澳洲牛奶公司

Open Now

Now Closed

今日同媽媽喺佐敦做完body check，就同佢去附近出名嘅「澳牛」食一個「速度早餐」✨由細到大，知道澳牛出名嘅係：快、快、同埋快；雖然門口有條小人龍，但係排咗都唔洗十分鐘我哋就可以入去食早餐啦（當然喺排隊嘅過程入邊，我哋都把握時間，睇吓有啲咩食）😍最後我哋都揀咗食早餐：食炒雙蛋、多士同埋通粉（早餐$48）。澳牛嘅速度果然係名不虛傳，我哋啱啱坐低，就已經有個侍應哥哥行過嚟問我哋食啲乜嘢（所以記得要睇定餐牌！）；啱啱落單，30秒內就已經有人送上新鮮滾熱辣嘅火腿通粉，同埋色香味俱全嘅炒雙蛋。

光速澳牛，已經食過幾十次，但第一次食到有頭髮。食咗茶餐，炒蛋多士，叉燒意粉。食到叉燒意粉的最後一下個底，一條短的頭髮出現，好肯定唔係自己的長髮，係男人的短髮。叫來男侍應，佢話換過碗比我，我話都食晒，唔洗再食了，然後佢走咗去唔知邊... 埋單時同cashier講 我食咗幾十次 第一次食到頭髮，佢話應該同佢地講換返碗 但已經食到底 要我食多第2碗嗎？然後好hea地回覆我，唔好意思呀，會叫師父留意返.... 進食時間 2024年6月18日 星期二18:15~18:39

沒有香港人不知道這間傳奇茶記的經營方式，絕對佩服在很久以前已能捉摸客人非一般的心態，今時今日依然大排長龍，威名遠播，是我們香港的傳奇，真心希望這傳奇要繼續下去，讓全世界客人也能感受香港獨一無二的經營方式。

尋晚我同啲細路講有間餐廳好得意越鬧人越多人食越趕人快啲食就越多人排隊食要去食，等幾耐都要食細路覺得實在太有趣喇呢個世界竟然有個咁嘅地方叫我週末要帶佢哋去試下基本上我未入去之前我已經係諗好咗食乜嘢，因為我實在好怕入到去之後侍應叔叔會話我叫得慢我係叫咗常餐的但係個餐實在太豐富 而且最重要係要留肚食燉蛋同燉奶所以基本上兩片厚多士真係好難食得曬所以如果我下次再來的話我一定叫快餐滑蛋炒得好香基本上食物正常入到嚟感受嗰種生活急速的氣氛 叔叔係咁收其他枱嘅嘢彭彭聲以上這杯是小檸檬茶，細細杯要我哋平日再茶餐廳飲這些正常高杯可是要加錢的啊阿華田這個燉蛋燉奶真是要一讚好香好滑好好味不過一啲都唔平盛惠35元一碗

究竟係快餐抵啲定係散叫炒蛋多士？還是叫蛋治烘底呢？ 定還是叫番早餐？又有通粉，又有蛋治？呢個問題到我食完返屋企我都仍然諗唔通快餐牛油多士煎雙蛋轉炒蛋凍熱鮮奶轉奶茶$48 散叫炒蛋多士$28+熱奶茶$26 （$54）蛋治烘底$26 +熱奶茶$26 （$52）早餐火腿通粉炒蛋多士，熱奶茶（$48）咁其實嗌個快餐抵啲囉？ 係少左一塊麵包 （仲好啦，其實成份字都食唔晒）究竟有冇人可以解答我呢？今日因為要去尖沙咀整頭髮 就索性之前去探下澳牛囉！真係好矛盾。*今日個炒蛋仲要我想像中咁滑😮‍💨

