b.o.t.h. by Texas Burger

Open Now

Now Closed

訂左位食飯 去到冇枱要等一陣唔緊要到有枱竟然唔係比訂左位嘅客人入返先 係咁放排隊嘅人入去到終於有得入 坐係個位到啲風係咁吹住個頭 叫餐廳閂細啲啲風 會同你講閂左其他位會好熱 咁不如換位啦 又話啲位要留比訂左枱嘅客人（有留位比訂枱 咁點解頭先要我係門口等）呢啲都算 個落單qr code 有問題 搵侍應幫手就會換個個code 換到第三次之後叫餐廳人手落單 都仲叫我試多次個qr code先餐廳仲會漏單…..雖然食物都係正常 但係比錢買難受絕對唔會有下一次

每次經過荃灣廣場，就會想起呢間Cafe嘅鴨，唔知點解佢可以令我朝思暮想。今日我又特登過嚟搵鴨😅。🥣 忌廉南瓜湯配香蒜牛油包忌廉南瓜湯的口感幼滑香甜、奶香濃郁配埋香濃嘅蒜蓉牛油包，絕對係perfect match。🍽️ 法式慢煮五香脆皮焗鴨慢煮可以令到鴨肉保持住一種軟嫩同埋多汁，另外用咗五種香料去調味，呢啲香料嘅味道都深深滲入鴨肉中，使到佢嘅味道好豐富，另外鴨皮又焗到好脆口，鴨肉嘅嫩同鴨皮嘅脆配合得非常好。☕️ Hazelnut Latte飲落去有好明顯嘅榛子香味，呢種香甜味同咖啡嘅微苦配搭得剛剛好。

收工🌇黎到荃灣廣場，其實都未諗定想食咩🙈。行下行下見到呢間餐廳門外大排長龍，入面滿座，雖然未食過，但估到應該唔會差🤔，加上望落整體環境好舒服好有氣氛，所以我地都跟住一齊排隊，等左三張枱大概十零分鐘就入得去坐。🤗🤗就咁掃掃個餐牌，有幾款主食🍽跟餐再加埋一 都可以💯蚊有找，價錢的確相當實惠吸引⭐️⭐️先上甘荀餐湯🥕同香蒜牛油包🍞， 食到餐湯有少少薑汁味，即刻打開味蕾。個包係微溫，食落幾有口感。冬陰功燒蝦意粉🍝-有4隻大蝦🦐, 味道唔錯法式慢煮焗鴨（半隻）🍗🍖-鴨肉醃得幾入味,焗得剛剛好,好似食緊炸乳鴨咁,再配上青檸🍋和醬汁, 好match!芝士松露薯條🍟-少少鹹卜卜脆！一路食都見到出面仲有客人排隊入座，店員係8點半左右同每一枱客人交待會截單，我就偷偷地掃qr code 落左個梳乎里pancake🍰 同朋友慶生，雖然無得加祝福字句，但店員好細心插左生日牌同蠟燭🎂，朋友見到收到十分之驚喜！🍭

叫咗個三文魚青醬意粉同一個pizza,個意粉完全唔似青醬，個味好似茶餐廳中式意粉咁，唔好食⋯個pizza就好少料，平均cut開每塊都唔夠3粒料，好似齋咬pizza皮咁，冇味唔好食。Btw店員服務態度都唔太好，好hea好似想打發人走咗，入到去要個2人枱，問完話冇book枱就求其指咗張門口位嘅枱比我地，咩都冇講就走咗⋯好似事不關己咁加咗$15要一份餐湯同蒜蓉包，上到嚟得一粒提子切包嘅尾尾😂😂，連一片蒜蓉包都冇，我同男朋友仲以為上錯咗，見隔離枱都望住個餐包面面相覷先知真係得一粒⋯😂

食物是OK，但是服務就不敢恭維，過程是這樣的：點了個餐之後，餐裏叫了熱飲，但送凍飲過來。另外兩個餐之中，其中一個餐先到，另外一個餐足足接近一個鐘都未到，期間問了職員三次，他們都是敷衍了事，最後唔等埋單，我直接問他們的員工為什麼要等那麼久？他說星期六日及公眾假期是這樣。一句唔好意思都冇，即是你去餐廳，等是應該的，其實當時現場只有六七成客人，一個餐都要等那麼久。現在這樣的服務態度，真是我都不會再去光顧了。

今日happy Friday，同同事一齊來食lunch，我就叫左半份all day，同事就要左全份，再加份黑松露薯條🍟，味道都OK，但唔知點解條腸係一d味都無薯條好好味服務態度都OK啦，唔熱情，唔黑面

