阿叔泰麵 (積信街) (Closed)

和朋友行經大圍一帶，發現沒有那麼旺的小街，有好多特色食市小店，揀咗一間裝修好有心思，充滿泰式陳設的餐廳。豬肉船麵必試店內招牌船麵，第一次食，可跟牛肉或豬肉。原來傳統船麵要加魚露、糖、辣椒粉和白醋，當然悉隨尊便啦。我就每樣加咗少少，感覺唔錯，不得不提豬肉片，煮得好淋身爽口，麵質比較幼細，綿滑。香芒蟹肉炒飯芒果分開上，好清甜熟透，蟹肉鋪在炒飯上，有兩塊炸豬皮伴碟，賣相好靚。炒飯好乾身唔會有肥膩感，值得一讚。阿萊燒豬頸肉熱辣辣香噴噴，外皮鬆脆，肉質爽口，做得唔錯。肉碎生菜包我最喜歡肉碎可以揀辣度，我揀咗走辣，加咗金不換一起炒，好香好入味。生菜新鮮，推介之列。

【抵食又好食想食船麵呢度啱晒🍜】有冇人同我一樣會無啦啦好想食船麵🤣呢一間每次都好想試，今次終於試到！舖頭細細，嘢食高質，連炸豬皮都勁好食！😍-🍴阿叔船麵（💰:72)湯底濃郁，有少少藥材味，加埋佢嗰四樣調味真係提升咗好多😝今次叫咗牛肉，牛肉一啲都唔靭，份量又多😌佢個豬肉丸夠晒彈牙好食！炸豬皮超好食❣️.🍴黃咖喱雞（💰:78)有得揀青咖喱或者黃咖喱，今次揀嘅黃咖喱係屬於椰和味重嘅咖喱🥥雞嘅份量都勁多，又嫩滑🍗不過食食吓都幾辣🌶️本身淨係配薄餅，最後好食到我哋再加咗碗飯撈飯🤣.🍴香芒蟹肉炒飯（💰:72)飯一粒粒，搭配埋芒果同蟹肉食好正🥰私心勁鍾意芒果🥭.🍴小食拼盤 （💰:148)又炸豬皮、蝦餅、雞翼、魚餅！蝦餅夠脆，雞翼香茅味夠重，一大班人SHARE就啱晒啦😋-💡四個人嗌咁多嘢，其實都食唔晒，份量都幾足夠🤪完全係高CP!👏🏻.💡下次想試埋豬手飯同芒果糯米飯😋-💎推介指數: 💎💎💎💎💎 （船麵真係好食🥳）💡性價比:✨✨✨✨✨（價錢唔算貴！）🍴ENCORE指數: 💛💛💛💛💛-

阿叔牛肉船麵$72 餐廳建議落4大調味，落咗真係好食啲，個湯會出啲，但冇以前咁好食揀咗粉絲，索哂湯味👍🏼牛肉係滑牛，開頭諗係牛定豬嚟🤣牛肉都幾多，整體還好，份量較少，未算好好食非食不可個隻 香芒蟹肉炒飯$72蟹肉同芒果都有啲少，個飯炒得幾好同乾身，不過友人唔係太鍾意佢加咗啲玉豆定唔知青豆泰式奶茶$28熱青檸蜜$18飲品ok 總括7 / 10 味道還好啦，個人覺得menu同份量要執執泰菜黎講，算少選擇 小食同主食價錢竟然係差唔多…令到我地都唔想叫小食…同埋飯麵份量都幾細下如果晚市有套餐連小食會吸引啲又可以試多啲野 加一：✅ 但冇乜服務 而且地方比較細 坐得唔太舒服

之前經常買外賣食牛肉船麵，而每次都覺得湯底好香好濃，牛腩亦夠軟腍入味。接近一年冇食過，今晚去堂食，發現牛肉船麵嘅牛腩變咗一片片嘅牛肉，而且湯底淡色咗，亦冇咗一上枱就聞到嘅香味，入口一試，同之前嘅味道完全唔同晒，有啲失望。見到餐廳坐滿人，而且大部分人都係食船麵，覺得好奇怪，難道只係我自己覺得味道大不如前？

