八方雲集鍋貼水餃專門店 (杏花新城) (Closed)

麻醬椒香乾拌麵 $33或者可以叫台式麵套餐$52，有麵、🥟鍋貼/水餃5隻、🍲湯品/飲品之前喺台灣食普通麻醬拌麵，會好快就膩🙊呢個麻醬椒香乾拌麵係麻醬加花椒紅油，有香濃麻醬味之餘仲有花椒既麻，同紅油既辣🌶️一啖食落去，滿口麻醬香，加辣辣哋，好鬼正🤤雖然無肉，但真係會令人返尋味🉐🍲台灣麵線 $22次次黎食都會叫麵線🍜中意佢個湯唔會杰撻撻，同埋都幾大碗，22蚊抵食👍🏻珍珠紅油餛飩(6隻) $18大家可以唔洗試😂紅油唔香亦唔辣，餛飩普普通通Overall:八方雲集既鍋貼個人覺得真係無咩特別，唯獨呢個拌麵我真係會食完再食😆有時唔知食咩果陣，我有時都會食呢個麻醬椒香乾拌麵🍜除左食佢個鍋貼，不妨試試呢個拌麵😜

平時午餐忙起嚟，會電話買外賣自取。.以前最鍾意食佢個牛肉麵套餐，份量超足，超夠飽，價錢稍微貴咗少少，但係面底同湯底個味好吸引我，牛肉嘅話就覺得柴咗少少。.如果想食輕盈少少嘅話，我會食麵線套餐同紅油炒手套餐：.以兩隻套餐都有嘅招牌鍋貼而言，好睇嗰日啲人忙唔忙，有時即煎出嚟，個底煎到脆卜卜，個皮同餡熱，以快餐來講，味道都算係ok唔錯。.麵線而言，因為面入面加咗筍絲(?)同木耳，所以個口感唔會話好黏。炒手嘅話就係普通水餃加辣油，啲芽菜如果外賣嘅話會好食啲，堂食會稍微覺得生咗少少。.佢嘅珍珠奶茶同豆漿都係常飲🥲畢竟杏花邨冇奶茶舖，所以，勉強用嚟頂下癮都唔差嘅，但係當然冇專門店嗰啲好飲。.整體而言，係一間好食嘅餐店。.Ps. 眼見好多人投訴佢哋外賣出餐慢，🥲之前嘅我都會現場買、現場等，等成10幾廿分鐘都試過…但係而家我發現佢哋有電話訂餐，你可以電話打去落order，預時間先落去俾錢同攞會慳返好多時間。

曾經喺小西灣店有不快經驗等個外賣起碼9個字但唔多人排次次食堂食都好鬼慢終於食執左今日媽媽話要食行過咪再幫襯下結果發現仲係好慢好彩都係等15，20分鐘左右無小西灣店咁嚴重叫左2個餐一個紅油抄手餐 一個麻醬麵線餐抄手係唔辣嘅調味真係唔太ok而且啲肉較孩身雲吞皮又好多勉強填飽個肚都ok嘅麻醬麵退步左好多咁多醬但都好淡口加咗辣都唔覺辣for飽肚咪合格囉……煎餃算係最唔錯架啦但煎得唔夠香脆咖哩餃叫最出色多汁重咖哩味啲肉都算嫩韭菜餃都ok嘅好香豆漿終於有熱但無得揀無糖唔啱追求健康嘅朋友

叫左10隻水餃，佢就比左10隻鍋貼，我已經話係10隻水餃唔係10隻鍋貼，點知個職員冇道歉不特止，仲話係我叫，話d鍋貼巳落鑊冇得退，d咩野服務態度？今時今日甘既服務態度，死得啦

呢一間嘅杏花邨八方雲集,請咗好多用廣東話溝通唔到嘅服務員, 自己溝通唔到落錯單又瀨個客人落單嘅時候同埋離開嘅時候已經重複問有冇十隻鍋貼, 因為都覺得溝通好困難我哋嗌咗兩個外賣,服務員打錯單畀少咗五隻鍋貼, 倒落返去街度嘅時候佢竟然要求我哋攞返五隻水餃同佢換五隻鍋貼不但自己做錯嘢冇道歉,仲要令到客人覺得我哋係呃佢五隻水餃如果大家唔想等得耐又冇嘢食嘅話千祈唔好再幫襯, 因為佢哋除咗服務不佳, 等嘢食好耐, 食物都係非常普通