最近去咗呢間burger餐廳食lunch，餐廳環境好舒服，除咗burger 之外都仲有其他意粉同all day breakfast 嘅選擇🫶🏻 🍝椰香冬陰功燒蝦雞肉意粉 $125意粉賣相幾靚，而且冬陰功味好香濃，意粉texture 岩岩好，配料蝦同雞肉份量都唔少☺️🍔意大利青醬雞胸煙肉漢堡 $68呢個好有驚喜，雞胸肉比想像中嫩滑，而且有啲炭燒grill 嘅香味，漢堡包唔會好乾身😋 加埋青醬同煙肉唔錯，仲要比起一般嘅牛肉burger健康啲🥰📍b.o.t.h. by Texas Burger 🍽️ 8.2/10

自從爸爸上年12月過身後,都要揾朋友出嚟食飯散心,約咗女友人VL今晚(31-5-2024 Fri)食飯,佢話喺荃灣廣場食,我就search吓,揀咗我同老公好多年前嚟過嘅呢間(食評係2021年9月15日刊登嘅呢篇:https://www.openrice.com/zh/hongkong/review/yeah-%E7%92%B0%E5%A2%83%E5%94%94%E9%8C%AF-e4160903),我經OR book位,然後我哋比booked位時間早少少到,店員俾咗窗邊嘅位我哋,而咁啱,呢張又正正係我同老公第一次嚟食嗰張.𠲖o家冇紙本menu,一定要掃code睇同落單,睇完後,就要咗:3.  跟餐嘅凍檸茶少冰少甜呢杯係VL飲,佢冇咩comment.4. 跟餐加$33.00嘅Pink Panther(士多啤梨奶昔)賣相好靚,味道唔錯,但之後越飲越甜.4.3分2. $68.00嘅青醬雞胸煙肉芝士漢堡青醬係香草醬,唔係好多,雞胸口感有啲彈,而成個漢堡味道都唔會太鹹.3.5分1. $138.00嘅燒焗橙香三黃雞配烤蔬菜焗薯角(半隻) 呢個個皮唔脆,味道冇乜驚喜,我食雞胸嗰邊,好嚡.3分5.

當日假期冇訂座二人walkin直接入去就得。每個菜式+$15就可以轉餐，包了蘑菇湯同餐包。 餐包係法包，加了蒜香烤，仲有份軟牛油，入口好香，可惜只有一小啖。蘑菇湯味道比較淡，亦都冇忌廉味，令人失望。意粉叫了香濃風乾豬面及腸肉香濃蕃茄意大利粉。餐牌冇特別標明香辣味，黎到先知意粉係酸辣口味，雖然都好開胃，但係辣味都幾出，未必每個人都食到。另外，風乾豬面比較鹹，豬肉比較肥，個人不太喜歡。朋友選了椰香冬陰功燒蝦雞肉意大利粉，都係屬於酸酸辣辣口味，呢款忌廉嘅香味比較出，入口好香口。

打電話問荃灣廣場的餐廳開店時間，回覆說早上11點，去到時候發現還未開始營業，於是好耐心的在店內等候,等候期間順便再去OpenRice查看佢哋營業時間，上面寫住11:30am,到咗差唔多11:30 ，準備請他們安排入座，才有員工回覆說當天營業時間是12點, 原因是當天有一位員工缺席，所以,他們自行修訂開始營業時間為12:00pm,　光顧過那麼多餐廳，第一次碰到有餐廳是可以每天營業時間不一樣， Subject to當天才知道有沒有員工不上班而自行修改, 真的十分失望，只好轉去其他餐廳吃東西了！😢😢😢😢

我和家人於3月29日晚上大約9時用信用卡結帳，當晚點了2份burger加薯條和飲品，共304元，當時職員並沒告訴我扣了我信用卡三次錢，我剛剛收到月結單才知，第二日下午12時半致電荃灣廣場分店，當時職員只問我結帳時間，講唔出確實時間的話，會計部好難調查，亦不能答應要多少工作天。我心想不妙，再致電，提出2大疑問，1是當時職員為何會未經我同意碌卡3次，2是經理埋數時為何沒發現？我覺得職員和經理都有問題，我已通知銀行，銀行要我先找數，如果餐廳唔認數，我食2個burger餐就要近1000元，極不合理，分店經理這才答應請會計部今日之內回覆我，不過態度就……亦無致歉，同時表明員工一定不會出錯。之後會計話檢查左係信用卡機問題，職員和經理無失誤，話填表等7個工作天退錢俾我。衣間的經理服務態度的確係好好！唔知佢地整返好部信用卡機未。

