品臻 (富怡花園)

Open Now

Now Closed

路過見到好多學生放學後來買飲品及小食，見到餐牌上有賣雞蛋仔，買來試吓。我揀了珍珠奶茶雞蛋仔（$22）因為即叫即整關係都需要等10-15分鐘。等了一陣，但結果跟預期不一樣，即叫即整期望雞蛋仔上手熱辣辣的，但可惜只是暖暖的。因疫情下搵個位坐下慢慢歎，相隔時間只有5-10分鐘左右就變得已經涼了，唔脆變咗淋ber ber 。味道方面，好在佢算是真材實料，每粒雞蛋仔都是有珍珠，但但唔算太濃黑糖味。下次經過或者會試吓茶飲，但雞蛋仔個人唔太ok。

之前係太子嗰邊見過依間 咁岩過開黎小西灣又見到依間店 就決定試試 位置上係正轉角位 又係小學對面 幾方便 不過隔離附近有2間茶飲店 都幾大競爭黎之前已經簡好左 試我最愛既海鹽奶蓋炭焙烏龍茶（$28） size限700ml 可簡熱或者凍。 今次就簡左凍同少糖好快就已經有，海鹽奶蓋份量都幾厚 首先飲左個奶蓋先 味道唔太海鹽feel 唔太咸😂而烏龍茶方面 味道比較苦澀 唔知關唔關少糖事 但佢既少糖 味道似走糖咁😅😅 不過烏龍茶味道都幾出眾見到店舖都有賣一啲小食同糖水 網上評價都幾高咁 下次有機會都可以一試

行完山有啲肚餓,見到呢間有格仔餅、雞蛋仔、仲有台式飲品喎😍😍仲要幾多人排,心諗一定冇伏啦,點知我真係太天真啦🥺雞蛋仔有原味/肉鬆/紅豆/朱古力/黑糖珍珠😐我貪新鮮就叫左黑糖珍珠($22),個口感淋bear bear都算😓😓重點係啲珍珠完全冇黑糖味.....唯一可取嘅係每粒雞蛋仔都叫有珍珠食到~男朋友叫嘅係原味雞蛋仔($16),冇諗過都可以伏😐😐😐唔知係咪舖頭想等埋我叫嗰個雞蛋仔先出俾我地嘅關係,拎到上手已經完全唔熱🙄已經扣左好多分,仲要冇乜雞蛋味,食麵粉咁..飲品都唔好得去邊,男朋友叫嘅係阿薩姆珍珠奶茶($20),佢話飲唔出阿薩姆奶茶嗰隻獨有嘅味,似係溝咗好多水🥴珍珠又係係完全冇味唔好食,佢飲左4分1就扔左....😥我就叫左嘅芋頭特濃鮮奶($32),個底有啲芋泥咁,唔算難飲,但感覺完全唔值呢個價,更加唔明點解會係店家推介..總結係覺得自己跌左一百蚊同浪費左自己quota😕大家睇路啦!!

如果有美食沙漠爭霸戰，小西灣應該當之無愧！品臻原本係賣台式飲品起家，但係魚肉燒賣先係熱銷產品🤣原本想篤串燒賣既我，入到門口見到收銀旁邊大大個Poster寫住「本店使用純庶糖」，咁大口氣！咁真係要試吓！🚩 椰汁紫米芋圓鮮奶 $𝟑𝟐/𝟓𝟎𝟎𝐜𝐜先講外觀，其實都好分明，一杯飲品分開5份，椰汁丶鮮奶占3/5，紫米占1/5，芋圓占1/5。味道方面，椰汁味好重，紫米雖然煲得好腍，分量略嫌太少，紫米唔夠咬口，唔知「本店使用純庶糖」係咪用左係煲芋圓上邊，食落啲芋圓有一陣清香。🚩 魚肉燒賣 $𝟏𝟎/𝟕粒燒賣食唔出乜嘢品牌，唔係特別煙韌同重魚味，只係辣油同豉油比得好足！而且豉油辣油好夾，令整串燒賣有提升嘅感覺！

去咗小西灣品臻買雞蛋仔，接女女放學。佢哋喺區內好受歡迎，勁多學生哥幫襯，所以都要等一陣，因為食物係即叫即製。蜂蜜珍珠鮮奶（大）$29 平時多數飲黑糖珍珠鮮奶，今次試下新嘢。 蜂蜜味好香甜，珍珠軟硬適中，是黑糖外嘅好選擇。肉鬆雞蛋仔 $18 香甜雞蛋仔入面夾雜肉鬆，估唔到味道都幾夾，是阿女最鍾意嘅味道。朱古力粒粒雞蛋仔 $18老公指定要朱古力味，超多朱古力粒粒，足曬料。單骨雞翼（大）$34 雞翼炸得酥脆，椒鹽味道惹味，好有水準。魚肉燒賣七粒 $10 燒賣幾彈牙，配甜豉油好正，十蚊七粒好抵。

