Asobu Bistro (Closed)

星期六中午到三點都依然全場爆滿可想而知味道已得到一定肯定！小店坐位不多，細心店主知道空調不足，叧加了冷風機及風扇，夏日炎炎也不會太熱！真心覺得咖哩蛋包飯好食，咖哩汁其實好濃，不過混了蛋包裏的蛋汁，剛剛balance! 豬扒夠脆，不過我覺得豬肉唔夠滑因為好耐冇食，諗住叫個鰻魚飯，點知有D中伏！本身魚有D鯹，就算用雪藏鰻，也應用一些少技考去走D雪味鯹味！不太喜歡！其實經營一家小店真是不易，欣賞店主心機！看得到他的誠意，味道已經不再重要了！

餓時在youtube曾見過專業日本廚師弄真正的日式蛋包飯，不是一塊薄蛋皮包裹著飯；而是一個有厚度的oval形奄列放在飯上，輕輕用刀開再反出來，裡面是有點流心的滑蛋，用匙羹由上而下切就能把滑蛋和飯一口吃下去。雖然有教學，但一直覺得難道太高，試弄過一次後都沒再試。有次看見這裡的照片標榜的正是後者所描述的正宗日式蛋包飯，便把這家餐廳標籤下來，偶爾經過紅磡當然就來試一試。餐廳舖位很小，只有三數枱二至四人桌，最多只能同時容納14人。我們即使平日來，7點到剛好有位子，約7點半左右已經開始要等位 (留意不設訂座)。先來的蛋包飯配漢堡扒。手打漢堡扒有驚喜，雖然size較小，但勝在夠厚又不鞋口，手剁彈牙，內裡仍pinkish有肉汁，調味也剛好而不過分。番茄醬夠稠，帶點酸酸甜甜的很開胃，配有份量的肉扒能解膩。主角奄列有兩隻手掌的闊度! 輕輕開便有許多滑蛋花，需要用上一定數目的蛋液才能做到這麽多的花紋效果。滑蛋有淡淡的蛋香，即使要拉花也不會加入水等溝稀而試圖冒充蛋液分量，抵讚。炒飯底看上較淡色，但吃下去其實也有味道。不過配料少，依稀只吃到粟米粒。緊接來的是配燒鰻魚。蛋包飯不多再說，水準依然。鰻魚算是大條

正所謂最容易的食物反而最難整，雖說蛋包飯係人都整到，但整得好吃就考功夫！呢間算係隱世小店，但呢度嘅食物質素挺高， 呢度嘅蛋包飯同係日本吃到嘅一樣， 滑loop loop, 中間切開似熔岩般流出黎， 睇到好爽皮~牛油味又唔會偏重， 岩岩好， 加上自制漢寶扒配白飯冇得頂！

Deep Fried Breaded Pork Chop Lava Omurice (curry sauce)吉利豬排熔岩蛋包飯 $68終於來左試呢間熔岩蛋白飯啦~~😝 蛋真係煮得好完美, 一切開, 入面嫩滑既蛋醬真係好似岩漿咁流落來, 好正😻😻 炸豬排香脆, 但一邊肥肉較多... 日式咖哩偏甜, 咖哩味唔算重.. 比起curry , 🙈我同朋友一致贊成蕃茄醬更match 更好味Asobu's Homemade Beef Hamburg Steak Lava Omurice Asobu 自家製手打漢堡扒熔岩蛋包飯 $78我覺得比起蛋包飯, 蛋蓋飯呢個名更加貼切😆切開後滿滿既蛋醬, 再加埋酸甜既蕃茄醬, 好好食😋 厚厚既homemade漢堡扒加左香草, 好香好惹味😄Size 好大, 食食下好飽好膩🙈🙈 其實2個女仔share 一份都夠

有一排日本蛋包飯嘅share 到成個Facebook 都喺佢地嘅技術實在真喺令人嘆為觀止呢幾日又癮起想食蛋包飯 結果就嚟咗Asobu Bistro -燒鰻魚熔岩蛋包飯 ($118)一上枱 我就無無聊聊搖下隻碟睇下個蛋包飯會唔會跟住郁哎呀 點知佢真喺好似成龍咁動L😂先食啖鰻魚 um 唔呃你地 只喺普通貨仔 而且個燒汁仲幾咸🤔再跟手切開佢 啲蛋真喺好流心咁流出嚟食落個蛋喺幾滑 再撈埋個燒汁同飯又幾好食同埋變得無咁咸淨以動L蛋包飯黎計 都喺值得一試不過價錢就貴左啲！-

