B.I.T. 食堂 (Closed)

唔係因為陪朋友食，真係唔會去！公廁味餐廳冇講錯，如果呢度出唔到呢個post，只可以講黎度幫緊啲咁既餐廳。完全不準不實。同幾年前黎完全兩個樣，之前食物質素同埋服務都好，食物比較多選擇，環境衛生。餐廳一浸公廁臭味同黴味，食物變壞照出比客都算。其他盒唔知以為佢好肚餓。員工用筷子不斷喺兜比客既嘢食度夾黎試食，以表明話食物冇問題。咁個個客就要食佢口水尾，完全唔衛生。今時今日咁嘅餐廳仲係生存得到，已經唔係講緊有冇人幫襯嘅問題，係最基本嘅衛生都冇，食環署真係要去檢楂下。

第一次去食唔知道。出品要食客自己捧餐。畀完錢之後冇人理你。等候約十分鐘。茶餐雙拼出前一丁。肉丁餐肉出前一丁出場。食才算好。出前一丁成完整版在碗中。食落口感麵硬有如未煮。本想不浪費。無奈祇有飲味精湯同食去能食的肉丁餐肉。硬到好似生麺。所謂出前一定咬落還有點脆脆硬硬的感覺。真係唔想食。浪費食才。服務態度一般般到冇得再一般。典型唔憂做格局。不如去近地鐵站盛德食！從食才到環境。睇得出老闆想做好盤生意。可惜你啲夥計令你的食店食品同服務。同老闆原意背道而馳。今時今日噉嘅質素同態度 ? byebye...

浪費食才。茶餐雙拼出前一丁。麵硬有如未煮。服務態度一般般到冇得再一般。典型唔憂做格局。不如去近地鐵站盛德食！其實有冇得俾負分架。暫時食個食物質素全區最差嘅一間。完全浪費食材。服務態度唔憂生意做。

今日去咗位於黃竹坑工廠區的某一次食飯食早餐！室內環境都闊落！也有很多工廠區的工人在此處進餐！早餐種類不是太多！但很豐富～因為大大份好抵食！我揀咗7號餐，炸菜肉絲米丶煎蛋及厚多士！一杯餐茶～～值得一讚的是厚多士～因為佢熱辣辣烘出嚟，好好味！再搽上一層牛油更香更脆口！碗炸菜肉絲米～超級大碗！佢嗰啲米粉係用竹笙米粉！所以我更加喜歡杯熱奶茶也非常香濃！大家如果經過黃竹坑工廠區不妨來這地方 試一試～有早餐丶茶餐丶午餐及晚餐！

今日見有少少肚餓就去咗公司附近嘅B.I.T. 食堂食下午茶，我同事就介紹我食魚柳包。咁我就叫咗份魚柳包加杯熱檸茶。等咗一陣佢嗌冧巴咁我就出咗去拎野食返埋位食啦。魚柳係啱啱炸起嘅熱辣辣。個包係類似法包煙煙韌韌嘅，個包皮焗到好趣，加埋沙律醬汁夾埋黎食好好食。

每一次諗唔到食咩都會嚟食BIT。黃竹坑黎講呢間係有限嘅選擇之中最好的選擇👍🏻👍🏻👍🏻因為食物品質好💖一個午餐有餐飲，有餐湯，餸同飯。‘老火湯’佢個老火湯唔係Hea 湯😉係足料飲得落口嘅湯💓都有時會有舊粟米，有時有舊肉，總之有d料。而且湯好清甜。😋‘砂礓雞！呢度嘅午餐特色就係啲餸大大份食到好滿足🥰呢碟就差唔多有成¼隻雞咁多，啖啖肉💓而且每一日嘅午餐都有好多選擇每一款都係有質素。👍🏻

今日要留在香港仔工作，午飯時間就只好在黃竹坑附近解決。碰巧在路邊看到這間門面鮮艷的食堂，便入內試試。‪下午二時‬的人流不算很多，不用等也可找到位置。由於好一陣子沒喝媽媽牌湯水，我便點了份西芹腰果炒雞丁，配一碗粉葛煲赤小豆及飯。西芹腰果炒雞丁夠香夠熱，應該是剛炒出來，吃得出誠意。雖說是簡單家常菜，但西芹沒有渣、雞丁不會太肥、炒出來不會太油，細節也可吃得出分別。至於老火湯粉葛煲赤小豆，足料入煲自然清甜，湯渣中還吃到瘦肉、魷魚，十分窩心。

