百味堂 (Closed)

百味堂個名聽了很久，但一路沒有去過，直至登陸銅鑼灣才有機會試試！星期日一個人食了個輕量午餐後，一心就是要留肚食百味堂聞名雪糕，當天不需要排隊，很快就買到杯原味牛奶雪糕，價錢$48有點貴，但當食一口後發覺是值得比嘅！🍦用料很足，成個雪糕筒full晒，雪糕充滿牛奶🥛味，很滑很香，雪糕筒很厚實，很脆口，不太甜，所以可以整杯吃完也不覺太飽！另一個星期六，路過試埋牛奶忌廉包，覺得一般般！雪糕較好吃😋個人評分食物：A服務：C環境：C抵食：B衛生：B

前排去咗希慎嘅誠品書局睇書，離開之際見到門口有pop-up store既百味堂~ 仲要係買一送一！勁多人排隊🙈 我就唔排到，但係想食，所以第日去咗幫襯🙈佢仲有其他食品，同埋飲品，但係我就冇細心睇啦🙈叫咗佢嘅招牌，不過就唔係原味，係豆漿牛奶味~ 佢整得好快！仲要放係一個專放雪糕嘅架上面，簡直要你拎相機出嚟影相🤣🤣佢嘅筒有啲似麥當勞雪糕嗰個～ 🙈 佢嘅雪糕形狀簡直係經典🤣🤣 味道方面，超級正👍🏻 唔係普通食到有冰感嘅雪糕～ 而係入口即溶，非常重奶味同豆漿，真係回味無窮～ 佢係軟雪糕，所以一放入口就變咗流質，好正😋

因為工作的關係，今天我同同事去到銅鑼灣，去到發現有間pop up store 百味堂！睇下餐牌都好多選擇，剛吃完飯就食下甜品啦！我地rder左原味牛奶雪糕，價位中上要$48，偶然一次，冇所謂啦比完錢，店員會比個牌你，到你時，個牌便會發聲，很貼心的！雪糕拎上手很重手！正！吃下去，很滑然後是濃濃的牛奶香，久久不散，很久沒吃過這高質的雪糕了！比起連鎖店那些幾蚊一大杯的沒得比吧！另外，店家有其他飲料提供，如咖啡，下次早上經過又可以一試！

今日去左銅鑼灣行街，見到hysan 有一間pop up store 叫做「百味堂」！就去試試佢先！今日好想食甜品，行到去見到多數人都係叫佢個雪糕，甘就試下啦！order左$48既original milk ice cream!中文唔記得了！好快就拎得！看上去好治癒，圓買的，雪白的，像是很濃牛奶味似！一食，天呀，好正！是我吃過最濃既牛奶雪糕，不誇張，真像吃特濃既牛奶甘，一口接一口的！另外，佢份量很多，拿上手很重的！下次來也要試一試佢既豆乳牛奶雪糕！

食完晚餐就選擇食個甜品😋😋，經過 hysan place ，就見到有百味堂，其實本人就未食過🤪🤪，但聽好多朋友話好食，決定買個原味牛奶雪糕黎試下😁😁。等左3,4分鐘度有得食啦😋😋，個雪糕🍦好靚呀，食之前梗係相機食先啦😅😅。個雪糕的質地好得意，有d似沙冰的感覺，好香牛奶味😋😋👍🏿。而個 cone 係超脆超好食，不過 $48 食個雪糕就有點😅😅😅，我應該會相隔一段時間先會再食了😅😅😅

想試呢間好耐, 但好貴一杯最普通milk ice cream 都要$48有日食完food court, 好想食甜品, 總於試左Tiramisu ice cream ($78)個milk ice cream 好味, 加左d cheese and a cup of expresso. (如圖)ice cream + expresso, 夾埋既味道ok但食落似飲咖啡下次order 杯Latte 算.

見呢間又過江龍又乜滯，買杯黎試下朱古力味...其實d朱古力碎幾濃幾香但個雪糕真係不敢恭維...😅😅😅好似用水造咁乜味都無....幾廿蚊杯老實講我食XX奴叔叔新地好過...唔識欣賞...

