超哥印尼手打麵 (Closed)

經過見到幾特別同朋友入嚟試下，叫左一個客家沙律同炸雞飯，個沙律有驚艷到！佢個醬甜甜地幾特別！花生都好香！青瓜菠蘿同沙葛撈埋一齊食好fresh😂個炸雞飯都好正！即叫即炸！唔係炸定擺係度個啲朋友叫左個撈麵同炒河，不過唔記得影相，撈麵加辣超好食，酸酸辣辣咁好過癮，炒河超級香，係海鮮炒河黎，淨係聞都已經勁想食埋單都係200蚊，幾抵食！佢啲辣醬係自整好辣好好食可惜辣醬冇得就咁買😭但真係值得一試，下次會再黎食

昨晚經過深水埗，諗唔到食咩好，於是在街上隨意選了一間餐廳，眼見這間餐廳的裝修也很新，應該是新開，而且在openrice上並沒有任何食評，所以相信是新開，於是入去一試。入到去看到餐牌，選擇不多，點了一個手打撈麵、海鮮炒手打麵、蝦醬蝦米炒通菜。但當上枱後，完全失望。首先，這間餐廳主打印尼菜，但用的碗碟卻是大排檔般的公雞碗碟。兩個麵上枱後，個麵嘅份量少到好似一個街邊印尼撈麵咁。咁我點了一個手打撈麵，份量少我都算講得通，但係佢個餐牌係寫「手打撈麵」，咁俾我嘅感覺啲麵身應該會係類似拉麵咁，點知竟然係即食麵，而且仲要係最cheap嗰種印撈(並唔係營多)，食落去唔好食。另外到海鮮炒手打麵，食落去唔似炒，似就咁落豉油撈多啲，份量又係少，我諗佢嘅份量係一般茶餐廳炒麵份量嘅3份1，但價錢又同茶餐廳一樣。到蝦醬蝦米炒通菜，碟茶係有少少蝦醬味，但一粒蝦米都見唔到。整體來說，這間餐廳唔好食、選擇少、味道普通、價錢偏貴(同樣食物相比)， 希望間餐廳會改善。

印尼手打撈麵細個去印尼成日食超鍾意食！！！🤤🤤番黎香港都係人地屋企整完賣先有得食 仲越黎越貴成60幾蚊一包近幾年仲少之有少 搵唔到了⋯今次終於搵到了～仲要好好食！Bakmi Singkawang哩款麵的麵質很好，彈牙有嚼勁，充滿油香味，鍾意食辣仲可以加佢啲辣醬；啲豬皮脆卜卜勁香口～佢個Kwetiau Goreng Seafood海鮮炒河都唔錯 料多過啲河😂個珍多冰都好飲～～去印尼必食Bakso sapi 牛丸湯粉但好可惜今次冇得試！下次會再黎食～～推介推介！！

今日同女友係深水埗行街，行行下大家都肚餓，經過一間印尼菜既店，感覺幾特別，我地決定試下店內環境清潔。充滿著印尼話，好有異國風情食物選擇還可以，最重要係價廉物美飲品先到，黑咖啡，咖啡味重，夠晒提神！凍好立克，幾好飲夠味。印尼炒飯，大大碟，鑊氣夠，味道不錯！海鮮炒手打麵，麵有咬口，蝦大大隻同新鮮蝦醬蝦米炒通菜，份量夠，蝦醬味都重，夠晒惹味，令人食慾大增！埋單食左$167，我地食到好飽，印尼菜黎講都幾抵食，值得再來惠顧

黎到深水埗，買電腦買game，去黃金啦，要尋寶，去鴨寮街啦，食印尼野，當然搵超哥啦話說，小妹真係生平第1次食印尼野，果然有驚喜舖頭小小，但裝修行簡約風，坐得都好舒服，同外面繁忙又人來人往既街形成好大對脾🤣，牆上有依個手寫裝飾，唔記得左問店員點解添，下次再問先（乘機又有藉口再食多次）有野食黎啦第1樣係印尼炒飯，以前對印尼野既認知只有印尼蝦片🤣，估唔到印尼炒飯好好食，唔係有d咩特別既材料，但個炒飯粒粒分明，而且調味好好，食落好香口，我估(嗱，係我估姐🙆🏻‍♀️）如果係印尼人食，1定食到家的感覺(唔知係咪呢）第2樣係海鮮炒手打麵，有d似豉油王炒麵加海鮮，同樣炒得好香口，而且麵好乾身，但又唔會覺油淋淋第3樣係蝦醬炒通菜，因為小妹好鐘意食蝦醬，所以依個菜真係我杯菜😆，蝦醬好香，菜好翠綠新鮮，又嫩口，實在係1棵靚菜另外野飲叫左珍多冰，野飲就真係稍為過甜，唔知係咪好似泰國奶茶d friend咁，通常都會甜d呢🤔，印尼特式🤔？如果可以有個減甜改良板咁就好啦整體而言，環境食品不錯，響深水埗尋完寶搵食多1個新選擇