八方雲集鍋貼水餃專門店 (Closed)

星期五晚同朋友食飯黎咗呢到。之前已經係雜誌見過介紹﹐係台灣有好多分店。我哋試咗所有餡料既餃子同窩貼﹐牛肉面同埋真珠奶茶。餃子/窩貼-我同朋友都一致認為招牌餃子/窩貼最好食。其實餡料係白菜同豬肉。味道最平均。其他既我比較中意韭菜﹐朋友就覺得咖哩好食。餃子同窩貼﹐我覺得窩貼好食d﹐一來自己中意香口野。不過佢都煎得好好﹐岩岩有小小噥﹐個底咬落脆脆﹐入面d肉仲好多汁。上碟時仲刻意反轉﹐張煎脆咗既底向上﹐咁就無咁容易變淋﹐好細心。不過餃同窩貼都有個小問題﹐個埋口唔實﹐做成煮/煎熟就爆開﹐裡面既餡料又並非太多而爆開﹐可能只係大意瓜﹖不過情況唔算嚴重﹐食咗25隻﹐大概有5隻係咁。牛肉面ok... 本身好中意食呢d qq既麵﹐牛都好淋﹐唔錯。不過羅白就好大舊﹐雖然大﹐但裡面都煮得夠淋﹐而且無渣﹐ok.真珠奶茶都ok... 真珠整得唔錯﹐唔會話裡面硬硬哋咁。總的來說ok﹐會再幫親﹐但店鋪位置比較唔就腳...

已經對呢間突然周圍都有分店0既台灣食肆略有所聞，而「聞」0既都係正面，所以，今次0係附近見完客有少少肚餓之時，又突然見到呢間分店，就即刻入去試試。我見menu都真係幾多野揀，又水餃又窩貼咁，不過由於近來愛上食麵線，就決定叫黎試下，好彩我order之前見到有個坐0係度食緊麵線0既客人個碗都幾大，我只係叫左個細個伙計姨姨都好好人，話通常女仔都食唔哂，叫個細都0岩架喇我等左唔駛3分鐘，碗麵線就黎左，真係如朋友所講，個份量大過阿升同阿土，d料仲多好多添你睇下幅圖就知道係幾滿同足料架喇~同埋，我覺得個調味0係香港食過0既麵線中最好，通常都鹹得滯，同埋d蒜頭、醋味極濃，但呢度真係比較適中，d大腸又0係香港食過0既麵線中係最多，麵線當然都係最多，最最最最食到台灣味道0既係---->有蚵仔架!!!又可以加貢丸真係好似0係台灣食緊咁我最後都係食唔哂碗野，但已經夠哂飽，12蚊有咁0既水準，讚我下次會同朋友一齊試下水餃、窩貼，因為一個人食唔到幾款呀

係貓cafe玩完貓貓後,便行過來佐敦"八方雲集"食芋圓~因為我們兩個無食dinner的關係,就點了酸辣麵+大腸蚵仔麵線+招牌餃子餐(包括紫菜旗丸湯)+綠豆冰芋圓酸辣麵: 食食下都有少少辣,而且那些配料都很多,麵又有些少彈牙,只售$14都算平又好味了(70分)大腸蚵仔麵線: 蚵仔是蠔仔,那些蚵仔都ok,不是想像中的那麼新鮮~我只食了兩啖麵線,都ok呢(70分)招牌餃子: 已經第二次係"八方雲集"食過了,真係好正~因為內裡的不單只是肉,還有很多菜,這叫我不甚喜愛食餃子的,都愛上了,可想而之這款食物多麼吸引,真是值得一讚(80分)紫菜旗丸湯: 旗丸湯其實是花枝丸,比起普通的墨魚丸彈牙很多~再加上紫菜的配搭,就不用這麼"寡"了~湯底都不錯,不太咸(75分)芋圓: 係香港,暫時只有這間店有芋圓食,便來一試~看了之前的食評說味道太甜和太多冰,所以叫了少甜少冰~第一口咬落口時,感覺不比台灣九份的彈牙,蕃薯和芋頭的確是有它們的味道,但始終還是淡淡的,可試試芋圓加綠豆一起吃入口,因為綠豆冰加了糖水,那麼吃入口時,綠豆又不會太甜,芋圓又不會太淡了(70分)但最後我們還是帶走了餃子,因為太飽了~另外,如果接

同事比左兩舊我試係招牌鍋貼, 入面有豬肉九菜, 其實都幾香幾惹味, 餡都算多, 但個皮好似厚左d, 點埋d醋ok.可能佢新鮮出爐個皮會脆d好食d旗魚紫菜湯--> 見佢有好多紫菜, 有d冬菇, 飲完都唔口渴, 冇咩味精個同事話食左六隻再飲埋碗湯好飽了

