超哥印尼手打麵 (Closed)

Have you ever tried Indonesian Noodle?(Except Indomie 🤣)If not then, do try Bakmi Singkawang in Sham Shui Po. The noodle has a chewy texture, it’s savory with a hint of sourness from the vinegar.They give plenty of toppings like char siu, pork skin, meatballs, fish cakes, and vegetables.We enjoyed it! ❤️Bakmi Singkawang

今日做到冇停手，但總有食飯嘅時候！啱啱就見到有生果日報推薦呢一度食飯，見近近地就嚟呢度食啦！一入門口嘩嚇咗一跳人影都冇隻，從來未見過生果日報推薦嘅會冇人喎，咁死啦會唔會中伏㗎！ 但一場嚟到都要試吓嘅而且價錢又唔係貴好嘅有一餐唔好嘅又一餐啦😀叫左個海鮮炒手打麵、印尼炒飯、兩杯甜茶，一共$122，都算係咁啦，唔平也唔貴！真係即叫即整全間舖頭得我哋兩個人炒兩碟飯都要等咗15分鐘左右，新鮮到呢⋯海鮮炒手打麵：賣相OK，睇落都覺得咸，原來食落都真係幾咸，如果淡少少嘅話就好啦！不過如果淡咗啲係咪冇咁正宗呢？咁就要請教一下印尼人啦！印尼炒飯：睇相係冇送雞蛋🥚喎，但係啲飯出到嚟又真係煎多隻雞蛋俾你！窩心！印尼甜茶：響出邊飲唔到，所以加$7就試吓啦！飲落又真係幾好飲喎！侍應四眼小妹妹，好努力咁工作，加油年青人！

同朋友路過深水埗一帶，轉左入哩間超哥印尼手打麵。佢嗌左一個撈河粉而我嗌左一個刨冰。建基於我唔食辣，而朋友又好似同自己個腸胃有仇咁落左唔少辣醬，我就冇試到個撈河粉。撈河粉既配料相當豐富，河粉本身有味但可以選擇自己加醋同辣醬。至於刨冰，佢本身係有紅豆綠豆，雜果涼粉同其他嘢。我叫左走豆，佢就加左更多既雜果涼粉比我！除左雜果涼粉之外配料仲有啲睇落好似東南亞特色食品既嘢，綠色一條條咁。刨冰味道幾夠，唔會話有啲位有味有啲位冇。總括而言，環境整體乾淨舒適，食物價錢合理，可以一試！

出生在印尼華僑家庭，從小到大，媽媽有時會從上水一間小店買印尼撈麵（不是營多）給我，我們叫它做「Yaam Mian」，是一種黃色的麵條，不是特別彈牙，配以一些印尼式叉燒為伴菜。因為吃不了辣，所以我只加醋，酸酸的十分開胃。每次媽媽去上水，我都好期待她會帶著Yaam Mian回家，可是有一天，媽媽說那間小店結業了，其後，她也有從其他店買過Yaam Mian，但感覺都不及上水的好吃。從媒體得知深水埗開了一間印尼手打麵店，所以特地帶媽媽來試試。我們點了兩碗超哥Yaam Mian和一杯珍多冰。先說說麵，整體來說我們覺得OK，但麵比較乾，開頭覺得很好吃，但吃到尾段就有種要強行才能嚥下的感覺……但說實話，我覺得$38可以吃到這種印尼風味麵食，而且是人手打的麵，真的是很抵！至於珍多冰，我認為是不合格的，一來太太太甜，但那些珍多條卻完全沒有味道……我和媽媽說：幸好我們只點了一杯。最後想說的是，當天見到很多香港人光顧，點了Yaam Mian，心裏是很開心的，樂見越來越多人認識並欣賞這種印尼特色食物。除了大家熟悉的營多撈麵，其實還有很多印尼食物都值得一試！

