Bakehouse

Open Now

Now Closed

🌟赤柱嘅bakehouse好處就係終於唔使見到條排好耐嘅隊，我嗰日去買都係幾個人，喺附近赤柱餐廳食完下午茶，就決定食個葡撻，到咗葡撻非常有蛋香味，而且佢嘅酥皮真係好鬆化，起碼都食兩件以上，我哋就買咗幾件跟住外賣，熱辣辣啱啱出爐非常好食，推介一下俾鍾意食葡撻嘅朋友。好食程度（5粒🌟）🌟🌟🌟🌟抵食程度（5粒🌟）🌟🌟🌟🌟位置 （5粒🌟）🌟🌟🌟🌟🌟服務態度 （5粒🌟）🌟🌟🌟🌟🌟衞生程度 （5粒🌟）🌟🌟🌟🌟

Bakehouse📍赤柱赤柱大街116號地舖/灣仔大王東街14號地舖/中環蘇豪士丹頓街5號嘉彩閣地舖/尖沙咀漢口道44號地舖今日咁啱嚟到赤柱玩，發現原來bakehouse係呢度都有分店，唔洗排長龍就緊係要試下佢嘅招牌酸種蛋撻啦🤪酸種蛋撻💰12 (每人限購6個）Size 係一口size 😂好細個。撻皮酥脆、好似牛角包咁一層一層，蛋漿帶有焦糖味，味道好似葡撻，的確幾好食嘅👍不過推唔推薦大家/遊客專登去排隊食呢，我就有啲保留啦😂味道未去到驚為天人，就係好食嘅葡撻。遊客嚟香港想食港式風味嘅話，都係喺地區餅舖/茶餐廳買返個仲好，又平啲又大個啲🫣#香港美食 #美食推薦 #美食日記 #窮遊 #香港美食推介 #bakehouse #蛋撻關注組 #蛋撻 #港式蛋撻 #葡撻 #人氣美食 #焦糖 #food #eggtart #pasteldenata #hongkongfood #hongkongfoodie #travel #traveltohk #hkbakery

呢間網上好多人介紹既麵包舖，平時見銅鑼灣、灣仔或尖沙咀店都大排長龍，唔想排隊嘅關係所以一直無去食，有日去赤柱去下街食下嘢，行到一條巷仔發現呢間鋪頭，而且得幾個人排隊。我即刻二話不說買黎試下。望落去鋪頭令人覺得置身於外國般，門口外面有2張枱，比人可以坐低食嘢。買咗蛋撻、vanilla doughnut同一杯熱嘅chocolate ，即刻坐低食咗先。朱古力係用Ecuador 66%，偏dark chocolate 味，味道偏濃，重朱古力苦味。另外蛋撻拎到上手已經扁咗同淋咗少少，味道ok嘅，但未去到要為咗佢去排隊食既程度。Vanilla doughnut 都唔錯，vanilla 吉士醬夠多同香，doughnut幾軟熟。

曾幾何時喺灣仔都要排住隊等買個包嚟食銅鑼灣都排到人山人海見入開赤柱，就順便行去睇吓呢間新開無耐嘅分店結果竟然得一個客坐緊喺出邊玩電腦完全唔需要排隊嘅情況底下就已經可以立即買到佢嘅出名egg tart ($12)同Unami roll ($30)。不過個人覺得都係甜味嘅肉桂卷好食啲，而家呢個加咗蔥 鹹鹹地，所以覺得怪怪地。egg tart就同其他分店一樣保持水準,即使凍咗都仍然好食。下次如果夠足夠時間，都希望可以坐低食，同埋順便叫杯佢嘅咖啡試吓睇吓好唔好飲

之前成日見到好好好好多人排隊既 bakehouse, 一直都想試下係咪咁好食, 但真係唔想排..😅咁啱去赤柱 hea 遊, 仲要見到完全唔駛排隊, 唔係唔試下丫嘛!🤭買左 sourdough egg tart🥧 + apple crumble danish🍎!Egg tart 唔算好甜, 但口感同味道都一流😋 蛋非常細滑, 皮有少少脆邊, 仲要只係 $12 一個, 抵食!danish 同樣超驚喜, 有吉士做餡, 好 creamy, 加上蘋果肉少少酸, 非常開胃!兩款都好驚喜, 唔怪得咁多人排隊喇!!🥰地址 : Bakehouse赤柱赤柱大街116號地舖評分 : 8.5/10