🍦#tagnshare雪糕篇……………………《韓國過江龍🌪百味堂》💰$45 原味牛奶雪糕行經希慎見到有百味堂😎week day仲唔洗排隊100%有機牛製造既原味牛奶雪糕🍼Cute Cute既外型 轉轉雪糕👀奶味都算香濃...質感夠滑～唔係得個甜字既👍🏻. @baekmidang_hk #百味堂#牛奶雪糕#銅鑼灣 ...……………………👧🏻肥妹小編.........................👇🏻地址👇🏻百味堂銅鑼灣軒尼詩道500號希慎廣場1樓中庭

飲完珍珠奶茶之後，過咗隔離街希慎廣場嗰邊食雪糕，本來想入商場行街，因為唔係好想係街到曬！結果一上第一層就見到百味堂超級興奮！其實係我同事比較興奮，我之前喺網上面見過類似造型嘅雪糕，但係唔知係乜嘢品牌，今次長知識了，原來係百味堂我見幾個牌都有寫住 「阿薩姆奶茶雪糕」～ 我自己本身又好鍾意飲奶茶，所以就好好奇究竟奶茶係點樣做雪糕嘅 價錢有啲貴！所以極希望出嚟嘅雪糕好食～等咗大概2分鐘都冇，就已經整好左最令我surprise既係，阿薩姆奶茶竟然係流質既 我嚇咗一跳，以為佢比錯咗！但係原來特色係咁樣🙈 我即刻好擔心，因為唔識食🤣🤣 我試左一啖奶茶，超級苦 好擔心之際，朋友同我講一定要同雪糕一齊食 我就食咗一啖雪糕，發覺雪糕係超級超級好食！奶味超級重，而且入口即溶！而且仲係溶得好快～兩種好大分別嘅味道放喺一齊真係好神奇，超級有創意！我是將一啖奶茶再將雪糕一齊食，發覺奶茶變咗甜味，超級surprise!!食到最後，因為雪糕用得好快，成杯變咗做奶茶，完全唔苦，好似便利店買到阿薩姆奶茶嘅味道 所以真係好值得一試，好有驚喜咁，不過就價錢貴左少少，有啲唔捨得🙈

早幾日經過希慎，見到開左間叫做百味堂的pop up store，但因為果日午飯食得太飽，所以無試到，今日就同同事去試下依間過江龍。唔駛排隊，不過提提大家行去俾錢果陣小心果度有級梯階。我同同事分別叫左銅鑼灣限定嘅阿薩姆奶茶雪糕同朱古力牛奶雪糕，等左一陣就見到實物，個賣相係吸引的，睇到雪榚同奶茶/朱古力都係一層一層的，上面仲有D可可粉同檸檬碎。雪糕個質地同一般雪榚有D唔同，好冰好滑，奶味超濃郁，而檸檬碎亦帶出清新的味道，出奇地奶茶味都好夠，好似飲左杯奶茶咁。而同事朱古力牛奶雪糕可可粉多左少少，有DD苦，但整體都OK~

星期六去咗銅鑼灣行街，咁啱喺希慎廣場食嘢，落嚟見到百味堂，感覺好似pop up store!! 因為通常希慎廣場果個位都係即興擺pop up~ 不過我都冇理咁多，決定想試一試呢個咁出名嘅大牌雪糕叫咗soy ice cream~ 應該唔係原味，其實我都唔係好識分我見佢個樣同原味差唔多，所以就叫左，不過都整得好快，因為唔駛1分鐘，佢就叫我拎雪糕~ 我拎左匙羹食，因為想嘆下飯後甜品！佢有專放雪糕嘅架~ 我覺得做得好專業，真係俾鍾意相機食先嘅人影相~ 即係我！哈哈！食咗第一啖，已經超級驚喜！雪糕裏面有好重嘅牛奶味同豆味~ 佢嘅感覺好似流質嘅嘢將佢變成固體咁，所以入口即溶！好似飲緊雪糕咁~ 而且雪糕味好特別，唔似一般係便利店或者雪糕車買到嘅雪糕！所以每食一啖，我都嘩嘩聲，係一定會想再食嘅雪糕~ 但係我就嫌佢價錢略貴~ 但整體造型同味道有驚喜！雪糕筒就好一般，同麥當勞嘅雪糕筒一樣味，呢個係稍稍嘅敗筆

