ASAP As Simple As Possible

Open Now

Now Closed

約朋友慶祝生日飯，在第一城找個好地方，在Openrice找一找。發現有這家感覺很舒服的餐廳。ASAP - As Simple As Possible，名字已吸引我來試試！我叫左一個午餐“吉列西班牙豚肉滑蛋蓋飯（咖喱汁）” $80賣相非常吸引，滑蛋+吉列豚肉配上咖喱汁，味道尚不錯！ 豚肉炸得香脆不乾身，咖喱帶甜不辣，滑蛋OK!套餐包餐湯/沙律及一杯飲品。我選了柚子醋汁沙律，這個我非常喜歡，味道帶點酸甜，開胃口了！連加一都不用一百元，坐也舒適，值得推介的餐廳。 Sorry! 掛住傾計，沒有拍照！

一個套餐包沙律、野飲同主食～〰️特濃咖哩牛肋肉滑蛋蓋飯🍛牛肋肉嫩滑入味，一啲都唔會韌平時食嘅日式咖喱都會偏甜，（個人麻麻）但呢到嘅咖喱又唔會喎👍🏻滑蛋名如其實，熟度啱啱好〰️蜜糖芥末雞翼最近係唔同星期有唔同口味嘅雞翼雞翼皮脆，入面juicy醬汁好香蜜糖味🍯🐝〰️柚子醋汁沙律🥗平時沙律多數都係得菜、車厘茄但呢個沙律有埋火龍果😆食哂之後會見到碟上面有d 正能量字句架👾〰️〰️📍 ASAP As Simple As Possible (沙田)沙田銀城街1-2 號置富第一城樂薈地下G15-G20及G108號舖

ASAP!📣 ASAP! 📣今次唔係”As Soon As Possible”啦，係”As Simple As Possible”！ASAP定位為日式休閒西餐廳，一大片落地玻璃窗引入戶外日光☀️，工業風設計混合色彩繽紛嘅食物圖案同笑哈哈霓虹燈，又有特色趣味嘅小細節等你發現🤡~坐落感覺幾舒服，適合慢活一下，慢慢享受餐點，調劑生活壓力。————————————————👅海鮮濃蝦湯泡飯 ($90)👍🏻餐牌食物相片好吸引，吸引到同行5人都一齊叫，不過上到檯又有少少落差👀，濃蝦湯變咗水汪汪嘅蝦湯，所幸都仲有啲蝦味，配上了青口，蜆肉，龍脷柳同蝦仁補救返~👍🏻好努力飲晒啲湯，望一望碗底嘅小字句，有啲會心微笑😉，想知係咩就睇相啦！👅黑松露忌廉野菌湯 (+$3)👍🏻當日套餐餐湯只有呢款，或者可以揀柚子醋田園沙律。野菌湯唔算好濃🍄，飲落都幾幼滑，黑松露則來自表面嘅黑松露油👍🏻套餐仲有包飲品，可以揀伯爵茶，杯入面隱藏咗一句”Don’t Make Things Complicated”👅雞翼 (+$8)👍🏻週日惠顧堂食午晚市套餐可以加$8換3隻雞翼，口味每週唔同，今日係辣雞翼🍖，細細隻炸雞翼加咗啲類似七味粉嘅調

今日去完駕駛學院辦完手續，就去第一城搵野食。見網上對此店評價甚高經過就一試。餐廳環境寬敞坐得舒適，陽光穿透穿地玻璃，感覺悠閒自在，慢慢嘆all day breakfast都幾寫意的。吉列西班牙豚肉滑蛋蓋飯 $78賣相吸引，見好多食客都有揀。滑蛋舖在飯上少許茄汁，四塊吉列豚肉配上咖喱汁，咖喱汁不辣，似帶甜的日式咖哩，而豚肉炸粉薄，炸得香脆不乾身，滑蛋不過老，咖哩滑蛋飯一口接一口美味停不了，整碟飯好快吃掉。餐湯點了粟米湯，味道正常，好有金寶粟米湯的影子。蕃茄牛油果雞胸法式酸種麵包+煙肉，牛乳炒滑蛋，煙三文魚，香草車厘茄 $90餐湯點了蕃茄湯，味道酸甜開胃，質地亦不會過於杰身。雞胸肉質鮮嫩，似用慢煮處理，而法式酸種麵包好鬆軟，上面幾片生菜，夾埋牛油果同雞胸一齊食，不顧儀態先可以一啖過咬晒。牛乳炒滑蛋嫩滑，車厘茄新鮮，唯一扣分的是煙肉煎得不夠香脆。餐飲點了凍奶茶，味道正常，糖水另上甜度自行調配。店內幾舒適，假日來享受一個下午亦不錯，而且份量都幾多，2個人會食到捧住個肚走呢！

