峇峇娘惹 (彌敦道) (Closed)

每次經過呢間餐廳都以為佢食台灣野🤣🤣今次終於破解左我既謎思～呢配叻沙上到黎既份量好足，有雞翼、蛋、豆卜、魚蛋😋而佢既叻沙湯底都濃厚，愈飲越開胃～所以呢個都值得推薦👍🏻👍🏻飲緊個陣天氣都幾凍下，而佢入面又有好重既胡椒，所以特別暖胃🥰但如果唔受得咁胡椒既就唔好嗌啦～而入面既肉煮到入晒味，食落好正😋😋初頭唔知係咩黎，問過先知係炒通菜🤣🤣佢地既通菜係偏淋身，上面仲有我最鍾意食既乾蒜，一啖通菜一啖蒜都幾夾架😂😂

第一次嚟呢度係食晚餐， 食咗碗肉骨茶，仲有一個喇沙粉。覺得味道唔錯，雖然唔知道正唔正宗，但好岩自己口味。 肉骨茶胡椒味重偏重，排骨唔淋但都唔係咬唔到，喇沙湯底濃，都算大碗，正呀。第二次嚟呢度食早餐，食咗kaya鮮油多，之前見到啲comment話嗰份螢光色嘅醬好難食，但我又覺得幾好食喎，有班蘭味，又有kaya 味，塊鮮油好厚，唯一美中不足係塊多士凍咗先上枱。飲咗拉茶，唔記得咗係甜嘅，怕甜嘅人記要叫少甜。總括來講，好食！會繼續支持！

熱馬來拉茶最鐘意個層泡沫，第一啖入口，甜到溜，再飲落去茶濃帶少許澀味，熱拉茶真係幾甜下，加埋西多士，好邪惡咯。炸到金黃色的西多士，咖央溝煉奶醬，好多醬又好甜，下次再食會配番啲冇咁甜嘅嘢飲先得。

峇峇娘惹今日放工去開油麻地，見到呢間個名完全唔識讀，開頭叫佢再搭搭娘惹，之後想起峇里島，先知道叫峇峇娘惹。餐牌上，好多食都想試喎！第一時間叫左個燒肉喇沙：個喇沙湯底椰味十足，好濃郁，忍唔住食到尾要飲晒個湯底。香港好少地方，可以食到咁正宗嘅喇沙。肉骨茶：叫咗細嘅肉骨茶，原來都好大碗，仲好大方添，三舊骨，4-5舊豆卜。馬來咖喱香茅骨飯：相比之下，較為普通，不過，個香茅骨都算幾香脆。生煎蔥肉餅：正常，無咩驚喜！價錢都算好實惠，滿足晒食馬來西亞野嘅口味！

峇峇娘惹 #油麻地海南雞滲滲叻沙 $68滲滲係一種傳統嘅馬來西亞麵食，即係油面加米粉，兩種粗幼口感一齊食令到成個面更加豐富。不得不提佢個湯底的確做得好好，用咗好多唔同材料同香料熬成，包括蝦米、蝦膏、椰奶、香茅、乾蔥、辣椒等等，椰奶的甜香味好突出。不過海南雞就一般，因為擺咗係個面入面加上佢冇額外比其他醬點，所以其實同食普通白切雞冇乜分別，不過好彩啲雞肉都算嫩，但份量就真係少咗啲，得三四件。豬肋排星洲胡椒肉骨茶(大) $62講到明係胡椒肉骨茶所以呢一個肉骨茶胡椒味較重個種，而唔係重藥材味，入口幾香胡椒味但係又唔會太辣。特別欣賞佢有好多件豬肋排，啲肉仲要超級淋，好味！斑斕咖咉西多士 $30我有少少失望係佢嘅叻咉只係得面後嗰少少，有醬嘅位置的確係幾好味，不過冇醬嘅位置偏多。但係嗰西多士本身炸得都幾好，廚師仲好用心咁分別將兩塊麵包各自點左蛋漿先再合埋一齊炸，所以會見到兩層麵包之間有一層蛋漿，令到成個西多士更香蛋味。味道:4.1/5性價比:3.9/5

