曼谷車站

Open Now

Now Closed

今次係我第三次食利間曼谷車站，繼上次試完佢個燒牛肉，勁好食，我成日都想返黎再食多次，但又好想試下其他野。經過我一輪忐忑，終於今次再黎試佢個泰式無骨海南雞，另外我再叫左泰式金柚沙律，炸蝦餅。泰式無骨海南雞真係唔會失望，係好食既，有雞味之餘皮同肉都好滑。泰式金柚沙律真係令我喜出望外，甜甜地之餘仲有勁多蝦。炸蝦餅好食，份量多，蝦肉彈牙，外面又炸得夠脆，真係好滿足。曼谷車站，真心推介比大家，唔貴又好食既泰國餐廳，一間以火車車卡為主題既餐廳，雖然比較多人，但係係值得既！

今日過咗嚟牛頭角呢邊打波，同班波友不嬲打完波都會去食下野，通常都會去下大排檔呢啲。🤩今次有啲特別，其中一個friend提議話去附近一間食泰國嘢嘅餐廳度😋，咁我哋都冇意見，我哋嚟到嘅時候已經係八點左右，比較多人，等左一陣位，店員就帶我地入去坐啦，呢度都幾得意裝飾到好似火車咁。🚋而啲嘢食都好好食，有幾樣我自己覺得好正嘅，佢嘅泰式無骨海南雞飯🐔，唔會好多肥膏，肉質夠嫩，佢個炸蝦餅🦐真係好好食，係必點小食，仲有佢個菠蘿海鮮炒飯🍍，菠蘿唔會好酸而且炒得好好，睇嚟呢度嘅廚師火候拿捏得好好。間餐廳水準都算幾好，會再黎食😎

午飯時間去得寶花園探朋友前見到這間車仔隔格的泰菜店。目測空間寬闊，大部分是卡位，決定試一試。打開menu琳瑯滿目 ,不知從何選擇好。一個人唯有只點一客沙律和一個無骨豬手試試。正宗泰式無骨豬手很大隻的充滿骨膠原無骨豬手， 已經全起骨， 非常軟淋，鹵水咸度適中，非常入味，一開二鹵水蛋點綴了單調的豬手。泰式金柚沙律用上泰國 柚子做出的金柚沙律， 柚子非常清新，沙律混合多種配料，紅洋蔥、芫荽、羅勒葉、香茅、花生碎•••• 吃起來非常多層次。

同屋企人食飯，緊係食餐好嫁啦！呢間泰國料理第一次黎食，總體感覺都幾抵食，坐既座位幾闊落舒服，環境唔錯，食物品種都幾多！我地點左兩個主菜：菠蘿海鮮炒飯、泰式蝦炒金邊粉另外叫左生蝦刺身、炸蝦餅、泰國金柚沙律同埋酸辣鳳爪沙律🥗我覺得呢到啲食物都幾好食，質素唔錯而且個份量幾幾多！我個人推薦🥢菠蘿海鮮炒飯、🥢酸辣鳳爪沙律同埋🥢炸蝦餅👍🏼呢到既飲品都唔錯，叫左個椰王同椰汁冰，食完咁濃味既食物，飲返啲清甜啲既飲品就岩哂喇！

昨天朋友相約一同前往牛頭角吃飯，其實餐廳正確位置是位於九龍灣地鐵站附近，路程約需八分鐘左右的商場之內，地理上還算方便。 餐廳裝橫方面， 有點像車站的設計， 內裏座位寬闊，十分舒適， 加上商場中央冷氣充足，還算不錯。泰式馬拉盞炒通菜， 充滿泰國特色，看起來雖然份量不多，但作為蔬菜絕對稱得上佛心， 味道方面， 少少辣帶點鹹香味， 最重要沒有多餘的醬汁。菠蘿海鮮炒飯， 味道和平常的沒有大分別， 但我最驚喜的就是他不是用菠蘿外殼包裝炒飯， 這樣看起來更加衛生。