已經很久沒有來沙田第一城，發現小南國也執了。嚟到ASAP，好彩它仲係度。它的門口雖然不濶，但有很可愛的裝飾，就算未用餐，心情也為之改善。早餐選擇很多，它的蛋包飯很出名，以前食過，今次試新嘢。見其門口日式鰻魚甜蛋青瓜粒炒飯（$98）好似幾吸引，便點了這個，同事選了經典Impossible 漢堡（$96），套餐包餐湯/沙律，及一杯飲品。不約而同哋大家都叫了餐湯。我的黑松露湯有很多黑松露碎，很香，濃度恰當，不太稀或稠，好味！ 👍🏻👍🏻 只是表面有兩滴油，望落有點油膩，扣佢一個讚。鰻魚炒飯很香，炒飯加了青瓜及甜蛋粒，口感豐富。飯亦每粒都掛有日式鰻魚汁，加埋鰻魚一起食，甜甜地，美味可口。😋😋😋 由於它較濃味，喜歡清淡口味的朋友未必適合。朋友的Impossible Burger 其實是仿牛肉做。先試薯條，它表面加了少少炸粉，特別香脆。👍🏻👍🏻👍🏻 其漢堡扒則麻麻地，同事切了少少牛肉俾我試，較乾身，冇牛肉或漢堡扒的Juicy，可惜。👎🏻👎🏻奶茶不是茶餐廳果種，茶味不會很濃，但ok!

第一城不嬲無咩選擇加貴經過見到環境ok無咩人就入咗去cafe黎講正常價錢啦上菜速度就慢咗啲跟餐送個粟米湯勁粉　飲兩啖就唔想飲漢堡就焗得太耐　唔脆不過勁硬其他就一般tea time唔多人　如果想hea下坐一陣都ok

過左午餐時間，無乜人好舒適小朋友🈯️定要嚟呢度食，因為佢想飲杯凍朱古力，餐牌到手自己點左咖哩飯😚特濃咖哩牛肋肉滑蛋蓋飯$84凍朱古力另+$8粟米🌽湯細細杯，好香甜凍朱古力，另+$8餐飲要另加收費，慳精既我覺得唔抵；不過$8飲呢杯，都可以接受😀三文治餡可以揀咸牛肉或磨菇配滑蛋煙肉或燒雞胸肉湯通粉$42下午茶餐有呢個水準確係唔錯👍🏻餐茶選：洋甘菊，清新香氣四溢；茶包飲完再沖水，味道依然，抵飲👍🏻內部裝修簡潔，舒適；不同區域有少少不同

最近轉咗工，去咗第一城返工，附近都係喺商場裏便食，今日同事帶咗我來ASAP食，老實講，第一城食嘢就真係唔平，午餐都要70幾蚊以上，入到黎望咗個Menu，其實都幾難揀，最後揀咗個吉列黑豚蛋包飯套餐，包主食、細沙律、同餐飲。（$76，要額外加一）賣相就唔錯嘅，食落個黑豚肉都幾厚，日式咖哩汁，所以唔辣，甜甜地，配埋蛋包飯唔錯。如果可以多少少飯，就更加好。前菜既沙律，落醋配合，食落唔肥。整個餐，整體上就ok既。

海鮮濃湯🍲蝦泡飯，每次去到必點，湯很鮮味，配上黑松露湯，美味極了安格斯牛肉漢堡，適合小朋友吃，牛肉多汁，薯條可以不那麼燶嗎？款式選擇甚多，每次可試不同菜式每次都要等20分鐘左右入座

