Balalaika (Closed)

It’s a really good place for a Friday night out with friends or family. The restaurant itself it’s quite hard to find, but still many customers through the nigh.The environment is really relaxing and romantic there are Russian decorations on the walls and candles on the table. The foods are nice especially the grill beef and grill seafood 串燒. Every time a tables串燒 arrives the waiter will yell out *&^%$# (I think it something in Russian), it’s pretty fun by watching they light up some fire on the

$88 + 10% 2 courses個羅宋普通 雖然未至於茶餐廳吸數 但同同區其他俄國餐廳比比較遜色酸奶油冇咩味個蒜溶包就幾香口幾脆個西冷就ok 以 $88 蘭桂坊算係咁當然將貨就價唔係咩靚野但總算唔駛落好多汁都幾有肉味

jan 14, 09, 2人來晚飯,叫咗 : 1) 俄羅斯牛尾湯 -因waiter知道我哋喺share嚟食,以下張相已經喺1/2份(所以份量都幾大)........佢哋真細心呢,仲提埋我哋最好將湯內嘅忌廉攪均先飲-見到佢紅卜卜,諗住會好酸,但又唔喺喎.......只喺好天然嘅番茄酸味(相信用咗唔少新鮮番茄)........之後就喺食到蔬菜嘅甜味-裡面嘅蔬菜配料(有番茄,紅蘿蔔,薯仔同椰菜)都切到有件頭,唔喺煲到溶咗/食到蓉.......所以有得飲有得咬吓-另外亦有2舊左右小牛尾...........好腍,好嫩滑,只可惜喺少d啫-味道無想像中咁濃味,因唔喺好牛,反而蔬菜嘅甜酸味更為突出-最特別喺伴以1隻肥大嘅木湯羮比你飲 2) 椰菜卷焗芝士蘑菇-另1重量級........無諗過咁大件,又漲,每件都大過1包長形紙巾,墊在新鮮番茄蓉上-個椰菜皮好大塊,好清甜,裡面stuff滿菇粒,亦帶少少melted芝士,如果多d芝士會令個卷惹味d 3) lobster & fish pie -已經無咗有食家之前食過嘅銀鱈魚釀飯批.........改由呢味迷你龍蝦銀鱈魚酥取代-問過侍應個分別喺個皮唔同咗,

原本去食 set lunch, $108 per set, ok 啦, 有頭盤, 湯, 主菜及 甜品.頭盤: 椰菜卷 or 0魚生菜沙拉湯: 菠菜湯 or 雲吞雞湯主菜: 銀鱈魚批釀飯 or 意大利飯... (每日有4款)甜品: 草莓霧絲但因為這樣的燒烤很有名, 結果在冇看menu 的情況下叫了一客燒羊架, 三件羊架盛惠$210!!! 好貴呀, 但都幾好食. 如果平d 就好啦餐廳環境很好, 晚上去蘭桂芳, 又唔想咁嘈, 可以在此飲杯 vodka, 仲可以入吓間 -20度的冰室冰凍一下.

來這間餐廳是因為為了跟媽媽慶祝生日, 知道媽媽很愛試新東西, 所以便選擇了這間KING PARROT GROUP的俄羅斯餐廳.這間餐廳分兩部分, 一邊近門口是專為喝酒人仕而設的area, 有吧檯, 酒室之外, 還有一間零下20度冰房, 大家可以穿著皮草, 入去喝vodka, 又冷又熱的交織下, 感覺很奇妙. 另一邊, 就是用餐區. 因為是平日關係,所以人客不多, 連我們在內, 只有4/5檯客人.場內的裝飾都帶點懷舊風味, 處處也會見到俄羅斯首相的人像, 和俄羅斯的特色樂器 - 三角琴(Balalaika, 也就是餐廳的名字).場內還提供俄羅斯人的音樂表演, 聽細心的waiter哥哥 alex說, 他們真的是俄羅斯人.他們的音樂很好聽, 他們演奏的音樂多是以輕快為主, 或者是讓食客能在愉快又輕鬆的環境下進食吧... 他們每表演完一首音樂, 我們都會給予掌聲鼓勵, 讓他們表演也感到投入快樂, 所以他們時常都往我們方向望著表演啊~!因為用citibank卡, 我們就點了一個二人set, 當中包括了兩碗俄羅斯牛尾羅宋湯(知道我們都想試一下, alex幫我們分成四碗, 好細心) - 味道沒港式的