今日經過希慎廣場，見到冇人排隊，就買咗一杯蜜瓜軟雪糕。等嘅時間唔算耐，大約10分鐘。佢張相影出嚟都好靚吓，實物都似嘅，靚嘅。但唔知佢同其他軟雪糕有咩分別，佢係溶得特別快，俾你喺街食一杯富豪雪糕溶得更加快。食第一啖落口，完全冇牛奶味，係完全無，佢標榜嘅係牛奶軟雪糕，但就只係食到碎冰嘅味道，唯一有味嘅就係上面嗰幾粒波子咁細嘅蜜瓜，我用$78買咗一杯碎冰加幾粒蜜瓜食？我覺得我去麥當勞食一杯朱古力新地會開心好多，佢完全唔值呢個價錢。其實錢真係唔係問題，係佢浪費左我一個食雪糕嘅quota，無下次。

百味堂出名牛乳雪糕🍦，所以之前同朋友去韓國🇰🇷旅行就試嚐過，味道甜但唔膩，牛奶味十分之重，臨飛番香港之前都要特登行過去韓國機場角落頭店度食多次！近排係香港見到佢開popup store , 當然想食多次。點知一睇價錢，哇，貴左唔少ber。韓國賣4000won左右大約廿幾蚊港紙，來到香港竟然要賣48蚊😱😱不過睇番咁多間過江龍來到香港都價錢升個double , 再加上係銅鑼灣開,成本加租金,個價錢好似幾合理🤦🏿‍♀️我落完order 之後，會收到個call機，當時唔係好多人排隊所以好快就有得攞。個雪糕同係韓國買到嘅一樣，超級容易融！我拎起唔超過一分鐘佢已經開始滴。入口味道無印象中咁重奶味，對我來講唔係食完仲想食嘅味道，有奶香味，同honey creme 雪糕嘅牛奶味道有少少分別。加上好快變水狀，所以要極速大大啖咁食。但係少食多滋味，如果想試下奶香味嘅雪糕又多左個選擇🍦

Tiramisu-咖啡加雪糕配搭又想飲咖啡又想食雪糕可以點呢？百味堂就幫我解決咗呢個難題. 非常濃烈嘅咖啡味配甜甜嘅雲呢拿雪糕一流. 雪糕質感似Gelato多個creamy嗰隻雪糕. 我個人認為呢個配搭更加好. 上面一pat濃烈甜芝士醬增加了味覺同口感嘅享受. 三個配搭非常之好. 下次試埋佢個流心蛋糕先First time I’ve tried their ice cream. I was craving coffee and ice cream at the same time, they manage to full fill both these cravings. The ice cream texture is more like gelato rather than creamy. The coffee is strong and distinct and goes perfectly with the sweet ice cream. The mascarpone cheese sauce at the top made a perfect match to add t

之前響尖沙咀pop up 嘅時候排隊排到嘔，今次pop up 終於可以舒服D!銅鑼灣店有兩款限定口味：阿薩姆奶茶同tiramisu~ 我就分左兩次食，因為一杯分量都幾大基本上要搵多個朋友開心些牙先食得完。個人喜好而言我係鍾意 tiramisu 多d , 因為阿薩姆奶茶味（唔知點解）溶得特別快，最後就會變成有雪糕味加持嘅奶茶，加上阿薩姆奶茶偏甜但帶有微量澀味，去到最後味道都幾奇怪，但開頭固體雪糕加奶茶呢個玩法係好Ok的。我自己會畀******************tiramisu 味，因為佢有種affogato 嘅感覺，同時意大利芝士餅嘅味道依然存在，由於雪糕奶味濃而且偏甜，佢嘅苦剛好互相平衡，去到最後變液體咪當佢 latte 飲囉～至於固執度100嘅朋友就依舊叫番原味雪糕，食完奶茶味突然覺得佢好fresh ! 而且都幾抵食，或者下次無限定口味嘅時候應該忠於原著～