ASAP As Simple As Possible

Open Now

Now Closed

今天和好友再試其他款式早餐：S6 香煎雞胸 牛乳炒蛋 牛油多士 ＋凍朱古力S7 吉列魚柳 牛乳炒蛋 牛油多士 ＋ 凍泡沫咖啡 本人試S7餐，吉列魚柳  切開還有熱煙霧出，應該是新鮮炸起上碟，另外牛乳炒蛋炒得香滑，分一點炒蛋配合牛油多士，絕配！ 好友試S6餐，好友說香煎雞胸煎恰到好處，吃下去很軟嫩，牛乳炒蛋和牛油多士，好友都認同整到很香滑。 下次會再試不同款式早餐，因為早餐暫時星期六／日 到早上11時半前能享用，所以再試要看看時間才能去啊

同老公食生日早餐，去左間可以望海的餐廳，老公柯打左通粉併蛋牛治，而我叫左慢煎雞胸肉伴沙律，雞胸肉比想像中好食，肉質不會過韌，一邊嘆早餐，一邊望著開揚的海景，真是很好的享受。

午餐時段的海之戀，好在不多人，約埋亞媽來Lunch最正，好在這間餐廳唔駛排隊等位(怕亞媽企得太耐)，也唔駛電話book位，裝修設計簡約，但食物一啲都不簡約。Set Lunch 都有三張餐牌可以選，由五十幾元起至一百元左右，性價比非常高，食物賣相吸引，蛋類食物非常滑，意粉內湯的酸甜恰到好處，吉列豚肉鬆軟入味，鰻魚炒飯最好味。落地大玻璃，好在今日中午無落雨，天空放晴，能夠坐在這美麗環境下進餐，我感覺全部食物都美味可口。

海之戀商場，開始多咗唔同嘅餐廳慢慢陸續開業啦！見到呢間ASAP既cafe小店環境唔錯所以去左一試安格斯牛肉芝士蘑菇漢堡🍔食落有驚喜既burger😍老老實實一開始睇到個樣我仲以為中伏🤣見佢中間個漢堡好似好散未食已經下判斷系我唔好🤣🙈 點知一食有驚喜🤫佢個漢堡扒系混入左蘑菇，食落好鮮嫩有肉汁，芝士已經融入左系漢堡扒上🤤個味又調教得好好唔會過咸，中間簡單夾雜左番茄同生菜，食落又唔會覺得好膩，果然系有驚喜🥳 吉列西班牙豚肉滑蛋蓋飯🥢外貌幾吸引，好有份量😁 吉列豚肉都好有份量炸得外層很酥脆，肉質比較扎實. 個蛋都好滑不過咖喱汁就偏咸左D，食完真系好飽🤣以呢個價錢黎講，仲可以對住個海景遠望到汀九橋食😛餵～性價比又幾高wo🤓

上次已經試了午餐，今次有機會試早餐。是次早餐嘗試以下的款式M3 流心蛋法式酸種麵包，自家制特色腸，煙肉沙律 S4 雞肉蕃茄湯通粉 牛乳炒滑蛋 牛油多士首先說M3餐，有兩隻流心蛋很大隻，配合酸麵包，口感一流。自家腸和煙肉搭大份量沙律，即使吃肉，也沒有肥膩之口感。小弟追加了一杯特飲凍朱古力和 一客煙肉湯通份，份量剛好，不用再吃午餐。好友點了另外S4餐，朋友對蕃茄湯通粉給予很好評價，蕃茄湯底比茶餐廳高質素，雞肉份量都多，抵食。

午餐經過不太多人。又見好似食物種類吸引，剛剛想食漢堡包🍔 便入內一試。近期幫襯了不少賣漢堡包薯條的小店。講真真係令人有點失望 ，漢堡包勉強還可以，薯條真的做得很差。感覺是用千年油揸到脆卜卜。一啲薯仔味都冇。下次絕對唔會幫襯。 如果用$80價錢咁嘅質素應該幫襯隔離大快活更加好。不過都係同一個集團唔唔使分得咁開。點解佢哋覺得改個個名啲食物差唔多就可以呃到顧客。但係佢啲服務尚算不錯👌侍應生都很有禮貌加上環境很好有海景。

估唔到依個價錢有咁高質呀😍第一次食咋！！疫情關係下午茶唔算多人，見佢地meun有好多選擇，重點係唔貴～經職員推介，我地就點左下面2個套餐👉🏼鳥唐揚蛋蓋飯（炸雞係好新鮮炸感覺，蛋都好香好滑，正！）👉🏼燒汁牛脷吉列炸雞意粉（男朋友話牛脷好林，好好味😋佢掛住食關係我影唔切相😅）因為對住個海，成個環境都好舒服。值得一讚係佢地職員服務都好好，由安排坐位，點餐到黎餐都好快手。值得再去同朋友食🙂

這是我們第一次吃的餐廳🍴，一進去餐廳就覺得設計很靚，又可以見到海景，食嘅時候都覺得特別精神。而且職員服務態度都好良好，食物選擇也很多，有意粉🍝丶有飯丶有漢堡包🍔丶也有薯條🍟等等的小食，而且份量也很大，絕對值回價格！😄😋

🔺ASAP入黎呢間餐廳食野主要係因為俾個河景吸引😚感覺真係心曠神怡👍🏻👍🏻.香煎雞胸蛋三文治配薯條🥪三文治好厚份量十足😯雞胸肉唔會煎得太乾 入面仲有煙肉蔬菜🥬薯條就硬得滯 所以小編都食剩好多😹.雞肉蕃茄湯通常餐🍜常餐除左有粉麵之外 仲有多士、炒蛋同埋兩條特色腸🍳比較驚喜係腸仔入面有爆漿芝士🧀蕃茄湯通就正常發揮啦😛

