八方台式麵屋 (九龍城廣場)

Open Now

Now Closed

自從午餐吃台灣菜，晚餐也吃台灣菜。晚餐選了這間的豐味牛肉麵系列，由午餐的台灣飯吃到晚餐的台灣麵。晚上禁堂食，所以外賣台灣菜做晚餐。點了一個台灣牛肉麵($58)。麵條和湯分開，便不會因麵條放在湯內太耐而浸腍和發脹。麵條旁還有我最喜愛的半隻溏心蛋、清香的芫茜和微鹹爽口的配菜。旁邊的熱湯底下有一大件紅蘿蔔和菜等，以熱湯保留着其食材的温度。把部分食材放到麵條上，可見食材其實很大份。當然少不得有濃郁牛肉味的牛肉，牛肉非常軟腍，有大約6-7大件，完全不韌。把麵條放回湯中，讓麵條掛上湯汁，麵條有點厚度，所以有煙煙韌韌的口感。黑糖珍珠鮮奶(+$20)，黑糖系列的飲品令人難以抗拒。黑糖奶茶喝得多，還是第一次喝黑糖鮮奶，比與黑糖奶茶截然不同，加了黑糖後的鮮奶變得更香甜綿滑，黑糖也不會被奶茶蓋了一半。最初以為加了黑糖的珍珠鮮奶會很甜，然而這杯的甜度適中，黑糖與鮮奶配搭合適。重點是這裏的珍珠煮得非常軟腍，軟腍中仍保留珍珠本身的煙韌。台式紅油雲吞6隻(+$18)，微辣，蔥粒和紅油混和在六粒雲吞之中，雲吞皮掛上紅油香。一口一粒雲吞，肉、蔥和辣油香在口中散發，這款香郁的小食令人胃口大開。

前日放工去左九龍城既八方台式麵屋買外賣反屋企食，第一次幫襯吾知味道如何呢！台灣小食豐味餐－台灣燥肉新竹米粉：依款台灣燥肉可以自行選擇麵或者新竹米粉，個人比較愛吃米粉，畢竟新竹米粉系台灣幾出名！米粉份量剛好一人食用，新竹米粉吸左入吾少既燥肉汁令整體味道更加入味，口感好滑啊！而燥肉吾會乾，整體味道也不錯；另有半隻蛋和菜作伴。師大香酥豬扒：豬扒味道帶少少咸，口感吾乾吾硬；大小適中。黑糖珍珠鮮奶：需要另加二十蚊。珍珠口感彈牙，而黑糖鮮奶甜度比例剛好。

係九龍城廣場AEON買完野, 行落去就見到八方台式麵屋, 光猛又乾乾淨淨, 就快快趣趣入去醫肚。香酥鷄翼炸到金黃色, 外皮非常香脆, 真正皮脆肉嫩喎!水餃水餃餡料飽滿, 皮薄但配上酸maymay既醬汁, 非常惹味!台灣牛肉麵湯頭夠濃味, 牛分別有有牛腱同牛腩 ,  大大塊牛腱既筋腱位分明望落好吸引, 有咬口又入味! 麵就稍為稔左D, , 另外仲有半熟蛋, 青菜, 紅籮蔔好豐富!台灣滷肉飯滷肉咸香而且非常入味,  份量足以撈哂成碗飯!冷泡桂花烏龍食飽飲依個感覺好舒服又可去油膩感, 茶味清香。黑糖珍珠鮮奶珍珠Q彈有黑糖味, 鮮奶奶香濃郁, 入口香滑, 正!