呢排日日係屋企食飯，今日突然好想食泰國野，就黎左呢間試下☺-🥢生蝦刺身一黎就緊係要整返個泰式嘅前菜啦！啲生蝦望落都好晶凝通透☺而且食落都爽口👍🏻個泰式汁好正，酸酸辣辣勁開胃😋🥢正宗泰式無骨豬手見到佢個樣都知佢入味！啲皮好爽口好好食加上無骨啖啖肉，簡直爽呀！而豬手都有配返個泰式醬食，一樣好夾😁🥢菠蘿海鮮炒飯個炒飯望落都幾足料，都算多海鮮👍🏻啲海鮮都唔會係細細粒，而最滿意係佢用左新鮮菠蘿😁好甜個飯都炒得唔錯，算粒粒分明，仲加埋肉鬆，加分！正🥳🥳

聽朋友介紹呢間泰式餐廳都唔錯，就同男朋友過黎試下。我地叫左冬陰公湯，泰式炒金邊粉，海南雞同埋一份生蝦刺身。我比較鐘意食呢到既泰式炒金邊粉，除左味道好食之外個份量都好夠，啲料又多，有我仲意食既蝦同雞蛋配料，啲蝦好新鮮！海南雞都一向好受大家喜愛，我都唔倒外，啲肉質好滑，又新鮮！正呀而且食物擺設得好整齊！仲有醬料可以調味點黎食！另外生蝦刺身既擺設都好令，好似一朵花咁，點落啲酸辣汁到食，都好好食！仲有冬陰公湯都好多料，仲可以加配白飯撈黎食，岩哂依加凍冰冰既天氣暖下胃！

今日阿仔話悶左咁多日，不如收工出街食，佢話想食下泰國野，我即刻上openrice睇下有無好推介，睇左幾間send左比阿仔睇，阿仔就揀咗去九龍灣曼谷車站，收工join埋個仔就即刻過去，7點鬆啲雖然已經好多人等位，但都唔算等得好耐就有位啦😃。我地叫左個🥢正宗泰式無骨豬手，豬手已去骨，啖啖肉又入味，豬皮煙煙靱靱，骨膠十足😋，阿仔超鍾意食，差唔多成碟佢食晒🤣，最後食埋隻蛋減去d油膩咁。🥢泰式蝦炒金邊粉 - 個粉炒得好乾身唔油，加埋韮菜同芽菜，加多重爽口同香氣，再加小小青檸汁落一齊食，更加開胃😋。🥢招牌泰式咖喱炒大蝦 - 唔會太辣，但咖喱味極濃，蝦亦好彈牙，最正係個汁杰杰地，其實最適合就係叫份蒜蓉飽點黎食，不過可惜今晚已食得飽飽啦。下次一定要帶埋其他屋企人黎食，到時可以嗌多啲野食下，尤其最想試埋個肉碎生菜🥬包😋。

-正宗泰式豬手（無骨）我成日都覺得食肉去骨真係好正🤤食落口啖啖肉既感覺真係好正好滿足！而且呢到豬手夠淋夠入味，夠哂出色！-冬陰功湯湯既味超濃超好飲👍🏼🤤加埋香蔥同芫荽個味更加出！而且個湯好多配料，可以加碗飯咁食！又香又濃！係呢到既廚師推介！-小食拼盤無論係幾時都好，炸物一樣咁好食🤤特別係蝦餅同春卷！真係我最愛啊！外脆內軟到不得了，配埋泰式醬仲正！餐廳幫你全部一開二，好方便食，一啖放落口超滿足！-馬拉盞通菜食通菜一定要簡馬拉盞通菜，個味又香又濃！呢到既份量都幾多，啲菜一啲都唔老，仲好嫩好好食！

曼谷車站 一向仲意食菠蘿🍍既我當然要試下呢度既菠蘿海鮮炒飯呢度既菠蘿炒飯超足料有蘿蔔、蝦、魷魚、腰果做配料飯上面仲有肉鬆添啊全部都係我最愛食既野❤當然都唔少得我最愛既菠蘿開頭我以為會係切開一粒粒上枱先知原來係一大塊菠蘿肉真係超滿足❤🤤仲有啲腰果超脆超香口肉鬆撈埋啲飯食真係好好食👍🏼海鮮都非常新鮮另外都叫左馬拉盞通菜同埋海南雞，配白飯食一流！啲雞又滑又嫩好出色！通菜既份量真係好多我覺得呢到既價錢都唔會貴，而且好合理高質泰式料理，推薦👍🏼

