AT Restaurant & Bar

Open Now

Now Closed

同班朋友去飲嘢。已經每人收$30一位nuts，我地叫refill果陣有冇同我地講每次另外收$15。一開始碟蝦條係唔脆既，擺佐好耐既，我地叫佢換，咁都已經當一次。最尾話我地refill3次。埋單淨係nuts都已經$214.5。我地每人叫佐杯嘢飲，total 5個人，兩位仲要係飲冇酒精飲品。以後都唔會去，我明係要收nuts錢。冇任何文字寫明nuts refill都要收錢。同埋一開始已經係唔脆，叫佢換都要入我地數？

We reserved a table for watching world cup final tonite. The shop said min charge $250 pax when we booked the table. When we paid the bill the woman said min charge is $400 and accused us of being too stingy for just several hundred dollars. But all along they havent mentioned 400 to us. Bad attitude. Unhappy experience. Wont ever come back again.

中午時間，突然想食個牛扒，又唔想食茶餐廳，所以去左元朗搵食。經過AT ,見到冇乜人，又有扒食，價錢around 70蚊有個set，相當抵食,就入去試一下。環境唔錯，可以帶狗狗入內,輕輕鬆鬆嘆個lunch。前菜可選湯或沙律，今日係南瓜忌廉湯，熱辣辣，香濃南瓜味，不錯。另一前菜，沙律，正常質素。冇乜特別。環境舒適開揚，不少人帶埋狗狗入內。紐西籣肉眼配燒汁，正常港式牛扒，肉質諗諗，味道還可。黑松露野箘意大利飯，下了不少黑松靈醬，還加了芝士，味道不錯。加5蚊有凍飲

老公試過一次tea...今日佢同我嚟試set lunch~ 環境真係唔錯~ 星期六午市都幾多人o下~ 好快坐滿o左~ 就算要加一...set lunch價錢真係算平~ $38-$48包熱飲~ (凍飲加$5)我叫o左個pizza set~ 唔細個ga wor!!! 抵食~ 而且餅底好脆~ 仲有兩款芝士~ 配料又多!!! 新鮮熱辣~ 正呀!!!老公叫o既葡國雞飯我就無試...但係望落去份量真係多~ 不過佢話上次嚟食...d焗飯唔係用兜上...係用碟上ga...呢樣就有少少怪...有機會證寅o下...睇過o下個menu~ 夜晚仲有burger食~~~ 真係要再嚟試o下先得~ 

是晚大約8點半同男朋友唔知食咩好 經過呢間舖就膽粗粗走入去試佢個晚餐唔算平 一個主菜都要差不多一百元可加五十元轉套餐因為係餐廳酒吧 入面環境都幾黑 就咁望有4部電視服務態度幾好 呢方面值得一讚選擇食物方面都還可以竟然仲有生蠔食我就咁叫左個卡邦尼意粉我男友叫左個套餐 有前菜 湯 主菜同甜品或飲品前菜可加錢轉 有兩隻生蠔牛尾湯係味精湯 不足為奇大蝦意粉有點微辣雪糕心太軟整得唔錯唔知係咩問題 卡邦尼意粉同平時食開果啲有啲唔同好油！味道有點怪或者係佢呢度既特式 所以冇理會係咩原因結論食完主菜之後就出事胃痛然後肚痛.....勁辛苦到最後忍唔住都係要去洗手間我男朋友都感到胃痛究竟係我地既腸胃有問題定係食物唔乾淨我唔去深入了解但過左成三小時後當我寫緊呢篇食評果陣 我仲係唔舒服 仲有啲想嘔好彩食左藥好少少總之我一定唔會再光顧囉！

下畫同個朋友想揾個舒服靜靜地嘅地方飲野傾計，行極度度都好多人，終於係西菁街尾揾到間似樣，格局裝修又靚，又靜。入去果時都有D猶疑，因為咁嘅格局兼客人不多，都擔心會好貴，又或者唔好食。哈哈！真估你唔到，坐底左睇下張menu即刻放心哂，因為價錢唔貴，加上tea set 都有好多選擇，有好多個set 都想試下。我order左兩個set 同餐飲，辣肉腸同埋烤豚肉三文治伴沙律，野食未來之前，都會驚D野唔好食，因為餐廳確實太靜，客人不多，不過心想：E度環境咁正，都算啦！點知D野食一到，已經吸引死我，加上烤肉好香，我流哂口水喇！所以快快咁影完相就即刻試下味道，掂！真係好掂，好好味。不特此，店長好nice，好細心，有問過我地意見，仲介紹左D自家製甜品比我地，我地都有試，店長實在好識做，請我地食焦糖燉蛋，又好好味喎！好香好滑，D甜品又唔太甜，可以試多幾款。最後我地係餐廳坐左個幾鐘，好舒服，好relex. 最開心都係埋單每人都係夾左80蚊，你話係咪好抵呢！講真E加係元朗可以揾間靜靜地，舒舒服服，又坐得耐嘅地方都無幾多間，所以我都好like E間餐廳，值得推介。