阿升麵線 (Closed)

午市優惠一個飯連一杯飲品就二十蚊，但杯野奇奇怪怪，連珍珠奶茶都冇得揀。 不過算啦...二十蚊想點jack~珍珠飯就真係珍珠米，但係好硬，D米唔靚，唔好食。鹵肉份量OK，但係冇咩味道，又唔鹹。 我仲食唔到有肉碎到冇朋友呀...鹽酥雞肉係嫩但炸得唔夠時，外層唔夠脆，又唔夠鹹，唔多似係鹽酥雞喎... 我覺得係炸雞粒咋...18蚊得一細碗真係唔抵! 不過俾多我都食唔到!唔得唔得...食飯就冇下次

..約10時左右,,係門口無客得我時,諗左想叫乜野時,,金毛櫃面個小姐係度同佢個fd(企係出面.即係我隔離)係咁傾計..旁若無人咁款!!我等左陣..叫埋聲唔該..佢都可以扮聽唔到!最後試左珍珠奶茶好一般...冰又多..無乜茶味..好似淡奶咁..唔正視呢間服務..遲早等執真係..

今日經過旺角見到好多人排隊買野食,我見上次食過都幾好食,所以今日都再買一份黎食^^點知我叫左一份大雞扒 佢問洗唔洗剪? 我就話要剪啦。等左十分鐘到,我見到我個份雞扒整緊出黎,我頌見到佢剪左差唔多成5cm放係另外一邊唔係比我的,=.=哈哈我之前食左好多次都唔係咁,我就問個員工點解剪走我個塊雞扒,佢話佢睇size 喎.......姐係大塊的雞扒佢就剪走d...我就再問佢如果唔要求剪塊雞扒係唔係唔洗剪走一塊??佢話都要剪走 我食左咁多次 冇一次係咁樣....如果要剪走一塊 就唔好叫大雞扒啦...個員工就咁講唔好意思就算..唔通我好"蝦" d.....定係個個都係咁???好失望 佢係幾好食既..不過一定冇下次...提醒大家食"大雞扒"個時小心比佢呃!!!!!

當日經過時見冇乜人便口痕買了包鹽酥雞(小)15蚊,食落香-鹹味適中-肉質仲頗滑,整得很好食,因上次係某餐廳到食鹽酥雞時那死鹹,使今次味道好食之餘感覺特別良好,使整體價值上升~

各款雪花冰原價 $ 19 , 宜家做緊特價 , ( 限款式 ) , $9 咋 即刻同朋友買左一個黎試 , e個星期做緊士多啤梨味特價 .個雪花冰份量都幾多 , 兩個女仔食o岩o岩好 . d冰刨出黎一片片 , 好令 , 上面有幾片草莓 , 粉圓 同椰果 , $9 好抵食 . 個特價期去到 6月27咋 , 想試就要快la . 不過店面要企冇得坐 , 好彩果時冇太多人 . 不過d服務態度認真吾好 , 個姐姐叫飛 , 我聽吾到 , 第2次至聽到 , 佢個樣黑到想鬧人咁

四月二十四日 (星期六)同老公仔行經阿土,之前吃過它的麵線,都可以!但是我始終喜歡台北的阿宗呢!今次見到有新出品,就是酥炸孖寶-蚵仔和鹽酥雞粒,$18可以吃兩樣加珍珠奶茶加$6...一個餐都只是廿四,都算抵吃呢等了一個字左右,有珍珠奶茶和孖寶先吃雞,味道不錯,但是口感一般,比較硬蚵仔都好吃,上面的調味粉很惹味!珍珠奶茶有出面賣十幾元的size!味道出奇的好!很香的奶味,而且珍珠彈牙!

milk 同tea 的味o岩o岩好, 只係有時d 冰令唔夠味, fried chicken 就有時好味, 有時就太多椒鹽, 太salty...

近排愛上阿升麵線ge鹽酥姑, 通常$10有炸金菇/雞脾菇; $18就有晒4款 - 炸金菇/雞脾菇/鮮東菇/豆角! 金菇炸得好脆! 雞脾菇咬落有汁, 仲好熱tim!~ 要小心! 不過, 好野味!~ 珍珠奶茶加$6大大杯! 好抵~ 味道唔錯~ 鹽酥雞就較普通!~ 不試也吧!