小朋友自選組合，先點選炭燒雞扒意粉$80配：北海道粟米湯另+$8 飲凍朱古力原本想睇吓下午茶menu有乜食，睇完唔啱食卒之叫返lunch set : 燒汁牛脷吉列西班牙豚肉$70估唔到咁大份，牛脷都有6-7件😨仲有2件吉列西班牙豚肉真係唔使食意粉🥺北海道粟米湯細細杯已經好飽，超甜粟米🌽估唔到有好多粟米蓉😚凍朱古力+$8，小朋友最愛。真係幾好飲，唔太甜朱古力味香濃😋凍檸茶都唔錯叫左侍應幾次先肯攞個下午茶menu😡😡😡唔知係咪怕我叫平餐，我都話想睇吓有乜好食😢

好耐冇食了，再次光臨西班牙海鮮炒飯，雖然材料少了，飯也少了，但味道不錯炭燒西班牙豚扒意粉，上碟的模樣是這樣，差爆😟。兼且完全似出邊茶餐廳的豬肉意粉，份量又小，賣相少。只是用滾水整熟意粉，然後加醬汁。炒也沒有。所謂豚扒少已沒有味道。吉列西班牙豚肉野菌Happizzal, 味道一般，皮過到燶，差前菜依舊沒有變，ok la 是曰晚飯，差了。加上刀刀叉叉，碟子也不太乾淨（癡立），感覺不太衛生😕⋯⋯現在這時勢😕😕

Best friend 請我食好東西，我點了厚切餐肉煎蛋出前一丁& 無糖可樂；朋友吃了半份滑蛋咸牛肉治 + 雞肉蕃茄通粉和洋甘菊茶，味道相當不俗，價錢相當實惠！ 個出前一丁的配料，排出一個溫煦的笑容唷！ 在疫症時期能保持食客平常心的㊙️技！裝修擺設也以簡約為主，值得一讚！

疫情關係近來都少在外用餐，但間中都要抖氣一下，趁著星期五就在ASAP用了一個開心的晚餐。松露磨菇湯和忌廉粟米湯，熱辣辣，小杯裝，份量剛剛好。主菜是蕃茄脊肉意粉，蕃茄紅椒紫洋蔥非常足料，也不會太酸；另外點了斧頭豬排香腸配迷你咖哩飯，斧頭豬排很入味，肉質爽而不油膩，好好味！香腸充滿肉汁不乾身，配上不同蔬菜，很豐富。就是喜歡簡單的美味。餐廳的衛生措施做得ok，用餐可以很放心。

平日工作好忙, 中午都想食D好野獎下自己雖然午飯時間都多人, 但因為舖面大, 唔洗等好耐都已經入座, arm晒等一個鐘放飯的返工人士餐桌紙有笑哈哈都幾可愛~Meun上的食物相就好吸引, 同埋一個set lunch都包左湯和飲品, 雖然有D少貴, 但偶然一兩次都唔怕的我就叫左特濃咖哩牛肋肉滑蛋蓋飯實物同meun的相沒有大分別, 大大份, 滑強生熟度剛剛好, 不過雖則係特濃咖哩, 其實對我來只係顏色深, 咖哩味其實都唔係太濃, 較為日式果種咖哩。同事叫左黑蒜野菜黑豚意粉, 味度其實都係偏淡, 蒜味唔重, 豚肉有少少鞋口但都可以接受本身跟餐有栗米湯, 同事就加$ 叫左黑松露忌廉野菌湯, 兩款都ok~ 整體來說用餐體驗都幾好, 坐得C服下次有機會會再試埋其他

每當想到早餐的時候，總會想到ASAP餐廳，也許價錢不太貴，也許是店內簡約的裝修，或是偌大的環境，可以透過不擠迫的人群享受簡單的餐點，或者可以望向窗外的人和物，或者可以靜靜與家人或朋友短敘，又或者可以獨自在用餐之間思考得與失，總覺到哪裡可以找到片刻的寧靜。也許這是筆者真正喜歡早上往那店內跑去的真正的原因。食物方面沒特的感覺，只在早餐時段前來，不是覺得味道不好，只是一種習慣而己，說真的，味道只是中上之資，通粉或蛋治也是一般，在其他店也可以試到相同的味道，最特別是倒是那杯奶茶，香濃適中，沒一點過火，多了一點覺甜，少了一點也會覺得失去了某些味道吧了，故每次總會以一杯奶茶作為飲品。也許這是筆者真正喜歡早上往那店內跑去的另一真正的原因。也許該店服務人員友善及工作勤懇，總是加上笑容，故每次朝早往店裡走總是人多，雖然大家在該時段也會點相同的數項食品，相信在那店開店一天的生活是個不錯的選擇。