店面較細好少座位 好快就full左冇咩冷氣 主要靠風扇自己生意老闆娘凡事都親力親為服務態度很好一上碟蛋會彈下彈下蛋包飯有炒底個飯都幾大份 食完夠哂飽呢個價錢好抵好大塊鰻魚 但就冇咩汁缺點係鰻魚太多骨雖然鰻魚骨係食得但太多都影響左個口感個蛋包得好靚一切開d蛋汁係咁流出黎但蛋又唔會過生 幾好茄汁太甜 冇咩蕃茄味set會送熱飲 凍飲加$3我地要左凍柚子蜜飲落好多柚子 味道濃郁

夏天晚上氣温33度8時入席。店内冷氣不足及非常侷促，有氣管及呼吸問題人士慎入。鳗鱼蛋包飯上枱時巳經表層破裂，蛋漿溢出，賣相與網上的長相偏差不少。蛋皮太薄，蛋计太水太稀，与其説是蛋包飯，不如叫港式奄列加飯伴日式烧汁。在茶餐廳叫一客奄列加碗白飯，60蚊摟下，尼度盛惠$118。对了，還有一塊没有掌心大的鳗鱼片。肉質難咬冇味，我差点忘了。我真心十卜本土特色小店餐廳，也不介意等位及地方狹小等。但這些衝著特色其實服務不達標，食物没水準的地方，真的另人十分失望。

聽講呢度嘅蛋包飯好正，為食豬就去會一會佢。照燒雞扒熔岩蛋包飯: 等左大約4個字先有得食。一上枱就見個蛋整得好靚，彈下彈下咁。急不及待切開佢，果然係有熔岩架!個蛋外面熟裏面好滑，加上茄蓉好夾。燒雞扒份量唔算多，對比起個蛋，質素一般。雞扒煎得唔夠香，但都尚算滑。茄蓉似係一般罐頭茄蓉，有點太甜，唔係好夠蕃茄味。吉列豬扒咖哩熔岩蛋包飯: 同上面個蛋包飯一樣，賣相好靚，切開都係好吸引嘅流心蛋漿，十分香滑。咖哩汁亦似係現成嘅，味道冇咩大驚喜。吉列豬扒份量較雞扒多，炸得都幾香脆，但豬扒好薄冇咩肉汁，而且個炸衣好容易分離。為食豬認為小店蛋包飯嘅蛋做得好好，但感覺比較忽略醬汁同主菜嘅表現。所以即使個蛋令人滿意，食完都感覺心靈有點空虛。

蛋包飯，一種簡單但又很難弄得好吃的食物，一聽見有出名的蛋包飯，就會默默找機會一試，而今次即到紅磡一嚐出名的蛋包飯。煎雞扒蛋包飯配咖哩汁，蛋的熟度剛好，外面熟內面有汁，用刀一切，內里的滑蛋在震動，蛋汁流下飯中，把蛋汁拌入飯，一口滑蛋一口咖哩飯，一口接一口，很好吃呀，唯美中不足的是失色的煎雞扒。另一招牌鰻魚蛋包飯，蛋包飯一如上一個的滑到震，燒汁加鰻魚，一定不會難吃的配搭。總括來說，蛋包飯是不錯吃。

今日肥仔獸搵食搵到去紅磡😆今次係去食蛋包飯😛🐣一入門口，舖面比較少，大約有16個位度。環境比較迫夾，而且有少許熱🙁今日叫左個咖喱吉列豬扒熔岩蛋包飯&蕃茄醬漢堡扒熔岩蛋包飯。🤗咖哩吉列豬扒熔岩蛋包飯塊豬扒有點乾同埋係薄切，口感欠奉😶如果係厚切應該會好啲🤔至於個咖哩就甜甜地，少許辣，食落都幾好食👍🏻蕃茄醬漢堡扒熔岩蛋包飯個漢堡有點細，都唔飽，但漢堡扒係好食啲，幾juice下😋至於蕃茄醬就唔太酸，但又幾開胃下👍🏻甘最後都要講下主角蛋包飯，啲蛋好滑，好有蛋味😋不過食甘多蛋有啲滯😅而且啲飯都唔細，所以肥仔獸都食得非常飽☺️肥呀順帶一提，午餐呢度野飲係可以跟餐架，而餐飲都係普普通通啦😶#smalltoysinbigworld00 #肥仔獸

