泰屋餐廳

Open Now

Now Closed

香葉辣椒燒肉飯都幾辣，燒肉切條黎炒幾新鮮，口感都唔錯。泰屋炒飯夠哂鑊氣，飯粒鮮明，帶有甜味，分量十足。裏面有洋蔥、肉片、芥蘭、番茄同蛋。泰式生牛肉湯河啲牛肉係用鮮牛肉，夠哂滑。另外，湯底加左乾蒜粒、芹菜同冬菜增加香味，都幾好食。

餐廳位處在僻靜的後街上，周邊都是住宅區，要識途老馬才知道全部正宗泰菜，由泰國人主理..點選：柚子沙律，柚子清甜，配以新鮮的生蝦，蝦肉有彈性，爽口，混和特制沙律汁，既酸又甜，令胃囗大增燒鷄半只，都幾大portion，鷄肉頗嫩，入味，好吃不辣mild咖喱豬肉，配蒜蓉包，估吾到蒜蓉包甘出色，即叫即做的，香噴噴，夠脆，點以mild咖喱汁，簡直人間美味！泰屋炒飯，又係另一精彩之作，不肥膩，不過咸，炒飯中有芋頭粒及蝦米及旦絲，有口感！成餐飯都食得好滿意！

叫咗個冬陰功扎肉湯河，味道一般，酸而不辣冇椰汁既。扎肉係多既，幼身河粉都滑。茶係泰式既有啲橙味個種，如果未飲過可以試下。地方環境不錯，位唔多，如果lunch食都要排隊。

鰂魚涌泰屋位置都幾偏僻，喺基利路鰂魚涌社區綜合會堂隔離，店仔細細，所以平時星期一至五lunch hour好快就full，我呢個鰂魚涌街坊，會等周末中午先會去幫襯，$50一份午餐連飲品，選擇多，味道不錯，仲要上菜快👍🏻今次叫左泰式金邊粉同泰式肉碎炒粉絲，另外加左個蒜蓉炒椰菜苗。泰式金邊粉附有大量花生碎，仲有雞肉、芽菜、韮菜、蛋、豆腐乾，味道偏甜，不辣。聽說泰國南部的炒金邊粉都是偏甜。泰式肉碎炒粉絲，粉絲炒得夠乾身、彈牙，不太油，夾起一絲絲好分明，唔會成餅野咁。除豬肉碎外，仲有椰菜、雞蛋、紅蘿蔔絲、芹菜，十分足料。蒜蓉炒椰菜苗$55

如果食厭太古城中心及康怡廣場的連鎖餐廳, 推介大家必定要試這間由太古站行5分鐘左右就到的 "Ban Thai 泰屋餐廳"!這裡雖然冇咩裝潢, 地方不大, 但食物味道卻很不錯, 很有泰式風味! 推介大家必點"泰式燒雞"! 泰式燒雞 燒雞需要燒大約15-20分鐘, 一上枱已經聞到很香而且雞皮係燒得好脆好靚! 雞肉亦非常嫰 (當然總有一、兩件係相對沒有那麼嫰)。我和朋友都吃得很安静, 因為大家都只顧一直吃燒雞, 完全沒有空檔講野燒肉炒芥蘭去泰菜餐廳我總會點一道菜, 不知為何總覺得泰式餐廳炒的菜特別好味, 特別有"鍋氣"! 這個燒肉炒芥蘭也炒得不錯, 就是嫌份量稍為少了一點!我和友人也各點了一個椰青, 很甜也夠凍! 

奇怪地，這美味的泰國菜竟然沒有太多的食評、關注，我相信只是大家把這家小店遺忘而已。這一間泰國菜，是由泰國人開辦和打理，可以感覺到食物是有泰國的風味。然而，地舖的細小令等候時間增加，不過，如果你在太古工作、或路經此地、又喜歡食泰國菜，不況到這裡看看。這個午飯，小弟食了泰式肉片炒河，首先，小弟認為炒河/飯必須要有獲氣而這裡正正充滿了熱騰騰的感覺，泰式的河粉和肉片也非常美味。泰式咖啡和奶茶與港式折然不同，是兩種不同口味，如果你喜歡飲港式咖啡、不況嘗嘗泰式咖啡，對我而言，這泰式咖啡、炒河、或是其他菜式，是值得品嘗。價錢合理，味道絕頂，太古午飯第一推薦!!

今天過海吃家族飯，選址在康怡附近太吉樓地下新開的泰國菜- 泰屋。家人試過幾次話好味，泰國人家庭式經營，因此BILL TAI TAI都非常期得。聞說個咖哩蟹$250好得個汁好好味，但今天這個咖哩蟹很瘦，沒有膏，有些失望.... 這個咖哩蟹有段小插曲，話說因為當日蟹的來貨價貴左(老闆娘話)，要收我們$280再送個"椰汁大菜糕"…，不過就此老公大人就覺得不公道，因為餐牌上明明寫$250 ，沒有"時價"這些標示，結果店主都收返$250，這一點店主可以改善一下標價，避免客人誤會。另外叫左個鹽燒魚啖啖肉，好好味，當日條魚好肥美，食極都仲有肉，很滿足！可以ENCORE生蝦刺身$78就好失望，蝦唔新鮮，好細隻，沒有苦瓜片，不推介泰式奶茶$15，很滑，甜味適中，推介馬拉盞通菜$68，有水準，不錯總結︰店子太細，坐位較迫，不太舒適，繁忙時間等候時間會頗長，食物有水準，可以再來。