受第三波疫情爆發影響，餐廳六點後就唔開工，轉晒做外賣。行過九龍城廣場，見到呢間台式餐廳，放工人又攰，懶得煮餸所以就選擇買野食返屋企，全家一齊嘆。佢哋嘅主食選擇唔算好多，但小食同飲品方面就非常豐富。主食我哋揀咗牛肉麵、滷肉飯。餐廳方面都算好細心，主動將湯同面分開，避免攞返屋企過程中浸淋。而令我幾刮目相看嘅係，一般外賣麵食，要保持質素已經唔容易，但佢比我嘅感覺係非常優質，湯底濃郁，牛肉味濃，絕對交到貨。期待疫情過後，可以堂食再比較一下。另一方面，滷肉飯亦都冇令我失望。滷肉未非常濃，雖然肉比較肥，但係入口即溶，唔會有好肥膩嘅感覺。跟餐小食我哋叫咗師大香酥豬扒同埋台式鹽酥雞，通常喺出邊食到嘅豬扒都比較乾身，而且比較硬，但佢呢一個香酥豬扒肉質鬆軟，味道香濃，非常有驚喜。而鹽酥雞同樣高質，有豐富肉汁，肉都好嫩滑。另外我哋亦都點左幾個小食，花枝丸非常彈牙，而且有好新鮮有墨魚味。台灣古早味香腸非常香甜香口，十足台灣風味。台式香滷蛋，正宗台灣味道。總括嚟講，以呢一個價錢，可以食到呢一個味道，實在超水準！

今天要出外購物，順便買外賣午餐。經過「八方台式麵屋 」，台式料理都合我味道。選擇台灣乾拌麵套餐：台灣肉燥麵、、原味鍋貼、黑糖珍珠鮮奶。切得細細粒的滷肉燥濃香味美，麵質比較柔軟，麵沾了肉燥汁，入口鲜香四溢，很美味。煎得金黃漂亮的鍋貼夠香脆，菜肉餡料味鮮不鹹。黑糖珍珠鮮奶，沒有冰粒可保持鮮奶柔滑口感，黑糖有補中益氣、健脾暖胃，加入黑糖令鮮奶味道不再單一化，有嚼勁的珍珠也是我喜歡台式飲料的原因。另一款外賣：手工生鮮水餃，已經多次購買，回購，自然是好吃了！

又無得去旅行，又無得出街食晚飯，但唔怕無選擇。今晚去到九龍城廣場嘅八方台式麵屋，買個晚餐，感受吓久違嘅台灣風味。我買左個懷舊飄香滷肉飯，非常足料，滷肉嘅肥膏入口即溶，再加半隻滷蛋，用嚟伴飯係一級嘅享受。另外再加台式鹽酥雞，份量比我想像中多，可以係屋企同媽媽分享吓，雖然係炸品，但係拎到返屋企味道同口感都無減分。食咗唔少炸品，另外再嗌左杯冰凍嘅台灣苿香綠茶，調劑下。搵返台灣嘅回憶，為咗全城抗疫，間唔中叫個外賣都唔錯呀。

肺炎咁嚴重真係建議大家唔好出街，但依然要外賣美食返屋企！呢一間台灣餐廳真係極力要推介，原因真係非常之簡單因為其實你可以喺佢呢間餐廳食到台灣各款小食！每一款超級正宗而且價錢相當實惠，真係唔好話小編唔推薦啲好餐廳俾你地！麻醬椒香乾拌麵呢個麵真係好食到不得了點解咁講呢其實真係非常之簡單，因為用咗勁多麻醬啱晒小編依啲重口味之人，如果你哋都鍾意食芝麻醬同埋辣真係勁推薦呢個俾你！-基隆廟口麵線家陣去唔到旅行小編真係好掛住台灣好好味嘅麵線，佢哋呢一間食得出有台灣嘅味道！將所有大腸嘅精華都熬製出嚟，每一條麵線都吸收晒所以食落去真係置身於台灣咁。-黑糖珍珠奶茶佢哋嘅黑糖珍珠奶茶睇得出用咗好多心機去整，因為每粒珍珠都食到黑糖嘅味！唔知得街邊嗰啲珍珠奶茶舖只係單單加咗黑糖漿就算數，如果大家都鍾意飲黑糖珍珠奶茶，小編真係極力推薦大家去飲一杯野！