最近很紅的溶岩蛋包飯, 此店其實已經開了一陣子, 之前都無食過.因為覺得有D貴. 但朋友傳來一片影,說此蛋包飯的蛋非常澎湃.想要來嚐嚐.好吧, 既然朋友要求就來約約一起試吧.由於店面非常細小, 應該只容納到18-20人左右.所以晚飯時間都需要等候.為何我地等了45分鐘之久呢?因為需要齊人才可安排入座,朋友下班不定時而且遠.坐車來到黃埔都需要一點時間.不過店主好好, 朋友差不多來到前都讓我們先入座.一坐低已經想好要點甚麼, 溶岩蛋包飯是必須的,只是想要不要加餐前小食.選甚麼配料.我選了咖喱豚肉溶岩蛋包飯, 朋友則點吉列豬扒溶岩蛋包飯↓咖喱豚肉溶岩蛋包飯 $78店主把飯送上枱時, 已經感覺到蛋漿的澎湃. 那種搖搖欲墜的視覺, 你會感覺到雞蛋非常多,像要湧出來破蛋而出.看過那段影片, 知道要從蛋包的正中央下刀,就會有湧出來的效果, 一切開半熟的蛋漿蜂擁而出, 擋也擋不住. 效果非常滿意究竟每份蛋包需要用多少隻雞蛋呢???!!!!流心的雞蛋非常滑, 亦都吃到雞蛋的香. 配上珍珠米, 工整的一粒粒黏在一起, 水份剛剛好不會過軟.而且珍珠米飯中混上洋蔥,火腿南瓜一起煮,蠻有心思的.豚肉比較軟淋淋,

lunch時間黎到，因舖位細大約得十幾個位，要花上半小時等位，雖然食比較趕，不過食完都覺得值得。日式咖哩漢堡扒溶岩蛋包飯，溶岩蛋脹卜卜，一切開真係好溶岩呀！漢堡扒自家製，份量好足，不過比較漏，咖哩汁不錯。吉烈豬扒即叫即炸夠脆。吉烈炸蝦，都係即叫即炸。Lunch大約68至78蚊左右，包一杯熱飲，飯既份量唔算好多，不過配上溶岩蛋男仔應該都夠飽！

之前食過灣仔間生原創，真係食完唔會有第二次。但由於男友太喜歡食蛋包飯，似過幾間都不過不失，其實係我要太高😂😂好啦！終於又有朋友推介，就一管去試下8點去到，都係等左2枱2人枱，但全店大概只有16個位到，所以見d人都係快來快去，我地唔算等左好耐最後叫左2個飯，1個小食，2杯嘢飲漢堡扒鰻魚蜜糖雞翼+橙汁特飲+蘋果冰茶整體嚟計，個蛋好好食，有流心的感覺。蛋味好足，而且店主牆上都有溫馨提示。但個漢堡扒硬左d，我個鰻魚蛋包飯隻蛋煎爛左，所以無咁脹，哩一點令到扣左d分，而且個燒汁咸左d。不過下次有機會會試埋個咖哩。小食，有驚喜，蜜味好重，好滑，焗到岩岩好。冰茶同橙汁特飲都ok，味道天然。。。會有下次😋😋😋😋只係位置會闊d會好d男友有d肥都坐到好迫XDDD

09.06.16假期的晚餐決定試袋野想試呢間蛋包飯好耐一不過門口已經有一堆人等緊等左3張枱 3,4個字就到我地環境有點狹窄 坐近門口有點不方便都幾多選擇 但我們都係決定先試鰻魚熔岩蛋包飯😆加12蚊有前菜 18蚊有特飲先黎頭盤小食還可以 分別有煙三文魚 車厘茄跟cheese等了10分鐘左右然後主角終於出場了!見食評舊蛋會動L 我們貪玩搖下個碟 點知真係好QQ!玩住食感覺好搞笑!之後按海報指示切開一半 熔岩就流出黎了！味道ok 還是一般的鰻魚沒差個人認為價錢有點偏高 試下就夠

日前見朋人在facebook 上載了一段流心蛋包飯的影片，說為蛋包飯到日本朝聖，看得心動，就和友人到同樣因蛋包飯聞名的Asobu Bistro試試。傳統蛋包飯以蛋包裹炒飯，這裡以飯墊底，上面放上名副其實的蛋包，外層是熟透的蛋，裡面是滑蛋，把刀一切，蛋液和滑蛋流到飯裏，加上咖喱汁，可以少去兩三次日本了。我點的是照燒雞扒蛋包飯（附番茄醬），改配咖喱汁。咖喱汁香口味濃，雞扒一般，白飯撈入少許洋蔥、火腿，份量很大。餐廳地方淺窄，廚房應該也不大，所以等候上菜的時間頗長，約15分鐘，可惜飯略嫌不夠熱，頂多只是和暖。