記得之前睇過介紹話赤柱嘅Bakehouse有赤柱限定嘅包🤩所以就諗住順便搵下店鋪位於橫街窄巷 要花點心思先搵到🤔不過去到嘅時候有種搵到世外桃源嘅感覺裝修配合返呢個有歐陸風情嘅地方😎.🌟Ceylon Cinnamon Buns ($30)呢個錫蘭肉桂包比起普通嘅肉桂包多左陣茶香味☕️而且唔會太甜 的確幾特別麵包亦都係一貫水準 足料得黎鬆化👍作為下午茶真係一個好選擇.店鋪只有戶外位置可以進食如果落雨就要外賣了☔️

Ceylon cinnamon bun $30赤柱限定！Ceylon cinnamon係錫蘭肉桂 i.e 真肉桂，帶花香、柑橘香，風味比普通肉桂粉清新。表面有層糖霜，所以都唔可以翻熱食。唔知係唔係我第二日先食嘅關係，所以麵包偏乾，口感紮實，個人覺得唔夠鬆軟。淡淡牛油味，味道冇Cinnamon pecan roll咁死甜，但都係偏甜。肉桂味濃而唔膩，帶焦糖香，後勁有陣果香。表面仲有少少果仁點綴，但份量略為少咗啲🥲

新店唔算好大，店員就很多，非常有效率，新店有少量outdoor位，不過個位置好曬，大熱天唔坐低食，take away去沙灘或回家食。酸種葡撻 $12酥皮好有層次口感正，而且仲好香，個蛋十分嫩滑，一個真係唔夠喉。每次買親都要食，今次新店人流少，唔使排隊，直接買到，正。丹麥鮮味卷（新品）$4X好似港式蔥油餅，以丹麥麵包製成，加入蝦粉、芝士、大蔥，個面塗上甜豉油，味道係咸香惹味，好特別。Raspberry 冬甩 $4X炸到鬆軟冬甩，有大量砂糖好香甜，個Raspberry Jam 酸酸地，正好中和冬甩嘅甜，味道剛好唔會膩。今次新店有限定新品，味道好新穎有搶意，所以特別入來食。仲有錫蘭肉桂包同拖肥朱古力曲奇，下次再來食。

得知bakehouse在赤柱的新店6月18日開幕，趁假期就入赤柱支持一下店子style和其他店有點點分別， 白色外牆襯上黑框，帶點點歐陸風全透明門令天然光透入店外還備有兩組戶外檯櫈好鍾意那些黃色燈，有點像香港濕街市檔那些紅色燈到店就看見大廚Greg開心忙著招呼顧客各staff也忙得不亦樂乎烘焙款色主要是bakehouse人氣度高的產品,如蛋撻、牛酥包、三款酸種麵包、法包等等可愛的小狗也新店打卡bakehouse Stanley位於赤柱大街116號小店藏在赤柱市場附近的一條小巷子裡，雖然有點點隱蔽，但也絕對值得一遊

呢個星期六日冇安排節目俾自己想休息多啲😅然後訓醒又冇野做影相癮發作😅就去左今日新開既Bakehouse 赤柱分店🥳@bakehousehk其他分店日日大排長龍🐉呢度終於唔使點等就買到餅店位於赤柱大街唔算難搵買完行幾步去海邊食都幾Chill㗎🍪Double Chocolate Cookie 軟曲奇但餅邊係脆既淨係口感已經好有驚喜而且朱古力甘苦味突出呃曬怕甜既我20蚊黎講想當足料可以話好扺食🐣酸種葡撻好似話係其他分店都未必買到㗎前面即客人都係半打半打咁買葡撻蛋香同焦糖香都勁濃又夠嫩滑難怪成為人氣美食而現場見唔到有牛角包所以冇買到