前兩天吃過第一次的峇峇娘惹，覺得真的很不錯，今天老媽下午沒有節目，也未吃飯，估計峇峇會很適合我老媽的口味，便帶她試吃下午茶。原來下午茶餐真的很優惠，雖然份量較午餐的麵少了一點點，但配料仍然十足，價錢大概優惠$20，約點凍飲只是加$3，老媽的馬來拉茶更不用加錢，實在便宜。老媽說魚腐叻沙很不錯，魚腐很入味，米粉加油面口感一流，湯頭10分濃郁帶點辣辣味。我吃的星洲魚丸併魚角叻沙，魚丸一般，但豆腐卜吸滿湯汁，半雞蛋也配合得宜。讚揚！當然下午茶的食物質素沒有變，同樣好吃！我已鍾情桂圓酸梅特飲，每次都喝，太解渴了！我們還加了參巴醬通菜＄6 ，分量合適，不錯不錯！

喺附近上一個堂再等上另一個堂，所以周圍去搵吓嘢食順便打發中間嘅45分鐘時間，見到呢間二馬來西亞兩野食物主打嘅餐廳，價錢唔算貴，一個人食啱啱好。裝修都有檳城茶室嘅影子，兩人位比較多，所以都預咗一至兩個人嚟嘅食下比例會多啲。餐牌上嘅選擇都係馬來西亞或者檳城娘惹嘅食物為主。燒肉滲滲叻沙整體份量中等，燒肉肥瘦適中而份量多，差不多有5块燒肉，另外魚丸及豆卜等都唔少，味道算正宗，如果可以辣少少會更加嘢味。馬來西亞拉茶相對來講似港式奶茶多啲，冇奶茶咁順滑，甜度亦都可能迎合香港人而調教得冇咁甜，我覺得做正宗嘅拉茶會吸引啲。

星洲魚丸滲滲叻沙 叻沙湯底味道很好但我不太喜歡它混了兩種麵（油麵加上米粉）好似兩種面既口感都冇左夾起上黎d面好似打結咁肉骨茶 胡椒湯很暖胃很好喝 感覺會上癮舊肉骨都好入味咖央西多士 咖央煉奶呢個組合係無敵而且佢比出面既西多士厚身好味又飽肚馬來拉茶 茶味較港式奶茶少但不會太甜 甜度很合我口味口感很滑值得一試

🔻峇峇娘惹突然好想食咖央多，係旺角行開街就近近地去呢間峇峇娘惹開餐，晏就去唔使排隊加分加分😂夜晚次次行過都見好多人等🔻班蘭咖央多士---建議一定要襯熱食，岩岩出黎脆卜卜，有少少班蘭味，椰子味出d, 唔太甜，醬既份量都岩岩好😍😍nice!🔻峇峇娘惹珍寶滲滲叻沙---超大碗，女仔唔大食既話3個人share 食都得！！麵底係米粉溝油麵，米麵好爽口好好食，油麵對比起冇咁突出，個湯底好濃好夠味但一d 都唔咸，正(e+優惠時段仲有個62折，好抵食)原價$118,折阻$73🔻薏米水&桂圓特飲---建議唔好少冰，因為正常甜度先岩岩好，少冰阻就會變得偏甜，2杯都好飲，唔錯唔錯。值得再幫襯，建議下午黎冇咁多人

第一次來這裡，坐到店的最入端，但有一浸難聞的氣味，扣了分。雞亦原本香口脆身，可惜浸在湯中，淋了。應該分開上比較好。麵份量很大，米粉淋滑，油麵少許彈牙。湯是濃郁的，不俗

