峇峇娘惹 (彌敦道) (Closed)

峇峇娘惹今日放工去開油麻地，見到呢間個名完全唔識讀，開頭叫佢再搭搭娘惹，之後想起峇里島，先知道叫峇峇娘惹。餐牌上，好多食都想試喎！第一時間叫左個燒肉喇沙：個喇沙湯底椰味十足，好濃郁，忍唔住食到尾要飲晒個湯底。香港好少地方，可以食到咁正宗嘅喇沙。肉骨茶：叫咗細嘅肉骨茶，原來都好大碗，仲好大方添，三舊骨，4-5舊豆卜。馬來咖喱香茅骨飯：相比之下，較為普通，不過，個香茅骨都算幾香脆。生煎蔥肉餅：正常，無咩驚喜！價錢都算好實惠，滿足晒食馬來西亞野嘅口味！