亞參雞飯 (愉景新城)

Open Now

Now Closed

今日來咗愉景嘅亞參雞飯食飯，叫左個招牌海南雞飯同藥膳🐷骨煲。。真係好好味。食飽之後發現原來佢哋推出個二人餐。下次一定會再黎食過。上菜速度又快。個煲都係等左十分鐘左右。服務員態度都非常耐心，是個值得幫襯既店鋪

普普通通找一間貼地餐廳食下午茶俾班蘭咖央多士吸引住試咗依間星馬餐廳叫咗一份主食-馬來咖哩豬扒撈麵味道偏辣重咖哩味撈麵口感似油麵 口感彈牙越食越惹味而且叫主食可以用優惠價換購特色星馬小食而且每款小食份量都好多至抵推介鳳尾蝦春卷🦐大家可以一試

垃圾亞參,由6：20分落單叫藥膳豬骨煲,足足等到20：35分先黎,到底整乜要整兩個幾鐘,成間鋪用一個電磁爐整野,煎魚,炒菜,番熱藥膳煲,真係失敗,垃圾到一個點,

今日和朋友去愉景新城分店行街，見到亞參好多人排隊，我哋決定去試吓，我們選擇了，馬六甲必丹牛肉飯和黑胡計松板肉飯，兩款都只係$68元，性價比超高，好食又抵食，牛肉好味，夠淋，口感佳。另外店員人數不多，但係服務態度很好，特別有位柯小姐，笑容親切，對客人有耐性，值得表揚👍🏻推薦比大家，值得一試

昨天中午我和同事一起去此店食午餐，點了海南雞套餐，吃落雞味濃，雞肉嫩滑，油飯好食不會太油，水準唔錯。雖然店內員工人手不多，但店內環境乾淨，感覺舒適整潔，中午繁忙時間全店坐滿顧客，見每位亞參員工都努力工作，盡力招呼每位客人，特別係職員柯小姐，對每位客人都笑臉相迎，努力應對每位客人的各種要求，態度親切，在店內顧前顧後，他對顧客的良好服務，絕對值得貴公司加以表揚，能培養出如此優秀的員工貴公司生意一定蒸蒸日上

同時間入兩張枱，隔離嗰張枱已經食曬，我哋仲要等好耐都仲未有餐，有兩至三圍枱嘅食物都出唔齊，有人催促但職員態度一般，聽到其他客人食咗一個餐另外一個餐都仲未到，欠缺安排✖️✖️✖️✖️最後有職員過嚟問我哋啲嘢食到咗未，我哋先答佢淨係出咗飲品，其他都未出過。再等多十幾分鐘先見到第一味出現。🥹🥹係咪馬來西亞餐廳特別慢？

唔錯嘅星馬餐廳連鎖店🤎🤎🤎銅鑼灣嗰間食得多，愉景新城呢間都係第一次食，環境都算舒適，食物質素都OK啦💕💕💕🐮巴東牛肉 $90牛肉炆得好淋好入味，少少辣好味😋🐔亞參去骨海南雞飯 $91雞件份量算多、肉質軟滑，配埋3款秘製醬料好食🤤雞油飯煑得粒粒分明、不覺油膩。跟的冬瓜清雞湯都唔錯👍追加兩款小食 $39▫️香烤豬肉串 原來係豬肉香腸烤得好香好味▫️斑蘭咖央多士 咖央夾着鮮油多士好邪惡啊🙈🙈🧋南洋凍咖啡 +$10夠大杯都好濃郁咖啡味

晚上放工去食喇沙米線，黎到碗邊已經好污糟，像倒瀉了照上比客😞賣相已經扣小小分，啲米線同蝦淋到像水🥲🥲記得食過（唔係呢間）唔係咁樣的，好似浸左好耐咁，啲豆腐卜也不怎麼好吃，湯味道只有一字：咸。本身很愛飲奶茶，很有期望但十分失望，奶茶很甜而且不夠熱😐（可能個人喜好）如果喜歡甜應該鐘意。‼️最不滿是男服務員的服務態度，語氣不好，問野又唔應，扮聽不到定點？之前話可以分單埋單時又話唔得，問多兩句樣子也顯得很不滿意👎👎‼️