一向有幫襯開阿升,但好食既只有麵線其他台式產品越加越多,味道卻不敢恭維今日行經過,見到又有新產品,名叫QQ魷魚酥名字看上去很台灣,即管叫一客試試尋回台灣的味道等了約十分鐘,一客熱辣辣既魷魚酥到手一嗅竟沒有香氣撲鼻,卻傳來一陣油溢味吃下去更沒有台灣風味比美味佳﹑佳記的差數十倍與其叫魷魚酥,倒不如叫魷魚乾罷了阿升常推出新產品來迎合香港人多變的口味的確是好事惟在市場推出前應先做一做民意否則只會弄巧成拙,把自己的招牌做壞

行完花市大家都好肚餓,男朋友唔想食太炸, 再次挑戰面線.今次選了就腳既阿升是日宵夜:- 大腸面線(小)唔想食太飽, 兩個人叫了一碗小的.大腸唔夠阿土多, 份量都比阿土少.我又再加鹽加醋, 猛放菜脯, 最後辣到胃痛但又唔捨得放棄喎...汁多過面, 唔抵食.

夜晚同男朋友睇完戲經過(呀升麵線)!!!!!!!!!!之前聽果朋友講話距地的大腸麵線好好味就叫佐一碗試下,雖然麵線係幾好味的^^但距地服務態度真系好差,-->問你要五要換嘢飲我話吾駛住,佢就好大聲甘話:23蚊拉...(再反個白眼)我心諗,駛五駛甘大聲同埋反咩白眼姐之後我地加左小小辣菜圃,感覺好辣於是男朋友話想加番1杯嘢飲就行埋去問現在可以加番6蚊換飲品嗎?果員工話:下,打左單la喎! 態度超差我地只好算了,唯有去隔離間7仔度買嘢飲囉......番轉頭就見到距地的員工系度玩,大大聲聲笑我同男朋友講話下次比錢我,我都五會再來

十二月下旬‧陰天吃過阿土的麵線，但未吃過阿升，因為平時來這裡，總是劑滿人。是日晨早經過，我想我是第一個客人吧，要了碗小的大腸麵線。麵線是浸在湯糊內的，也真的是有不少的大腸，但鮮味欠奉。吃得到的味道全是「後加」的，吃台式食物，加入味精是毫不希奇的一件事。最精彩的不是麵線本身，而是一眾的佐料，有八款之多。我當然第一時間存入辣筍絲，不太辣，但爽脆甜美，喜吃筍的我，加完又加。辣榨菜就辣得多，吃了一點，辣到冒汗兼嗆喉，勁道十足。不過最辣的是辣菜甫，吃了一點，是辣到要將其剔番出來，才可以再吃。這幾款佐料，自行對號入座，皆不容錯過。

之前食過第二間GE鹽穌雞，其實味道都差唔多，都一樣好味不過哩間比較平宜，$24就有大大袋上次食個間就$20蚊，不過少好多但哩間D服務員GE態度就差得很!!!特別係最年輕個個，反人白眼，不過唔係反我...個位客人都係心急左少少，想要快D食到JE~個位年輕服務員就大大聲咁話個客::你等等先啦~(之後再黎個白眼)

吃完甜品還未夠喉，坐小巴出旺角再掃街！這叫做「爽」和「放任」，哈。麵線已在台灣吃過最地道的(地道得連店名也沒有，得加車仔果D)，此行又以輕食為主，所以麵線不作考慮。反而，身痕想吃台式小食。就要了花枝丸和鹽酥菇(小)。花枝丸口感很粉，外皮也不脆，像是把很濕的花枝丸就這樣放落去炸的感覺。沒有心的出品，其實不用細嘗就知曉了。鹽酥菇(小)的就是炸金菇和炸鮮東菇，而炸鮮東菇的更好，因脆脆的炸漿內還保有東菇的水份，也就留有菇香了。炸金菇就略嫌炸得乾身，但又未致於很差的。最後再來杯珍珠奶茶，加$6大大杯，珍珠未煮很好，但奶茶味道也似在台灣飲過的，將貨就價，合格吧。平淡的生活間唔中這樣也不錯。

因為經常看到雜誌推介,一直都很有興趣去試試.但吃過後,心裏只有兩個字:搵笨.我以後也不會在此吃任何東西!!!今次的選擇:大腸麵線(小),珍珠奶茶.大腸麵線,湯比麵線多,下了很多味精.大腸份量少,也不入味.珍珠奶茶,珍珠很硬,像是未熟透,奶茶被冰溝淡了很多,沒有茶味.最不滿意的是員工.幾個年輕的女生只顧著自己聊天,嬉戲,要叫他們三次才聽到.只是聽不到他們的問題而已,有甚麼好笑的.另外,請不要問一些不切實際的問題好嗎?怎麼會有人叫大腸麵線,不要大腸的?!