品香樓中西風味餐廳

Open Now

Now Closed

限聚令放寬了，幾個男人來到南山邨品香大牌檔吃些重口味菜式送送啤酒，聊聊天。6点45到店門口，大部份檯也還未入坐，感覺新舖比較整齊明淨。坐下侍應送上收費小吃菠蘿粒和炸花生。先來二款小吃古祖味水魷魚- 水魷有咬口，不像街市發得軟軟的水盆貨式。混上濃甜沙爹醬汁十分惹味。涼拌海蜇絲- 麻油很香，海蜇絲也爽脆。如果加入些蔥油，可能更香口。再點香口煎炸菜式送啤酒南乳炸豬手- 豬手皮不是脆的，灑上炸蒜，煙煙韌韌帶着淡淡南乳香，醮上些甜香南乳醬汁，十分可口。黃金花枝- 這邪惡菜式，咸香咸蛋黃裹着帶點韌的魷魚片要趙多幾下，送酒也不錯。芝麻蝦- 蝦膠放在小方麭上灑上芝麻油炸，買相也不俗。但油火不夠猛，迫不出麵包多餘的油份，所以很油膩；蝦膠也不爽。啫啫通菜煲- 煲上檯不夠熱，所以沒有像鄰桌那蝦醬味道發渾得理想引入，也帶咸。再來個單尾生炒糯米飯- 吃落應該不是生炒，不油，有蝦米/臘味香，炸花生很香脆，可惜也是過咸。看到很多年青人也點了飲品凍朱古力。上面舖滿鮮忌廉很吸睛，入口滑溜，味道可口，可以替代甜品。整體來講，對這餐廳感覺良好，但有些菜式過咸，性價比高。

這家位於南山村的快餐店是附近大學及居民的好去處，菜式多樣化之餘，還有足夠的鑊氣，可以媲美茶樓。平日我和家人一般都是來這裏吃小菜例如風沙雞，黃金蝦等都很好吃。今天，我獨自一人來這裏吃下午茶，叫了豬扒炒出前一丁及凍阿華田加忌廉。豬扒肉質嫩，不是很乾，出前一丁當中也加了芽菜，韭菜等，炒起來特別香，凍阿華田一上來就10分吸引，大大的一杯，上邊還加了邪惡的忌廉，當你把忌廉和凍阿華田攪拌均勻後，喝下去凍阿華田特別香滑。

久違了再黎幫襯，水準仲keep到👍🏻💪🏻宵夜時段2130開始，～40蚊一碟，仲要咁好食，去邊搵丫😎基於太耐無黎，樣樣野都想食下😂就算得三丁友都叫左6樣野😂樣樣都好夠鑊氣炸物夠脆口，唔會淋👍🏻

今晚打完波，又肚餓，朋友帶左我黎品香樓。之前聽佢地講好好味，今日終於黎一試。我地一行4人嗌左5個餸！椒鹽鮮魷，炸得都唔錯，如果乾身脆口小小就更好啦！仲有嗌左個菜，不過不失啦。唔記得咗叫咩名，但一上枱，侍應就會點火，一路熱住咁食，都幾正。不過係燒既過程中，d油會彈出黎，都要小心。D牛肉好香口，薯仔都好好味！肥牛粉絲煲普普通通，而且粉絲痴埋一舊，有點難進食。梅子排骨，酸酸甜甜,容易入口、可以一試。呢到最出名就係個朱古力，如果唔怕肥，就真係要試下啦！

以前上完堂一定會黎既餐廳，今次reu二話不說就決定左呢間餐廳，質素依然夠高，最愛係小菜，所有小菜都夠曬護氣，尤其係炸鮮魷，好正。當然唔少得杯朱古力，夾埋層忌廉飲好正！

石硤尾隱世美食👏🏻👏🏻每次經過都好懷念呢度嘅加cream凍朱，仲有南乳雞翼。呢度嘅特色就係每次叫朱古力都一定會加cream😹好邪惡啊！雖然係凍朱古力，但係朱古力味都好濃，唔會俾啲水同冰溝淡晒，加埋cream真係一流，夏天飲就夠晒舒服！另外呢度嘅南乳雞翼幾出名，雞翼一定醃咗好耐，南乳味好足夠，雞翼食落好嫩，食到停唔到口😼😻，如果再想濃味啲，仲可以點南乳醬添😻如果有經開呢頭，可以一試㗎 ！呢度嘅晚飯有好多唔同嘅小菜，大部份都炒得好有鑊氣😼

