八方雲集鍋貼水餃專門店

Open Now

Now Closed

一直都聽過4仔同8仔(即係呢間)既鍋貼,但行到魚仔街,見到呢度又多人,把心一橫唔駛死GAR@@"叫左個黃金咖喱鍋貼 + 貢丸湯，但係前者散兼兩者都唔夠熱囉@@"前者夠辣但個皮同肉散開晒,後者溫度只係微暖,如果唔用胡椒來調味我以為飲緊有鹹味既水而已@@"你叮俾我我仲冇咁嬲@@"

試過夜晚想幫襯不過實在太多人,結果同老公lunch黎試試,好好彩一黎到就有人走,但係一坐低就熱到不得了,因為店內其中一部冷氣壞左,不過又唔想下次再黎排隊,所以決定忍受~~~~~快快叫野食喇,先知原來除左餃子&鍋貼之外,都無其它野食,連麵都無,結果我地只係叫左招牌水餃&韭菜鍋貼各5隻加一杯豆漿,水餃皮好薄,鍋貼餡亦好多,不過又唔覺得有咩咁特別出色,豆漿甜度適中,亦好重豆味,不過我地都無再叫野食喇,落單後先知原來佢地係有套餐架,等我地仲散叫比多左幾蚊,店員亦無提示,唉,算喇,不過我都未必會再黎lu~~~

太子金魚街一帶, 人來人往, 找到了來自台灣的水餃店. 晚上8點仍有很多人在等位, 可能是因為此店的價錢十分便宜. 28元一個套餐, 平均每一個套餐都有十多隻水餃及連一碗湯.與女朋友分別地點了韭菜鍋貼及招牌水餃套餐. 韭菜鍋貼較招牌水餃美味, 韭菜鍋貼煎得很香口,而且每一隻都充滿著很多韭菜....正反之, 所謂招牌水餃只是白菜豬肉水餃. 從味道而言, 沒甚麼特別...十分一般的.不過, 簡簡單單又可成為一餐. 不錯不錯..當初還以為會不夠飽, 但原來還是可以的..哈

星期四晚8點來到,有很多位子!!!新開時很多人, 光顧不了,有機會就試試!!有８個餐,都是鍋貼和水餃的配搭,加一個湯! 26-28蚊叫了双併--招牌鍋貼 加 水餃,各有5隻,共10隻, 和酸辣湯!!加凍ＯＴ,34蚊鍋貼,即叫即造,皮薄,身長,可以小啖小啖吃,肉味淡,油不多,饀料都是瘦肉和菜,無特別!!水餃,都是即叫即造,等了我20分鐘,饀料和鍋貼一樣,分別是有些湯在水餃內,味比一般的清淡!酸辣湯,最快上枱的,酸但不辣,都是些絲,如紅蘿蔔,雲耳,竹筍,蛋等,湯底普通過普通,味道一般過一般!!

套餐的湯是見過最簡單的.嚐了煎招牌餃和蒸菜餃, 味道不過不失, 餡是少. 這樣賣$26, 覺得不值, 但都吃得飽就算, 地方又清潔.

一月中,已經被雜誌既介紹所吸引.所以一直都好想去試一試.是晚放工,覺得有點肚餓.所以就約埋個同事一齊去旺角搵野食.原本諗住去茶餐廳.可以方便搭車.點知見到呢間仲未關門,就拉埋同事陪我食.地方唔算好大,有個明檔近門口食物既款式亦唔算多,只得4款水餃,4款鍋貼,4款湯類&飲品.可以揀套餐:$26~~$28,揀一款水餃&鍋貼(十隻)+湯4選1+飲品可能呢晚太夜先去到(接近收鋪)所以一部份既食物都賣完啦!叫一份套餐:招牌鍋貼10隻,味道普通冇乜味,長形幾特別.有個湯:不過冇得揀啦,剩低一種旗魚丸湯,個湯好淡,近乎清水,有三粒墨魚丸,幾好味又彈牙,仲有少少紫菜.+一罐汽水$26另外再散叫黃金咖喱鍋貼,冇乜特別,只係多咖喱,但唔夠香.菜水餃&韓國辣泡菜水餃,唔知點解冇湯跟既??前者:幾好味,又多菜,好香麻油味添.後者:正!我又鍾意佢辣辣地,幾好味. 食落口仲好爽添.但兩者塊皮都比較厚少少.

