Balalaika (Closed)

破了最快食「純」西餐的紀錄。只要了Melon Platter w/ Ham：雖然知道冷盤一定係pre-made，但30 秒上檯又真係有少少「O」嘴...蜜瓜、哈密瓜雖然甜美，不太熟，但同風乾火腿一樣，唔凍唔熱，唔知盤野o係廚房儲存o係邊個位置？甜品係比拳頭還要細的Creme Brulee，唔使3 羹就KO o左。其實仲有兩塊zucchini 麵包條的，但兩條既體積，夾埋都唔夠一個餐包仔咁大。幸而今天真的趕時間，要不都唔知如何打發剩下的午膳時間。

經常路過蘭桂坊這間Balalaika都過門不入，覺得幾貴又唔知好唔好食；今次碰巧有信用卡優惠套餐，又想幫個好朋友慶祝生日，於是一起去試新口味。結果感覺良好，不知是否剛做完運動關係，十分肚餓得來覺得每道菜都好好味；炸三文魚餅很香脆，芝士麵包又好香，牛尾湯也轉眼間飲到碗底朝天；但羊鞍就燒得太燶羊肋骨又好生，反而羊肉丸就ｏｋ；炸銀鱈魚就一般，表層炸皮太厚了。最美味就是俄式布甸，好滑好creamy呀~~~！氣氛很好，整晚都有人彈唱俄羅斯歌曲；每次送上串燒時，也會點火在客人面前燒多次，大家再拍拍手掌，令人很高興。另外，飲品我們想試些non-alcoholic drink，侍應介紹了一種傳統Russian Drink叫Medovuha，是辣根汁加蜜糖加檸檬汁煮完再發酵，初飲時會覺得味道很怪像咳水，但飲多幾口就上癮慾罷不能。我後來才知因為發酵過所以有５％酒精，只是已飲了大半杯，我又對酒精敏感；結果我暈佗佗又面紅到似隻熟蝦，幸好還記得怎樣簽信用卡結帳。

東亞咭推了很多優惠餐單，除了御泰坊之外，Balalaika是另一間又抵食又吸引的餐廳。上週二，與龍一起去重溫這間俄羅斯餐廳。　第一次去中環店，是夜下著不小的雨，路途上有點不便。也有好處的，就是食客不多，感覺寧靜不少；而且中環店環境比諾士佛台店稍好，整晚食得很舒服。　二人套餐內容幾豐富，包括：　俄式芝士麵包釀煙火腿-平日我很喜歡這種有咬口的白包，何況加上芝士；不過當是第一道菜就略嫌太乾炸三文魚餅檸檬水瓜紐汁-炸得剛好，上檯仍很香，加上醒神的檸檬汁，比前一個頭盤稍好。不過給我選，我還是喜歡吃焗或煮的魚牛尾羅宋湯-味道不錯，還可以加上酸忌廉，幾特別。我最喜歡大大的木湯匙，造型惹笑可愛!串燒羊肉三重奏-點火/歡呼的過程幾過癮，味道也ok，除了羊肉腸較漏，羊鞍與羊肋骨都很香口基輔式炸銀鱈魚釀紫蘇牛油-同為炸魚，主菜比頭盤好吃，主要因為銀鱈魚中間釀了basil香草，中和了油膩感，不錯!不過與串燒一樣，侍應很快的將食物分配好，來不及拍下食物原有美態...俄式布甸-第二次吃，口感仍然保持滑溜，在大魚大肉後吃到甜中帶酸的甜品，都不錯。最後來一杯凍咖啡，大家都覺得很飽足。　九點左右，俄藉歌手開始到每檯彈唱

又用信用咭優惠, 今次又係叫個二人餐, 食物包括：炸三文魚餅檸檬水瓜紐汁-魚餅炸得好脆, 又唔太厚, 都幾好食~俄式芝士麵包釀火腿-好濃芝士味, 但又唔覺釀火腿入面喎, 一般啦~牛尾/素菜羅宋湯-牛尾羅宋湯好味過素菜羅宋湯好多, 素菜湯太清, 牛尾湯有D肉味, 濃好多~串燒羊肉三重奏-有羊肉腸, 羊鞍同埋羊肋骨, 我唔食羊, 所以唔知好唔好味, 剩係聞到好羶~基輔式炸銀鱈魚釀紫蘇牛油-個面亦係炸得好脆, 但個鱈魚好鞋, 都只係一般~俄式布甸-個布甸幾好味, 但個汁就酸D...咖啡/茶總算試過乜係俄羅斯菜, 可能唔我口味啦, 我又唔覺得好食囉~P.S. 度晚餐可以入去個-20度ICE BAR度影張相, 好凍呀~