在佐敦，本想吃完澳牛才去做gym，但人實在太多太恐怖，轉場來這邊吃dumplings。一個人就無謂阻住人地個地球轉，要外賣拎走好了。要一份招牌鍋貼，不要湯品轉要豆漿，約26蚊，算是很抵吃的。一份有十隻，皮薄又香口，外形不似普通的餃子形狀，內裡的餡有肉有菜，算嫩滑，很不錯；豆漿，香濃有豆味，而且不算細杯，幾好。店員反應幾快，而且都面帶笑容，做事算快手而且外帶的合子放得很整齊，袋內附有一包醋一包辣椒醬，不過漏給我straw，有點美中不足。

今晚夜咗食晚餐, 原因係下午茶食得太飽了途經佐敦搭車時, 見到八方雲集~ (即刻唸起台灣果間)我提議嚟呢度食下,其實我係台灣都無試過架~ 突然心血來潮想試添...一行三人, 先來一碗蚵仔麵線(細)$16, 因為妹妹不食大腸, 呢碗麵線係走腸既~一份招牌鍋貼 + 湯品 (揀咗酸辣湯) $28一杯豆槳 加 $5 (跟餐)韭菜餃子@2 隻, 最少要5隻蚵仔麵線~ 真係估唔到咁好味~ 好似係台灣食咁~ 講不出點好味呀, 但係一句講晒味道,色澤,香味都 very good~ 我同阿妹一路食一路話早知就叫大碗啦~ 結果我們就要多一碗(大)呀~ (翻兜....) 講番鍋貼先~ 鍋貼是我男友既至愛,不過佢就話普通,無驚喜丫(有點兒失望添)豆槳好好飲, 不太甜, 味道剛剛好~韭菜餃子~ 好香韭菜味呀~~ good ~ 個皮夠薄呀~ 又不會散出來~ 大既蚵仔麵線出場, 但今次無走大腸, 因男友會食囉, 不過點解會第一碗好味d呢? 難道頭啖湯係最好既?阿妹就話有大腸味, 所以唔好味囉, 同埋佢吔又比少咗d 元茜我們, 加番就好味少少, 但都係差ddd ~接著就係甜品: 芋圓+紅豆14, (因為係台灣食過,好

2個人叫左韓式辣味餃 x 5 >>>>> 因為鍋貼冇晒依款 所以叫左餃 不過都好好味 入面有泡菜ga!!!!黃金咖哩鍋貼 x 5 >>>>> 好香口, 好似咖哩角咁酸辣湯 x 1 >>>>>> 依個係最差geh, 又唔酸又唔辣, 一d都唔酸辣湯服務態度就非常差 d員工勁無禮貌!!! 好似好悔氣咁...anyway 都幾抵食同埋好味 一個餐有10隻鍋貼 仲好好食佢仲有其他野食好似都好吸引 e.g.牛肉面 下次會試下

本來呢個位係大家食既，但唔知係咪金融海嘯做唔住，所以執左。而家換左呢間水餃，咪又去試下囉。我地叫左一個咖哩水餃，呢個配搭幾新，ｄ味都唔錯，份量都足，有成十隻咁多，食哂都幾飽，仲有個貢丸湯添。我地又叫左個大腸麵線，個湯冇台灣咁杰，但係味道都幾濃既，但ｄ蚵仔唔知點解個樣好怪，好似有一層粉係面咁，一pat。

今天和朋友來吃，感覺比我上一次好好多。上一個月來過感覺環境很吵，店員都在叫罵。但這一次感覺環境十分舒服，我觀察應該是換了一批人吧。今天叫了一個招牌鍋貼套餐，朋友叫了一個芋圓冰。有一名企在門口的男店員(應該是店長吧)很細心地問我需不需要等遲點才來那個刨冰‧怕我們吃鍋貼時冰會慢慢溶掉影響口感。還說幫我留意我們快吃完鍋貼才幫我們入單，啊！服務很好！鍋貼到來時，我起身去拿汁醬時不小心將整碟招牌鍋貼掉到地上還差點摔倒。那店員立刻詢問我有沒有事，及叫其他同事立即拿一碟新的給我。實在有點不好意思最後我和朋友差不多吃完鍋貼，那刨冰真的剛剛好做好送過來。店員說芋圓剛煮熱放進冰是最好吃的，嗯....QQ微暖的芋圓，還有那溫暖的人情味。