又係同女朋友行下行下搵野食佢話見到雜誌有介紹呢間咁咪試下囉等左15分鐘到有位食飯時間算係咁坐低睇下有咩食啦叫左套餐有湯有鍋貼唔知點解呢到會有忌廉湯味道可以 不過同d餃子既氣氛一d都唔夾個唔知咩魚(似係墨魚丸)紫菜湯又冇乜味到d餃子黎啦一睇..eeee d皮咁厚既又唔熱 (暖暖地有d溫度曖曖昧昧咁)如果間舖有人睇緊呢篇野我希望你地可以用心做好d食物o係呢個時勢唔比心出黎做好快會比人淘汰

好少過九龍, 揸車見倒鍋貼, 咪揾個位泊下,捻起以前去台灣食過好好味嘅鍋貼, 好想食!可能想象太好, 叫咗招牌鍋貼, 韓式辣咪鍋貼, 招牌餃子,價錢唔貴, 但麻麻地!!! :<<<< 招牌鍋貼 :肉味麻麻, 唔香唔脆 韓式辣咪鍋貼 : 唔掂, 又凍 招牌餃子: 好難食, 冇味皮又厚 D醋唔ok!浪費晒, 好掛住台灣!!!

當初睇Monday介紹話係旺角附近點知原來近太子多D..行左成10幾分鍾先到我自己係一個對所有餃子同鍋貼都有好大興趣O既人..所以山長水遠都要黎試下佢睇到個menu 左因為本來諗住黎食個lunch點知道佢D set lunch得鍋貼+湯 一定唔夠我食好啦叫左個招牌鍋貼試下啦可能個陣太多人等左成20分鍾先黎我女朋友就叫左D水餃試下先講鍋貼,形狀係幾特別因為長方形入面都係豬肉之類啦..就覺得有點兒淡同普通如果佢係一個普通o既餐廳我覺得無問題..但係呢度係餃子專賣點竟然可以咁普通就真係有點兒那個講埋水餃,個皮都叫有D咬口,但係真係食唔出佢同屋企開一pack pack個D有咩分別wor又係個句啦..如果佢想用餃子專賣店黎做賣點O既話我諗要進步下..重點唔係係唔係人手包,係D料得唔得聽講好似係由台灣開到過黎..唔知係咪台灣人同香港人口味有出入呢?

好日都唔去九龍區, 因為同男友去旺角睇虥, 經過見排晒長龍, 即管入去試下..食物味道相比價錢來說尚算不錯, 咁既價錢, 喺銅鑼灣食都唔只啦, 可能我明白一分錢一分貨的道理, 真的不至於別人所說的難食, 都ok.. 我覺得以下兩款食物不錯:~ 旗魚丸湯 (相信係有少許墨魚,食落唔錯)~韮菜鍋貼 (可能我鍾意食韮菜, 肉少韮菜多, 正)荳漿就真係好飲, 好濃, 大家一定要飲~

朋友知道我愛吃,每星期午敍,都為我張羅!知道他心意,無論有多忙,都抽空付會!這天他帶我到八方雲集,台灣出名的鍋貼水餃專門店.這店在上年八月才進駐香港,半年已經有六間鋪,從來坐無虛席,相信回報十分可觀.我倆今天好彩,好快搵到位.望望餐牌, $26-$28的餐,包鍋貼或水餃併湯,合理.我們選了最傳統的韮菜鍋貼,招牌水餃,旗魚湯和酸辣湯.韮菜鍋貼: 皮薄餡幼,少油香口,幾好味.但韮菜味不強.招牌水餃: 皮少厚,有北方影子,紹菜爽口,提升水餃口感.旗魚湯: 旗魚丸味道似墨丸,外型不一,應該由魚滑做,可惜唔夠彈牙.酸辣湯: 唔似上海酸辣湯,唔夠酸,唔係辣椒油的辣,係胡椒粉的辣.Texture似生粉水,怪怪的.鍋貼水餃,味道對板,但個人覺得偏淡.店內有黑醋,鼓油,辣椒醬提味,但醬油的味道亦偏淡.也好,今天就少油少鹽,健康一點.

