曼谷車站

Open Now

Now Closed

曼谷車站- 鬧市中的小泰國門面是特色的列車車卡造型設計，以曼谷車站為藍本，內裡貫徹列車的模樣，仿車箱的卡位，大大的車箱玻璃窗，佈置別出心裁。酸辣鳳爪沙律經典泰式小食，爽脆的沙律菜和彈牙的鳳爪，當中加入蕃茄仔、洋蔥，口感豐富了。再加入惹味的酸辣汁，開胃又地道。泰式無骨海南雞份量非常有誠意的海南雞，份量多的雞件，而且是起了骨方便食用，海南雞雞皮滑，雞肉嫩，而且中間有一層薄薄的脂肪啫喱，味道豐富又有層次，另外配上特色的三色醬汁，分別有酸醋汁、蒜蔥油和甜豉油。

呢間裝修到火車站咁既曼谷車站泰式餐廳,無論係環境定係食物,都好似置身泰國咁!開胃又有咬口既酸辣鳳爪沙律, 無骨凍食真係好正,仲醃得好入味添!入面既鳳爪都好多架! 一定唔少得係泰國街邊小食”炒金邊粉”啦 !甜酸開胃,簡單又快速既小炒,最岩香港人既節奏,最中意係佢調配既醬料適中,又唔會太辣!菠蘿冰沙,就算已經步入秋冬季節,都抵擋唔到我想飲菠蘿莎冰既慾望,因為一飲落去就覺得自己置身於泰國…突然間好想飛一轉曼谷添!

離九龍灣地鐵站唔係太遠既得寶商場,最岩中意食泰國菜既我們這一家,不過今次得我同媽咪來,我地叫左泰式豬手同埋泰式海南雞飯,啖啖肉,大滿足😋媽咪話呢間餐廳岩曬一家大細來食飯,佢既座位闊落而且裝修靚,食得都睇得,回歸正傳,講翻食物質素先~正宗泰式豬手(無骨): 燜到好淋既豬手仲要已經拆曬骨,岩曬我呢類懶人,滷水甜甜地唔會太鹹,有好香既泰式香料味道,豬手面頭既果層皮入口即化,好入味,食兩碗飯都仲得!泰式海南雞飯: 呢個海南雞飯已經半隻咁多,肉質鮮嫩,最緊要係佢比既醬料夠多,岩曬我同媽咪一齊開心Share !!👍🏻

天氣逐漸變涼,最適合就係去食泰菜,叫左一碗酸酸辣辣既冬陰功最適合暖身,暖笠笠阿! 碗湯好足料,有我最中意既草菇同蝦,湯頭更加係結合左酸、辣、甜、鮮和香既味道乾炒香葉牛肉河,乾炒牛河係香港就食得多啦,加埋香葉落去炒固然就多佐陣香葉既味道,玉米筍同埋青椒增添佐炒河既顏色燒牛肉睇落就係好嫩滑,好有心機咁有坑紋,燒到好靚,咬落唔硬加上利到裝修好靚,啲位坐得舒服,推介比大家位於牛頭角得寶商場1樓既利間曼谷車站

今次嚟到曼谷車站搵食！ 近來天氣潮濕、有時都幾影響胃口～呢個時候就特別想食泰國菜～曼谷車站餐廳嘅造型成個車站咁～外型已經好剎食！肉碎生菜包小食我揀咗肉碎生菜包肉碎連埋洋蔥、蔥同香料一齊炒～份量都唔算少～因為一上枱就香氣四溢、忍唔住就咁食咗一啖～帶香辣嘅肉碎非常惹味～怕辣的話就要包生菜中和一下泰式炒金邊粉冇乜胃口時最好就係食金邊粉～泰式調味出名香口、醬汁的味道甜絲絲又帶點微辣、加少許青檸汁就非常開胃！金邊粉因為幼身容易吸收鎖住醬汁的味道～而蛋絲及芽菜豐富了口感～還有彈牙的大蝦，整體來說是平民級的美食！