星期日朝早，試下這間的早餐。點了兩個餐。蔬菜沙律，沒有加油膩的沙律醬，反而落甜甜酸酸的汁，好味又開胃 而且加了少見的蓮蓩，有驚喜腸仔入面有芝士夾心，加分。最值得一讚的是流心蛋，蛋黃新鮮，蛋味濃郁，上面加芝士烤過，甚有特色。用刀切下去時，深黃色濃稠的蛋黃慢慢流出來，夾埋麵包一齊食，滋味一流 麵包索晒d蛋黃汁，唔會浪費。餐可配橙汁，唔使加錢，感覺抵之餘又健康。另一個餐。番茄濃湯通粉。個湯如果可以酸dd就好啦。加了雞肉，但唔肥。三文治，炒蛋既份量其實唔細，而且用蘑菇炒，好新鮮以食材的新鮮度同烹調心思而言，物有所值

悠閑的星期日去海之戀商場嘆返個靚早餐。無意中發現這間餐廳，早餐價錢$35-$52包餐飲。0930左右黎，直接入去就有位。價錢只是比隔離鋪大快活貴少少，但享受多十倍😆無理由唔入去試下架麻。今日我地二大一小，入内有梳化位坐，面向大玻璃窗，一片海景盡在眼簾，有種度假的感覺。叫左兩個餐share食，M3同M4,凍檸茶同加錢轉熱朱古力。M3流心蛋法式酸種包+自家製腸+煙肉+田園沙律麵包外脆内軟，流心蛋上面仲有芝士😋M4焗蕃茄芝士腸片流心蛋+法式酸種麵包十分推薦，麵包同樣外脆內軟，有大量芝士，再配上流心蛋同蕃茄汁腸仔一齊食，好滿足的早餐。兩份早餐份量充足，share啲比小朋友食，都好夠飽。埋單$116有機會一定再黎。👍🏻

往激安殿堂朝聖，血拼前先醫下個肚，在海之戀商場選了這間非常簡約俐落的店舖，望著蔚藍優美怡人的海景，煩惱全消，有一刻的寧靜，享用美食，人生一樂也，沙律菜新鮮，沙律汁有柚子香味，龍蝦湯海鮮飯，湯味再濃些更好，配料豐富，值得推薦，不容錯過！白酒鮮蜆意粉份量十足，蜆肉很多，一個配薄荷茶，清新涼喉，另一個配了熱朱古力，也很不錯，以這個價錢，真的十份值得捧場，服務員態度甚佳，很快會清理枱面，充滿笑容，下次去海之戀，必定再食😊

呢間餐廳個名好chill, as simple as possible,有啲座位望到海景,仲可以打卡tim叫左2個主食鳥唐楊滑蛋蓋飯。炸雞唔乾身，仲有啲肉汁。雞蛋夠滑加埋磨菇汁唔錯安格斯牛肉芝士磨菇漢堡。跟餐有薯條，不過炸得脆得制。牛肉好juicy加番分。夾埋蕃茄，菜一齊食唔會濟，推介野食方面叫左杯濃滑牛乳。其實系鮮奶，不過味道幾濃，可以選熱或凍飲。朋友叫左杯凍朱古力，好濃朱古力味，面頭有啲cream好飲整體唔錯。價錢2個人埋單200內，性價比高會再番黎食

海之戀開咗好多新餐廳，見到 3 樓有間裝修得幾得意，好有活力感嘅餐廳，所以入去試試。之後先發現原來呢間 as soon as possible 係大快活旗下嘅，都唔錯呀👍🏻👍🏻 環境都唔錯👇🏻menu 👇🏻 餐牌都好多款，以西餐為主。鮮茄牛肋肉意粉, 包飲品👇🏻 份量都好足，牛肋肉條都算好多，容易入口👍🏻 牛肝菌汁素肉吉列漢堡扒蛋蓋👇🏻蛋好滑，但唔太夠，無蓋過 d 飯，不過牛肝菌汁幾好味，配埋吉列漢堡都算配搭得好！法式焦糖燉蛋 👇🏻 半熱半凍嘅感覺，唔錯

放假就當然想出街食吓正嘢，同朋友搵間好坐嘅餐廳傾吓計，慢慢飲杯嘢Relax吓啦👭🏻今日就約咗個fd出嚟，大家都住新界區，出荃灣好方便，諗住食完嘢之後行吓Donki😏所以係返海之戀食嘢方便啲！行到出面望到呢間嘢啲裝修幾靚仔，而且又唔係好貴就入咗嚟試！【吉列黑豚滑蛋蓋飯】黑豚炸得好靚仔，無豬腥味😉食落肉質鬆軟有彈性！滑蛋亦都煮得唔錯👍🏻【白酒鮮蜆意粉】蜆嘅份量唔算多，不過隻隻都幾飽滿有汁！意粉都係正正常常，不過不失❣️套餐已經包埋飲品，所以整體上性價比都高！我同朋友傾計傾得好投入，唔覺唔覺坐咗超過2個鐘都無比人趕走嘅面色，照由我哋坐！（當然嗰陣都冇坐爆啦）食物幾好，環境又靚，價錢唔貴！真係一個同朋友聚腳嘅好地方😉💕