澳洲牛奶公司（簡稱「澳牛」）以特別服務態度聞名，網上更流傳多份落單特別攻略😆 澳牛位置好近佐敦地鐵站🏘️ 當日3點去到，原本以為下午茶時間會少啲人，點知都幾多人排隊（十幾個左右，後來越排越多人）不過，10分鐘內已經排到我，同麥文記一樣非常快嘅效率🤣我哋一坐底，侍應就會問你食咩（記得入去之前諗定食咩😛）然後30秒內就上菜，非常非常之快🤣 同一時間，成間餐廳嘅氛圍好似打仗咁，但每個侍應又亂中有序咁知道自己做緊咩，所以都幾好奇到底係點樣function🤣🤣茶餐包括牛油方包、火腿煎雙蛋、叉燒湯意粉同咖啡/茶，而快餐就有牛油方包、西煎雙蛋同鮮奶，方包可轉多士、蛋亦可以轉炒蛋，鍾意食邊樣就揀嗰樣，老少咸宜，夠晒friendly😌🍴茶餐：$52 ＋$2（凍飲）📌澳洲牛奶公司🍽️佐敦白加士街47-49號地舖

之前喺附近返工 見到排曬長龍所以無食過 今日喺佐敦覆診 睇完醫生就搵嘢食 佐敦太多嘢食 花多眼亂 最後就去咗哩間好出名嘅澳牛食lunch 因時間尚早 附近啲上班族未放lunch 所以我等咗一陣就有位 我一坐低即叫嘢食 叫咗個早餐 有火腿通心粉同炒蛋多士 啲嘢食勁快到 因為座位有限加上要搭枱 所以要速食 食完一碟侍應收一碟 嘢飲又要另叫 根本冇時間可以慢慢坐 不過啱啲好趕時間嘅上班族的

同屋企人飲茶vs食澳牛二選一我揀咗後者我寧願選擇獨處。另一個原因係實在太大雨都費事叫佢哋出嚟今日4月21號係全民睇戲日 一律$30 可惜我搶唔到啲VIP位 早場好似有啲唔係好抵😮‍💨成日都執輸行頭睇完戲考慮咗好耐，結果開始落雨，仲要越來越大 ! 行到去澳牛 ，嚇親咁多人排隊街尾不特止，仲要轉埋彎 就係呢個時候猶豫緊轉唔轉場，因為實在太大雨搵個位避一避先，點知行返過去睇，條龍冇咗，咁冇辦法唔食啦。（如果仲係咁長龍我就真係會轉場）出名效率高，所以唔使15分鐘已經食完。雖然係簡單早餐，就係唔知點解有一種魔力，佢嘅炒蛋實在冇得輸嘅。平時茶餐廳都唔會食晒成份早餐🙂‍↔️好奇妙

先不討論食物質素！要排長龍就最唔值得喇！員工招呼態度惡劣！地方擠迫狹窄！一見客人食完就想趕人走！今時今日呢啲服務態度就唔要得喇！唔怪得現今香港的飲食業被深圳的飲食業徹底打敗了！再講食品沒有什麼選擇！就是套餐！平心而論，其實食品質素味道等都唔算得差！但沒有特別可言！只是正常的茶餐廳出品水準！食材亦沒有特別！呢個價錢其實有好多選擇！奉勸大家唔好盲目跟隨一些食評！如果唔需要排隊的可以一試！要排隊的就不要浪費時間了！

澳洲牛奶公司真係好好食。我已經好內冇去食，所以前日特登去食。我去到唔洗等，可能係因為唔係星期六日掛。我叫左一個茶餐、炒蛋、通粉同一個蛋白燉鮮奶。速度同之前食一樣，唔冼五分鐘就有得食啦，新鮮滾熱辣!炒蛋又香又滑又多蛋汁，好味😋又香又滑嫩嘅炒蛋配上牛油多士，簡直係一個完美嘅配搭。仲有蛋白燉鮮奶真係好好味，有又濃厚又重嘅奶香味。質感有少少似布丁同燉蛋。個人嚟講，我覺得熱嘅蛋白燉鮮奶好食過凍嘅蛋白燉鮮奶。食完個下午茶之後，真係好滿足。

