澳洲牛奶公司

Open Now

Now Closed

中午時間英國澳洲牛奶公司好彩唔使等位由點餐送上食物超過2分鐘真係達到光速🔥點樣先可以做到咁光速只有好fit嘅團隊每個部門每個崗位都緊密合作小小的茶餐廳最少有30員工炒蛋真係有香又嫩又滑👍記得食完先叫嘢飲因為枱面冇位叉燒通粉加啲胡椒粉更加惹味最後飲番杯餐飲凍檸茶成個過程唔使10分鐘食完走得👏🏻你仲要係每個服務員效率好高雖然簡單兩句說話但係真係好快澳洲牛奶公司值得你再去幫襯用光速時間完成一餐然後再努力工作

位於佐敦的澳洲牛奶公司茶餐廳，以其全城最佳的炒蛋多士和極品奶茶而聞名。這裡的炒蛋多士，金黃酥脆的多士包裹著絲滑炒蛋，口感豐富，是香港茶餐廳中的經典之選，絕對是食客們的最愛。而澳洲牛奶公司的奶茶更是無人能敵。濃郁的紅茶香氣搭配順滑的牛奶，喝起來醇厚而不膩口，每一口都是奶茶愛好者的享受。這杯奶茶的美味程度可謂全城之冠。然而，近年來澳洲牛奶公司的通粉水準有時不太穩定，有時煮得過於冧，影響了整體食物的口感。這點雖然是一個小缺憾，但仍難掩其炒蛋多士和奶茶的卓越表現。總的來說，澳洲牛奶公司茶餐廳是佐敦一個無法錯過的美食地標。在這裡，你可以品味到全城最好的炒蛋多士和奶茶，享受一場極致的茶餐美味之旅。

澳牛的光速餐聞名已久，一直都未能鼓起勇氣嘗試，這次終於決定去體驗一下。星期日早上8時多到達餐廳，人龍排到兩個舖位之後；不過和傳聞一樣高效率，用不著10分鐘就獲安排入座了。坐好，落單（炒蛋，多士），食物送上枱，也是幾分鐘內的事。火腿通粉先上，湯底加入了金寶雞湯，雞湯比例較一般茶餐廳多，因此味道較濃。通粉軟身，火腿正常。緊接著期待已久的炒蛋和多士上枱了。炒蛋約有兩隻份量，我的那份呈半熟狀態，同伴的就偏熟，入口滑溜而蛋香味足，味道和口感有幾分像美式炒蛋（scrambled eggs）。蛋已先調味，我的那份恰好，同伴就覺得鹹了些。多士用上厚身的麵包，烘得微脆，已先塗好牛油。本以為多士的質感會像傳統的豬油麵包，煙韌而帶咬口，一入口卻是出乎意料的鬆軟。不過正正是這鬆軟如日式麵包的質感，才能令有相當厚度的麵包和滑蛋配合成三文治。如果換成豬油麵包，恐怕滑蛋早已吞下肚，厚重的麵包還未咀嚼完呢。整體而言是正常好吃的茶餐廳早餐，但是否「神級」就得看個人偏好；畢竟炒滑蛋做得出色的茶餐廳也不少。另外，吃過炒蛋之後，口腔會留下些不自然的滑溜感和餘味，曾看過另一篇食評也有類似的感想，也許是用的油不大適應吧？值得一提

I have never been treated so badly by a waiter.Would not recommend this place.First off, you have to wait in line to get in.Second, the food is very basic.This would be ok, if the staff was not so rude.We had been inside for 14 minutes and as I was drinking my tea, a rude waiter threw us the bill and asked us to hurry up because he said that the place was busy.Never felt so urged to leave a place.Not even 2 mn later he had already positioned people in front of your table as we were not even fin

星期六中午食澳牛，門口已經排晒長龍，好在店員好有效率，排咗唔使10分鐘就入到。搭正12點坐低，諗住有得買早餐，結果都係話冇晒早餐，一係食茶餐，一係食快餐。兩個常餐 $52@1，火腿炒蛋多士、叉燒意粉、一杯嘢飲，凍飲加兩蚊。炒蛋係超級滑，多士都好香，叉燒意粉勁多叉燒杏汁燉蛋 $33 值得一試，好香杏仁味，勁滑！！落單之後唔使3分鐘就有，果然係火速餐！張枱好細，食到一半先可以叫嘢飲，唔係冇位放。侍應態度有唔係傳說中咁差嘅，係講嘢大聲d😂總結：好食！