好耐冇去夜蒲，中秋夜就約左馬騮朋友出去食飯飲野。７點幾去到，只係得兩三枱食緊飯，有live唱俄歌，一Ｄ都唔嘈，有時佢地都會走埋去食客隔離唱同教佢地玩instrument，靜靜地坐得幾舒服！海鮮包：所有包都係$10個，海鮮包主要係吞拿魚，同美心麵包果Ｄ冇咩分別素菜包、牛肉包：都係好普通貨色頭盤拼盤：有smoked ham、香腸、露筍卷同醃菜，樣樣都好正宗好重咸味，不過我地真係食唔慣，唔係幾o岩香港人口味。係個露筍卷比較清比較o岩我地食Siberia豬肉雲吞：淡淡o既忌廉汁加上幾香o既豬肉，好食！串燒免治羊肉：即席表演，個waiter拍手仲拍得大聲過我地，羊羶味恰到好處，好香好好食！燒羊肩：肉嫩較羶，之前食得好飽，但仍然好吸引，都要咬多一啖～俄羅斯布甸：淡香o既奶味加上鬆化o既餅乾邊，好味！最o岩食完咁濃味o既食物之後中和返口腔內o既味道！原本打算入冰窖喥飲返杯Vodka，可惜走o既時候已經開始多人，冰窖同bar枱坐得滿滿，最後都係走人算其實呢喥o既食物真係唔錯，只係因為我地唔食慣咁濃o既口味，所以覺得有Ｄ勉強。裝修環境都可以，最好就係飲野同食飯分開，就算夜Ｄ食飯都唔怕人多同嘈，幾好！價錢

S L K M = Soho, Lan Kwan Fong, Knutsford Terrace, Minden Avenue. 二人說要盡興, 就來一個香港酒吧Tour, 每個熱點泡一間. 先上Dragon I, 被拒門外後, 不如入黎冰房, 順便清清熱氣. 由Soho行落黎, 逛了老蘭一週連後樓梯Bar, 入黎雪房玩下, 整返一杯 Vodka, 這個冰房的concept是給飲者有一個在俄國及北歐, 冰天雪地, 對Vodka的感覺. 星期五, 人氣多了, 令完本真的超凍既冰房, 變得擠湧. 想坐一住冰都不行, 而且成班T-shirt熱褲加All Star 的美女霸著, 在冰房加上冰淇淋. (同飲品無關, 不再提)Smirnoff Black, 是50%酒精的blend, Vodka, 越純越爽. 二人舉手碰杯, 一次, 拍張照, 兩次, 大家down左佢. 離開冰房. 趁地鐵未收車, 過海做神仙.....下一站, Knutsford Terrace (沒有入吧), 再指, Minden Avenue

與老公慶祝紀念日，見這兒環境不錯，便入去一試。點了俄羅斯牛柳伴薯蓉，牛肉肉汁豐富，靭度適中，薯蓉滑口，味道不錯。另在店員推介下點了燒芝士伴烤薯，燒熔了的芝士，切一小口薯塊一起吃，濃郁芝士的獨特味道跟淡淡薯味，配合得天衣無縫。一軟一硬的口感，為味蕾帶來刺激，芝士愛好者推介。甜品方面試了法式燉蛋，香脆焦糖薄薄地佈面，入面嫩滑燉蛋帶有點點雲呢拿味，藍莓及草莓點綴，不論賣相還是味道，也值一讚。飲品方面，老公點了LongIsland，自己點了Pink Lady，喜見這兒的Pink Lady有加面層的蛋白泡沫，飾以櫻桃及檸檬片。Gin的份量適中，輕呷一口，那獨有的杜松子味道留在口中。當晚附近有人點串燒，見即場為客人點火，全場拍手，感覺熱鬧，另外又有音樂表演，氣氛不錯。如果二人約會，靜靜談心的話，可能會吵了一點，但是一個平日百忙中輕鬆一下，給人愉快熱鬧感覺的好地方。

今年生日, 老婆大人帶左我去呢度食野, 嘩, 好有情調呀, 可以望住蘭桂坊.因為第一次幫親, 待應好專業咁介紹食物, 佢仲好有技巧咁引導你由頭食到尾. 少d定力都食到唔停口. 荷包大出血.呢度最特別係有個零下20度的酒窖享受伏特加酒. 呢個當然有試啦. 不過唔駛驚, 有禦寒衣物供應.前菜叫左個古法醃希靈魚甜菜沙律, 相當特別.叫主菜時真係花多眼亂, 最後點左個海鮮窩. 味道不錯. 仲有個特大俄羅斯麵包. 兩個人食真係好足夠. 最後, 叫左個甜品也有相當水準, 不太甜, 口感也好.可惜已經好飽, 如果唔係, 一定要試試串燒. 佢地d串燒, 好似做 show 咁. 幾得意.有機會, 一定會再去.