好耐冇出尖沙咀，所以好耐冇食澳牛，今日終於有機會出尖沙咀食澳牛喇。可能今日星期六門口勁多人排咗四個字先入得，但係叔叔都幾好人，一路安排座位都安排得幾好等完四個字之後終於有得入去入到去即刻叫叉燒意粉炒蛋多士唔夠3分鐘，個餐就即刻到啦咋咋淋食落去，水準同之前一樣係擁有特別嘅魔力，唔知點解第二間係唔會食到。炒蛋一樣咁滑叉燒意連個湯底都飲埋到最後叫咗杯奶茶奶茶幾好冇變最後埋單$60好似加咗價，但係都值得全餐食咗唔夠四個字就出門口下次會再嚟

首先，叉燒肉並沒有外皮酥脆及入口即化。但這𥚃通粉與叉燒是天作之合。加上胡椒粉的點綴，辣辣的辛辣感讓通粉有本身的味道加入濃厚的氣息。餐廳並不是講求優質用餐體驗，但食炒蛋及多士會令當日愉快。因為炒蛋同多士係典型香港仔每一闈都會食到的東西。另外，一杯奶茶讓今日疲勞一掃而空。總的來說，我對這澳牛的叉燒通印象非常好。他們的叉燒肉味道濃郁，且價格合理。如果你是叉燒通的愛好者，強烈推薦黎感受快樂又快速的餐飲文化🥳🥳

澳牛幫襯左好多年，雖然啲侍應講野粗聲粗氣，但其實佢地好有人情味我係隔離街返工，每朝早都會去快閃一個早餐，雖然佢地每次而極速落單上菜。但其實去多幾次佢地就會記得你依加一去到講聲例牌就搞掂蛋治烘底真係必點，我覺得可能係香港最好食既蛋治又滑又香呀 點搞叉燒意粉港味十足都正

啲嘢食講真好一般，啲蛋極鹹要夾包食，啲叉燒就偏甜。服務就眾所周知，但係你都唔好落錯單先得㗎。嗰日我叫常餐你俾個快餐。又冇俾單我睇吓嗌咗咩，食完先知原來佢幫我落咗快餐。然後話因為杯檸茶係大杯所以死都唔肯換，我第一次嚟食點知你杯檸茶大杯定細杯。仲叫我額外加多個$38嘅通粉，咁我咪喺你度食成80幾蚊，唔知有心搞詐騙定冇心想大事化小。你服務差都算，好心你錯就要認啦。仲喺度大大聲聲喺間餐廳同所有人講以後記得啲客話要快餐嘅時候同佢講埋入面有咩，不如你留返啖氣專心聽吓啲客嗌咩好過啦。

好耐冇食了不過一直都keep住有人氣大排長龍但都好快排到 因為係光速效率😂幾分鐘內到安排到入座雖然之前網上話服務態度麻麻地 不過我又唔覺得出面其他餐廳可能態度仲差最多只可以話佢哋係冇乜笑容 講嘢冇乜尾音姐 不過相信好多香港人都習慣 但係對旅客黎講就未必慣雖然明知係咁 但都仍然好多旅客去食😂我點左最經典既茶餐✨佢自3月起就加左價加埋涷飲 盛惠$60大元係貴d既 不過出面茶餐廳其實都五十幾蚊🍞好鐘意厚多士 微微烘過配牛油🧈炒滑蛋好大份 應該有2隻蛋份量 今次咸左少少🤔🍜叉燒意粉永遠食唔厭😍但略嫌叉燒太薄片 份量唔多 相反意粉就多d湯底都係金寶忌廉雞湯味 正 忍唔住飲幾啖🤩呢隻味係茶餐廳專屬 屋企永遠整唔到🥺☕️熱奶茶做到順同滑 幾厚身 茶底幾好 唔會澀我冇落糖都入到口😊我覺得一間咁多年歷史既茶餐廳 一定有吸引之處😏佢亦好有個人獨特性🥸光速服務更加代表左香港人做野快有效率既長處😎下次我會試下紅豆冰同雙皮奶 仲有西多士🤤