小時經常跟家人探親，印尼地道美食成為了童年回憶之一。疫症一來，多了在家獨處的時間，懷念往事回憶成為了日常，不知何時才能回味印尼的地道風味。早前見網上介紹，罕有地有餐廳售賣地道的印尼撈麵，連叉燒等配料都很好的再現了。趁著休假，心血來潮便專程光顧。如果沒有吃過印尼地道撈麵這款可能並不討喜，因為它不像廣為人知即食麵的「Indomie印尼撈麵」那樣重口味，沒有那種即食麵吸了甜醬油和蒜油的咸甜。這種印尼撈麵是爽口的麵質，調味也相對清新，微酸，論風味配料來說再現程度接近滿分。據說麵是店主從小跟家人學習，自家生產，吃起來是新鮮爽口沒有噏味，跟回憶中麵的味道感覺更可口。$38一份地道印尼撈麵，在香港地，份量十足也是超值。這次買了兩盒外帶回家，與家人吃的津津樂道，齊齊整整，也算是疫情下的小確幸。

話說我最鍾意發掘區內嘅新餐廳，得知之前喺巷仔經營居酒屋小館嘅舖仔轉咗手，變咗印尼菜館🇮🇩，就已經想幫襯多時。不過由於店舖真係太細，所以幾次去到都無位，上網仲見到話要排隊😱。可能熱潮已過，星期五午飯時段去到居然唔洗等。舖頭維持上手裝修，只係轉咗啲掛畫咁解。餐廳仍然係好細，坐得幾迫下，全店應該唔多過廿個座位，當中有幾個高嘅吧枱位，感覺都幾Chill嘅，但唔似食印尼嘢囉🤣。事不宜遲，我哋即刻睇下有乜好食，除咗由細食到大嘅「營多麼需要你」即食麵外，我對印尼菜一竅不通，哈哈。餐廳有賣麵同飯，價錢介乎$38-$55，唔算貴，但飲品以原價計算，又唔太抵，即係落樓都可能要$7X-$8X一個人🤔。食物看似有選擇，但其實當你唔食飯，麵食係得幾款，撈或湯或炒+手打麵或河粉或烏冬等🙈。手打撈麵Bakmi Singkawang($38)，首先要澄清一樣嘢，手打麵係真係唔同營多，味道同口感都完全唔似，哈哈😂。一上枱嘅時候，我覺得碗麵份量勁少，但原來係錯覺，麵量超多的。不過我唔太啱食，麵質食落有啲似煮唔開嘅公仔麵，但又稱唔上爽，怪怪的。除咗麵質外，撈麵亦都好淡味下，唔係營多嘅重口味。食到一半，我忍唔住落咗隨麵奉上嘅

朋友父母是印尼華僑， 帶個專家嚟試下，究竟算唔算正宗印尼撈麵？店舖門面裝修有些特別有個人風格，問朋友在印尼麵舖是不是這樣裝修，她說印尼這類型通常都是街邊檔沒有裝修🤣點餐時朋友用印尼話，竟然服務員係唔識聽嘅，到最後梗係用返廣東話啦🤣🤣大廚堅持每日自己手打嘅撈麵， 我就唔係太識欣賞，加上東南亞都比較鍾意用全瘦嘅叉燒，味道感覺真係有啲東南亞風味，適唔適合香港人？我就唔係咁睇好。巴東牛肉飯-個汁就幾香，不過啲牛肉都係抆到柴曬皮，有啲似煲湯湯渣肉感覺，食起上嚟真係要有啲牙力，老人家真係唔好試。芽菜品種是肥肥地圓圓地短短地，似馬來西亞品種嘅 芽菜，味唔錯加上呢隻芽菜口感比港式嘅芽菜更有芽菜味。印尼刨冰Es Campur- 有點熱像式刨冰店員，加入椰奶，大熱天時消暑佳品。PS. 朋友話雖然跟在印尼當地食有分別，但亦很接近，算正宗印尼人整法。我個人就覺得如果完全唔改良，香港人接唔接受到就係一個疑問？得罪師父講句， 我覺得indomie加條廚師腸再加隻荷包蛋仲好食啲🤭，不過疫情下冇得去旅行或者屋企有個印傭，帶佢嚟感受下返家鄉嘅感覺又何妨呢？食物賣相＝(滿分20) 15食物味道＝(滿分20) 12服務質素