石硤尾品香樓朋友係住石硤尾嘅，咁啱嗰日大家話想出嚟聚一聚，就一於去佢屋企附近間餐廳食飯！我哋四個人都嗌左幾味餸川味蝦球我自己就好唔食得辣嘅，但係朋友話想食辣於是就嗌咗呢味川味蝦球，諗住佢隻川味係真係四川嗰隻麻辣味，點知佢只係好似甜酸醬咁甜甜辣辣嘅味道，連我呢個淨係可以食BB辣嘅人都食到，一啲都唔辣，所以大家唔好期望佢辣得去邊，不過好在就係啲蝦球夠爽口！琵琶豆腐加伊面個琵琶豆腐太硬，唔係咁咬得開，個伊面勁碎，只係錄完面剩返頭頭尾尾嘅面，夾都唔係咁夾得起，而且個調味都偏濃，太過鹹，食完之後要係咁飲水。炒花甲炒花甲都係正正常常咁，花甲冇沙，但係有好多都唔新鮮、冇開到口，花甲唔會太辣而且有配菜西蘭花炒花枝帶子西蘭花夠晒大粒顏色都好翠綠，唔會過生，調味亦都啱啱好，連埋花枝帶子同埋一啲集股嘅配搭好經典，花枝夠爽口，但係就略嫌帶子麻麻，第一就係佢帶黑邊，第二就係嫌佢太滑潺潺芝麻蝦呢個真係必嗌，記得細細個都好鍾意食，但係多數去到啲大酒樓宴席嘅時候先有得食，品香樓百幾蚊就有好多隻，雖然佢唔係最傳統個隻，但係都照食住先啦！另外我哋仲嗌咗兩杯嘢飲凍朱古力同埋紅豆好立克朱古力味好濃，而且都好多cream但係個

以前喺city讀書，好多時都會嚟到呢間餐廳食飯。呢間可以話係city人嘅飯堂。點解？因為學校行過嚟都只係10分鐘倒，仲要又平又好食呀。不過我會建議大家夜晚來食的，因為如果黎晏晝嘅話，係普通茶餐廳菜式。夜晚嚟嘅話，啲小菜正好多嫁。呢日晚市嚟到，一入嚟，循例探下體溫就坐低了。職員都好快比左餐具我哋，仲有呢碟前菜菠蘿。識飲一定係飲凍朱古力，有cream 嗰杯就係了。隔離嗰杯係凍阿華田。一到晚市，佢地ge凍朱古力上面就會加層cream 都叫有d 新意。我會將啲cream撈左入啲凍朱古力入邊一齊飲，甜d啲邪惡啲。不過呢一日朱古力嘅味就唔係好濃。阿華田都係，溝得太多水同冰，搞到有啲淡，如果重返少少味會好啲。啫啫通菜煲，呢個餸真係好香。職員會分拎住個好熱ge 煲同菜出黎，係你面前炒呢個餸。 一路炒，個煲一路發出啫啫聲，重會聞到好香蒜頭味同埋菜味。未食都覺得吸引。菜嘅配料唔多，都係就咁用蒜炒。可以食番通菜本身ge 味。通菜莖唔會炒得好林，食落口感會爽的。想食林d 就食菜葉喇。我會夾啲菜上飯度，等d 飯可以撈埋d 菜油一齊食。南乳雞翼，呢個餸真係好出色。雞翼醃得好好，連d 肉都有好香南乳味，外皮金黃香脆

品香樓應該係南山邨最好嘅選擇 見好耐無幫襯所以就去吃啦 一樣咁多人 不過位置比之前舒服好多 ☺️西蘭花炒花枝帶子西蘭花煮得啱啱好 夠翠綠 硬度適中 花痴都夠爽口 我哋就覺得帶子好似唔夠新鮮 邊帶小黑色 琵琶豆腐加伊面之前我好鍾意食呢個餸 不過令到我好失望因為琵琶豆腐好實 好硬 調味偏鹹 重點係伊面好碎 量都唔多 十分之扣分炒花甲調味夠惹味 送飯一流 花甲份量都係咁 同埋有少量冇開到口 川味蝦球雖然話係川味 不過係酸辣 甜甜地酸酸地辣辣地 唔敢食辣嘅朋友可以一試 蝦球夠大粒夠爽脆 比較新鮮好味 值得推介芝麻蝦我相信好多酒樓 都嫌芝麻蝦工序多而慢慢失傳 可能過多幾十年就會「滅絕」 所以每次去到品香樓我都會嗌 個底夠脆 上面啲蝦滑夠多 彈牙 整體好香口 係一個好好嘅餐前小食 凍朱古力 阿華田紅豆冰佢哋啲飲品大大杯 凍朱古力冇得輸 朱古力味好濃 上面有大量cream 而阿華田紅豆冰就失色 因為阿華田粉落得唔夠多 我覺得偏淡 同埋紅豆都好少