中秋節諗住食壽司，但滿晒無位，路經呢間餐廳挺特別（富新鮮感）的裝修同埋菜式特別，同朋友一試先講結論，性價比極高！一試難忘，必定會再幫襯正題，小弟鐘意濃味、新奇野，泰式食得多，最近海南雞同喇沙亦經常食，所以俾「娘惹」呢兩隻字吸引左，心郁郁想試試同其他香港星洲/馬拉野有咩分別肉骨茶同一般香港版/連鎖星洲餐廳嘅肉骨茶完全唔同味，無乜中藥菜味，反而似胡椒豬肚湯，唔識講正唔正宗，但口味上麻麻，且內臟味強，唔鐘意內臟腥臭但又想試嘅，可點金菇胡椒，佢啲胡椒味夠勁，可蓋過果陣內臟味「馬來西亞風光」就因為睇名完全唔知係乜，所以叫黎食😂不得了，食過最好味嘅炒通菜，底部超多蒜粒勁香口🙈亞參魚味濃，配秋葵一絕，會好想叫白飯最驚喜係撈米，好清新，青檸芽菜香茅豬豆腐卜魚片頭全部味道洽到好處好balance, 豆腐卜入面索滿湯汁（唔係就咁丟啲豆腐卜落去），擠埋個青檸汁，會有種食完想再食嘅感覺（佢隻芽菜好特別，唔似香港普通買到）PS . 個冷氣唔涼，好熱😨

間唔中黎食早餐，咖央多士清甜，炒蛋剛剛好火候不乾又不油，奶茶拍得住剛開既Toast Box咁好味，都只係30蚊，超值。但鋪頭異常冷清，我覺得源頭係鋪頭裡難接收手機訊號，大部份食客因手機上不到網而怨聲載道，哀號連連，請有關方面快快新增Wifi。

輕過附近食個早餐，見佢門口個咖咉多士張相好靚，就行左入去試下。早餐有好多選擇，全部選擇都好似好豐富。我揀左峇峇精選，有香煎雞扒黑椒汁，配沙律菜，再配埋炒蛋、牛油斑蘭咖咉燕麥多士，為之一個早餐，真係好豐富。雞扒同沙律菜，仲有炒蛋都好正常。但個咖咉多真係好驚人，果隻螢光綠色，食落淨係得甜味，真係唔知自己食緊咩。佢門口果張咖咉多圖係完全握人嘅 !仲有野飲我揀左南洋咖啡，但咖啡太甜又唔夠咖啡味，好失望。額外補充，呢個位真係電話收得好差，佢又無wifi。一條友食個早餐又無得禁電話，D野又唔好食，真係悶到爆。

又到下午茶！見到呢個菜式幾特別:星洲蝴蝶蝦濕撈米暹有2粒白魚蛋，佢係爽口彈牙嘅，冇乜魚肉味。下午茶份量比較少，配料全部得2,3嚿，吾太夠食！濕撈個汁就麻麻地，冇味，個青檸只係有少許作用，提升鮮美。麵條係幾特別嘅，嗦左啲汁，就吾係太乾身。反而啲卜卜脆幾特別，令到成個菜式有馬來西亞feel惹味，有口感，好似平時酒樓前菜小吃咁。呢杯馬來拉茶，又係必點之飲料！超滑溜，好重奶香味，茶不會澀澀的，有少少提神醒腦作用！餐廳環境不錯，價格也是很便宜！下次會試下多士🙃🙃🙃

今日一家四人到峇峇娘惹食晚飯，整體好評，應該會再嚟食！四個人叫了3餸1多士，多士尤其好食，絕對值得一試！咖央牛油比例好，再配上脆脆的多士，不錯喔！但絕對是肥妹食物，哈哈！之後嘅麥皮蝦都好食！蝦已剝殼，仲挑腸了，實在加分！但妹妹表示，食過更好味的，所以未必是驚喜之作，但已經合格有餘！而魚就過鹹，伴飯都可以，但如果有得選擇，未必會再叫。芋頭雞煲就出色啦！芋頭煎得香，不會溶，保留雞煲嘅質地，而雞無骨，對懶人來説一流！味道就與坊間雞煲無太大差別，總體好評啦！拉茶都不錯，較喜歡熱的，味道較濃厚。四個人食了$290，cp值不錯，小聚會或屋企食飯之選！