我用東亞信用卡,此套餐有半價惠優,半價是5901)煙三文魚火箭菜沙津紅酒醋汁(食火箭菜...真是有種食野草的感覺,其他ok)2)俄式凍什肉拼盤ok2)俄國茄子沙津伴農夫包ok4)羅宋湯(可選素/牛肉) ok5)面包焗紅腰豆及白豆繪牛仔臉/額肉,有飯跟...但唔講真係唔知是臉和額的肉....ok6)串燒香蒜春雞..肉幾滑7)焗原條海鱸魚伴東原茄黑水欖杏仁醬(無乜味)8)龍蝦油炒鮮蟹肉扁面好食9)甜品拼盤, 4種唔同味,凍的自己加了一個生日cake $98 4式面包,4款不同

一來到, 便ORDER了vodka, 穿起皮草, 參觀一下冷藏酒庫.叫了麵包, 一個starter, 兩個主菜, 一個dessert.麵包兩件, 一件是三文魚餡, 一件是雜菌, 後者味道較佳.酸忌廉魚子醬蘑菰, 味道非常突別...我的aristocratic trout 為錫紙包著焗魚, 魚是一整條的, 肉地非常嫩, 顫底有類似白汁煮的海鮮, 有蜆肉魷魚等. 吃得很飽.朋友的海鮮串燒即場淋上酒(?)燒起來, 火焰直衝天花板. 海鮮包括銀鱈魚, 三文魚, 大蝦等, 還有雜菜一起上. 味道只是一般.最後要了個Russian Pudding, Pudding 個body是很輕情很軟滑的雲呢拿mousse類物體, 伴上覆盤子+黑加侖子汁和鋪面的lady fingers, 入口非常討好.Honestly speaking, 食物不是驚為天人的美味. 但令人賓至如歸的服務, 加上一流的用餐環境(還有即場有侍應以中英俄三國語言為壽星仔女賀生日...), 令此頓飯物有所值.

這晚去得早，所以無訂位。這個地方雖掛名在雲鹹街，但是從蘭桂芳上去最方便。如果不熟地形的話，第一次去找有點費事。熱頭盤： 菠菜、蟹肉三文魚籽－菠菜做的細細，十分的入味。蟹肉也頗鮮美，處理得不錯，但上面的三文魚籽很鹹。湯: 羅宋湯加豬手（$55）－蕃茄、胡蘿蔔、豬手。不像平時常喝的羅宋湯，配上酸忌廉，十分出色。喝完後，回味無窮。當晚，女友點的是南瓜湯(Pumpkin Soup $50)，帶少少甜味，也很好喝。主菜： 傳統俄式麵包砂鍋（配炒飯）之黃薑焗海艫魚（$135）－鍋面的麵包很硬，吃起來一般。炒飯乾身，顆粒分明。砂鍋的香濃汁料，好吃歸吃吃，但吃完後感覺太油膩和鹹。相信配上白飯後，一定更合口味且不會太鹹。 格魯吉亞串燒羊架($145)，看到倒酒下去，成隻著了火,熊熊火光，增加了不少視覺分，入口絕沒有一點羊騷味，真是美味呀。另在氣氛上，還有服務生在旁拍掌，燈光也會調得暗一點，有情有味。甜品： 實在是吃不下了，所以沒點。晚上，胃不是很舒服，於是才想起來應點一杯可去油膩的咖啡。

Went for business lunch with 3 colleagues last Friday. All of us ordered lunch set and shared the food.Appertizer(1) 豬手凍-- very good but portion too small (just 3 small slices)(2) seafood crepe -- the white sauce is nice(3) eggplant and tomato salad -- best among the 3 appertizer; the bun that goes with it is good too (got some sour cream inside)Soup(1) minestrone -- nothing special(2) potato soup with sausage slices -- not as creamy as we expected, taste okay la.Main Course(1) Pasta with ham a

工作雖然仍和我的要求相距甚遠, 但有點小成, 總要感謝一直幫助和支持我的朋友.地方都是朋友選擇的, 星期六下班來到.原先坐了近走火通道的位置, 之後侍應又提議去坐近出餐的位.菠菜飽細細個, 菠菜餡幾多的, 個皮都幾鬆軟, 但菠菜味唔係好出.芝士菠菜蝦, 果真好多芝士, 蝦都幾大隻和爽.好朋友有coupon 有一客免費的雜菜羅宋湯, 另有一個南瓜香腸湯, 雜菜湯和平時食開的港式羅宋湯不同, 較稀, 沒有茄糕的洗禮, 南瓜香腸湯我沒有喝, 得到的comments 是香腸是脆皮腸, 也不錯.焗銀鱈魚三文魚批以為係細細件, 誰不知原來和飽房桌上的一個一模一樣! 好大個, 我們的份量只是那個demo 的四份之一, 內有酥皮, 飯, 少少香料, 銀鱈魚和三文魚; 我的像皮肚當然沒有問題, 好朋友只是吃了魚的部份便要投降.我覺得三文魚較鞋, 朋友則覺得相反.最後有燒春雞串燒(見圖), 成隻著了火, 熱辣辣,味道一般, 但視覺上增加不少分數, 論氣氛, 似乎中環店較好, 每次多些人拍掌, 燈光也會調得暗一點.每人都有一杯house wine, 意大利出品, 味道甜得滯, 太entry, 真係冇嘜酒味.