終於都嚟咗食光速餐，果然名不虛傳上菜到落單到係幾分鐘就搞掂🤣侍應生態度都幾好呀，本身仲好擔心太慢會俾人鬧，喺門口已經諗定要叫啲乜嘢🤣但點餐嗰陣都係有啲猶豫，不過侍應都冇黑面，哈哈茶餐個炒蛋真係好滑，但係好鹹🙁至於個牛油方包同埋火腿就係普通嘢叉燒湯通粉太約有七至八片叉燒，都係薄切，不過個湯底都係偏鹹跟餐要咗奶茶（唔記得影低🤣）飲落都幾滑，亦唔會有苦澀味，正👍🏻成份茶餐份量都幾大，唔怪之得咁多藍領哥哥過嚟食蛋白燉鮮奶真係好滑好滑好滑（重要的要講三次🤣）上到枱仲係好熱，個表面滑捋捋，勁吸引😍識落真係好香牛奶味，甜味亦都唔會蓋過咗牛奶味，真係好好食😋菜式：- 蛋白燉鮮奶：$33- 茶餐（牛油方包、火腿煎雙蛋、叉燒湯通粉、咖啡或茶）：$52味道：🤤🤤🤤🤤/5性價比：🤤🤤🤤🤤/5

落雨經過佐敦澳牛居然唔洗大排長隊。成日話服務好差，不知是否落雨的緣故，都系坐滿晒。幾個店員都系正正常常，冇茶記的黑口黑面😂上餸系好快，落完order基本兩個字都上齊。見你食到差不多都幾nice過來問飲乜。

香港餐廳代表 不得不提澳牛!!!今日經過一如以往 大排長龍,但澳牛出名 快! 狠!! 準!!! 所以其實排到轉埋彎都只係3個字內既事入到去當然馬上感受到香港既節奏~快 落單唔駛2分鐘 ~全部野已經都上齊(野飲要後嗌)多士半燶 ,有咬口 好味炒蛋唔知點解得佢做到咁滑 果然係招牌奶茶有用碎冰 值得加分 ...奶同茶夾得好好 好順口 唔澀 總結:話澳牛係香港最強早餐一D都唔失禮,除左環境 同要食得快 點會唔推介哩 

有一段時間沒有到澳牛食「常餐」，今晚突然間想食，於是便出佐敦！幸好今晚人未算很多，所以完全不用排隊，便已經被安排入座。一如既往，人來人人往，職員都是摩打手，快手快腳咁落單，送餐，收拾東西。🥹神速！我點了炒蛋多士，配叉燒通粉。我想講，我自己覺得呢間的炒蛋，是我心目中最最最好食！每次食第一啖時，我都覺得好好食😋！蛋好香，又滑，濃濃的蛋汁，我間中會灑少少鹽，會令蛋的味道再提升，不過，我又不想太咸，所以今次沒落鹽！但都好好👍🏻食！通粉都是我喜歡的，只係叉燒只算一般，不過，都屬偏瘦，所以合我心意！餐飲：熱華田，我覺得奶放得太多，蓋過了華田味，下次要記得叫佢「少奶」先得！大致上，都是很美味😋！

澳洲牛奶公司，我諗冇人冇食過掛？次次同朋友嚟，我都係嗌三文治，因為常餐真係唔啱食。三文治烘底，外脆內嫩，炒蛋好滑溜，大大份，淨係食三文治都飽晒，奶茶香滑，而且服務態度都比以前好，可以嚟食個快餐。

有人話澳牛服務員態度唔好，有人話效率高🤔今日好耐好耐好耐冇去食，走去食返個茶餐，多士烘底牛油面好正，🥪又唔太燶，脆卜卜食落口好有幸福感覺，义燒通唔太淋，煙靭度適中，煎太陽蛋有流心，食物係茶記黎講好食，正。不過枱係細d，4個人迫埋一齊個個叫茶餐係唔係好夠位擺，惟有食快d。我佩服股務員個個係望住枱食客，個個都好似在作戰狀態中，知道枱細同加強快速清枱入座，見人食完即收，一眼關七，效率非常高，比起有d酒樓或茶記，d阿姐唔知望邊好好好好多。推唔推介比遊客？會㗎！澳牛唔係享受環境，黎澳牛體驗一下香港茶記文化幾好吖👍🏻

