品香樓中西風味餐廳

Open Now

Now Closed

23/2/2024今晚gathering 團拜，好耐冇去南山邨品香樓了一行六人，叫咗：南乳雞翼、半隻風沙雞、椒鹽鮮魷、火焰牛柳粒（一上枱，職員會問我地準備好影相未🤣🤣跟住點火👍🏻👍🏻）、蒜蓉蝦蒸糯米飯、金銀蛋豆苗、一人一杯凍忌廉朱古力就梗咖啦👍🏻👍🏻👍🏻👍🏻👍🏻味道同以往一樣咁好食、服務同以往一樣好忙但仍然keep 到禮貌、仍然同以往一樣咁多人，坐得有d迫夾，熱鬧。埋單除翻開每人$160。抵Ps: 只收現金

今晚去咗好耐都冇食過嘅品香樓以前返學都不時會幫襯今晚我地order咗4個餸首選就一定係佢地個風沙雞雞肉十分滑同juicy雞皮好脆好香另外當然唔少得蜜桃沙拉骨同火焰薯仔牛柳粒欣賞佢地個沙拉骨唔會只係淋上去所以反而仲可以食到燒骨本身嘅香口同味道而牛柳粒雖然又係每枱必點但係上牛柳粒太淋食唔到牛本身嘅質感覺得對比下有d失色不過味道上係可以甜甜地係小朋友鐘意嘅另外最值得一定要提係佢地嘅蟹肉豆苗唔好睇佢個樣好似好普通食落去加咗酒香豆苗同蟹肉同時變得鮮甜真係好驚喜好好味呢個反而係今晚嘅重點菜式

幾年前曾經好興去南山村嘅圓拱形攀架到打卡🤣 而南山邨仲有另一樣出名嘅就應該係品香樓😛 菜式主要係大排檔小炒，不過呢到就有冷氣同卡位，坐得舒服啲～ 有幾樣嘢係幾乎每一枱都會叫嘅：風沙雞、火焰蜜椒牛柳粒同埋凍朱古力，今次我哋都有叫晒😆•🥢 風沙雞 （半隻） $155風沙雞其實就係類似炸子雞，但上面灑咗大量炸蒜，非常之香口惹味😋 啲雞皮好薄又唔會好肥，有少少脆；而雞肉就好嫩滑，帶少少肉汁，而且仲好入味！ 整體唔會好油膩👍🏼•🥢 火焰蜜椒牛柳粒 $123上枱之後店員就會點火🔥 好有gimmick，但食落味道應該無大分別🫢 雖然睇落細細碗咁，但堆到成座山咁高，其實份量同醬汁都唔少～ 牛柳粒軟腍，配埋洋蔥、甜椒同埋薯仔，甜甜哋好惹味～不過就略嫌太多汁，食到最尾好似食緊蜜糖浸牛柳/薯仔咁，會有啲膩😂•🥢 粉絲雜菜煲 $95呢個雜菜煲超足料，有西蘭花、白菜仔、生菜，仲有好多菇同魷魚，再加少少蝦米嘅鹹香，清清哋👍🏼•🥢 椒鹽雞軟骨 $108雞軟骨全部好大粒，係連埋少少肉嗰種，而且份量又係勁多🤣 不過味道同個炸衣就扣咗唔少分🥲 食落無乜椒鹽味，而炸衣除咗有啲啲厚，仲要唔太脆，食落唔夠香口，無咗令人想食完一