今日帶阿仔返小西灣探爺爺嫲嫲，但阿乖孫話唔想飲茶，係都要話食格仔餅，所以就去到小西灣先買啲小食，再搵兩老飲茶。上網search到呢間品臻，好似都幾啱食，於是乎就嚟買吓啲小食啦！見到佢門面都有好多唔同出品嘅poster，都幾多元化，啲相又影得幾靚，最緊要就係佢嘅價錢唔貴，搞到我都心思思叫咗幾樣小食同埋飲品。所有食品同飲品都係即叫即整，所以都要等大概10分鐘，不過就勝在夠新鮮熱辣辣。首先叫咗2杯飲品，分別係炭燒烏龍茶($20)及芋頭特濃鮮奶($31) ，烏龍茶茶味夠香濃，解渴一流，抵飲！芋頭奶有好多芋蓉，啖啖有口感，好飲！總之就正啦！格仔餅新鮮熱辣，雖然等咗一陣先食，但係仍然外脆內軟，配埋花生醬同埋煉奶，阿仔食到舔舔脷！呢個椒鹽花枝丸雖然有啲貴，要$6/粒，但佢係正宗台灣出品，大大粒夠彈牙，食到有花枝粒，嫲嫲都話未食過咁好味嘅丸店員仲推介我哋買台式鹽酥雞，我哋要咗一份大嘅，原來份量係勁多，鹽酥雞嘅調味鹹中帶香，個粉漿薄薄唔會太厚，脆而不硬，肉質保持鮮嫩帶有肉汁，所以去到酒樓仲偷雞攞咗嚟送飯食。今次嘅加料行動非常成功，兩老都好識欣賞，所以下次過嚟飲茶可以再去幫襯啦！

叫左一個 海鹽芝士奶蓋真珍珠奶茶等左20分鐘先有 舖頭細 咩都整 但又唔夠人重點係 等左咁耐 杯野勁難飲 海鹽芝士奶蓋 完全無海鹽咸味亦無咩芝士味 得啲香草味 啲珍珠奶茶 重要無落糖咁 無叫走甜小甜 但就苦奶茶咁

好耐冇經過小西灣，街邊嘅面貌已經同以前返學嘅景象唔同哂～海鹽奶蓋炭燒烏龍茶🍃佢嘅奶蓋非常厚實，之前飲其他店嘅奶蓋，行兩步啲奶蓋已經同啲茶混合咗少少，但今次沿途拎返屋企仍然層次分明😁茶味幾清新，而且奶蓋唔咸，反而奶味重，我好鍾意佢嗰種紮實感🤪另一杯係黑糖紅豆鮮奶，紅豆出奇地同黑糖幾夾，而紅豆軟硬度適中，本身已經有甜味，建議叫微糖就啱啱好🤤呢間台式店仲有芋圓豆腐花、雞蛋仔 、格仔餅之類，好多元化🤣如果我仲返緊學一定會放學食😛熱古早豆腐花有三個配料可以揀，我揀咗黑糖湯底嘅九份芋圓、紅豆、仙草。芋圓我覺得係必點，真係好Q😛份量好大食完一定會好飽!

今天去小西灣富怡花園探朋友，見到這店有很多台式飲品和小食賣。門外有多個顧客等候外賣，便買了些和朋友分享。我們試了芋泥芋圓鮮奶，草莓4.3特濃鮮奶和古早豆腐花。我愛芋泥芋圓鮮奶，奶香濃少甜，芋圓有咬口，芋泥香，好飲好食。朋友較喜歡草莓4.3特濃鮮奶，酸酸甜甜好開胃，椰果纖維高熱量低好健康。冷黑糖古早豆腐花配芋頭，九份芋圓和椰果也是個好嘗試。配料有咬口不甜。肉鬆雞蛋仔咸咸甜甜頗有特色，很快就吃完一餅。榛子格仔餅也可口，榛子醬香濃甜度適中，格仔餅香脆。和朋友談談笑笑，邊吃美食邊回味上次大家同遊台灣九份的快樂時光。下次可以試試此店的咸點如花枝丸，雞翼等。

小西灣嘅台飲店，品臻絕對係我不二之選🤩除咗有台飲，仲有台式小食同港式小食😍.黑糖芋頭鮮奶+珍珠🖤原本以為黑糖加芋頭會好甜🤔但呢杯飲落就啱啱好，芋泥同黑糖 mix 埋一齊之後😬會有一浸好特別嘅香甜，但又唔會過甜☺️而且飲緊嘅同時個有得咬下啲芋頭粒同珍珠😜呢個配搭真係唔錯👍🏻.椰汁紫米芋圓鮮奶🥛紫米味道味道濃郁香甜💜 帶少少椰香🥥配上粒粒小芋圓😙感覺就好似紫米加芋頭😳不過食到唔同味道嘅芋圓😌冇咁單調.草莓乳酸剉冰(九份芋圓+仙草)🍧草莓乳酸味道整體偏甜🍓不過乳酸嘅酸味可以中和一下😉而且夠冰涼🧊所以食落都幾清新💦仙草滑溜，芋圓大粒又 Q🤤幾適合呢款剉冰.黑糖珍珠雞蛋仔🖤每粒雞蛋仔大慨有 2-3 粒黑糖珍珠😆珍珠夠煙韌，不過唔太甜🥺雞蛋仔外脆內軟，不過就要趁熱食🔥因為都幾快會腍😯不過好香蛋味🥚粒粒都脹卜卜，好足料