咪咪咁岩黎左中環，架架見機不可失，力約咪咪食 lunch，而又希望可以食得好 D 同坐得舒服 D，所以揀左Balalaika。我地大家都食 set lunch，先有一條硬硬地少少暖既蒜蓉包條，咪咪初初仲以為會有一大籃包任食……架架叫左個 2 courses set（$88），先黎個海鮮 pancake，配上龍蝦汁，好味道。主菜就係煎龍利柳，龍利柳好滑，配個香橙忌廉汁，好味道，份量仲唔細添！ 咪咪心唸點解自己無點呢個。咪咪就叫左個 3 courses set（$108），先黎一個芝士番茄沙律配辣香醋汁，唔知係唔係 D 醋勁得滯，咪咪食到摽眼水，而番茄幾好味，生菜就一般。餐湯係牛尾羅宋湯，同平時飲開個 D 好唔同，呢個清得多，都算多蔬菜同牛尾肉，但係就唔算好濃烈既味道，有埋薯仔係入面，OK咁啦～主菜就係黑椒西冷牛扒，食完之後先發現無黑椒味，不過個扒都幾似樣，煎得幾好，有原始既牛肉味。配菜既西蘭花、番茄同薯條都唔錯，咪咪食晒！到差不多食完，眼見隔離檯上左甜品係迷你朱古力蛋糕（set lunch 包埋），架架都無咩野期望，因為架架對朱古力興趣不大。過左一陣，到我地黎甜品喇，咦！！！！！唔係呀嘛

其實我用左openrice去搵地方食飯好耐，一向都好懶去寫食評，不過今次唔寫真係唔得！！ 食物：湯x3，涵包x3，pancakex3，燒魚，千層面，dessert，red wine X 1其實唔算難食湯有3分，不過我鐘意比較creamy d，每個人口味唔同，所以3分涵包3個味試曬，我淩願食茶餐廳d 餐包，1 分pancake都ok，所以3分燒魚都ok，所以3-3.5分千層面，我食唔到有咩味，搞到我要落鹽（平時我只會話d野太濃味），1 分dessert: 朱古力cake，呢個係最好食的，有4分wine呢d野（特別起出面飲），有時好depend on你付出幾多環境+service:本身環境已經比較嘈，我一向鐘意靜d...都算...有個waiter好似以為自己做大排檔甘，order d咩就大聲叫，好似隔離台要多2支wine，据好似叫到差唔多成場都聼到，of couse要甘大聲，因爲据起出面果part叫返入面d人去做，哈哈，感覺就好似叫聽到“兩杯凍檸茶少甜行街唔該”甘...仲有，我地叫野食叫wine，拒話我地支wine cheap，叫我地選過第2支，一指就指兩支最貴既比我地簡，好似我地叫唔夠

這絕對係一個作商務午餐的好地方。食物、裝飾、服務絕不失禮！三道菜才$88 + 10%，經濟得很。吃過兩次，第一次係前菜（希寧魚沙律）、主食（鱈魚餅伴西蘭花）、甜點（忌廉布丁）。第一次係前菜（炸蝦沙律）、主食（龍利魚柳伴西蘭花）、甜點（薑餅蛋糕）。餐飲都係熱咖啡。魚類處理得很鮮，完全感受到蛋白質的充實，甜點亦是含蓄的甜，咖啡都係OK 好！

什菜湯(火腿粒)，附送長條形麵包–湯清蜜瓜，哈蜜瓜粒+ 火腿片–蜜瓜及哈蜜瓜很甜西班牙飯(白汁): 數條幼蘆筍，飯也al dente，唯味道過鹹，可惜甜品(白酒凍糕): 以shooter杯盛著，透明哩，士多啤梨及火龍果粒餐茶三道菜HK$108 + 10%朋友們要的其他主菜評價如下:牛尾: 已去骨，伴以麵包同吃．也很鹹蝦墨汁意粉: 炸蝦不錯雞肉長通粉: 賣相普通

由於是King Parrot 的會員, 今年續約時他們送了個ニ人晚餐, 反正很少機會吃俄國菜, 最後就訂了Balalaika....是不是正宗俄國菜我不清楚, 但食物的份量很足夠, 二人餐結果三個人才勉強吃完。他們提供有餡料的麵面種類頗多, 熱哄哄的, 頗佳。牛尾羅宋湯亦很清甜及充滿牛肉味, 不俗。沙律有挪威的Herrings, 酸酸甜甜的亦令人胃口大開。主菜是火焰牛柳串, 侍應生做完一番"放火"表演, 又拍掌, 氣氛熱鬧, 吃下去味道竟然不差, 雖不是上等材料亦難得不像橡友圈。另一道主菜是羊肉串, 羊肉可惜調味過重, 有點鹹亦去掉了羶味，不過癮。甜品是buffet 形式, 太座及犬兒就吃過不亦樂乎。我對甜品一向都是敬而遠之, 不過看來甜品就較像泰式....反正不吃甜品我就跑進雪房裏嚐嚐伏特加吧。乖乖的不得了, 桃味, 檸檬味及士多啤利味的都是極之好喝。最後一個人喝了十二小杯被太座三催四請才肯出來。是不是真正的俄國伏特加我就不得而知但肯定比absolut vodka 好得實在太多了！食物的價錢不貴, 說非常好吃是談不上，就是一般King Parrot group 餐廳之水準....不會

食物質素好, 環境舒適有氣氛, 服務態度很好, 一個很好選擇