前兩日去牛頭角搵朋友食lunch, 揀咗位於得寶商場嘅曼谷車站, 餐廳嘅裝飾非常可愛, 有好多列車造型嘅擺設, 鋪面都唔細呢~因為係食晏晝, 所以嘢食方面我哋就冇嗌到好多, 我哋嗌咗一份生蝦刺身、 一份泰式無骨海南雞同兩份白飯<生蝦刺身>生蝦刺身食落好鮮甜, 肉質爽口彈牙, 配上獨有嘅醬汁, 味道唔錯!<泰式無骨海南雞>泰式無骨海南雞分量好大, 適合兩個人食用, 雞肉食落好嫩滑而且一啲雪味都冇, 無論配上豉油、豆瓣醬定薑蔥都好好食

呢排天氣突然好熱，搞到個人都無晒胃口，朋友就提議食泰國菜，鐘意佢酸酸辣辣夠醒胃，可以增加食慾！肉碎生菜包嚟食泰國嘢又點少得肉碎生菜包呢～肉粒份量多，生菜新鮮爽脆！香濃惹味嘅肉碎愈嚼愈香，加埋清爽可口嘅生菜包住一齊嚟食，增加口感，味道清新又惹味，開胃醒神。酸辣鳳爪沙律鳳爪肉質爽口，咬落彈性十足，仲好入味，啖啖肉！味道酸酸地，甜甜地又辣辣地，幾種口味互相配合，夠晒味道，真係愈食愈上癮，啱晒呢啲悶熱嘅天氣食，好開胃呀！

之前喺OpenRice已經見過呢間曼谷車站好多好評，而我係喺附近返工，不過一直冇機會食到，今日個同事話想食生蝦，我就提議不如食呢間曼谷車站，然後一收工我哋就過咗嚟牛頭角得寶商場呢間曼谷車站度，我哋等位等左10分鐘左右就入得去，嚟之前其實我喺OpenRice已經睇過評語話呢度裝修好特別，入到黎坐低發現感覺真係幾舒服，好似坐喺火車度食嘢咁，而且嘢食都幾多選擇，有幾款小食想介紹俾大家，佢嘅炸蝦餅，真係食到唔夠喉，炸得好脆，點埋嗰醬食真係好好味，另外我自己覺得食生蝦刺身最重要係睇吓個蝦新唔新鮮，呢度既生蝦你一食落去就知佢係新鮮嘅，而我自己最鍾意嘅就係佢嘅泰式金柚沙律，飯前食真係好開胃覺得好特別，我相信唔係周圍都食得到

我最推介正宗泰式海南雞（無骨），淨係無骨呢個賣點已經夠哂吸引，岩哂我呢啲懶人🤣如果一個人食但又想試下可以直接叫海南雞飯！另外叫左燒牛肉、菠蘿海鮮炒飯同碎肉生菜包燒牛肉都唔錯，啲肉粉紅色燒到岩岩好，唔會太生或太熟，點埋個泰式辣汁真係好夾好好食！超仲意食呢個汁👍🏼而個菠蘿炒飯好料海鮮配料、夠哂鍋氣！碎肉生菜包啲碎肉夠哂多、我覺得可以用燒牛肉包生菜食、點埋個辣汁食別有一番風味！總體黎講都好滿意呢餐,環境同食物質素都好出色!!

得寶商場係一個比較舊式既商場,但入面有一間好新正既泰國菜 “曼谷車站”去之前都上網做佐資料搜集, 原來都幾多人推薦呢間泰國菜見到菜單上面有咁多菜式可以揀,最後叫左泰式炒金邊,蝦膏炒飯,同燒豬頸肉泰式炒金邊我就中意家小小檸檬汁同撈埋花生碎一齊, 令到個味道更加多層次,夠味又夠曬火侯!蝦膏炒飯因為面頭有蛋絲既緣故,聞落唔會好大陣蝦膏味,多佐陣蛋味,唔會太鹹,米飯粒粒分明,有咬口!配埋肉鬆一齊食,幾好味燒豬頸肉係全部入面我最中意既,慣左出街食飯都會叫小食,豬頸肉醃得好入味,而且燒完之後都可以保留豬肉既嫩度同有小小juicy! 幾正架~