近排多咗來九龍城，某日發現了有間台灣美食叫『八方麵屋』。今日終於輪到你呢～『八方麵屋』，來到台灣鋪，少不了牛肉麵和滷肉飯，叫咗個『豐味牛肉麵系列』嘅『台灣牛肉麵』，追加小食『手工台式雲吞六隻』18蚊，同埋『原味鮮豆乳』10蚊。牛肉麵好足料，牛肉入味無『騷』味又够腍，湯底又濃又香，仲有紅，蘿卜及青菜，好味吖。朋友嗌咗另一系列『台灣小食豐味餐』嘅『懷舊飄香滷肉飯』，呢個餐嘅小食就唔使加錢，叫咗份『香酥雞翼3隻』，同朋友share咗香酥雞翼，一致認為係呢一年來食過的最佳雞翼之一，來到必食之物，表皮酥香不油膩，内裡鮮嫩不欺人。再加個20蚊的黑糖珍珠鮮奶，珍珠好腍，又係最佳之一，但對我來講，如果減少少甜就percfect啦。

早排經過九龍城，發現有間幾多人食嘅台式餐廳，晚餐時段最平$54，已經包括主食同小食，都算平民價，就入去試下～——————————🔹 紅燒湯麵 配 皮蛋豆腐 $54我叫了最平套餐，紅燒湯麵配皮蛋豆腐，再加$20黑糖珍珠鮮奶。這個紅燒湯麵沒有任何肉，只有蛋和菜，但份量和味道都超出預期好食，湯底微辣，有點似濃郁版日式出XX丁的紅燒牛肉麵，好飲😍而湯麵較粗身，麵質彈牙，放耐咗都唔會淋，反而更加索汁😋😋 配上旁邊酸菜，非常開胃！加埋半隻糖心蛋，好食😚皮蛋豆腐好夠味，醬汁是黏稠的甜醬油和蠔油，與冰涼的豆腐一齊食，開胃消滯！但皮蛋偏硬身，好難用筷子分開，口感會較差🤨黑糖珍珠鮮奶，賣相不錯👍🏼 珍珠煙韌彈牙，有濃郁黑糖味，但越飲越甜😂-🔸 懷舊飄香滷肉飯 配 台式鹽酥雞 $60朋友叫了滷肉飯和鹽酥雞，以及加$12冷泡桂花烏龍。賣相有啲港式風味，在滷肉飯旁邊有兩棵菜，還有半隻蛋！滷肉飯味道不錯，滷肉肥瘦均勻，湯汁香而濃郁，還帶點甜味，食完嘴還會有粘粘的感覺😋 正！台式鹽酥雞，有八件左右。炸得外脆內軟，肉質很嫩滑，又唔會太乾，好食😚冷泡桂花烏龍，勁大枝！一飲好香桂花味，後來有烏龍茶味，但不會苦，消暑解膩一

九龍城終於有間有質素既手調飲品店。【黑糖冬瓜茶】&【黑糖珍珠鮮奶】夏日炎炎飲返杯透心涼既冬瓜茶，清熱解渴又消暑，最正系佢既甜度少少甜，岩岩好！台式湯麵套餐 $54 包一個主食、一客小食，同埋優惠價加配一杯套餐飲品。【水餃湯麵】水餃系椰菜豬肉餡，無咩特別，但個湯底好正，睇落好清，但好濃厚，有d梅菜同芫茜調味。【皮蛋豆腐】岩哂夏天既凍食豆腐，滑脫脫拌岩燒汁同木魚碎，好特別。【台式鹵肉飯】半肥瘦鹵肉一d都吾膩，拌飯一流！

位於九龍城廣場內的「八方麵屋」 主打台灣美食， 因疫情關係不能去旅行， 一於在港品嚐台灣的地道美食 ，可解台灣相思之苦。「八方麵屋」的餐牌上，有各式各樣的台灣小食、麵線和飲品，我當然選擇經常去夜市會食的特色小食。《基隆廟口麵線》$22最喜歡這款細細幼幼的麵線，滑滑的，也不用多咀嚼，配上豬肉丸和豬大腸，真有夜市的風味。《肉燥麵》無論是肉燥飯還是肉燥麵，都是我至愛，這碗肉燥麵的肉燥不是打碎的，而是細細舊，肥瘦分明，食落不會感肥膩，肉燥汁拌勻麵線一起吃，濃淡合宜，還有半隻茶葉蛋呢！《鹽酥雞》雞球剛剛炸起，非常香脆，炸粉不太厚，咬落口還有很多肉汁，鹹香惹味！《豬扒刈包》$32 豬扒刈包是這店的特色之一，雪白的刈包皮夾著大大塊豬扒，配搭兩片青瓜和沙律醬汁，美味非常，讚。