16蚊的大大腸麵線,加阿仔5蚊=21蚊和阿升,阿土的最大分別是味較淡,因味精較小吧!食完一定不會狂飲水!!麵身較幼較長,質感較有韌性,像比其他二間出色;湯底杰,小了點木魚香味,味較單調和沉實(小味精吧!!),但看見2舊透明狀,用來勾芡的熟生粉,勾芡功夫藉實欠佳吧!!較失敗是大腸,太大舊連着肥肉,很肥但無味且韌,看見其他食評照片不是這樣的,是品質水準不太穩定吧!!阿仔算大隻,也是差不多無味,但其他阿土阿升也是一樣,打成平手;可能來貨沿自同一個地方!!很剌激極辣的菜甫這裏沒有,只有不太辣的,多加也不怕!!!若談服務,大多數都初出芧爐但没什干勁的青年,未瞓醒没上电似的,真希望他/她們努力一點吧,雖然人工一定剝削,但學到的東西自已的,行行出狀元嘛!!

今日終於都有機會試下呢間...叫左鍋貼, 同埋水餃既餐... 一個29蚊, 一個28蚊..因為我鐘意食spicy, 所以鍋貼就叫左韓式泡菜味, 而為左中和下d spicy, 水餃就求其叫左個「招牌水餃」... 跟餐有湯, 我選了粟米cream湯, 個湯好好味, 甜甜地, 夠creamy~~而朋友就選了魚丸湯.. 都幾好飲, 好有紫菜味~~過無耐就黎水餃, 水餃一般, 因為dry左d, 放落魚丸湯左食會好味d, 仲要加佢d醬料~~ d醬料最好味就係咖哩汁, 同埋onion醋...而鍋貼就唔洗點野都咁好味~~最後再叫多個甜品試下... 叫左芋圓五號... 太甜了!!!!!!!!!!!!!!!!!!!!!!!!! 唔會再試!!! 芋圓同地瓜圓都好乜味...但重點都係太甜... 食到尾得返d糖水... - -""只會再來食其他野, 糖水咪搞... - -"

有一日跟朋友去食, 一入到去已經覺得污穢。成間鋪都係蒼蠅.....食物:叫左面線, 煎餃同埋水餃面唔識分佢好唔好食, 第一次食都唔知好定唔好.....煎餃覺得ok水餃就超咸...其實見其他分鋪唔係甘污穢, 第一次食依間野, 就比個甘既印象人&%&＊^@#$#%

之前向太子食過佢既咖哩鍋貼覺得好好食, 所以今天再來.... 點了1. 咖哩餃子 (1客10隻) - 佢既咖哩都有小小辣, 都勁咖哩味. 不過唔知係米無下salt所以唔係甘好食, 加了豉油不過同咖哩味好唔夾. 有點失望.2. 豆漿- 好出奇地豆漿的豆味幾重wor, 比太子個間好味. 滿心以為係好好食既, 不過因為真係味太淡有點失望而回既感覺.

去飲酒之前, 吃少少東西墊肚大腸面線(大)$16自己也沒有加任何菜甫, 可以試清楚一點湯的味道. 湯不像台灣的醒胃, 只是普通. 麵線煮得很腍, 不錯. 大腸洗得很乾淨, 但味道很啖.

終於我找到一個來試吃芋圓的機會…剛好在附近的麻辣媽媽吃過辣之後…吃一點甜的會比較好…一想就想到來這裡…我到過台灣不下六次…每一次都會到九份…每一次都會去吃賴阿婆芋圓…從第一次吃過之後我就愛上那個口感…煙煙靭靭的…有點像日式的mochi…QQ的甚有咬勁…那邊有三款口味…好像是芋頭綠茶…還有一款我忘記了…我曾經嘗試買回來香港煮的…但吃起上來好像不及在當地吃那麼好…而對上一次吃差不多是九個多月前…現在正好解一解的對芋圓的相思之苦…芋圓分了一至六號…其實只是兩款口味的芋圓…即綠茶和芋圓…再搭配一種配料…有紅豆, 綠豆, 花生, 蒟蒻, 紅腰豆…還有一款我又忘記了….最後選了蒟弱….是芋圓六號~賣$14…因為不想坐在店內吃…所以買走了…盒子一打開…心已經涼了一截…因為根本就不是那回事….大概我是選錯了蒟蒻吧…那種甜甜的七彩蒟蒻條…有點格格不入…不過心想可能搭配起上來會好呢…一吃之下…心已經全涼了…那個芋圓口感很實…感覺像是沒有煮熟的模樣….不Q也不煙靭…綠茶芋圓沒什麼綠茶味…相反芋頭芋圓的芋頭味很重…我不知道是否有太多芋頭的關係…相對地那個糯米粉的比例少了…導致很實沒咬勁的結果…本來芋圓是帶一點