雞湯 $88叫主菜加$10 有野飲我叫左杯柑桔 好酸魚餅同咖央多士就正常味道 不過不失

康城商場剛剛開幕週未下午茶時間，有五六位食客在阿參門外排隊等入座，身為正宗熱愛排隊的香港人，我們又怎可以不試試呢！喇沙海鮮湯：開邊蝦肉的處理做得細緻，喇沙偏辣。南洋咖啡：咖啡加了美綠，像Mocha ，偏甜，不愛咖啡太苦的朋友可試試！柑桔特飲：飲第一口的感覺好酸呀！中伏！然後發現它漏了加話梅。補加之後反而不酸變好飲了。海南雞飯：海南雞算不錯，雞胸部份也不柴。配合三色醬汁更開胃。我覺得滿意，但同行的嘜嘜說 ，他會覺得價格差不多的太興燒味燒鵝肶飯更吸引。那怎比呢，一隻雞一隻鵝呀！但一轉念想，有時候選擇吃什麼就是一剎那感覺吧，雞不一定和雞講話，雞也可以和鵝講話。Mcdull

食物係唔錯，都大份，雞係真係好食。油飯香噴噴熱辣辣，個湯亦都唔會太鹹，但係杯金橘嘢飲就酸咗啲。落單嘅時候， 最後係想嗌多杯嘢飲，佢立即”gip “ 我地，朋友仔講咗聲唔好意思呀姐，店員仲大叫” 唔好意思我後生過你地 “ ，午餐一舊水，唔係話超平，但態度極度趕客。

開店後已經係第二次過嚟食啦，兩次都被安排坐喺好似「後行」嘅座位。自問唔算一個揀位嘅顧客- 冷氣大小，係唔係路口位，搭枱，都唔介意，因為都明白餐廳地方有限。但我真係好希望負責設計餐廳同管理層真係唔該自己試吓坐下個位，先至去開店。先講講嘢食，兩次都有食海南雞飯，加上小食。海南雞飯味道不錯，份量也算多。蝦春卷也炸得很好，不油膩。豬肉串也很好吃，多士就一般啦。員工服務也在進步，算是有禮貌，會提點食客，是看到大家也在努力。但坐位設計真係幾差，如果兩個人食，建議買外賣食，因為有極大機會坐「後行」位。海南雞飯係用盤上菜，張枱細到淨係可以擺到兩個盤，咁小食同飲品係唔係應該唔好叫？今日嗌個蝦春卷，最後個醬汁要擺喺筷子盒上。難以想像身形較大嘅食客用餐的感受。「後行區」有四張枱，收碟車不停貼住張枱經過。員工又會喺收碟車附近不停拍木盤和其他餐具，極近我哋食飯張枱。點解唔可以用收納整個木盤的餐車，到洗碗處才再分類? 另外，少於1小時嘅用餐時間，已有送貨車行走兩次。唔好講有冇疫情，都係唔衛生，同埋用餐亦好不舒服。真心希望管理層不要完全忘記從食客角度考慮營運連鎖餐廳。