呢個鋪位最近又轉咗手，開咗一間印尼餐廳，因為入面鋪仔細細，之前行過幾次都係滿座，今日終於有機會試到。餐牌都印得幾精美，選擇都幾多，不過本身比較少食印尼菜，所以都冇乜太多idea。呢個手打撈麵應該係佢哋嘅招牌菜，望落賣相都好七彩繽紛，原來印尼手打麵相對普通即食麵來講粗幼差唔多，但就比較硬身，撈麵上面都係一啲印尼專有嘅配菜，其實都唔係太清楚係啲乜嘢材料，不過都係類似一啲豆製品同埋魚蛋之類，都幾特色。另外仲叫咗海鮮炒手打麵，呢個就比較似我哋港式嘅豉油王炒麵，醬料深色得來又唔鹹，我就鍾意佢有好多菜混埋一齊食，而且仲有魷魚、蝦、雞肉、同埋一啲印尼專有嘅配菜，都幾唔錯！店員有介紹呢兩支分別係醋同埋辣椒醬，應該都係印尼食法，呢個辣椒醬千祈唔好睇小，原來係超級辣嘅，所以建議落少少試試味先，否則真係一發不可收拾。見到好多食客都有食呢個刨冰，所以我哋都叫返一個做飯後甜品，刨冰入面有好多唔同嘅雜果同豆類，冰碎刨得好柔細好綿滑，上面就淋咗有唔同嘅果汁同埋煉奶，混埋一齊好好食😋喺呢間餐廳食嘢嘅時候，不斷見到有好多印尼華僑嚟幫襯，而且佢哋同店員有講有笑，相信應該係熟客，所以啱唔啱口味就見仁見智，但我好相信呢間印尼

之前睇食評話排晒隊好彩又冇 一去到就有位👍🏻✨手打撈麵 hk$38麵條有啲似伊麵 但食落都煙韌配料有豆卜、炸豬皮、芽菜、叉燒、魚蛋叉燒係東南亞style 超乾身出面紅到似染色嗰隻食嘅時候落醬油、辣醬、醋 好香🔥好惹味✨黑咖啡 hk$12因為天氣太熱 叫咗杯凍啡 冇奶啱晒我🤓

讚1. 手打麵既麵質係幾好，爽滑，$38黎講都幾大碗，豬油渣脆身香口；沙律既醬料係均勻，惹味，青瓜同沙葛切得件件一樣大細，做得開胃，珍多冰既椰糖味幾香2. 服務好，雖然超人多，但啲夥計好有笑容，值得一讚，仲不斷咁幫客抹野，同叫等緊位既人係後巷坐下先咁，態度幾好彈1. 手打麵只建議食撈或炒，湯既食法真係好濕，太爛，紅色瘦肉係有東南亞風味，但真係堅韌，要改善；沙律入面，炸蝦片、花生都炸得過左火位，焦左，食食下係食到啲焦味，咁唔得蹯2. 望牆上餐牌，以為好多野揀，但實際上果啲通通都係參考圖片

小店就係咁座位就得10個左右，要食好嘢小店就冇辦法要排下隊啦環境唔算好好坐得都比較平不過整體來講都好乾淨嘅睇見報道佢話係超過自己親手每日打既麵最多都係整到200個，的確麵質非常彈牙，配咗好多印尼嘅配料例如有叉燒肉粒炸豬皮魚蛋等等，再加埋豬油同小小醋，可以話同平時自己整嘅營多撈麵差天共地，味道唔算好濃啱啱好印尼炒飯發揮正常會上印尼嘅豉油汁，分量足夠略嫌配料有點少呢個係客家沙律就覺得還可以不過女朋友就唔係太鍾意，佢配上好多唔同嘅香料花生碎等等味道好濃咁熱當然要飲番杯冰凍嘅三色冰啦，下低係自家製嘅椰糖應該有用斑斕葉再加煮過，配上椰汁，唔錯唔錯！