唔該真係唔好再介紹任何朋友，旅客，或者任何人再嚟呢間餐廳食嘢。我好聲好氣問過職員攞張凳 ，只係問咗1句，佢話「跪俾你囉好冇」，我聽完打咗個突。我之後同佢講我好聲好氣咁同你講嘢，你咁樣同我講野？佢仲問返我轉頭話我依家得罪你呀？喂，唔好態度都由你地啦，但係唔係咁樣講嘢囉。我黎食野咁多年不嬲都知佢哋有凳仔會俾人放野，仲要係你哋個侍應係自己走過來問我哋食乜，我相信我問多一句都冇阻住佢？我真係唔明點解你哋個職員話要跪俾我？我話唔想係度食，個職員仲要走過黎同我講唔想食就走啦。我真係唔知你個職員係咩態度。好食嘅餐廳，香港大把，唔該唔好再吹捧呢間餐廳

雖然澳牛好出名，但非九龍人真係唔會專登出去食，呢排係附近上堂先捻起可以試下。係澳牛門口一定有一條長長地既人龍，但唔使驚，只有唔係排到轉彎，其實15分鐘內都入到去，如果係1個人，更快添。第一次食，我記得係5月，一入座就即刻有人問你食咩，餐的話選擇都係標準早餐同茶餐。早餐落完單5分鐘內就會比到份炒蛋配多士，等多一陣，連通粉都黎埋，呢個效率真係嚇親😂本身都無咩期待，唔覺得有咩好食，點知食過一次就上癮😂，令我回頭既其實係塊烘的剛剛好既多士。多士係烘到剛剛好，表面淺淺烘過，咬落去有食到麵包軟熟同表面焦脆口感，唔會面脆得濟，亦唔會覺得無烘過。炒蛋就正常發揮，但係比較唔喜歡係炒蛋既果浸油味出左少少，火腿通粉正常大碗好食既雞湯通粉。茶餐今次試埋茶餐，一樣效率快唔使講，叉燒意粉既意粉比平時食既粗D，偏淋少少（個人喜歡食偏硬意粉），叉燒都唔少，有約6片。而最喜歡都係塊多士，又係烘得剛剛好。☺️仲有叫左杏汁燉蛋，杏仁味重，燉蛋嫩滑唔會過甜，推薦比喜歡飲杏霜既人😆奶茶同檸茶，係標準好飲既，檸茶夠酸夠澀，奶茶茶奶比例平衡。總結：唔可以話係香港最好食既茶餐，但一定係標準既茶餐，分量黎講好夠，女仔食曬應該好飽下。效率

🥣茶餐 $52有牛油方包（烘底）、火腿炒蛋、叉燒湯通粉，+2轉凍華田🥤份量好十足，本身煎雙蛋轉炒蛋，炒到好滑，叉燒湯都有味不過有得揀沙嗲牛通就更好😆華田應該落左煉奶所以係好飲🤣🍳🍳🍳🍳🍳🥚蛋白燉鮮奶 $33叫左凍既，口感好滑身☺️好重鮮奶味，應該用左樽仔奶去整🥛有陣冰糖味🍳🍳🍳🍳🍳整體而言，晚餐黎講都好多人黎食，奧牛送餐速度都好快手，唔洗要客人等餐，食物質素都幾好👍🏻

佢應該係稱得上香港最有效率，最符合香港人高效率嘅茶餐廳首先我行入去就已經有好明確嘅指示，我要坐邊佢招呼完我大概用咗30秒就可以落單我前前後後，應該用咗1-3 分鐘就已經可以進食總括來講，如果你係自己一個行入去，純粹係解決嘢食嘅話 你係絕對可以15分鐘就已經食完個午餐出返嚟每一次去我都覺得啲夥計嘅態度都好似好左推介嘅菜式 常餐炒蛋係最好的👌🏻配番個靚意粉🍝不過最出色應該就係凍奶茶啦，我覺得好有港味 一定要試見下圖