喺附近返工，近近哋去咗間食物都有番咁上下質素嘅bit canteen食lunch。唔算係最平，不過勝在質素好。每一日午餐都會轉。今日我哋試咗黑椒豬仔髀配薯蓉，同埋梅菜蒸鯇魚配白飯。每位都係68蚊。員工仲有九折添，計計埋埋都係60蚊左右。算係好抵食。鯇魚好大嚿，其實我都食唔曬。我諗如果 兩個女仔都唔係好大食嘅 ，可以share一個午餐，另外再加個沙律咁，應該都會好飽。朋友個豬仔髀，好好味，好淋好入味。 我嗰個鯇魚都好味， 唯獨是豉油唔係好夠。 但係都係好好食嘅。今日又係一個好滿足嘅午餐。開心!

在黃竹坑返工，已經有十幾年啦！來來去去午餐都係幾間鋪頭選擇，平時放工或者加班都應該即刻坐車離開返屋企食飯或者落附近銅鑼灣，今次有機會在夜晚黃竹坑工業區竟然有一間晚上還未關門的餐廳，走入去試試，這一道菜叫做”住家豉油雞” 估佢唔到都幾好味喎！還有半隻雞添、仲要幾滑添。味道不錯👍🏻，加多少少冰糖，甜少少就會更加美味，這個套餐一碗飯真係唔夠的，絕對可以起個孖。平時午餐都唔錯㗎！我最鍾意食佢的「大什面」。

估吾到黃竹坑工廠區有飯堂，朋友提議去試下，去到發現都幾多人，有人安排座位，食物選擇都好多，有中菜、西餐、日式，吾驚冇嘢啱食！我揀左日式咖喱炸蝦飯配3隻餃子同麵豉湯，賣相唔錯，味道都ok!

黃竹坑與觀塘同樣是工廠區，後者區內很多工廠大廈已被「非正式」活化：樓上單位已經不再是廠房或者與製造業有關的工廠辦公室，而轉做餐廳、各式專賣店；至於地下的工廠飯堂，也已經虛有其名，由只容許招呼工廠大廈內員工的飯堂牌照，變成為街客無任歡迎的食肆。黃竹坑的情況好一點，仍然有很多小型山寨廠；而且，始終偏離住宅區較遠，工廠大廈內的餐廳數量也很少，主要客源也是附近上班一族的午餐時段，質素也是介乎工廠飯堂與快餐店之間。不過，當中有一間由工廠大廈地下飯堂轉型為小餐廳的「B.I.T. 食堂」，卻帶出了一些驚喜。沒有什麼室內裝修，室內空間也只是非常典型的舊式工廠大廈地下飯堂格局：排隊買票 counter、自助取餐 counter …… ；但又刻意加入工業風的簡約裝修、木紋皮面餐枱代替了防火膠板面餐枱，務求突顯定位為一間較高級的工廠飯堂。食堂開業接近一年，記憶中初期客人並不太多，一來較貴、二來當時的選擇也不太多。不過，老闆醒覺很快，作出了多項改善措施。首先，餐牌選擇變得更加多元化，星期一至五天天不同的中西日式套餐、車仔麵、三文治餐、沙律餐，各種款式齊備，無論地道香港人抑或外籍人士的口味皆能兼顧，迎合了黃竹坑

外賣豉汁蒸黃立倉，啖啖肉，好滿足；蘋果煲湯滋潤，水準以上，要俾個 LIKE。另外亦好鍾意食炒蛋多士早餐，試過配牛肉麵或肉絲米，炒蛋好味，加埋多士一齊食真係食極都唔厭。

黃竹坑返工lunch食飯選擇不多，如果質素稍為好一點，就會吸引不少附近工作人士來，BIT呢間比較新既快餐店就成為左不少人既飯堂。今日去食左個鰻魚飯set，除左個飯，仲有湯、餃子同埋飲品。鰻魚飯份量都幾多，有兩大塊鰻魚，食落口鰻魚既油香十足。而個麵豉湯就普通質素，冇乜特別。

喺黃竹坑返工，真係好少選擇😢，我OpenRice search到呢間雖然遠咗少少！但你冇選擇嘅情況下都一定會試！但竟然冇人寫過食評啊！佢近隧道口嗰邊，大熱天時，行過去都真係幾甘！Surprisingly 入到去竟然坐滿人😱！重點係喺黃竹坑平價嘢食之中，佢應該係唯一有員工優惠嘅餐廳！成個感覺似大眾food count! 食物方面，都係Food count 水準！唔可以話難食，但又唔可以話佢有邊樣野特別好食！用黎醫肚loh!