十年前老公介紹我嚟食過兩次，當時我讀緊大學，覺得老公好識食。早幾日老公心血來潮，想食Book咗位。餐廳環境同食物水準真係十年如一日，仲係咁好食，同地方幾整潔。十年前去學校接我落堂嚟食晚飯，咁啱今日公司Course，都係嚟接我落堂。我哋唔再係十八廿二，唔敢挑戰頗具名氣嘅凍朱，太邪惡了開胃小食：鹽香花生，好脆無油溢味。南乳炸豬手，炸得好香脆入味，咸度啱啱好，外皮脆口肉質嫩滑，本身好夠醬油味，唔點南乳，淨食已經好好味。一份大約5-6件，每一件都好多肉。啫啫通菜煲，通菜好新鮮翠綠，上枱後即刻倒醬汁「咋」~ 熱辣辣！醬汁帶有蝦醬同腐乳味，同通菜簡直係絕配。香蒜黃金蝦，略為遜色，因為唔夠味，蝦肉彈牙新鮮又大隻，但唔入味。值得大讚嘅位係滿佈咸蛋黃，而唔係溝淡咗咸蛋黃醬！每隻蝦外殼都食到咸蛋黃嘅咸香，和沙沙的口感，食到最後下面仲有大把咸蛋黃粒老公一路食一路話味道keep得到水準，清曬枱面所有餸，食到好飽好滿足。我哋仲講返十年前拍拖嘅開心事，結婚生BB之後，頭幾年無曬二人世界，唔再係男女朋友，用另一個身份再來食回憶別有一番滋味。

1.唔熟呢頭，去參觀前深水埗配水庫前喺附近搵嘢食，上Google Map，搵到嚟呢度，假期嚟講都幾多人，應該Ok啩2.環境係老派屋邨餐廳格局，少少密集但唔係話好摎攪，就算我哋獲分發坐到好埋邊都無奇怪嘅噏味3.食物方面算多選擇，當日係公眾假期都有是靚午，我叫咗馬蹄鱆魚肉餅蒸飯，正正常常（但冇影相），身邊人叫咗金沙咸蛋黃汁龍脷柳飯，一上枱，係久違嘅螢光汁，上面仲搭咗2條蟹柳，賣相懷舊得嚟有啲創新，味道就一般般4.整體嚟講，算Ok，如果係街坊應該會有下一次，試吓其他嘢睇吓有冇機會變做飯堂。另外見餐廳入面有聖誕裝飾，覺得好有誠意，諗起細個住屋邨過聖誕嘅氣氛5.回頭指數：🌝🌝🌝或🌝

心血來潮想去品香樓食lunch，由石硤尾站行錯方向，找了很久也迷路，原来是由地鐵B1出口往太子方向直行，最终抵步巳是下午茶時段😅一見到只有在香港才有茶餐組合，紅豆冰配西多士，眼睛立即發光，唔食都對唔住自己**下午茶餐-- $36**西多士加紅豆冰，勁抵食--紅豆冰--三份之一係奶，三份之一係紅豆，三份之一係冰,紅豆腍軟，不是太甜，味道剛好--西多士--可能係全港最厚嘅西多士，用兩片軟厚方包再夾粒粒花生醬組合而成，配上牛油加糖漿

唔知點解男朋友對南山邨好有情意結去南山邨必吃⥅品香樓 ⥆ ୧(﹒︠ᴗ﹒︡)୨𝓛𝓾𝓷𝓬𝓱 𝓶𝓮𝓷𝓾都好多野揀(๑•̀ㅂ•́)و✧星期一至五都有唔同選擇⤩ ⤪ ⤭ ⤮ 𝒪𝓇𝒹𝑒𝓇 ⤱ ⤲ ⤯ ⤰ ᴹʸ ᶜʰᵒⁱᶜᵉ✧ 泰式香草葉辣肉碎炒飯 $𝟜𝟠 ✧本身仲覺得好難揀 食咩好 ⚆_⚆選擇困難症但最後見到辣肉碎炒飯好掛住泰國 好想食泰國菜個飯都幾多 仲有個大蝦片再加左個凍朱加忌廉+$𝟙𝟘 ᶠᵃᵗᶠᵃᵗ啦 不過食得好開心好滿足(⁎⁍̴̛ᴗ⁍̴̛⁎)ᴹʸ ᵇᵒʸᶠʳⁱᵉⁿᵈ’ˢ ᶜʰᵒⁱᶜᵉ ✧ 蜜桃沙拉骨菜飯 $𝟜𝟠 ✧無我選擇既錦出色 份量無我個錦多好似有啲甜 但唔阻礙我男朋友既食慾 全清ᕙ(•̤᷆ ॒ ູ•̤᷇)ᕘ₊˚ 熱飲免費黎食飯 記住去樓上影埋相先走  (•̀ᴗ• )  ℝ𝕖𝕒𝕝 ℍ𝕠𝕟𝕘 𝕂𝕠𝕟𝕘 地址 : 品香樓中西風味餐廳 (石硤尾)石硤尾南山村南山商場平台204-205及210-213號舖#香港美食 #香港打卡 #南山村 #石硤尾 #品香樓 #石硤尾美食 #舊香港 #屋村