中意來曼谷車站既原因係...琳瑯滿目既MENU令我不知從何入手😜所以要來多幾次試勻佢🤪一來到就見到MENU已經分好曬類別,並且有勁多選擇! 今次揀左泰式炒金邊,炸蝦餅,濕炒豬肉河😋😋泰式炒金邊: 充滿鑊氣又大大份既炒金邊,入面既蛋絲最吸引我👍🏽麵身偏幼,彈牙又唔會黏埋一舊咁,都幾容易夾起🥢炸蝦餅: 炸至金黃色又酥脆既外表,一咬落去真係卜卜脆,入面仲係好熱辣辣♨️加埋泰式辣醬一流💯濕炒豬肉河: 無諗過炒河都可以芶芡汁一齊落去煮,港式通常係乾炒,仲有唔同蔬菜一齊落去炒,多左一份蔬菜既甜味👍🏽

今晚來到牛頭角的曼谷車站，同朋友揀左食呢間泰菜，無論係位置同服務都令人感到煥然一新，安坐之後揀左好耐，因為樣樣都咁吸引！最後點左份小食拼盤，另加主食菠蘿海鮮炒飯，先介紹番份小食，睇落真係好吸引，色水好靚！食落緊係正啦！絕對唔會太肥膩，每樣小食同配搭嘅兩種醬汁都好夾！大家一定要試吓！另外份炒飯真係食過翻尋味！配埋肉鬆同香脆可口嘅腰果，完全係無得輸啦！好fresh 好juicy!!一啖接一啖，食完啲滿足感出晒嚟！我仲有好多美食想試，下次一定會約埋一大班朋友同我再次反叮！大家都快啲試吓啦！

突然間想食冬蔭功，放工約咗friend近近哋去食因為九龍灣呢個位比較就雙方，而且呢間價錢唔貴埋單每人100左右都好化算又去唔到旅行住，唯有喺香港搵住呢啲食住先裝潢以車站為藍本，呼應餐廳個名設計係有心思嘅，外面係車廂入面亦有車卡嘅設計，有扶手車窗手環等不嬲覺得香港食外國嘢一定無當地咁好食架啦只係味道合格有餘已經好好好彩我唔係成日中伏，有時仲揀咗啲幾好味添冬蔭功湯 $68 for Small店員問大定細，我哋兩個女仔要個細就夠啦估計大應該食唔晒，大應該係比3個或以上食果然細已經好足夠啦冬蔭功好多香料，有一隻開邊嘅大蝦碌令湯底入味之餘亦方便我哋兩個人share食湯底味道好香濃，不過食到底味道更濃，辣味更重菠蘿海鮮炒飯 $72呢個係簡單菠蘿粒炒飯，再以菠蘿伴碟入面仲有蝦魷魚青口等海鮮炒炒得唔錯，粒粒飯粒幾乾爽味道亦好足夠，鹹度剛好，菠蘿味中和返芒果糯米飯 $48糯米飯入口好煙韌，有嚼勁芒果酸甜味都夠，係略嫌有少少乾，唔夠濕潤龍眼冰 $25味道偏甜，好香甜，好適合食完飯之後飲飲完好爽，泰國食物比較重味同香料重所以飲杯甜嘢解去重味就好舒服但龍眼肉濕潤啲無咁乾就更好

難得入牛頭角梗係搵間好食啲嘅餐廳食啦，我就平時比較少喺牛頭角我住新界嗰邊，咁我見OpenRice嘅食評寫呢間泰國餐廳好似好好食咁咁我就一於試吓啦，之後同朋友就入咗去食啦，咁我同朋友兩個人食都係叫返啲平常餐廳有嘅嘢，但係今次我特定要讚下春卷同埋鳳爪，春卷炸得外脆內院仲有少少汁緊好好食😋仲有個鳳爪食完我仲外賣左多一份返屋企食因為個鳳爪好爽口，會有追想食衝動，加埋佢啲洋蔥同配菜口感好新鮮好爽朗辣到啱啱好，完全可以睇住電視當小食禁食所以忍唔住買多一盒返去食， 屋企人當然有一齊食個個都話買得好！大家一定要去食。

好耐無食過泰菜，見近近地又有好多正平就決定試下！無失望😍！疫景下都坐滿一半人，仲見不斷有外賣單！服務態度勁好，見有小朋友即安排坐卡位，坐得好舒服，落單自己寫，可以慢慢揀！味道泰菜黎講偏淡，好適合一家大細去食