一間在深水埗街邊的餐廳, 叫咗一個印尼叉雞飯, 同埋一杯珍多冰杯珍多冰好甜, 不過都正常嘅, 咁通常呢類飲品係偏甜, 但係佢入面啲綠色糕就太淋, 完全無咬口, 而且杯飲品表面有層水(即係好似平時啲凍奶茶咁, 擺得太耐啲冰融咗, 變咗有層水浮口咁)至於個印尼叉雞飯, 其實同一般燒味飯無咩分別, 只不過係多咗幾舊酸瓜同埋個汁唔同, 啲叉燒同油雞咬落去凍冰冰, 同埋無乜味, 仲有佢個飯超多汁, 令到啲飯好淋,  成碟飯都麻麻地, 以同樣價錢食返平時茶餐廳啲叉雞飯好似仲正啲

今晚屋企無飯食，於是就唯有出街搵吓，睇吓有咩好嘢食。行咗陣都諗唔到食乜好，見到有間印尼手打麵，心諗未食過手打麵，試吓都好，於是就入咗去。入到去見到餐牌，佢應該主打係食麵，因為除咗麵之外都無咩選擇。但見到隔離枱碗麵好細碗，自己本身又大食，再加上睇到餐牌碗麵都成差唔多40蚊，覺得唔係好抵，所以就無叫。跟手見到餐牌有個印尼叉雞飯，都想知印尼的燒味飯係點，所以就見咗呢個，另外見到有黑咖啡，自己又鍾意飲，所以就叫埋。碟飯上到枱之後，望落去個賣相同普通燒味飯無咩分別，咁可能係啲味會唔同，都無理咁多就食。食落去覺得同餐記燒味飯無唔同，但係收50幾蚊，覺得有啲貴。到杯黑咖啡，同普通茶記咖啡一模一樣，完全唔黑，飲唔出點黑法，不過係睇都睇唔出。

今日買完電腦之後，見到有間印尼餐廳，有幾新，而且無乜點食過印尼菜，突然間好想食，所以入咗去。坐底之後睇餐牌，選擇好少(啲飯、麵各自都係得幾款，本身見到有個印尼叉雞飯想試吓同普通燒味飯有咩唔同，當上叫嘅時候，見到人哋啱啱有個叉雞飯上枱，見到之後即刻轉呔叫手打麵(原因唔多講)。個麵都好快上枱，幾快手。食落去無咩特別(同食營多差唔多)，好快食完(因為份量真係同營多差唔多)，不過價錢夠食10個營多。之後去咗食撈撈，反而覺得個撈撈仲正。

之前食過尖沙咀印尼餐廳，印象還可以，好耐之前亦試過其他印尼店，對我來講1入舖頭有陣味，仲有比較多蚊滋，但係今次一試呢間超哥印尼手打麵，可能有小小鐘意左佢。係黃金條街間麥當勞斜對角馬路便找到。首先一入店，立即有店員親切招呼，由於我1個人，所以安排左bar枱。可以睇到風景主菜來了，首先來到招牌手打麵真係好彈牙，聽店主講是印尼師傅每天早幾個鐘回店親自買料同手打出來值得加分之後店員推介左地道印尼沙律，原來佢有波蘿，沙葛，青瓜，仲有麻薯片，甜甜酸酸苦苦辣辣又幾過隱，不如叫四季沙律，齊4味，仲有杯甜茶，好有巴厘島風味最後叫多左個蒜蓉炒通菜，幾好味，爽爽聲又唔濕，ok的。最後總結：店舖裝修企理，冇異味，小蚊滋，黃金麥當勞斜對角好易搵，而店員服務也不錯，會介紹有乜好食，最後雖然出菜耐小小，店員解釋因為每道菜也是即叫即煮，用心制作，所大家食好西便要等多一會兒.......總括嚟講當然令我對d 印尼店印象完全改觀，會帶home人同朋友來食。