来香港一定要去，猪手真的推荐啊，菜量很大，很好吃很下饭，没有踩雷的菜距离石硖尾b地铁站很近，出门走了两分钟就到了不愧是香港最好吃的餐厅，下次来香港还要再来赞赞赞呀

品香樓📍石硤尾南山村南山商場平台204-205及210-213號舖味道：😋😋😋😋😋😋😋環境：🎑🎑🎑🎑🎑🎑服務：😏😏😏😏😏😏😏以前喺城大讀書嘅時候，有時拍拖或者夜晚開完會就會同同學黎品香樓食嘢，叫返幾碟小菜，食餐飯獎勵下自己。食完飯仲可以到南山邨影張相打個卡😍畢業幾年，呢度嘅小菜依家令人念念不忘，唔同嘅係，一齊黎嘅係家人。🦐🍤黃金蝦 $103炸得酥脆 ，配以咸蛋黃，咸蛋黃唔會因為太咸而搶走蝦嘅鮮味，相反令蝦嘅味道同色澤更突出。🍑🍖蜜桃沙拉骨$98以沙律醬同蜜桃炒排骨十分開胃，味道酸甜可口，排骨香口而不膩，令人食完都仍有味蕾上的享受😋🐠椒鹽九肚魚$98魚肉鮮嫩，皮薄肉嫩，外脆內鮮，十分可口，以椒鹽炒更加香脆，調味剛好，令人食過返尋味😋🥦西蘭花花枝片炒帶子$128帶子非常新鮮，花枝爽口彈牙，西蘭花吸收咗鮮味之後更多味美。————————————#香港美食 #美食推薦 #美食日記 #九龍塘#石硤尾#南山邨#美食推介#打卡 #中式餐廳 # #九龍塘#石硤尾#南山邨#Kowloon Tong #Shek Kip Mei#Nam Shan Estate#hongkongfood #hongkongf

多年前、因為女兒在附近返學、都去食過午餐或下午茶、都覺得唔錯。昨天晚上同朋友在附近活動、於是諗起品香樓。我哋6點去到，見到個場好冷清，心諗點解？原來我哋太早到、6:30 pm 陸續入座、爆满加埋門口排隊等。食物品質👍👍👍👍👍⋯手撕雞（要預早訂）正呀，又有驚喜👏🏻👏🏻👏🏻蒜蓉蝦蒸糯米飯👍👍🏻👍🏻枝竹牛仔骨煲👍👍👍🏻椒鹽九肚魚脆香👍🏻👍🏻👍🏻XO 醬炒腸粉👍🏻👍🏻👍🏻懷舊又好好味😋

提示1: 不要吝嗇， 加$6蚊，叫杯凍朱古力有忌廉嘅，你絕對唔會後悔。 提示2: 夠人嘅話，嗌小菜啦，一定大滿足過你嗌碟頭飯。  工作緣故去左城大附近，工作前已經掛住品香樓喇 - 當年城大人嘅老飯堂。 一個人食飯食唯有食返個碟頭飯。南乳雞中翼菜飯，啲雞翼香脆好食，南乳味啱啱好，啲菜飯帶啲油份又香又好食，跟返2條菜，份量真係啱啱好。 再嚟就係凍朱古力跟忌廉，甜得啱啱好，喺呢度食就唔樂求健康飲食喇。朱古力味濃郁，忌廉滑順，一啖朱古力一啖忌廉好過癮。 食物十幾年都保持到水準，夠晒麻甩。環境衛生同服務都十年如一日咁有待改善，但係嚟得茶記食，呢啲都唔介意架啦。