今日同朋友專登來食椰子雞湯取暖,入到餐廳就被佢既裝修吸引左,以火車內部為裝修基礎既餐廳, 有小小千與千尋既感覺除左食得都睇得~熱炒 ,用馬拉盞炒過既芥蘭特別香,尤其係對切左既芥蘭,更加可以吸到馬拉盞既味道, 送飯一流熱炒 ,呢個濕炒豬頸肉加埋芡汁一齊食相對地無咁乾,仲有小小蔬菜一齊做配料,五顏六色幾靚重頭戲 朋友指名要飲椰汁雞湯, 下面仲有個小火爐reheat住, 每一啖都熱辣辣,濃郁既椰香,加埋雞湯一齊, 啖啖都好香阿~~

近排疫情嘅原因 都少咗機會出去外國旅行特別係泰國呢排都唔俾香港入境於是我既泰國菜誘發啦！-今次我行過嚟呢一度睇一睇OpenRice就見到呢一間泰國餐廳 望落外面都唔錯！而呢一間鋪頭係位於牛頭角，名叫曼谷車站！-今次我入到黎就試咗兩個菜: 🍖正宗泰式無骨豬手呢一個真係好好食！佢整到個豬皮爽爽嘅質地，一邊儲高位又唔會太肥太油膩嘅感覺，勝在D肉好咬口！係好食嫁！而且非常之鬆軟亦都非常之入味唔會好似其他店舖咁樣得個樣咁。-🥬肉碎生菜包呢個真係必點嘅菜式，裏面嘅肉肥瘦比例啱啱好，又唔會太乾身，又有少少辣，保證有肉汁， 配合埋佢呢個爽脆意健康嘅生菜包起上嚟食真係好Flash啊！

這間位於牛頭角的曼谷車站裝修非常特別，列車設計跟店名很配合，吸引了不少網友黎打卡。這天來附近一帶工作，點了一碟泰式蝦炒金邊粉及鹹魚炒芥蘭。泰式炒金邊粉金邊粉香氣十足，裡有大蝦、芽菜和雞蛋絲的配料。配料——芽菜爽口，雞蛋絲的份量也挺多的；蝦球肉質彈牙而且挺大隻的，吃時更可配上碟旁的青檸檬汁，很不錯。整碟金邊粉炒得非常入味而且不會太油膩，火喉十足，而且味道酸酸辣辣（適合本人的口味），既惹味又開胃呢。泰式鹹魚炒芥蘭在街吃炒菜最怕炒得過火又多油。這碟炒芥蘭顏色翠綠，挺新鮮的。芥蘭開邊快炒，鑊氣十足，配上鹹魚既鹹香很下飯呢。

好耐無食過泰國野,好掛住泰國炒飯於是來到呢間係九龍灣小有名氣既曼谷車站,佢既裝修好用心,就算係香港食泰國野,都食到果種泰國街邊既鑊氣! 香港人最中意食有鑊氣既野,既然係咁一定吾少得蝦膏炒飯啦!吵到粒粒分明之餘,仲有泰國臘腸粒係入面添,大大碗好夠食! 乾炒香葉牛肉河更加係香氣撲鼻, 油被香葉浸過之後,每一啖都有香葉既清香,碟牛河多佐一種獨特既香味! 炸到好出色同酥脆既春捲有10件(對切),沾埋秘製既甜辣醬更加惹味!

返工lunch一支公想食泰國野，經過呢間餐廳就試下啦，一個人只係叫左2個簡單小菜，第一樣係泰菜必食既肉碎生菜包，佢既肉碎同生菜份量都好足夠，生菜爽爽聲好新鮮，而且菜冇蟲洞好完整，靚菜，肉碎頗香同惹味，有少少辣椒，仲有洋蔥，香草同其他唔同香料配合，味道剛剛好，唔洗驚口淡淡，而第二樣係鹹魚炒芥蘭，一上枱就勁香噴噴既鹹魚味，份量恰好，醬汁都幾好味，職員落單同上菜好快手，肚餓既我地唔洗驚要等好耐，下次會再黎試下其他菜式！