九龍城其實係一個充滿著隱世美食既地方。 而今日就選擇左係九龍城廣場入面一間新開台灣菜，環境乾淨企理，食物同套餐選擇廣。-1⃣ 紅燒湯麵+原味水餃💰54（👅: 7.2/10）紅燒湯味濃郁帶點辣，掛湯能力唔錯，麵質彈牙。水餃餡料足，配上微辣醬汁幾惹味!-🔺黑糖珍珠鮮奶 ＋💰20（👅: 7.2/10）大大杯，好多珍珠，幾煙韌，有微微黑糖香。-2⃣懷舊飄香滷肉飯 + 台式鹽酥雞 💰60（👅: 7.5/10）滷肉飯幾有油香、呈半肥瘦，配搭粒粒白飯，濃而不膩。台式鹽酥雞外脆內軟，肉質酥嫩。-🔺冷泡桂花烏龍 ＋💰12 （👅: 7.5/10）清香桂花烏龍味，茶香十足，解膩解渴之選。

九龍城真係有好多好嘢食，今日就嚟呢間店平平地嘅台灣野。.懷舊飄香滷肉飯餐 $60佢嘅滷肉飯真係不得了，勁淋極入味，豬油嘅香味撈飯一流！呢個價錢仲包一份小食，同飲品加少少錢，我揀咗鹽雞翼三隻新鮮即炸香脆雞翼多汁，呢個價錢真係好抵食😋.台灣牛肉麵 $58 湯底估唔到咁濃味又香辣，牛肉軟淋有牛味，拍得住出面成舊水一碗嘅牛肉麵，仲有啲酸菜，牛肉麵好夾。呢個小食揀咗台灣香腸，真係似台灣食到嘅香腸，香脆又多汁。.黑糖珍珠鮮奶由於冇得揀甜度既關係，佢係比較甜，但係好香黑糖同牛奶味.冷泡桂花烏龍淡淡桂花清香，無糖啱晒我減肥🤣

嚟aeon買餸後食晚飯到，台灣就無得去啦，食台灣野就得！紅燒湯麵配皮蛋豆腐 $54紅燒湯麵辣度中度，嗆到兩下先適應到，哈哈！酸菜配彈牙麵，幾彈牙有厚度，份量剛好。有溏心蛋係驚喜！皮蛋豆腐豆腐非常之大件，再配合左木魚蔥花醬油汁好消暑。再加上皮蛋食落去有種透心涼嘅感覺，開胃。懷舊飄香滷肉飯配台式鹽酥雞 $60除咗肥肉比較多之外，味道好有台灣夜市感覺。好想去台灣呀！多汁入飯，肉肉林林，忍唔住食左肥肉呀呀呀~台式鹽酥雞勁脆，比想像中脆！熱氣下下，要飲下茶先得！鹽酥雞唔算太咸，小熱氣中算健康喔！黑糖珍珠鮮奶 +$20珍珠非常軟林，大讚！黑糖甜度up，平時無飲黑糖會將d甜度選到微糖，黑糖set好哂，飲難得一次「足糖」台飲！味道gd，最緊要係啲珍珠夠軟，鮮奶加黑糖滑脫脫！冷泡茶南投桂花烏龍+$12水樽美美，帶返屋企用幾次先得。桂花味極度香濃，為烏龍帶一絲花香！

疫情影響下，蜜桃小丸子懶惰下來，很久沒有寫食評了。今天在九龍城速食，試咗廣場內的一間台灣店。店舖裝潢簡單，自助形式，乾淨舒服。唔想食太多嘢，所以叫咗個炸雞滷肉飯。滷肉飯啲汁甜甜地幾香口，啲肉唔係太碎個隻，撈埋飯食幾開胃。蛋就唔係流心蛋，如果係流心應該會開心啲😂至於炸雞，超級熱辣辣，落咗椒鹽，所以炸得外脆内軟，驚喜位係有肉汁，食落好夠味，同個飯都好襯。總括而言，九龍城無乜台灣嘢食，如果速吃又想經濟實位，呢間都唔錯。