在沙田大圍的“城中村”開了一家泰國餐館，餐廳的裝飾富泰國特色：泰文海報，鑲有雨傘草帽的天花，橙色的門面，非常特別。餐廳是小館形式，座位不多，但也舒適的。餐牌有分前菜、飯麵、小食、甜品和飲品幾大類，都是泰國特色美食。枱上放了特色的七彩筷子和調味四寶：白醋、魚露、沙糖和辣椒粉。「阿叔船麵（牛）金邊粉」，是鎮店的招牌菜，牛肉片的份量不少，腍軟可口，還配有豬肉丸、炸豬皮及通菜。湯底濃郁帶甜，金邊粉幼滑，加少許調味四寶，為船粉添上姿彩，味道更上一層樓。「馳名楊叔叔豬手飯」，去骨豬手爽滑無比，膠原蛋白豐富，配有鹹酸菜及滷水蛋，濃香醬汁像豬腳薑的味道，非常惹味。「芒果糯米飯」，新鮮芒果配上綿軟的糯米飯，甜絲絲、暖暖的口感，加上香滑的椰奶，是我至愛的泰式甜品。「香茅班蘭特飲」，帶香茅及班蘭葉香味，冰涼透心，是炎炎夏日的消暑佳品。「泰式咖啡」，咖啡香濃之餘，還有獨特的香味，不錯。今晚的晚餐雖然不是豪華盛宴，一面品嘗地道泰國菜，一面望著窗外雨後的街道，錯落的村屋，就彷彿身在熱帶的曼谷一樣，有一種悠閒渡假的感覺。

好耐無黎大圍食船麵 今次黎到連餐牌都轉左多左好多種類 有湯 有多款小食阿叔船麵（含花生 豬皮）（豬肉）配金邊粉$70呢個係必點的 豬肉份量好多 豬肉丸爽口彈牙 湯底夠濃 加埋四大調味（魚露 白糖 白醋 辣椒粉）多一份酸辣 好開胃椰子雞湯 $78🥥好大煲 好白的湯底 好香椰子味 雞件數量超多 兩個人都食唔晒青咖喱（雞）$78 加配白飯 $10又係一大鍋 雞有煎過 好香脆 咖喱好香椰子味 有微辣 配飯一流阿萊燒豬頸肉 $68好大碟 豬頸肉燒到剛剛好 外層香脆 肉質爽口 配埋甜酸汁 食唔停口

🍜阿叔船麵 $70依個船麵可以揀豬肉同牛肉，內有泰國豬肉丸同炸豬皮，口感彈牙，豬肉片份量都好多，湯底用左牛骨熬成，帶有少少甘甜藥材味，令人聯想起肉骨茶。🥬🍖肉碎生菜包 $62肉碎配上爆香乾葱碎及蒜蓉，即使有啲辣椒都唔會覺得好辣，肉碎中有酸甜醬汁，清新開胃，而且份量都幾多，可以包到好多份生菜。🍳布吉蛋餅 $78呢個蛋餅同台灣蛋餅非常唔同，用咗好似印度嘅薄餅，配以兩隻太陽蛋，咖喱汁都好濃郁，上面有兩隻厚實嘅雞腿，比較難夾埋一齊食，但味道都幾夾。🥭🍚芒果糯米飯 $60想叫既點心拼盤賣曬，唯有叫個甜甜嘅糯米飯，上面鋪滿咗椰香味醬汁，糯米飯比較結實同帶甜，芒果味道香濃但略嫌份量少。呀叔泰麵 🍜🥬💛大圍積信街安信樓地下人均~150

細個係呢頭返學，大圍村變化不大，附近食肆愈開愈多，位於大圍積信街嘅《阿叔泰麵》 可以食到地道泰北船麵，仲有特色飲品。冬蔭功湯~湯底味道香濃，酸酸辣辣好惹味，材料有蝦、魷魚、草菇等等。阿叔船麵豬肉~招牌菜船麵，我哋揀咗豬，材料豐富，炸豬皮、豬肉丸、豬柳等，船麵掛滿香甜湯汁，越食越滋味，泰式春雞半隻~店員推介泰式燒春雞，果然冇介紹錯，醃製味道啱啱好，夠香口，$88抵食價。香茅菠蘿特飲~點咗個泰式特飲，香茅獨特的味道再加入菠蘿清新嘅香味，好特別。玫瑰荔枝特飲~玫瑰荔枝一向都係我喜愛嘅，天氣炎熱，冰涼可口，正！

呢次去食嘢真係令我好失望，感覺啲嘢質素比以前差咗好多。我哋叫咗一份以前好鍾意嘅菜式，但味道卻大變味，完全冇以前嘅好味。然後，店員推銷嘅芒果糯米飯，佢竟然話俾我哋「幫你留起一份」，令我哋以為呢道菜係免費甜品，結果問清楚原來係要收費嘅。我覺得店員咁樣好誤導客人，令人好唔舒服。仲有啦，明明menu無寫要加一，但係最後埋單就收加一服務費。總之，呢間野令我好失望，明明以前有椰子雞湯麵好好食，宜家轉左menu，椰子雞湯就轉左單點既湯，連船麵都唔好食。