大前日(1-10-2023 Sun)朝,同老公陪亞姨買嘢分手後送完膠就搵嘢食,我哋入呢個商場搵,走到地下,見到呢間,睇吓原來係太興集團嘅馬來西亞餐廳,而喺呢日堂食全部七折,咁我哋就排隊啦,等咗8分鐘有位,我哋坐低後睇完menu,決定要:3. 用$39.00追加兩款小食i. 班蘭咖央多士(4件)睇見件多士係朱古力色嘅?而班蘭咖央醬唔少,我就用紙巾拎住嚟食,好彩咁做,因為班蘭咖央係咁咇出嚟,否則攪到成手都係.呢個好甜,有乜班蘭咖央味道;多士唔算好脆,不過幾嚡.味道:0.5分ii. 香烤豬肉串(3串)老公食先,佢大讚好食,我一食,覺得甜,蘸伴上嘅醬就幾好食,個醬只係BB辣,同係好熟悉嘅味道.味道:4.5分2, 5. 加$10.00嘅柑桔特飲同正價$28.00嘅柑桔特飲由於冇咩好飲,而且天氣好熱,所以要呢個,嚟到睇,有一粒話梅喺入面,飲落,就只有柑桔味,咁就叫做特飲,都好掠水.味道:1.5分1. $85.00嘅檳城蝦麵呢個都幾耐至到,我嗅到佢嘅香味,我哋分咗一半嚟食,原來有4隻蝦,2件腩肉,3件豆卜,亦都有啲芽菜仔同粉絲,嗰半隻蛋係全熟;腩肉幾鹹,老公話係寫明鹹豬肉,唔怪得;蝦係爽口,味道幾濃

放工同女朋友想平平地求其食就入去，無諗過體驗咁差價錢黎講唔算貴唔算平，叫左兩個海南雞飯，食物質素都不過不失，但服務水平極其惡劣。由一入去，啲員工啲態度都麻麻地，比個qr code落單都可以調轉個qr code 黎比。我地坐近廚房位置，係可以一直聽到侍應傾計，甚至聽到佢地係度講粗口。跟住送餐個侍應唔知係想貪快定咩，一次攞曬兩個海南雞飯過黎，但問題係個侍應其實唔夠力，放低餐盤嗰下一野撞左落枱到，眼見啲湯瀉曬出黎 浸濕曬啲餐具。。。加上個餐盤本身都好污糟 有啲唔知係汁定醬嘅野痴住餐盤，跟住海南雞飯附送嘅三個汁係可以撈左隔離嗰啲汁咁上，真係混醬。下次都可能會再食返個海南雞飯但一定唔會食返呢間分店😅😅😅

假日去完IKEA, 想係附近搵野食係愉景新城行左一轉 最後就揀左呢間亞參雞飯試下去到餐廳都幾多人 坐滿8成可能因為係愉景新城 餐廳入面都比較多小朋友本身就想食喇沙米線 但又驚辣 所以我就叫左個檳城蝦麵同埋拉茶另外見到佢個明爐酸辣亞參魚有優惠88$, 都即刻叫左黎試下!落左單個麵好快就到啦 不過烤魚製作就要多D時間個麵蝦味好重 好香阿蝦都比我想像中算多!到我碗麵食到咁上下條魚就終於到啦魚都算大條 88蚊黎講都好抵啦配埋個飯 一個人食都一定飽不過佢越煮就越辣 怕辣既朋友就要食快D啦

銅鑼灣利舞臺廣場店, 我去過數次食下午茶都好好味!經過荃灣愉景新城有, 入左去試.唔知點解, 普通普通, 雞味道雞肉質都普通, 油飯都普通, 因為海南雞飯很多地方都有得食, 相比下, 唔太出眾.  同其他連鎖快餐集團差唔多質素, 而且荃灣美食競爭力大, 到該區未必能入五強返食選擇.又可能銅鑼灣利舞臺廣場店的下午茶質素好掂, 到銅鑼灣都是返食之選五強. 所以比較下, 愉景新城店的海南雞飯普普通通. 

同屋企3人食晚飯周圍搵，見E間野未食過就想試下，上次行過Lunch都幾多人應該都ok掛。叫左3樣野+2個小食 $308服務方面個送餐阿姐幾好禮貌👍海南雞飯：3星 普通。可以一試星洲炒飯：4星 炒得好香。推介一定要試肉骨茶 ：1星 味道ok, 但成煲野得2啖內小食 肉串：3星 不錯餸飯一流 炸蝦：3星 比餐牌張相吸引

晚上選擇了仍然有位的新餐廳, 見到很多小朋友在這裏吃飯. 朋友點了新加坡喇沙米線, 味道不錯不過比較辣（侍應說他們的米線味道比較濃）.我點了海南雞飯, 海南雞比較大隻. 不合錯!另外要了班蘭咖央多士, 好好吃！最後加添了一份.馬拉盞怡保芽菜很新鮮！（不是辣的）三款小食特價57元. 在商場裡有冷氣, 坐得舒服, 已是很合理的價錢.柑桔特飲足料味道很好.下次會再來.

上完工作坊又懶得行反去荃灣市中心搵食 所以就決定系d park 搵間餐廳食 門口見佢寫住”尋覓99分海南雞飯” 所以就被吸引左叫左個海南無骨雞飯 跟一碗湯雞既份量都算多 醬汁都good good 湯系冬瓜湯佢既雞吾點醬都算入味 很不錯 👍🏻