太子金魚街一帶,不經不覺有好幾間台式小店進駐,路過此地,突然化身為"西門町金魚佬".繼四海遊龍之後,另一間以台式餃子作主力的"八方雲集",亦相繼進軍香港.晚市人客頗多,一個人去勉何找到個位,不用搭檯.在此吃鍋貼,最好叫個餐,因為個餐比淨吃窩貼貴少少,我要的是招牌餃子.單叫$25有十隻.跟餐就加$1就送湯送飲品.鍋貼之外,亦有水餃,湯有中西不分的粟米濃湯,同旗魚丸湯,當然來個魚湯,粟米湯我自己煲也行.什麼是旗魚?官方名是馬林魚,吃落無論質感同味道,也同墨魚丸很似.我有點懷疑.剛好沒有餃子整定,所以我的一份是即煎,所以特別新鮮熱辣,台灣在多年前曾經受過日本統治過,而台式餃子,就帶有一點點日式餃子味道,外型呈長方形,因為即煎起,外皮自然香脆,內裏的餡料味道有點淡,兼有點乾.與其被矮寇弄到不倫不類,不如吃回樸實無華,忠於原著的北方味道.

上個月尾，趕着辦年貨，於是在MK找間快手食店食午餐。見這店新開時人頭擁擁，又排長龍，現在卻有位揀，於是便入去一試。(如果要排隊，我零願不食/不玩/不要，沒什麼大不了吧，要我呆站 …… 分鐘/小時。)我們叫了招牌鍋貼、韓式辣味鍋貼和韮菜水餃，跟魚丸湯。鍋貼要等很久，尤其是那招牌鍋貼，其他食物幾乎食完仍然未到，追單後還要多等三四分鐘才到。鍋貼很油，皮算薄身，鍋貼底也算脆口而且不燶；招牌鍋貼的菜肉料頗淡，沒特色。韓式辣味鍋貼的味道夠辣 (只是小辣，合我口味)，帶出了肉味。韮菜水餃是最好吃的，韮菜味道香口，如果可以更濃烈應會好得多。將水餃蘸上醋一起進食，比鍋貼跟醋的效果好得多。整體而言，水餃做得比較好；而且鍋貼和水餃有點乾身，如果有多點肉汁會吃得舒服些。湯和各種魚丸沒特別，只記得是淡淡的。

不夠一個月便出發到台灣, 但我仍然在吃台食看台劇. 樂此不疲. 不知不覺, 這幾年來台灣文化就暗暗地在沖撃著我們的生活台式餐廳, 咖啡店其門如市, 好啦, 昨晚路經八方雲集, 是間來自台灣, 新開業的水餃窩貼店.聽說在台灣有二百多間分店, 香港都有六間之多.店子內有個大個頭用台語不斷指揮著店員但有台灣人在卻不代表食物好捧, 水餃皮厚味淡, 窩貼煎得不夠香.個人寧願吃旺角街市 $3一個的窩貼, 我一個人可吞下五隻作下午茶. 服務普通, 其實根本沒服務吾言, 自己寫單再給服務員即可.筷子用具都是在抽屜自己拿出, 但抽屜感覺好污穢.酸辣湯不好飲, 非常重味精而且有粉團的, 超杰.豆漿反而不錯. 可以一試.

D服務差到冇朋友~~我星期六晚同女朋友諗住去試下~~入門口時都正常,有人帶位,雖然果時都(八點幾)已經多人,但都唔洗等~~一坐低見d紙都知要自己剔紙仔,我見到d餐可以雙拼,但張紙又冇得剔,咁我咪用自己既方法寫囉~~咁寫完就俾果'阿姐'啦,嘩~!呢果'阿姐'犀利啦~~佢攞咗張紙一睇,沉默兩秒,臉色變黑,擺出一副衰到冇朋友既臉口同我講:「雙拼唔係咁寫架!你下次咪咁寫啦!又要我同你寫過!」嘩~!我聽完真係火都黎,你張紙又冇得揀,我又會實識寫啦~~我忍佢...之後到上菜仲好笑~~'阿姐'(同一個人)拎碟鍋貼黎,問我係咪7A(檯號)呀~~嘩!我又實識答啦,佢真係以為我好似係到做咁!~~我忍~~我睇番張單答佢,佢先識放低...但佢由頭到尾都冇講過果碟係咩黎~~總結:食物一般,毫無特色可言~~服務態度惡劣~~唔會再有下次~~!!