其實我幫襯左好多次 忍左好耐先決定寫出黎其實個女店員係咩事（好重眼影化曬妝個個）啲態度真係前所未有咁差次次去到佢都喺度mimi mor mor 係好似特登咁 你等陣啦 但如果係其他店員係冇咁嘅情況 整野又慢可以整到我個格仔餅完全凍曬先比我但同樣地 如果係其他店員整比我係無咁既情況心諗 唔係要五星service 我想你唔好黑口黑面咋

去左屋企附近既品臻到買個下午茶🤤係呢頭都算係罕有既店以為多數係吸引年輕人 但原來都有好多各年齡層啱飲喎👹個舖唔算大但睇得出係裝修方面花心思既😻雖然等既時間唔算好快但因為每樣都即整 好保持到食物既品質同温度👍🏾我就嗌左小芋圓奶茶😚係外面飲好容易會因芋圓浸得大耐而冧曬冇左個煙韌口感 但佢地就唔會 而且係有唔同顏色味道既芋圓🟠🟣奶茶既茶同奶分量都平衡得好好另外係海鹽奶蓋茉香綠茶😳奶蓋係上面通常會搶左飲品既焦點 但茉莉茶既清新同餘香反而會係口腔到慢慢滲出🌱分別各有特色 而奶蓋分量十足 飲到底都仲有最後仲有個榛子格仔餅😼我最欣賞佢地既雞蛋仔同格仔餅係即叫即做 唔會好似出面嗰啲舖頭攤凍晒放喺度 即刻食係熱辣辣🔥🔥再加上榛子醬溶化既狀態 簡直啖啖都充滿住口腔🤤

去左屋企附近既品臻到買個下午茶🤤係呢頭都算係罕有既店以為多數係吸引年輕人 但原來都有好多各年齡層啱飲喎👹個舖唔算大但睇得出係裝修方面花心思既😻雖然等既時間唔算好快但因為每樣都即整 好保持到食物既品質同温度👍🏾我就嗌左小芋圓奶茶😚係外面飲好容易會因芋圓浸得大耐而冧曬冇左個煙韌口感 但佢地就唔會 而且係有唔同顏色味道既芋圓🟠🟣奶茶既茶同奶分量都平衡得好好另外係海鹽奶蓋茉香綠茶😳奶蓋係上面通常會搶左飲品既焦點 但茉莉茶既清新同餘香反而會係口腔到慢慢滲出🌱分別各有特色 而奶蓋分量十足 飲到底都仲有最後仲有個榛子格仔餅😼我最欣賞佢地既雞蛋仔同格仔餅係即叫即做 唔會好似出面嗰啲舖頭攤凍晒放喺度 即刻食係熱辣辣🔥🔥再加上榛子醬溶化既狀態 簡直啖啖都充滿住口腔🤤

推介小西灣小食店品臻👍🏻除左有多款台式飲品之外，仲有好多小食，包括有常見雞蛋仔、格仔餅、燒賣、豆腐花等，最近連台式小食都賣埋，椒鹽花枝丸、芋圓冰、鹽酥雞都有，淨係諗食咩都可以諗好耐🙈食物同飲品都係即叫即整，所以等候時間會較耐，可以打電話去店鋪下單先，咁就可以節省時間🤣－－－－－1. 肉鬆格仔餅 $18 7.5/10格仔餅即時製作，熱辣辣出爐🥰厚身質感軟綿，富蛋香，不過肉鬆唔算多，但加埋其他醬一齊食，好滿足2. 黑糖剉冰 $30 8.5/10推介好抵食！可以叫四款配料，我點左紅豆、芋圓、仙草同珍珠，真係差d多到漏出黎🤤珍珠同芋圓都好煙韌，仙草滑溜，紅豆軟綿，很高質甜品，不過黑糖醬有點多，整體偏甜3. 海鹽奶蓋炭燒烏龍茶 $24 8/10奶蓋落得幾慷慨，夠厚同稠杰，入口細滑☺️芝士味好濃，而烏龍茶都幾香，我走甜就夠味，不過海鹽味唔太突出

🥃海鹽奶蓋烏龍茶 $25奶蓋好厚，而且海鹽焦糖味好濃，同烏龍茶好夾！.🍹黑糖小芋圓鮮奶$29芋圓超足料！好大杯！不過黑糖味唔算好濃，但鮮奶夠滑🤤整體都唔錯！.🍧古早黑糖豆花 $28 (紅豆+珍珠+芋圓+豆花)好足料🤩🤩豆花好滑，仲可以揀蔗糖/黑糖添👍🏻芋圓好煙韌好有口感！珍珠煮得啱啱好，唔會太硬🤤夏日清涼消暑之選！.🐥鹽酥雞 / / 單骨雞翼 $32兩款都炸到金黃色，皮脆肉嫩👍🏻雞翼雖然叫咗辣，但係識落都唔係好辣，唔食得辣嘅朋友都可以試吓😚