佢哋嘅餐單好少選擇，令我好失望。仲有，啲菜式嘅價錢都加咗，但係食材卻變得小左，好唔划算😅最抵死係，有個店員問我要唔要留一份芒果糯米飯，我以為係送嘅禮物，但最終原來要收費😅咁樣做生意好唔老實。咁嘅行為好誤導人，令我好失望。而且，佢哋餐牌上都冇寫明要加一，但係最後賬單竟然收咗一筆服務費，好似搶人錢咁。😅最後，食完之後我仲覺得好餓，要去另一間餐廳食先夠飽。總之，我對呢間餐廳嘅體驗非常唔好，以後唔會再去啦！！😅

同朋友約咗食午餐，本來想搵間Cafe坐下，點知行過見到，呢間平時好多人等位既餐廳居然有位，把握機會入去試試佢既lunch Set都幾抵食，平均都係60幾，包埋野飲，而且食物質素幾好👍叫左豬手飯（$68）同青咖哩飯（$68）。豬手份量好多，好入味，鍾意食皮既我非常高興，滿滿骨膠原（脂肪？😆)，肉既部分就有少少鞋，所以都食剩咗少少🤏青咖哩牛肉飯都好好食，咖哩有椰香，甜甜地，配料有肉有茄子洋蔥青豆角等等，餸飯非常好👍跟餐有凍菊花茶，大熱天時透心涼😌不過中間有個小插曲，因為座位都排得幾密，叫多左碟菜，又拎多左兩隻碟share, 逼到隔離枱爭啲拎錯咗我杯野黎飲😂整體來講，呢次用餐經驗唔錯，食物質素幾好，侍應都helpful, 不過午市認真多人，走果時門口都開始有人龍等位，食lunch 就要考慮埋呢個位🫢

船麵湯底應該很多層次先係，呢度個湯好似公仔麵開粉咁單調，豬紅味香料味通通冇。豬肉好多根，豬肉丸唔好食。牛肉丸好食啲Menu個價唔會比tst cwb 做得出色既船麵平，本身冇寫要加一但張單黎到要加一，大佬水都冇杯，去茶餐廳都有杯熱茶丫。當跌了錢

又係捐窿捐罅搵食，之前發現大圍積信街好多小店，今次就去左試阿叔泰麵-係一間食泰北野，主打係船麵。店鋪細細，但坐得舒服，餐廳佈置得好有特色。牛肉船麵-食船麵一定要加埋店內的四大調味，會更加惹味。嫩腍既鮮牛肉再配埋脆口既炸豬皮，口感豐富。冬陰功湯麵-湯底味濃、酸辣啱啱好，質地較稀，可以當湯飲，配上蛋麵，軟硬適中又做到掛湯既效果，配埋不同既海鮮，增加鮮味。粒粒雞棗-泰北地區傳統的小吃，將雞肉剁成小粒，然後混合不同調味料，再炸起，有其獨特的口感和美味。泰式綠奶茶-勁香抹茶味，唔似日本抺茶，但又唔會好甜，下次再encore~芒果糯米飯-同平時食嘅有啲唔同，芒果熟同腍，所以超香甜，而糯米飯就偏黏而且有大量既椰槳，是另一風味。

本想去另一餐廳，但因太長龍及熱，便試試這，有點中伏！多人讚的牛肉船麵味道很一般，牛肉不錯，份量較少小，$72 這價錢有點貴。個飛天通菜仲過份，我一向食得可重口味的，但仍覺得太咸！要浸過湯才食到。香茅魚露雞翼，則乾及有點燶。食吾到魚露味，難道用魚露會容易些整燶？！好在環境不錯，食具及地方也清潔乾爽。另聽朋友說佢做外賣不錯，包得幾細緻，會用多層保鮮紙包住食物，免得湯醬因送外賣的小意外倒瀉或漏出。下次都係叫外賣算了。

.//#青咖哩牛腩飯//: 青咖哩香料味濃，配肉類食特別一流。牛腩軟腍，輕輕咀嚼便能化開。整體辣度唔算高，食唔到辣嘅朋友仔都可食到。.//#阿叔拼盤(小）//: 一盤包含鳳爪、炸物、甜點。 滿足想食小食甜品慾望。我最鐘意裡面嘅炸雞翼，用咗香茅調味，食落特別有泰式風情。.//#椰子雞湯麵//: 可以連湯帶麵一齊食，好滿足好飽肚喔！湯頭濃厚椰子味，加了檸檬，口感帶點微微的酸味非常清爽，雞肉塊大塊又多件，係有咬勁嘅雞胸部分，健康低脂