【品香樓中西風味餐廳】『香港篇-深水埗區』大排檔黎講，相信各位識食既鍊金術士心裡面總有一兩間情宜結，同班兄弟姊妹暢所欲言有咩就飲杯先講。而品香樓亦係我地一間由中學到大食到大既大排檔之選。同樣地，今日約左中學同學打波，當然要去番舊時既大排檔啤啤佢，吹吹水啦!!今次黎講我地人小小得兩個人，所以要食緊係食精選野。大排檔真係唔洗諗，肉是必須的，養生既中佬一定係要食菜，再加上品香樓必叫朱古力，最後就試試大排檔新寵兒 – 黃金魚皮啦。肉黎講，我地就揀左品香樓既招牌菜 – 風沙雞(半隻)。風沙雞既意思就係炸子雞再加炸蒜撈埋一齊黎做(唔係瀨尿牛丸) 。今鋪就真係失望，上台算係幾快既，可惜D皮就只有一半係脆既都唔緊要。咁就試D肉啦，估唔到D肉竟然未熟透，咬到去骨位竟然仲有血流出黎。相比以前既質素黎講真係失望，多人食忙既話都唔怪佢。可惜當日都只有幾台客，依然係咁既質素，唔知係咪想趕走D捧場舊客呢。講下個菜啦，啫啫通菜煲菜反而唔錯。一位有特殊問題既員工細心服侍我地，燒紅左既鑊再加上岩岩炒起既通菜，果然挽回番小小分。不過就略嫌鹹左小小，可以接受既，加番D誠意分啦。最後就講下大排檔新寵兒 – 黃金魚皮，呢道菜都

Was around the Kowloon Tong area and was looking for some good valued food, and not the expensive stuff inside festival walk.  Came to this gem that was hidden away in Shek Kip Mei area.  Sat down and was given this free appetizer.  A bit sour, perfect to start your appetite.One of the many staples for a balanced diet.  Broccoli and beef.  This was stir fried perfectly.  A very generous portion of beef on a bed of broccoli.  A good dish to share with families and friends.Pork ribs.  Yummy.  With

為咗唔想等位，我同朋友兩個人6:30就去到，真係唔使等位即刻入！其實兩個人叫小菜都真係有啲困難，最終我哋叫咗三碟餸兩碗白飯！一坐低有個姐姐已經放低左啲花生同兩杯水俾我哋XO醬金菇肥牛粉絲煲 - 平時通常都係得沙嗲，見到佢有XO醬，就諗住試吓新野，出奇地好食好香！我可以話佢好食過平時嘅沙嗲金菇肥牛粉絲煲，好值得試！火焰乾蔥豆豉雞 - 其實冇咩豆豉味，偏鹹，不過用嚟送飯一流！西蘭花花枝片炒帶子 - 本人好鍾意食西蘭花，所以食小菜嘅時候通常都會叫，佢嘅花枝片同帶子都好多，同埋好新鮮，我同朋友兩個人食淨左好多花枝片！龍鳳檸樂 - 其實佢最出名係個朱古力，不過我覺得食小菜飲朱古力好似好奇怪，最終就試咗呢個龍鳳檸樂！其實即係鹹檸檬加普通檸檬！正！總括來講，其實價錢偏貴，但所有嘢都真係好好食，一定會再返嚟食多次！

叫了黃金花枝，螞蟻上樹，明太子炒飯，鮑魚汁雞粒炒飯，例牌的蠔仔肉碎粥，椒鹽豆腐，椒鹽雞翼，還有啫啫芥蘭煲。飲品有凍朱古力，蘋果沙冰，阿華田沙冰。整體而言，味道不錯

到過南山邨食飯的人應該也知道品香樓這間餐廳!! 每次我跟朋友去到都一定會每人叫一杯凍朱古力加cream!!!可以說是回憶!! 雖然有點邪惡, 但間中飲都問題不大!哈哈凍朱古力加cream朱古力好濃, 上面的cream多到高過個杯!! 通常我都會先嘗幾啖cream, 之後再把cream 攪拌一起飲!!!令朱古力變我香滑一點!南乳炸豬手這個南乳炸豬手也是每次到都必點的食物!!南乳味好重好濃, 未放入口都已經聞到好香的南乳味!! 豬手炸得好香脆!!如果認為還不夠濃味, 可以點少少南乳醬!!其他食物都好有獲氣!!!

呢間餐廳既中式小菜好出名，有幾間舖位，晚餐時段依然要等位，人流多！之前已到過餐廳同一大伙人食過，覺得部分菜式的確幾出色趁天氣開始較凍，食返個羊腩煲暖下身。點左份涼拌海蜇小食，幾爽口彈牙👍京都骨肉實在太厚太大件，好難咬開，醬汁亦太咸😔枝竹羊腩煲枝竹及羊肉份量都好多，羊肉肉質剛剛好，唔會太韌，亦沒有羊’蘇’味配生菜，放入去羊腩煲湯煮熟，混合d羊肉味，好正👍👍餐廳有卡位，二人坐亦唔覺迫侍應都好有禮貌！