約左朋友係荃灣~~簡左呢間西餐廳試試佢我地安排坐係卡位環境唔錯, 有落地大玻璃,睇落去好舒服我地叫左幾款野食同野飲試左熱Earl Grey ,Earl Grey幾香, 唔錯, 又唔太濃叫左餐湯同包 , 仲有小食~ 炸蕃薯條餐湯係南瓜姜湯,幾特別的餐包係法包加牛油烘底, 黎到仲係脆焗芝士玉米薄脆玉米薄脆好脆, 呢個係辣既 ~如果多D 牛油果同蕃茄 會更好溫泉蛋煙豬腩卡邦尼意大利麵 意粉好掛汁~以為豬腩會好油同好肥, 入口溶化同唔膩,好食和風照燒汁豬肉 Pizza < - 呢個應該係限定甜甜地照燒汁豬肉加芝士同其他配料,批皮係薄批邊皮都係脆, 幾好食美國黑安格斯肉眼扒 我地叫左7成熟係岩岩好, 塊扒 好靚仔又冇根, 有肉味~好好食提拉米蘇疏乎厘斑㦸 tiramisu  好香既咖啡味,斑㦸有香既蛋味呢個係超好食, 但係呢~~真係超級飽心太軟唔錯但唔太流心配CREAM 好食野食同環境係OK,有機會會再黎食

著名美式漢堡店Texas Burger旗下的西餐咖啡店「b.o.t.h. By Texas Burger」🇺🇸🍴坐落於荃灣廣場😌 以小清新風格既裝修 環境開揚闊落 二人世界或者三五知己傾計Chill下都好適合😆雀眼椒香辣雞翼 $98利用左以果味濃郁與辣度極端著稱既雀眼醃製過既雞中翼🌶️ 再經過油炸 非常香辣惹味😋 相信中意食辣既朋友一試就會愛上😍 伴碟更付上 青瓜同蜜糖 可以減低辣度😆馬里蘭蟹餅 $108蟹餅外脆內軟 滿滿甜美可口既蟹肉在內🦀 配上芒果莎莎醬 有大量既芒果同蕃茄 醬汁又辣又甜既風味 好開胃😋 另外仲可以點住芥末蛋黃醬食 再多一番風味😚燒牛骨髓芝士漢堡 $148平時餐廳食牛骨髓都吾平 但呢到一個價錢就可以食到兩樣野🤩 牛骨髓本身味道吾會好濃 加左牛油同香草既麵包糠去焗 香口之餘仲脆卜卜😁 而芝士漢堡份量非常十足🍔 芝士味好濃 而漢堡扒厚身又多汁好juicy🤤Golden Fries + Select Drink $50 + $28嗌仼何Burger或者Sandwich都可以加錢加配薯條同飲品😌 薯條香脆可口 而飲品揀左Garfield既Milkshake🥛 用左上Earl

呢間餐廳一直想試 環境幾舒服 今日想食漢堡 🍔😋見佢都好多選擇就試下 叫咗德州烤牛肉漢堡 幾好食仲有炸洋蔥圈 好香脆 另外想食甜品 叫左日式宇治抹茶紅豆麻糬疏乎厘班戟 點知呢個先係最驚喜 來到俾佢份量嚇親 真係好大塊 總共有三塊 個班戟有質感 唔係真係空氣食完好似冇食咁 亦都有蛋香 班戟裏面個麻糬亦都好特別 佢個宇治抹茶醬加埋紅豆又真係好夾 😍冇諗過佢嗰班戟咁好食 因為佢主打係漢堡🍔🥞咖啡也都不錯 價錢亦都唔貴 絕對有下次！

遠遊返到嚟香港，要支持下香港電影，打算去九龍灣睇戲 🎞 出發之前先幫襯下小店食個lunch醫肚 🤗🍔 Lunch - Veneto Asiago Cheese Burger 😋😋😋😋依間出名食漢堡，就揀咗個基本款試下～ 😉 漢堡整體幾高身，牛肉漢堡目測約大5cm厚，肉味濃、有肉汁；牛肉上面半溶狀態嘅Asiago Cheese同少許薯條🍟，多兩重軟滑同香脆口感，亦增加鹹香味；牛肉下面有少量生菜🥬墊底，爽口清新；麵包🥯帶有牛油🧈香，伴菜有少見嘅翠肉瓜同紫洋蔥🧅，配搭上有啲新鮮感 🤗🥣 Lunch - SOUP OF THE DAY 😋😋😋😋是日餐湯係蘑菇湯，好濃稠，調味唔多～ 隨湯附上一細塊麵包酥餅 😁☕️ Lunch - AMERICANO 😋😋😋😋凍美式咖啡唔使加錢，味道屬正常發揮～ 😌午餐 💵💵💵 約港幣$130/人💁🏻‍♀️ 依間店舖喺德福廣場2期樓上5樓，依日平日午市，人流唔算多～ 座位與座位之間算寬闊，空間感大而整潔 👍🏻 午市套餐除咗漢堡，仲有all day breakfast、risotto、小食同main dish等選擇㗎！🙆🏻‍♀️ 最後，喜歡嘅話，歡迎follow @foo