粟米餃，唔油膩，粟米份量好足， 但當中有啲肉難咬，。但食厭左韭菜或豬肉餃，值得一試。台灣面線，湯底濃稠，如果平時無食開，會覺得有d奇怪。但份量算細，三四啖就食完。茉香綠茶甜度適中，套餐都係加兩蚊，絕對比豆漿好飲。

整個服務流程有點混亂。排隊時，收銀說可以坐低諗食乜然後我就坐低填order 然後諗住個職員會過黎落order，點知佢要我自己重頭排隊俾錢，浪費不少時間。所以 趕時間都係過隔離食譚仔算。

等半個鐘都未有得食，員工十分懶散，見到枱喺一個鐘之後都未有人執，明明場內有四至五名員工。其他枱都不斷催單，等碗麵線都等半個鐘實在太過份。以後趕時間唔好食，食隔離譚仔仲快

今天來杏花邨逛逛, 想找個地方享用下午茶。 沿扶手電梯落地面那一層, 便見到此店, 便决定在此吃。 這裏是顧客先到收銀處下單及付款, 店員知道你坐在那張枱號後, 便會把食物稍後送上。我們喜歡吃鍋貼, 又喜愛酸辣湯, 那就點了兩個鍋貼套餐配酸辣湯。 招牌鍋貼套餐 : 十只招牌鍋貼配酸辣湯。 招牌鍋貼內是豬肉碎和椰菜絲, 餡料不多, 鍋貼不是飽滿的。 但以這個價錢確實不能要求太多。 酸辣湯是一般水準。 咖哩鍋貼套餐 : 十只咖哩鍋貼配酸辣湯。 其實咖哩鍋貼和招牌鍋貼的餡料差不多, 只是加入了香香微辣的咖哩口味, 頗香口。兩人以$76可吃到鍋貼套餐算化算的了。

連鎖店經營， 於香港不同地方都有分店。當肚子不太餓，希望吃少一點和清淡一點， 我就喜歡來光顧一下!紫菜花之丸湯 ~ 套餐價三樣東西都是38蚊啫， 非常抵吃！招牌鍋貼招牌水餃講得招牌一定係有水準啦， 皮是薄，但餡料不太多，是常識吧！ 以這個價錢水餃也是中規中矩啦！

上星期四，難得那天lunch time有時間,最近都很忙，但都好想走遠兩步到杏花村午膳，今次就試下這間叫八方雲集的專門店，感覺這間餐廳是以台式麵食和水餃鍋貼為主。看了餐牌之後，套餐價錢合理，不會太貴，而我最後點了麵線套餐，套餐包括台灣麵線，韮菜鍋貼和熱豆漿。初次食台灣麵線，感覺好像食碗仔翅，這款台灣麵線有雲耳絲，魚肉粒，豬大腸，麵線，蔥花等，口感豐富，但味精較重。 至於韮菜鍋貼，份量算多，而且很大隻，咬落亦很多汁，味道不俗，可惜的是煎得燶了點，而且煎餃黏在一起，難以分開，分開時容易弄散煎餃皮，影響口感。餐飲方面，我點的是熱豆漿，雖然天氣頗熱，但熱力能令豆漿味道更香更濃，感覺比凍的好飲得多，豆漿很好味，亦能解渴。總的來說，能夠食到麵線，鍋貼和豆漿，這三款台式或上海美食， 而價錢亦相對便宜，絕對值得一試。

叫咗兩個麵餐，都算幾抵，又有麵線，又有5隻鍋貼/餃子，仲包野飲。麵線都幾足料，有好幾舊大腸。鍋貼我叫咗咖喱味，朋友叫咗辣味，雖然佢整得唔太好，痴埋晒一齊，但里兩隻味道比較特別，值得一試，留意要加（$2.5)。另外杯凍豆漿好似好衛生咁，又大杯，飲唔晒可以帶走。