石硤尾南山邨的品香樓是昔日學生時代聚會食飯之地，畢業之後，相隔多年未有前來。這晚和家人去又一城睇戲，特意走過來品香樓吃頓晚飯。我們坐的圓枱是在卡位之間的通道，座位擠迫。而且冷氣過凍，凍到食物好快變凍，凍到連人都想快快吃完便走。明太子炒飯，配料有蟹柳及蟹籽，炒飯都算乾身。加入了蟹籽，有爽脆口感，令炒飯更有咬口。雖然叫明太子炒飯，但不會吃到明太子那陣淡淡鹹香味。蜜桃沙拉骨，沙拉骨香脆得來又啖啖肉，澆上沙律醬及加入蜜桃粒粒，味道酸酸甜甜，幾醒胃。啫啫芥蘭煲，好夠鑊氣，芥蘭嫩綠爽脆，惹味！火焰蜜椒牛柳粒，食物送上桌後，侍應在我們面前點火，將牛柳粒的醬汁燒至吱吱聲，打卡菜式之選！牛柳粒軟稔入味，帶微微蜜甜，很好吃！薯仔脆脆的，好香口～～鍋貼芝麻蝦，賣相一般，像是在蝦多士上隨意的灑上白芝麻及肉鬆，每件都不平均。味道普普通通，蝦膠尚算彈牙。港式脆煎蠔餅，蠔仔份量不多，鹹香度普通，但都算是夠酥脆，入口不會太油膩。風沙雞 (半隻)，面層鋪滿金黃的炸蒜，雞皮炸得香脆，惟肉質有點柴及乾身。七味椒鹽豆腐，豆腐炸得金黃，口感外脆內軟，七味椒鹽的調味恰好，惹味又不會太鹹，大家都吃不停口！凍朱古力，依舊是回憶中的味

黎到石硤尾, 真係會好自然行去南山邨食返次「品香樓」！佢唔係特別好食，但可能係想食返情懷同以前既回憶，食黎食去都係個D致肥菜式蜜桃沙拉骨 (邪惡指數: 😈😈😈😈😈)沙律醬+ 罐頭蜜桃+炸排骨全部都係肥又甜又開口既送，只要即叫即整一定好好食！ 不過排骨炸得有D耐，唔知係咪放係到有客叫再翻炸，口感略硬。無左好熱食入口時個種感覺，失左D分。啫啫通菜煲 (邪惡指數: 😈😈😈😈)叫菜唔一定係健康, 呢碟野又多油又熱氣…但好食&有鍋氣！食左一陣都仲keep住熱辣辣好幸福南乳豬手 (邪惡指數: 😈😈😈😈😈)同行朋友竟然話未食過品香樓，但我地唔係好多人，唔能夠叫晒所有出名菜比佢試。所以就叫左個每次我都一定要叫既豬手，未食過都唔可以話黎過品香樓。南乳味好香，聞落去已經好吸引， 豬手一食又熱、皮又香脆，呢個菜真係明知肥仔都要照食凍朱古力 (邪惡指數: 😈😈😈😈😈)最後唔少得凍朱古力點綴下，上面個pat cream 加上濃郁既朱古力，配搭係好普通！但又忍唔住次次都叫黎飲雖然品香樓已經比起以前差左，伙記D態度都無好過haha，但久不久食下懷緬下以前一大班朋友黎食個種回憶真係加唔少分。。。

難得與老婆在閒日都不用上班,就一起去品香樓吃午餐,品番樓已光顧了很多次,難得是日午餐有最啱情侶或夫婦的浪漫精選,兩公婆就一齊Order 荳腐枝竹火腩飯, 老婆要求少飯量的。不用多講,有圖有真相,的確是料厚味美！

下午茶餐：菠蘿咕嚕飯+福建炒飯南山邨的品香樓是我的其中一間食堂,原因是即叫即炒,合心意又啱胃口, 忙得偷閒約了知已一起外出蛇下,情侶卡位最啱不是情侶一起享用.....你一句,我一句,你一口,我更大口, 好快就 KO 兩碟飯, 人生就是有空就去享受下, 無空就更要懂得去偷空, 謝謝收看！