係上個星期五( 5 月12 日) , 係我男朋友仔生日. 之前幾年都係食buffet, 今年想轉下口味, 食d 特別d ge 野. 所以係呢個website 揾下有咩好idea. 於是就揾左呢間, 見d 食評都好好, 咁就試下啦. 我係有訂枱ge, 一入去個時, 都幾多人(我訂左8點), 可能係星期五啦. 個氣氛都幾好, 燈光好柔和, 又有live band show. 我點左幾個菜(都係website 話好食個d 啦). 味道真係好好, 個waitress 又好nice 咁同我地講d 醬係咩醬. 好細心. 又主動幫我地影相.......我要再一贊係個串燒, 真係好正......我諗要再去試.....p.s. 下次要去vodka room 度飲野先, 因為今次係食野個陣點左2 杯wine , 我唔敢再飲咁多啦!!! ^_^

同朋友聚舊加預祝生日, d野食几好味, d service超好, 會主動問你要唔要幫你地影相, 同埋會好surprise地幫你上0個個生日蛋糕, 好好, 令人真係覺得賓至如歸. gd.

上菜慢如蝸牛，簡直離譜!一碟雜菜足足等了50分鐘。份量又小，價錢又貴。Conclusion: 中環黑店之一。

三個女仔去食呢餐。最近正好做緊一個加拿大美食promotion，俄羅斯同加拿大有乜關係ga ???叫jor 三個有餡麵包仔，熱辣辣~ 好味~ !!!燒羊架~ 羊夠嫩、夠味長ge 腸仔兩條（好有德國feel！好味！）跟住就order jor 一個set 再share ~ 有沙律+ 湯(salad 普通，湯好x 鹹)燒安格斯牛扒（一味夠嫩、冇乜牛味）朱古力慕絲　（好濃朱古力，好滑，唔太甜！掂呀！）再跟一杯coffee / teatotal $58X / 三人訂檯請注意，原本我三個女子係打算食餐飯，聚一聚chatting ge，不過室內ge氣氛實在係太熱鬧啦，兩位藝人不斷咁唱歌、敲擊樂器表演，想用正常聲線講句野，幾乎係冇可能ge，如果真係想chatting，請book 室外座位，我諗應該會好好多~ !!

約左幾位新朋友出黎開飯試新菜, 又是港島區."扮野"先生是日牙痛, 本來諗住突然要改地點.行行下去到蘭桂坊, 兜兜轉轉又竟然行到原先的這一間.可能是注定的, 大家不期然入去.牛柳串燒, 黑豬串燒, 俄式南瓜茸小米燴野菌蘆荀,燒啤酒鴨配酸甜車厘子汁, 鱘魚湯等, 便成為當晚的菜.位置都唔錯, 四人檯坐得幾舒服, 又有歌舞娛賓.牛柳串燒幾好味, 肉味夠又有質感, 黑豬串燒都唔錯, 看到的酒倒下去火光熊熊,我立即聯想到波士頓餐廳三種醬汁中我推介香草酸汁, 酸酸地伴肉幾好吃, apple sauce 和布冧都幾清, 但好似俾d 肉味搶左.燒啤酒鴨配酸甜車厘子汁, 隻鴨幾多肉, 啤酒味就冇咩勒, 太慨是揮發了的關係, 但個車厘子汁配得幾好.鱘魚湯給了那位病人, 我聞到幾有魚湯味, 但佢話味道好淡, 唔知係咪鬼佬魚湯都係咁.南瓜茸小米的米好似米碎, 味道甜甜的, 四粒野菌和一支蘆荀少得滯...一人一杯不同味既mocktail, 我的是emerald green, 味道還過得去.記得好似話有yogurt 但好似飲唔出.後記: 希望快有機會在蘭桂坊和一班朋友happy hour 吧~

我聖誕去既~因為我有discount~ 所以一個二人套餐都係360 je~都幾抵食~一開始來個包，佢係中空放d料入去。都幾足~我覺得個磨菇幾好食~佢d麵包幾香~然後來個沙律~紫色~怪怪的~d魚幾鮮ke~但整體一般~我嫌佢太散~緊接係來個湯，我覺得麻麻~我叫的是牛尾羅宋湯，一舊牛尾都搵唔到~但好多好多渣~菜多~~好以想整飽我咁~之後有個羊肉~balalaika出名串燒~真係幾好食~無咩酥味~夠爽~我幾鍾意食~但來緊個天使麵就麻麻~唔知係咪因為我飽擺左陣攤凍左~佢好乾身下~同埋唔係太入味~~最後有個甜品~好似係叫俄式布甸~~全日最好味的一樣餸~真係幾好食~我個人唔太喜愛布甸~但都覺得佢幾好~氣氛幾好呀~服務都好~係佢真係一杯水都無俾到你~迫住叫野飲~叫左兩杯house wine~不太純~叫果汁應該好d。